Romanos 16
16
Pa̱i Ñapere Pëpaye
1Cencrea sehuosicohua'i pa'icohua'ire co̱caio pa'iconi Maija'quë do'ico, de'ocore pao, Febeni caquë quëayë, mësarute. 2Ja̱ore de'oye mai Ëjaë mamipi cuasajë yo'ocaijë̱'ë, sehuosicohua'ire te'e cuasacohua'ire yo'oyere papi yo'ojë. Ja̱je yo'ojë cui'ne si'aye i̱ote jopo co'amaña caraye pa'ito co̱caijë̱'ë. Ja̱o cato jai pa̱ire co̱caisicoa, cui'ne yë'ëreje̱ co̱caisicoa.
3Pëpacaijë̱'ë, Priscilare cui'ne Aquilare, yë'ë ja̱'re co̱ni Cristo Jesús co'amaña co̱caisicohua'ire. 4Ja̱ohua'i cato yë'ë pa'iyere huasoñu'u cajë i̱ohua'i pa'iyere ti nejo cua̱ñoñe ja'i maca huajëya'yerepa yo'osicohua'ire. Ja̱je pa'ina, yë'ëse'e de'oji, i̱ohua'i yo'ose'e caye pa̱ñë. Cui'ne de'oji, cayë, ja̱ohua'i yo'ose'e Maija'quë do'ijë judío pa̱i peocohua'ije̱. 5Pëpacaijë̱'ë, Priscila cui'ne Aquila huë'ena Maija'quë do'ijë tsi'sisicohua'ire. Pëpacaijë̱'ë, Epenetore, yë'ë oiquëre, Asia yeja aquëpi du'ru macarepa Cristo coca asani sehuoquë pa'isiquëre. 6Pëpacaijë̱'ë, Maríareje̱ mësarute cuasaco jaiye necaio pa'isicore. 7Pëpacaijë̱'ë, yë'ë cajeohua'ire Andrónicore cui'ne Juniasre yë'ë ja̱'re co̱ni co cua̱ño sito te'e pa'isicohua'ire. Ja̱ohua'i cato Jesús jëjo saocohua'ipi ai de'ocohua'i a'ë, cayë. Cui'ne ja̱ohua'ipi du'ru sehuosicohua'i paë'ë, yë'ë ja̱ yë'ta'a sehuoma'në.
8Pëpacaijë̱'ë, Ampliatore yë'ë oiquëre mai Ëjaë do'ipi. 9Pëpacaijë̱'ë, Urbanore mai ja̱'re co̱ni mai Ëjaë co'amaña yo'oquëre, cui'ne yë'ë oiquë Estaquisre pëpacaijë̱'ë. 10Pëpacaijë̱'ë, Apelesre, Cristore coa necaiquëre pare asaquëpi jaiye neñañe pa'itoje̱ quëcosiquëre. Cui'ne pëpacaijë̱'ë, Aristóbulo tsëcapëre i̱ huë'e pa'icohua'ire. 11Pëpacaijë̱'ë, yë'ë cajeire Herodiónre, cui'ne Narciso tsëcapëre, mai Ëjaëre sehuocohua'ire. 12Pëpacaijë̱'ë, Trifenare cui'ne Trifosare, mai Ëjaë co'amaña necaicohua'ire. Cui'ne mai oicorepa Percidare mai Ëjaë co'amañare ai cuasaco necaio pa'icore pëpacaijë̱'ë. 13Pëpacaijë̱'ë, Rufore, mai Ëjaëre sehuoni pa'iquëre pare. Cui'ne i̱ pëca ja'core yë'ë ja'coje̱ pa'iore pëpacaijë̱'ë. 14Pëpacaijë̱'ë, Acincritore, Flegortere, Hermas, Patrobas, Hermes cui'ne i̱ohua'i ja̱'re co̱ni pa'icohua'ire. Si'aohua'ire pëpacaijë̱'ë, Maija'quë do'ijëre. 15Pëpacaijë̱'ë, cui'ne Filoyo cui'ne Juliare, Nereore, cui'ne i̱o yo'jeore, Olimpasre, cui'ne si'aohua'i i̱ohua'i ja̱'re co̱ni Maija'quë do'ijë pa'icohua'ire.
16De'oyerepa sa̱'ñe sihuajë pëpajë̱'ë. Si'aohua'i Cristore asacohua'ipi mësarute pëpa saoyë, ja̱ro pa'icohua'ire.
17Maija'quë do'ijë se̱ñë, mësarute. De'hua ñajë pa'ijë̱'ë, yequë tsëcapë a'ë cajë yo'oye, cui'ne ne ta̱oñe necohua'ire. Ja̱je yo'oye cato mësaru case'ere sa̱ñope yo'oye a'ë. Ja̱ohua'ire tsioma'pë pa'ijë̱'ë. 18Ja̱je cacohua'i cato mai Ëjaë Jesucristore necaima'pë pa'iyë, coa ai jerepa i̱ohua'i de'oye pa'iyere cuasajë yo'oyë. Ja̱je yo'ojë esa sehuocaicohua'ini coa cosoyë, i̱ohua'i a̱'ji maña de'o yë'o cayepi. 19Si'aohua'i asayë, mësaru de'oye sehuocaise'e. Ja̱je pa'ina, yë'ëje̱ sihuayë. Ja̱ yë'ta'a mësaru ta̱'ñe cuasacohua'i pa'ija̱'cohua'ire caquë se̱cacaiyë, mësaru de'hue de'oyere yo'oja̱jë caquë, cui'ne co'ayere ti yo'oma'pë caquë. 20Ja̱je pa'ijëna, Maija'quë de'oye jo'cua ai cuasama'pë pa'iye i̱siquëpi Satanás huati ëjaëre mësaru quë̱o huë'ehuëna esa jëjo o̱aja'quë api. Mai Ëjaë Jesucristopi de'oye ñacaina, de'oye pa'ijë̱'ë.
21Mësarute pëpa saoji, Timoteo yë'ë ja̱'re co̱ni co'amaña nequë pa'iquëpi. Cui'ne Lucio cui'ne Jasón, cui'ne Sosípater yë'ë cajeohua'ipi mësarute pëpa saoyë, ja̱ro.
22Cui'ne yë'ë Tercioje̱ iye toya ja'hua toyacaiquëje̱ ja̱ro mësarute pëpa saoyë, mai Ëjaërepa do'ipi.
23Mësarute pëpa saoji, Gayoje̱. I̱ huë'ere pa'iyë, yë'ë, cui'ne i̱ huë'ena si'aohua'i sehuosicohua'i tsi'sijë pa'iyë. Cui'ne pëpa saoji, Erastoje̱, pa̱i pa'i daripë curiquë de'huacai pa'iquëpi. Cui'ne Maija'quë do'iquë Cuartoje̱ pëpa saoji, ja̱ro.
24Mai Ëjaë Jesucristo coa i̱siyepi mësaru ja̱'re pa'ija̱quë. Ja̱je pa'ija̱quë.
Pëpa Tëjiye
25Tsoe mësarute quëahuë, huaso cocare. Ja̱ cocaja̱'a asayë, mai. Maija'quë mësarute quëcojë nëñerepa pa'icohua'ire necai tuture payë. Ja̱ do'ire mësaru i̱ tse̱cohua'ipi pa'iyë. Iye yo'oyere cato iye yeja de'huama'në Maija'quë nesi'i cuasase'e a'ë. Ja̱re tsoe yahuese'e paji'i. 26Ja̱je pa'iquëta'are yureta'a Maija'quë ti pani huesëquëpi cua̱ñequëna, Maija'quëre quëacaicohua'i toyase'eja̱'a yure cato maire i̱ñopi. Cui'ne Maija'quë nesi'i cuasa nëose'e yahue pase'ere si'a yejaña pa'icohua'ire i̱ñopi, ja̱ohua'ipi i̱tire pa'ë cuasajë de'oye i̱ cua̱ñeñe sehuocaija̱jë caquë.
27Maija'quë te'i si'aye asaquë ta̱'ñe pa'ire pani si'anëpi Jesucristo do'ija̱'a de'oquëre pa'ni cajë sihuajë pañu'u. Ja̱je pa'ija̱quë.
Currently Selected:
Romanos 16: sey
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.