Éxodo 35
35
Jamay junaqcho jamayänanpaq tantiyasishqan
1Lapan Israel runakunata shuntaykurmi Moisés nirqan: <<Tayta Diospa mandamientunkuna kaykunami: 2Semänacho soqta junaq aruyanki. Qanchis kaq junaqchöqa sagrädu kaptin Tayta Diosta adorashpayki jamayanki.#Éxo. 20.8-11; 23.12; 31.15; 34.21; Lev. 23.3; Deut. 5.12-14. Pipis say junaqcho aruq kaqqa wanusishqami kanqa. 3Jamay junaqchöqa maycho tarpis ninata ama sarisiyankisu>>.
Sagrädu Tolduta rurayänanpaq ofrendata shuntayashqan
Éxodo 25.1-7
4Saypitanami Israel runakunata Moisés nirqan: <<Tayta Diosmi nish: 5Tayta Diospaq ofrendayta munarqa lapan voluntäninwan apayämunqa qorita, qellayta, broncita, 6azul, granäti y puka milwa jïlukunata, llanula puskash lïnu jïluta y cabrapa aqsanpita puskash jïlutapis. 7Saynöpis apayämunqa pukaman tiñish uysha pirqashta, fïnu qarata, acacia qeruta, 8candelabru ratananpaq aceitita, sagrädu aceitimanpis inciensumanpis takusinanpaq mushkuq jachakunata, 9ónice rumikunata y wakin kuyaylapaq rumikunatapis. Say rumikuna kayanqa mandaq cürapa efodnintawan pectoralninta#Éxo. 28.6-30. adornayänanpaqmi.
Sagrädu Tolducho kaqkunata rurayashqan
Éxodo 39.32-43
10<< <Qamkunacho mayqaykipis habilidäyuq kaqkunaqa shayämunki Tayta Dios nimashqankunata shumaq rurayänaykipaq. 11Paymi nimash Sagrädu Tolduta ruranansipaq. Saymi ruranansipaq kaykan cuartunkuna, qatanankuna, ganchunkuna, marcunkuna, travesäñunkuna, jorconninkuna y jawiräkunankunapis. 12Saynöpis ruranansipaq kaykan Pactu Babul, wintukuna qerunkuna, babulpa sapanan, cuartuta ishkayman rakinanpaq cortïna, 13mësa, wintukuna qerukuna, mësapa manëjunkuna, mësacho churaränanpaq jatusaq tantakuna, 14aksi ratananpaq candelabru, candelabrupa manëjunkuna, mechërunkuna, aksi ratananpaq aceiti, 15inciensuwan qoshnisikuna altar, say altar wintukuna qerukuna, sagrädu aceiti, mushkuq inciensu, Sagrädu Tolduman yaykuna cortïna, 16sacrificiuta rupasina altar, broncipita rurash rejïllan, altar wintukuna qerukuna, altarpa manëjunkuna, jamakunantin broncipita lavatoriu, 17patiupa cortïnankuna, patiupa jorconninkuna, jorconkunapa jawiräkunan, patiupa punkunta saparaq cortïna, 18Sagrädu Tolduta ichisinanpaq estäcankuna waskantin y patiupa jorconninkunapa estäcankuna waskantin. 19Saynöpis ruranansipaq kaykan Tinkuna Sagrädu Tolducho cüra Aarón jatikunanpaq kaq sagrädu mödanakuna y surinkuna jatikuyänanpaq mödanankunapis> >>.
Ofrendata apayashqan
20Moisés sayno niptinmi Israel runakuna aywayarqan imatapis kashqanpita apayänanpaq. 21Saymi Tinkuna Tolduta sharkasiyänanpaq ofrendata churayta munaqkuna Tayta Diospaq apayarqan. Saynöpis apayarqan manëjunkunata rurayänanpaq y cüra jatikunan sagrädu mödanakunata rurayänanpaqpis. 22Saymi ofrendayta munaqkuna olqupis warmipis apayarqan tikpinkunata, zarcïllunkunata, sortïjankunata, walqankunata y qoripita rurash kaqtaqa imatapis. Saykunata lapantami Tayta Diospaq apayarqan. 23Saynöpis kashqanpitami apayarqan azul, granäti y puka milwa jïlukunata, llanula puskash lïnu jïluta, cabrapa aqsanpita puskash jïluta, pukaman tiñish uysha pirqashta y fïnu qaratapis. 24Saynöpis kashqanpitami Tayta Diospaq apayarqan qellaytawan broncita. Wakinqa Tinkuna Sagrädu Tolduta sharkasinanpaq apayarqan acacia qeruta.
25Puskayta yachaq warmikunapis apayarqan azul, granäti y puka milwa jïlukunata y llanula puskash lïnu jïlutapis. 26Saynöpis puskayta yachaq warmikuna cabrapa aqsanta puskayarqan. 27Israel runakunapa mandaqninkunana apayarqan ónice rumikunata y wakin kuyaylapaq rumikunatapis. Say rumikunaqa kayarqan mandaq cürapa efodnintawan pectoralninta adornayänanpaqmi. 28Saynöpis apayarqan aceitita candelabru ratananpaq. Saynöpis sagrädu aceitita rurayänanpaq y inciensuman takusiyänanpaqpis mushkuq jachakunata apayarqan. 29Ofrendayta munaqkuna olqupis warmipis kikinkunapa voluntäninpita apayarqan Tayta Dios nishqanno Tinkuna Sagrädu Tolduta sharkasiyänanpaq.
Habilidäyuq runakunata aruyänanpaq Moisés churashqan
Éxodo 31.2-6
30Israel runakunatami Moisés nirqan: <<Uripa surin y Hurpa wilkan Bezaleeltami Tayta Dios akrash Sagrädu Tolduta rurananpaq. Judá trïbupitami pay kaykan. 31Tayta Dios habilidäta qosh kaptinmi ima ruraytapis Bezaleel shumaq yachan. 32Qoripita, qellaypita y broncipita kuyaylapaq kaqkunata rurananpaqpis habilidänin kanmi. 33Kuyaylapaq rumikunatapis laqlayta yacharmi sararäkunanta shumaq rurar kamaraqla kananpaq siguran. Saynölami qerupitapis rurayta yachan y tukuy niraq kuyaylapaqkunata ruran.
34<<Bezaleelta y Ahisamacpa surin Aholiabtapis Tayta Diosmi habilidäta qosh wakin runakunata yachasiyänanpaq. Aholiabqa Dan trïbupitami kaykan. 35Ishkantami Tayta Dios habilidäta qosh imatapis kuyaylapaqta rurayänanpaq, azul, granäti y puka milwa jïlukunawan y llanula puskash lïnu jïlukunawan imatapis bordayänanpaq y kuyaylapaqkunata awayänanpaqpis.
Currently Selected:
Éxodo 35: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Éxodo 35
35
Jamay junaqcho jamayänanpaq tantiyasishqan
1Lapan Israel runakunata shuntaykurmi Moisés nirqan: <<Tayta Diospa mandamientunkuna kaykunami: 2Semänacho soqta junaq aruyanki. Qanchis kaq junaqchöqa sagrädu kaptin Tayta Diosta adorashpayki jamayanki.#Éxo. 20.8-11; 23.12; 31.15; 34.21; Lev. 23.3; Deut. 5.12-14. Pipis say junaqcho aruq kaqqa wanusishqami kanqa. 3Jamay junaqchöqa maycho tarpis ninata ama sarisiyankisu>>.
Sagrädu Tolduta rurayänanpaq ofrendata shuntayashqan
Éxodo 25.1-7
4Saypitanami Israel runakunata Moisés nirqan: <<Tayta Diosmi nish: 5Tayta Diospaq ofrendayta munarqa lapan voluntäninwan apayämunqa qorita, qellayta, broncita, 6azul, granäti y puka milwa jïlukunata, llanula puskash lïnu jïluta y cabrapa aqsanpita puskash jïlutapis. 7Saynöpis apayämunqa pukaman tiñish uysha pirqashta, fïnu qarata, acacia qeruta, 8candelabru ratananpaq aceitita, sagrädu aceitimanpis inciensumanpis takusinanpaq mushkuq jachakunata, 9ónice rumikunata y wakin kuyaylapaq rumikunatapis. Say rumikuna kayanqa mandaq cürapa efodnintawan pectoralninta#Éxo. 28.6-30. adornayänanpaqmi.
Sagrädu Tolducho kaqkunata rurayashqan
Éxodo 39.32-43
10<< <Qamkunacho mayqaykipis habilidäyuq kaqkunaqa shayämunki Tayta Dios nimashqankunata shumaq rurayänaykipaq. 11Paymi nimash Sagrädu Tolduta ruranansipaq. Saymi ruranansipaq kaykan cuartunkuna, qatanankuna, ganchunkuna, marcunkuna, travesäñunkuna, jorconninkuna y jawiräkunankunapis. 12Saynöpis ruranansipaq kaykan Pactu Babul, wintukuna qerunkuna, babulpa sapanan, cuartuta ishkayman rakinanpaq cortïna, 13mësa, wintukuna qerukuna, mësapa manëjunkuna, mësacho churaränanpaq jatusaq tantakuna, 14aksi ratananpaq candelabru, candelabrupa manëjunkuna, mechërunkuna, aksi ratananpaq aceiti, 15inciensuwan qoshnisikuna altar, say altar wintukuna qerukuna, sagrädu aceiti, mushkuq inciensu, Sagrädu Tolduman yaykuna cortïna, 16sacrificiuta rupasina altar, broncipita rurash rejïllan, altar wintukuna qerukuna, altarpa manëjunkuna, jamakunantin broncipita lavatoriu, 17patiupa cortïnankuna, patiupa jorconninkuna, jorconkunapa jawiräkunan, patiupa punkunta saparaq cortïna, 18Sagrädu Tolduta ichisinanpaq estäcankuna waskantin y patiupa jorconninkunapa estäcankuna waskantin. 19Saynöpis ruranansipaq kaykan Tinkuna Sagrädu Tolducho cüra Aarón jatikunanpaq kaq sagrädu mödanakuna y surinkuna jatikuyänanpaq mödanankunapis> >>.
Ofrendata apayashqan
20Moisés sayno niptinmi Israel runakuna aywayarqan imatapis kashqanpita apayänanpaq. 21Saymi Tinkuna Tolduta sharkasiyänanpaq ofrendata churayta munaqkuna Tayta Diospaq apayarqan. Saynöpis apayarqan manëjunkunata rurayänanpaq y cüra jatikunan sagrädu mödanakunata rurayänanpaqpis. 22Saymi ofrendayta munaqkuna olqupis warmipis apayarqan tikpinkunata, zarcïllunkunata, sortïjankunata, walqankunata y qoripita rurash kaqtaqa imatapis. Saykunata lapantami Tayta Diospaq apayarqan. 23Saynöpis kashqanpitami apayarqan azul, granäti y puka milwa jïlukunata, llanula puskash lïnu jïluta, cabrapa aqsanpita puskash jïluta, pukaman tiñish uysha pirqashta y fïnu qaratapis. 24Saynöpis kashqanpitami Tayta Diospaq apayarqan qellaytawan broncita. Wakinqa Tinkuna Sagrädu Tolduta sharkasinanpaq apayarqan acacia qeruta.
25Puskayta yachaq warmikunapis apayarqan azul, granäti y puka milwa jïlukunata y llanula puskash lïnu jïlutapis. 26Saynöpis puskayta yachaq warmikuna cabrapa aqsanta puskayarqan. 27Israel runakunapa mandaqninkunana apayarqan ónice rumikunata y wakin kuyaylapaq rumikunatapis. Say rumikunaqa kayarqan mandaq cürapa efodnintawan pectoralninta adornayänanpaqmi. 28Saynöpis apayarqan aceitita candelabru ratananpaq. Saynöpis sagrädu aceitita rurayänanpaq y inciensuman takusiyänanpaqpis mushkuq jachakunata apayarqan. 29Ofrendayta munaqkuna olqupis warmipis kikinkunapa voluntäninpita apayarqan Tayta Dios nishqanno Tinkuna Sagrädu Tolduta sharkasiyänanpaq.
Habilidäyuq runakunata aruyänanpaq Moisés churashqan
Éxodo 31.2-6
30Israel runakunatami Moisés nirqan: <<Uripa surin y Hurpa wilkan Bezaleeltami Tayta Dios akrash Sagrädu Tolduta rurananpaq. Judá trïbupitami pay kaykan. 31Tayta Dios habilidäta qosh kaptinmi ima ruraytapis Bezaleel shumaq yachan. 32Qoripita, qellaypita y broncipita kuyaylapaq kaqkunata rurananpaqpis habilidänin kanmi. 33Kuyaylapaq rumikunatapis laqlayta yacharmi sararäkunanta shumaq rurar kamaraqla kananpaq siguran. Saynölami qerupitapis rurayta yachan y tukuy niraq kuyaylapaqkunata ruran.
34<<Bezaleelta y Ahisamacpa surin Aholiabtapis Tayta Diosmi habilidäta qosh wakin runakunata yachasiyänanpaq. Aholiabqa Dan trïbupitami kaykan. 35Ishkantami Tayta Dios habilidäta qosh imatapis kuyaylapaqta rurayänanpaq, azul, granäti y puka milwa jïlukunawan y llanula puskash lïnu jïlukunawan imatapis bordayänanpaq y kuyaylapaqkunata awayänanpaqpis.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.