2 Corintios 10
10
Pablo defiendikushqan
1Jesucristo kuyapäyäshuptikimi noqa Pablo qamkunata ruwakü.#10.1 Pablo imata ruwakushqanta musyanaykipaq liyinki versïculu 2. Wakinnikishi manakaqman churayämashpayki nikäyanki: <<Kaycho karqa mansa mansalami Pablo parlapämansi. Juklä markacho kashpanmi isanqa olquypa cartancho qelqamun>>.
2Saynölashi wakinniki nikäyanki Diosta mana cäsukuq runanöla kashqäta. Saymi ruwakü conträ mana parlayänaykipaq. Saynöla conträ parlayaptikiqa shamur olqutupäyäshaykimi.
3Runala karpis manami runakunanösu guërrata rurayä.#10.3 Guërrata rurayänanpaq parlarqa Satanásta y lutan yachasikuqkunata ichipäyänanpaq kashqanpitami parlaykan. 4Noqakunapa armäkunaqa manami runakuna manijayashqan armakunasu kaykäyan, saypa trukanqa Tayta Dios kamaripäyämashqan armakunami.#10.4 Say armakuna kaykan Diospa palabran (Rom. 1.16; 1Cor. 1.18; Efe. 6.17), Dios munashqanno kawashqansi (2Cor. 6.6-7) y Espíritu Santuwan Tayta Dios yanapashqansimi (2Cor. 3.18). Say armakunawanmi contrankunata ushakäsiq soldäduno kaykä. 5Saynöpami runakuna yachaq tukur Tayta Diospa wilakuyninta mana chaskikuyänaykipaq ima sapata churapäyäshuptikipis tantiyasiyä Jesucristuta cäsukuyänaykipaq y yarpäyashqaykikunapis pay munashqanno kananpaq. 6Saymi favornï kayaptikiqa noqa shamur qamkunacho kaykaq conträ parlaqkunata olqutupäshaq.
7Shumaq tantiyakuyay imano kaykäyashqaykitapis. Mayqaykipis rasunpaypa Jesucristupa wilakuqnin karqa tantiyakuyankimanmi noqakunapis paypa wilakuqnin kayashqäta. 8Wilakuqnin kanäpaq Tayta Dios churamaptinmi#Hech. 22.21. qamkunata anyapänäpaq munayyuq kaykä. Anyaparpis manami manakaqman churanäpaqsu anyapä, sinöqa qamkunata shakyäsinäpaqmi. Munayyuq kashqäpita aläpa alabakushqäta wakinkuna niyaptinpis manami penqakushaqsu.
9Ama yarpäyaysu mansakäsiyta munalar cartakamushqäta. 10Wakinkunashi conträ sharkur kayno niyan: <<Pabluqa cartalachömi mansariypaq olqutupämansi. Kikin kaycho karqa manami shumaq parlaytapis kamäpakunsu>>.
11Sayno niqkuna shumaq tantiyakuyäsun: Cartäkunacho nishqänölami qamkuna kaqman chaykamurpis olqutupäyäshayki.
12Say ali tukur alabakuqkunanöchir noqakunapis alabakuyäman ¿aw? Paykunaqa kikinkunala alabakurmi upano kaykäyan. 13Saynöpis alabakuyan Tayta Dios mana kachashqan kaqman chaykur wilakuyashqanpitami. Noqakuna manami paykunanösu kayä, sinöqa Tayta Dios kachayämashqan kaqlachömi wilakuyä. Saykunalacho wilakurmi qamkuna kaqmanpis chaykamur wilakuyashkä.#Gál. 2.7-9.
14Musyayashqaykinöpis wakinkunapita mas puntatami qamkunata Jesucristupa wilakuyninta wilapäyashkä. Qamkunaman puntata mana chämush karqa qamkunata corrigiyänäpaq manami munayyuqsu kayäman. 15Juk runa wilakushqancho wilakuyashqäpita alabakuyänäpa trukanqa juk markaman aywar wakin mana Israel runakunatapis wilapaytami munaykäyä. Sayno munarpis Tayta Diosman shumaq yärakuyänaykipaq tantiyasishqäta chaskikuyaptikiraqmi juklächöpis wilakuyäshaq.
16Saymi juk markakunamanpis aywar pipis manaraq wilakuyashqancho wilakuyäshaq. Saynöpami juk wilakushqankunamanqa jatikar alabakuyäshaqsu <<noqakunami paykunata ali wilakuyta wilapäyashkä>> nir.
17Tayta Diospa palabranchöpis nikanmi: <<Pipis alabakunanpa trukanqa Tayta Diosta alabasun>>.#Jer. 9.24.
18Kikilan alabakushqanqa manami alisu. Tayta Dios alabashqanmi isanqa ali kaykan.
Currently Selected:
2 Corintios 10: qvhB
Highlight
Copy
Compare
Share
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
