Éxodo 11

Qechpa kaqkuna wanuyänanpaq tantiyasishqan

1Saymi Moisésta Tayta Dios nirqan: <<Yapayraqmi Faraónta y Egipto runakunata castigashaq. Sayraqmi kaypita aywakuyänaykipaq kikin qarquyäshunki. 2Kanan Israel runakunata olqutapis warmitapis yäsiy qellaypita y qoripita rurash alhäjakunata Egipto runakunata cada ünun manakuyänanpaq>>.

3 Tayta Diosmi Egipto runakunapa yarpayninman churarqan Israel runakunata ali rikayänanpaq. Saynölami Faraónpa mandäsiqninkunawan wakin Egipto runakunapis yarpäyarqan Moisés imaykapaqpis munayyuq kashqanta.

4Saymi Faraónta Moisés nirqan: <<Tayta Diosmi nish: <Pulan paqasmi intëru Egiptupa päsashaq. 5Noqa päsaptïmi lapan Egipto runakunapa qechpa olqu surinkuna wanuyanqa. Faraónpa qechpa surinpita qalaykur mulinucho aqakuq ashmay warmipa wawanpis qechpa kaqqa wanunqami. Saynölami lapan malta uywakunapa punta yuriq orqu wawankunapis wanur ushakäyanqa. 6Sayno wanupakurmi Egiptucho runakuna fiyupa lakikuyashpan waqayanqa. Sayjinanpaqa manami imaypis Egiptucho waqayarqansu y yapayqa manami sayno waqayanqasu> >>.

7<<Egipto runakuna sayno waqayaptinpis Israel runakuna täyashqan kaqchöqa manami alqulapis aulanqasu. Israel runakuna kaqcho runakunapis y uywakunapis mana wanuyaptinmi musyayanki Israel runakunata Tayta Dios kuyashqanta. 8Sayraqmi mandäsishuqnikikunapis nawpäman qonqurpakuykur niyämanqa: <Israel runakunata kaypita pushakurkur aywakuy>. Manaraq sayno niyämaptinqa manami yarquyäshaqsu>>.

Sayno niskirmi fiyupa rabyash Faraónpa nawpanpita Moisés aywakurqan.

9Saypitanami Moisésta Tayta Dios nirqan: <<Qamkuna imata niyaptikipis Faraónqa manami cäsuyäshunkisu. Saymi kay Egiptucho mansariypaq castïgukunawan castigashaq>>.

10Faraónpa nawpancho Moiséswan Aarón mansariypaq kaqkunata rurayaptinpis Tayta Diosmi Faraónpa shonqunta chukruyäsirqan. Saymi Israel runakuna Egiptupita yarquyänanta Faraón kachaparqansu.

Currently Selected:

Éxodo 11: qvhB

Highlight

Copy

Compare