Colosenses 2
2
1Yë'ë cato yëyë, mësarupi yë'ë mësarute caquë jëayerepa yo'oyere cui'ne Laodicea acohua'ire caquë yo'oyere cui'ne si'ahua'ire yë'ëre ñama'cohua'ire caquë yo'oyere asayere. 2Ja̱je pa'ina, mësarupi cui'ne ja̱ohua'ipi co̱ni joñoa quëcoyere paja̱jë caquë yo'oyë, sa̱'ñe oiyena tsiosicohua'ipi pa'iji cuasacohua'ipi. Diusu pa'iye cui'ne Jesucristo pa'iye yahuese'ere asa ti̱'ajajë caquë yo'oyë. 3Ja̱ë api, si'aye ta̱'ñe cuasaye, cui'ne asa ti̱'añe paquërepa. 4Ja̱je cayë, mësarute, asa ëaye ta̱'ñe ca cocapi yecohua'ije̱ cosojë nema'pë pa'ija̱jë caquë. 5Ja̱je pa'ina, yë'ëpi mësaru ja̱'re co̱ni pa'ima'ë panije, mësaru ja̱'re co̱ni pa'iyë, yë'ë joyopi. Ja̱je pa'ina, sihuaquë ñañë, mësaru, cui'na hue̱'ña yo'oma'pë pa'iyena Cristo pa'iji cuasayere o̱cue pa'i macarepa pa'iyere.
Cristo Ja̱'re Huajë Pa'iye
6Ëjaë Jesucristore mësaru yëjë pa'iji cuasajë sehuose'eje̱ pa'ye cui'ne i̱na tsiosicohua'ipi pa'iji cuasajë pa'ijë̱'ë. 7I̱na jëayerepa, pa'ire paji cuasayepi tsita mesicohua'ipi o̱cue pa'i macarepa i̱ ja̱'re pa'ijë̱'ë. Mësaru ye'yese'eje̱ pa'ye Maija'quëre si'anë de'oji cajë pëpajë pa'ijë̱'ë.
8De'hua ñajë'ë, yo'ojë jo'ya ne cua̱ñoñe, aiohua'i ye'yase'ena, pa̱i cuasayena, iye yeja pa̱i yo'oyena. Ja̱ cato cosoye a'ë, cui'ne do'i peoye a'ë. Ja̱ cato Cristo yo'o ma'ñe a'ë.
9Ñajë'ë, si'aye, Maija'quë ayepi Cristoni pa'iji. 10Ja̱je pa'ina, mësaru Maija'quë pa'iyepi ti̱mësicohua'i caraja̱ima'cohua'ipi pa'iyë, Cristona tsioni pa'i do'ire. Ja̱ë cato si'aye mëñe Ëjaë api. Cui'ne si'aye mëñe cua̱ñequë api. 11Cui'ne i̱ ja̱'re mësaru tsioni pa'i do'ire, noni tsi̱'nëna co'acohua'i pa'iyere huaso cua̱ñohuë, cuiri ca̱'ni tëayeje̱ pa'ye mësarute yo'oquëna. Pa̱i jë̱ñapi ca̱pëna tëayeje̱ pa'yepi neñe pa̱pi, mësarute. 12Cui'ne mësarupi Maija'quë tutupi ju̱'isiquëre huëopi cuasajë sehuo do'ire mësaru oco do cua̱ño maca Cristo ja̱'re ta̱ cua̱ñohuë. Ta̱ cua̱ñosicohua'ipi cui'ne i̱ ja̱'re co̱ni huëo cua̱ñohuë, ju̱'isicohua'ipi. 13Ja̱'në mësaru tayo yo'ocohua'ipi, cui'ne ca̱'ni tëa cua̱ñoma'cohua'ipi joñoa ju̱'isicohua'i paë'ë. Pa'ijëna, Maija'quëpi Cristo do'ija̱'a mësarute i̱ ja̱'re co̱ni pa'iye necaji'i. Necai si'aye tayo yo'ose'ere sa̱i de'huacaji'i, Cristo do'ipi. 14Mai co'aye yo'o do'ire, ja̱re maipi sa̱iñe pa'ise'ere Maija'quëpi cruzuna que̱ je̱opi, maire sa̱ñope toya nëose'ere peo hue̱'ñarepa nejoquë. 15Ja̱je yo'oquë Cristo cruzna ju̱'ise'epi si'aye ëja pa'ise'ere cui'ne maire meñe cua̱ñecohua'i tutu pa'ise'ere meñe quëco huesëpi, si'ahua'i ña hue̱'ñare pana.
Ma'tëmo Co'amañare Co'ejë̱'ë
16Ja̱je pa'iye sëte yecohua'ije̱ mësarute nuñe yo'oma'cohua'i a'ë, cama'pë pa'ija̱jë mësaru a̱iñere, pa̱nita'a u̱cuyere pa̱nita'a fiesta mu'señare, ñañëja'a së'ayere, pa̱nita'a pëa huajë mu'se ayere. 17Si'aye iye cato, i̱tirepa dai ja̱'ñe pa'ina, pa̱i to'ouje̱ pa'ye a'ë. Ja̱ i̱tirepa cato Cristo a'ë. 18Ja̱je pa'ina, de'hua ñajë'ë, mësarute i̱sija̱'a co'amañare nejocaijë teaye pa'iohua'i ña cua̱ñocohua'ipi cui'ne hui̱ñaohua'ire se̱cohua'ipi, mësarupi i̱ohua'i yo'oyena ñajë sehuojëna. Ja̱ohua'i cato ti i̱ohua'ije̱ ña ma'ñere cui'ne pa̱ise'e huëojë cuasayere yëcohua'i a'ë, jerepa pa'iohua'i a'ë cuasacohua'ipi. 19Ja̱ohua'i cato Maija'quë cuasa nëose'eje̱ pa'ye yo'oquë pa̱i ñape te̱'ña te'e ca̱pëna tsioquë, a̱oquë ai de'huaquë Cristona, i̱ti si̱opëna tsioma'cohua'ipi yo'oyë.
20Mësaru Cristo ja̱'re ju̱'isicohua'i a'ë. Ja̱je pa'ina, iye yeja cua̱ñe tutupi cua̱ñequëna, pa'iye pa̱ñë, mësaru. ¿Ja̱je pa'quëta'are mësaru me yo'ojë ja̱ yë'ta'a iye yeja pa̱i yo'ojë pa'iyere pa'ijë, 21iye yo'oma'pë, a̱iñe pa̱jë'ë, iye, cui'ne iyere tse̱ama'ë, më'ë jë̱tëpi caye'ni? 22Si'aye ja̱je caye cato, pa̱i cua̱ñejë ye'yaye a'ë, si'aye ja̱ co'amaña cato i̱ti yo'o macana cara ja̱'ñe a'ë. 23Nuñerepa cayë, ja̱ teaye pa'iohua'i pa'ijë cui'ne ca̱pë ai jëaye cua̱ñejë yo'oye ai ta̱'ñe yo'oyerepa ña cua̱ñoji, Maija'quëre ti̱'añu'u cajë yo'oye. Ja̱je pa'iquëta'are mai ca̱pë yëyere sa̱ñope yo'oyere co̱cai ma'ñe a'ë.
Currently Selected:
Colosenses 2: sey
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.