Éxodo 1
1
Egiptucho Israel runakuna mirayashqan
1Egiptuman Jacob aywakuptinmi lapan surinkunapis warmintin surintin aywakuyarqan. Jacobpa surinkunapa jutinkunami kayarqan 2Rubén, Simeón, Leví, Judá, 3Isacar, Zabulón, Benjamín, 4Dan, Neftalí, Gad y Aser. 5Surinkunawan y wilkankunawanmi Jacobqa Egiptuman qanchis chunkantin (70) chäyarqan.#1.5 Septuaginta niyashqan unay griego traduccioncho qanchis chunka pisqa (75) kashqantami nin. Saynölami Hech. 7.14 nikan. Surin Josémi isanqa Egiptuchöna kaykarqan.#Gén. 46.8-27.
6Saychömi Josépis, wawqinkunapis y paykunawan chaqkunapis wanuyarqan. 7Paykunapita miraqkunami tishyayparaq mirayarqan.
Egiptucho Israel runakuna nakayashqan
8Saypitaqa Egiptucho rey kananpaq juknami yaykurqan. Say reyqa José pï kashqantapis mananami musyarqansu. Saymi Egipto runakunata nirqan: 9<<Taytakuna, tantiyakushun. Israel runakuna aläpa mirarmi noqansipitapis masna kaykäyan. 10Sayno mana mirayänanpaq imalatapis rurashun. Saynöla mirarqa contransikunaman talukaykur tikrapämaptinsi vinciyta manami kamäpakushunsu. Vincirkamashpansimi kaypita aywakuyanqa>>.#Hech. 7.14-19.
11Sayno wilanakuskirmi capatazkunata churayarqan Israel runakunata maqa maqarkur arusiyänanpaq. Sayno arusirmi Pitón y Ramesés markakunata sharkasiyarqan. Say markakunachömi Faraónpa#1.11 Faraónqa Egipto nacionpa mandaqnin reymi karqan. mikuy churakunan tröjankuna karqan. 12Fiyupa nakasiyaptinpis Israel runakuna masmi mirayarqan. Sayno mirayaptinmi Egipto runakuna fiyupa mansariyarqan. 13Saymi mas aja aruykunachöna arusiyarqan. 14Mitutapis jarusir, tikata#1.14 Wakin runakunaqa adöbita niyan. sutasir y chakrankunachöpis arusirmi fiyupa nakasiyarqan. Lapan aruychöpis Israel runakunata fiyupami nakasiyarqan.
15Saynöpis Egipto nacionpa mandaqnin rey qayasirqan Sifratawan Fúata. Paykunaqa hebrea warmikunapa partërankunami kayarqan. Qayaykasirmi nirqan: 16<<Hebrea warmikuna qeshyakuyaptin yuripakasiq aywar rikayanki wawan olqu kashqanta o warmi kashqantapis. Olqu kaptinqa jukla wanusiyanki. Warmi kaptinqa ama wanusiyankisu>>.
17Sayno nikaptinpis partërakuna Tayta Diosta mansapakur manami Egipto nacionpa mandaqnin rey nishqanta rurayarqansu. Saymi olqu yuriptinpis wanusiyarqansu. 18Sayta musyaykurmi Egipto nacionpa mandaqnin rey yapay partërakunata qayaykasir nirqan: <<¿Imanirtaq olqu yuriqkunata wanusiyankisu?>>
19Sayno niptinmi niyarqan: <<Hebrea warmikuna manami Egipto warmikunanösu, taytay. Say warmikuna mas fuerti karmi manaraq chäyaptï yuripakuskiyan>>.
20Saynöpami Israel runakuna mas askaman mirayashpan mansariypaq rikakuyarqan. 21Tayta Diosta mansapakur olqu yuriqkunata mana wanusiyashqanpitami partërakunapa ayllunkuna askaman mirayänanpaq Tayta Dios shumaq rikarqan.
22Saymi lapan Egipto runakunata Faraón nirqan: <<Hebreo runakunapa olqu surin yuriptinqa lapanta mayuman qarpuyanki. Warmi yuriptin isanqa kachaykuyanki>>.#Hech. 7.19.
Currently Selected:
Éxodo 1: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
Éxodo 1
1
Egiptucho Israel runakuna mirayashqan
1Egiptuman Jacob aywakuptinmi lapan surinkunapis warmintin surintin aywakuyarqan. Jacobpa surinkunapa jutinkunami kayarqan 2Rubén, Simeón, Leví, Judá, 3Isacar, Zabulón, Benjamín, 4Dan, Neftalí, Gad y Aser. 5Surinkunawan y wilkankunawanmi Jacobqa Egiptuman qanchis chunkantin (70) chäyarqan.#1.5 Septuaginta niyashqan unay griego traduccioncho qanchis chunka pisqa (75) kashqantami nin. Saynölami Hech. 7.14 nikan. Surin Josémi isanqa Egiptuchöna kaykarqan.#Gén. 46.8-27.
6Saychömi Josépis, wawqinkunapis y paykunawan chaqkunapis wanuyarqan. 7Paykunapita miraqkunami tishyayparaq mirayarqan.
Egiptucho Israel runakuna nakayashqan
8Saypitaqa Egiptucho rey kananpaq juknami yaykurqan. Say reyqa José pï kashqantapis mananami musyarqansu. Saymi Egipto runakunata nirqan: 9<<Taytakuna, tantiyakushun. Israel runakuna aläpa mirarmi noqansipitapis masna kaykäyan. 10Sayno mana mirayänanpaq imalatapis rurashun. Saynöla mirarqa contransikunaman talukaykur tikrapämaptinsi vinciyta manami kamäpakushunsu. Vincirkamashpansimi kaypita aywakuyanqa>>.#Hech. 7.14-19.
11Sayno wilanakuskirmi capatazkunata churayarqan Israel runakunata maqa maqarkur arusiyänanpaq. Sayno arusirmi Pitón y Ramesés markakunata sharkasiyarqan. Say markakunachömi Faraónpa#1.11 Faraónqa Egipto nacionpa mandaqnin reymi karqan. mikuy churakunan tröjankuna karqan. 12Fiyupa nakasiyaptinpis Israel runakuna masmi mirayarqan. Sayno mirayaptinmi Egipto runakuna fiyupa mansariyarqan. 13Saymi mas aja aruykunachöna arusiyarqan. 14Mitutapis jarusir, tikata#1.14 Wakin runakunaqa adöbita niyan. sutasir y chakrankunachöpis arusirmi fiyupa nakasiyarqan. Lapan aruychöpis Israel runakunata fiyupami nakasiyarqan.
15Saynöpis Egipto nacionpa mandaqnin rey qayasirqan Sifratawan Fúata. Paykunaqa hebrea warmikunapa partërankunami kayarqan. Qayaykasirmi nirqan: 16<<Hebrea warmikuna qeshyakuyaptin yuripakasiq aywar rikayanki wawan olqu kashqanta o warmi kashqantapis. Olqu kaptinqa jukla wanusiyanki. Warmi kaptinqa ama wanusiyankisu>>.
17Sayno nikaptinpis partërakuna Tayta Diosta mansapakur manami Egipto nacionpa mandaqnin rey nishqanta rurayarqansu. Saymi olqu yuriptinpis wanusiyarqansu. 18Sayta musyaykurmi Egipto nacionpa mandaqnin rey yapay partërakunata qayaykasir nirqan: <<¿Imanirtaq olqu yuriqkunata wanusiyankisu?>>
19Sayno niptinmi niyarqan: <<Hebrea warmikuna manami Egipto warmikunanösu, taytay. Say warmikuna mas fuerti karmi manaraq chäyaptï yuripakuskiyan>>.
20Saynöpami Israel runakuna mas askaman mirayashpan mansariypaq rikakuyarqan. 21Tayta Diosta mansapakur olqu yuriqkunata mana wanusiyashqanpitami partërakunapa ayllunkuna askaman mirayänanpaq Tayta Dios shumaq rikarqan.
22Saymi lapan Egipto runakunata Faraón nirqan: <<Hebreo runakunapa olqu surin yuriptinqa lapanta mayuman qarpuyanki. Warmi yuriptin isanqa kachaykuyanki>>.#Hech. 7.19.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.