Hechos 2
2
Maija'quë Joyo Daise'e
1Judío pa̱i fiesta Pentecostés mu'se ti̱'asi maca si'aohua'i sehuosicohua'i te'e macana tsi'sini paë'ë. 2Pa'ijëna, cuasama'tore papi jai tutu jupë pi̱sico jutayeje̱ pa'yerepa ma'tëmopi pi̱sico jutaëña. Jutani i̱ti pi̱siyepi si'a huë'e ti̱mëëña, i̱ohua'i pa'i hue̱'ña. 3Ja̱ maca pa̱i ñapere toa corohuë̱aje pa'yepi i̱ohua'i si̱opë̱ana ñai nëcareña. 4Ja̱ maca yureta'a si'aohua'i de'o joyopi ti̱mësicohua'i pateña. Pa'ijë joyo necaina, yequë pa̱i cocapi careña.
5Ja̱ mu'seña Judío pa̱i si'a hue̱'ña pa'icohua'ipi Jerusalénna tsi'sicohua'ipi pateña, de'oye yo'o pa̱ipi. 6Pa'icohua'ipi tutu pi̱siyeje̱ pa'yere asani tsi'sireña, i̱ti pi̱si hue̱'ñana. Tsi'sini asareña, i̱ohua'i cocapi, sehuosicohua'ipi cajëna. Asajë ¿merepa ja̱je caye'ni? cuasahuë. 7Ja̱je cuasajë asa quëquëjë ai co'a ju̱'ijë sa̱'ñe cahuë:
“¿Si'aohua'i icohua'i Galilea pa̱ita'a pa̱i ñape cocapi caye'ni? 8¿Me neni pa̱i ñape cocare papi cajëna, asaye'ni? 9Iye maca pa'iyë, Partia pa̱i, Elam pa̱i, Media pa̱i, Mesopotamia pa̱i, Judea pa̱i, Capadocia pa̱i, Ponto pa̱i, cui'ne Asia yeja pa̱i, pa'iyë. 10Pa'iyë cui'ne Frigia pa̱i, Panfilia pa̱i, Egípto pa̱i, cui'ne Cirene quë'ro Libia pa̱ije pa'iyë. Pa'iyë, cui'ne romano pa̱ije, coa dani pa'icohua'ije̱ judío pa̱irepa cui'ne judío pa̱i yo'oye coa se ye'yesicohua'ije̱ pa'iyë. 11Pa'iyë, cui'ne Creta pa̱i cui'ne Arabia pa̱ije si'aohua'i pa'icohua'ipi asahuë, Maija'quë de'oyerepa yo'oyere pa̱i ñape cocapi cajëna.”
12Si'aohua'i quëquë huesësicohua'i paë'ë, jerepa yeque cuasaye peoyerepa. Ja̱je pa'ijë sa̱'ñe se̱i'ë:
“¿I̱quere pare quëaquë'ni, iye yo'oyere?”
13Cajëna, yecohua'ipi cue'cuejë careña:
“Ja̱ohua'i cato da huesoquëna, yo'ojë cayë.”
Pedro Caye Ja̱ohua'ire
14Cajëna, ja̱ maca Jesús jëjo saocohua'i aquë Pedropi yecohua'i i̱ cajeohua'i once pa'iohua'i ja̱'re co̱ni huëni nëcani tutu capi, ñeje:
“Judío pa̱i cui'ne si'aohua'i Jerusalén pa'icohua'i asajë̱'ë. Iye mësaruje̱ yë'ë caquëna, de'oye asajë̱'ë. 15Icohua'i daquëna yo'ojë cama'pë pa'iyë, mësaru cuasayeje̱ pa'ye, yurena nueve pa'ito me cuepeye'ni. 16Iye cato coa ai jerepa Maija'quë caye quëacaiquë Joel caquë pa'ise'epi ti̱'aquë yo'oquëna cayë. I̱ case'e cato caji:
17Tëji mu'señarepa yë'ë joyore pa̱ina i̱sija̱'quë a'ë caji, Maija'quë.
I̱sina, mësaru mamajë ë̱mëohua'i cui'ne nomiohua'i yë'ë ayere caja̱'cohua'i a'ë,
Po̱sëohua'ipi ca̱ima'pëta'a ca̱ni ñañeje pa'ye ñajëna, quëasi'i.
Cui'ne aiohua'i huëo hue̱'ñaja'a ñajëna, quëasi'i.
18Ja̱ mu'seña yë'ë jo'yaohua'i ë̱mëohua'ina cui'ne nomiohua'ina yë'ë joyore i̱sisi'i.
I̱siquëna, yë'ë ayere quëacohua'i pa'ija̱'cohua'i a'ë.
19Cui'ne ma'tëmopi pa̱i ti ña ma'ñere i̱ñoñe pa'ija̱'coa,
Cui'ne yejare i̱ñosi'i, tsiepi, toapi, cui'ne toa picopi,
20Ë̲së miama'quë de'oja̱'quë api,
Cui'ne ñañëje tsieje̱ pa'i de'oja̱'quë api,
Iye cato mai Ëjaërepa ja̱ daima'në pa'i ja̱'ñe a'ë.
I̱ dai mu'serepa cato ëja mu'serepa cui'ne de'o mu'serepa pasipi.
21Ja̱ mu'seña si'aohua'i yë'ëre se̱cohua'i ti̱'aja'cohua'i a'ë, huaso cua̱ñosicohua'i pa'iye.
Toyapi, Joel.
22Israel pa̱i asajë̱'ë, yë'ë caquëna. Mësarupi tsoe asayë, Jesús Nazaret aquë pa̱i paji'i. Pa'ina, Maija'quëpi mësaru ña hue̱'ñana i̱repa pa'iye i̱ñopi. I̱ñoquë Jesuja̱'a Maija'quëpi pa̱i yo'o ti̱'a ma'ñere cui'ne jaiye de'oyere pare yo'o i̱ñopi. 23Ja̱je pa'ita'are Maija'quë tsoe ja̱je yo'osi'i cuasa nëose'eje̱ pa'ye, mësaruna i̱te tse̱ani que̱ni huani je̱ohuë, co'acohua'i jëñaja̱'a. 24Ja̱je huani je̱osicohua'ita'are Maija'quëpi ju̱'iñe hue̱se'ere peo hue̱'ña nejoni huajëquëre huëopi, je i̱ pa'ima'quëni ju̱'iñepi meñe quëco paco'ni. 25Pa̱i ëjaërepa David Jesús ayere caquë capi, ñeje:
Ëjaëpi yë'ë ti̱ñare pare pa'ina, i̱se'ere si'anë ñahuë.
I̱pi yë'ë ëja te̱'tere pa'ito, yë'ëre si'aye co'aye pa'inije ne ta̱oñe peoji.
26Ja̱je pa'ina, ai sihuayë, yë'ë joyopi, sihuaquë yë'ë yë'opopi jë̱jëñë.
Më'ëpi ñacaina, quëcoquë pëa huajëja̱'quë a'ë.
27Ja̱re më'ëpi yë'ëre ta̱si daripëna je̱oma'ë pa'ija̱quë a'ë.
Cui'ne yë'ë më'ë de'o jo'yaë ca̱pë ja̱'ju tiya huesëyeje̱ pa̱ja'coa, më'ëpi ë̱sequëna.
28Më'ëpi yë'ëre i̱ñohuë, pa'i ma'are pare,
Cui'ne më'ë ja̱'re co̱ni pa'i ai sihuaja̱'quë a'ë, yë'ë.
Ja̱je capi, David, Jesús ca ja̱'ñe.
29Israel pa̱i asajë̱'ë, David mai ñecuë tsoe ju̱quëna, ta̱jë pa'a̱huë'ë. Yureje̱ i̱te ta̱jë pa'isicoje̱ hui'yoma'copi pa'ico. 30Israel pa̱i ëjaërepa David cato Maija'quëre quëacaiquë paji'i. Ja̱je pa'ipi asapi, Maija'quë care paquëpi ca nëose'ere i̱ tsëcapë aquëni Maija'quëpi Israel pa̱i ëjaëre pare necai ja̱'ñere, i̱ meñe najeini. 31Ja̱je pa'ina, David ñaquë cayeje̱ pa'yere capi, Cristo huëi ja̱'ñere. I̱o case'e cato caji: ‘ta̱si daripëre u̱i huesëye pa̱ja'quë api,’ cui'ne ‘i̱ ca̱pëje̱ ja̱'ju tiya huesëye pa̱ja'coa,’ capi. 32Ja̱je pa'iye sëte Maija'quëpi Jesure ja̱re David casiquëni huëopi, huajëquëre. Ja̱ yo'ose'e yëquëpi ñasicohua'i a'ë. 33Ja̱je pa'ina, Maija'quëpi Jesure i̱ ëja te̱'te ñu'ija'quëre nepi, jerepa pa'ire pare. Ja̱je neina, pëca ja'quëni de'o joyore pare i̱si cua̱ñopi i̱ ca nëosiquëre i̱si cua̱ñoni i̱pi yure pa̱i ñapere huahuecaji'i, huahuecaiyere ja̱re yure mësaru ñajë cui'ne asahuë capi. 34Ja̱je pa'ina, Davidpi ma'tëmo mëiñe pa̱pi. Ja̱je pa'iye sëte capi:
Ëjaëpi yë'ë Ëjaëre capi:
‘Ja'rujë̱'ë, yë'ë ëja te̱'tena,
35Yë'ëpi më'ëre sa̱ñope yo'ocohua'ire më'ë quë̱o huë'ehuëna jëjo o̱a sao macaja̱'a.’
36Ja̱je pa'ina, Jesús mësaru que̱ni huani je̱ocosiquëre Diusupi Ëjaëre pare Cristo huasoquëre nepi. Iyere cato Israel pa̱i asaye pa'iji.”
37Ja̱je Pedro caquëna, asani joyore papi ai co'a ju̱'ijë oijë Pedrore cui'ne i̱ cajeohua'ire once pa'iohua'ireje̱ se̱i'ë, ñeje cajë:
“¿Yëquë yure me neja'cohua'i a'ni, Maija'quë do'ijë?”
38Se̱jëna, Pedro capi:
“Mësaru tayo yo'ose'ere sa̱i to̱ cua̱ñoñe cani cui'ne de'o joyore i̱sija̱'quë cani mësaru ja̱'në cuasase'ere je̱oni Maija'quëna po̱nëñe pa'iji. Ja̱je yo'oni pa̱i ñape Jesuni cuasajë oco do cua̱ñoñe pa'iji. 39Maija'quë i̱ joyo i̱sisi'i ca nëose'e mësaru. Mësaru mamajë cui'ne so'o pa'icohua'i cui'ne si'aohua'i Maija'quë yë soija̱'cohua'i tse̱ a'ë.”
40Yequeje̱ cui'ne capi, Pedro:
“Huasosicohua'i pa'ijë̱'ë, ai co'acohua'i jopo pa'icohua'ipi.” Ja̱je caquë yëhuopi.
41I̱ ja̱je caquë yëhuoye asasicohua'ise'e oco do cua̱ñoni tres mil Jesure sehuocohua'i paë'ë, ja̱ maca. 42Pa'ijë si'aohua'i Jesús jëjo daocohua'i ye'yayere de'oye sehuocaijë nuñerepa paë'ë. Pa'ijë sa̱'ñe de'oye yo'ojë, Maija'quëre se̱jë cui'ne a̱o yëtoni a̱ijë paë'ë, Jesús yo'ose'ere cuasajë.
Du'ru Macarepa Sehuosicohua'i Pa'ise'e.
43Jesús ye'yaquë pa'isicohua'ipi jaiye pa̱i yo'o ti̱'a ma'ñere yo'ojëna, ñajë ai cuasareña, merepa ja̱je yo'oye'ni cajë. 44I̱tire pa'ë cuasajë asasicohua'ipi te'e cuasajë tsiosicohua'ipi pa'ijë co'amañaje te'e pahuë. 45Si'aye i̱ohua'i co'amaña i̱sijë curi maña huerojë yecohua'i co'amaña caracohua'ina i̱sihuë, i̱ohua'ire caraye. 46Ja̱je yo'ojë pa'icohua'ipi si'a mu'seña Maija'quëre se̱jë paë'ë, Maija'quëre se̱ huë'ena. Ja̱je yo'ojë cui'ne i̱ohua'i huë̱'ñana Jesure cuasajë a̱ore yëtoni a̱ijë te'e hue̱'ña tsi'sini a̱ore huahuejë a̱ijë sihuajë paë'ë. 47Pa'ijë Maija'quë de'oquëre pa'ni cajë paë'ë. Si'aohua'i yecohua'ije̱ de'o pa̱ire pa'ë cajë ñahuë. Cajë ñajëna, Ëjaëpi jero sa'na jai pa̱ire i̱te sehuocohua'ire nepi. Nequëna, jai pa̱i sehuocohua'i huaso cua̱ñosicohua'i paë'ë, mu'se ñape.
Currently Selected:
Hechos 2: sey
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.
Hechos 2
2
Maija'quë Joyo Daise'e
1Judío pa̱i fiesta Pentecostés mu'se ti̱'asi maca si'aohua'i sehuosicohua'i te'e macana tsi'sini paë'ë. 2Pa'ijëna, cuasama'tore papi jai tutu jupë pi̱sico jutayeje̱ pa'yerepa ma'tëmopi pi̱sico jutaëña. Jutani i̱ti pi̱siyepi si'a huë'e ti̱mëëña, i̱ohua'i pa'i hue̱'ña. 3Ja̱ maca pa̱i ñapere toa corohuë̱aje pa'yepi i̱ohua'i si̱opë̱ana ñai nëcareña. 4Ja̱ maca yureta'a si'aohua'i de'o joyopi ti̱mësicohua'i pateña. Pa'ijë joyo necaina, yequë pa̱i cocapi careña.
5Ja̱ mu'seña Judío pa̱i si'a hue̱'ña pa'icohua'ipi Jerusalénna tsi'sicohua'ipi pateña, de'oye yo'o pa̱ipi. 6Pa'icohua'ipi tutu pi̱siyeje̱ pa'yere asani tsi'sireña, i̱ti pi̱si hue̱'ñana. Tsi'sini asareña, i̱ohua'i cocapi, sehuosicohua'ipi cajëna. Asajë ¿merepa ja̱je caye'ni? cuasahuë. 7Ja̱je cuasajë asa quëquëjë ai co'a ju̱'ijë sa̱'ñe cahuë:
“¿Si'aohua'i icohua'i Galilea pa̱ita'a pa̱i ñape cocapi caye'ni? 8¿Me neni pa̱i ñape cocare papi cajëna, asaye'ni? 9Iye maca pa'iyë, Partia pa̱i, Elam pa̱i, Media pa̱i, Mesopotamia pa̱i, Judea pa̱i, Capadocia pa̱i, Ponto pa̱i, cui'ne Asia yeja pa̱i, pa'iyë. 10Pa'iyë cui'ne Frigia pa̱i, Panfilia pa̱i, Egípto pa̱i, cui'ne Cirene quë'ro Libia pa̱ije pa'iyë. Pa'iyë, cui'ne romano pa̱ije, coa dani pa'icohua'ije̱ judío pa̱irepa cui'ne judío pa̱i yo'oye coa se ye'yesicohua'ije̱ pa'iyë. 11Pa'iyë, cui'ne Creta pa̱i cui'ne Arabia pa̱ije si'aohua'i pa'icohua'ipi asahuë, Maija'quë de'oyerepa yo'oyere pa̱i ñape cocapi cajëna.”
12Si'aohua'i quëquë huesësicohua'i paë'ë, jerepa yeque cuasaye peoyerepa. Ja̱je pa'ijë sa̱'ñe se̱i'ë:
“¿I̱quere pare quëaquë'ni, iye yo'oyere?”
13Cajëna, yecohua'ipi cue'cuejë careña:
“Ja̱ohua'i cato da huesoquëna, yo'ojë cayë.”
Pedro Caye Ja̱ohua'ire
14Cajëna, ja̱ maca Jesús jëjo saocohua'i aquë Pedropi yecohua'i i̱ cajeohua'i once pa'iohua'i ja̱'re co̱ni huëni nëcani tutu capi, ñeje:
“Judío pa̱i cui'ne si'aohua'i Jerusalén pa'icohua'i asajë̱'ë. Iye mësaruje̱ yë'ë caquëna, de'oye asajë̱'ë. 15Icohua'i daquëna yo'ojë cama'pë pa'iyë, mësaru cuasayeje̱ pa'ye, yurena nueve pa'ito me cuepeye'ni. 16Iye cato coa ai jerepa Maija'quë caye quëacaiquë Joel caquë pa'ise'epi ti̱'aquë yo'oquëna cayë. I̱ case'e cato caji:
17Tëji mu'señarepa yë'ë joyore pa̱ina i̱sija̱'quë a'ë caji, Maija'quë.
I̱sina, mësaru mamajë ë̱mëohua'i cui'ne nomiohua'i yë'ë ayere caja̱'cohua'i a'ë,
Po̱sëohua'ipi ca̱ima'pëta'a ca̱ni ñañeje pa'ye ñajëna, quëasi'i.
Cui'ne aiohua'i huëo hue̱'ñaja'a ñajëna, quëasi'i.
18Ja̱ mu'seña yë'ë jo'yaohua'i ë̱mëohua'ina cui'ne nomiohua'ina yë'ë joyore i̱sisi'i.
I̱siquëna, yë'ë ayere quëacohua'i pa'ija̱'cohua'i a'ë.
19Cui'ne ma'tëmopi pa̱i ti ña ma'ñere i̱ñoñe pa'ija̱'coa,
Cui'ne yejare i̱ñosi'i, tsiepi, toapi, cui'ne toa picopi,
20Ë̲së miama'quë de'oja̱'quë api,
Cui'ne ñañëje tsieje̱ pa'i de'oja̱'quë api,
Iye cato mai Ëjaërepa ja̱ daima'në pa'i ja̱'ñe a'ë.
I̱ dai mu'serepa cato ëja mu'serepa cui'ne de'o mu'serepa pasipi.
21Ja̱ mu'seña si'aohua'i yë'ëre se̱cohua'i ti̱'aja'cohua'i a'ë, huaso cua̱ñosicohua'i pa'iye.
Toyapi, Joel.
22Israel pa̱i asajë̱'ë, yë'ë caquëna. Mësarupi tsoe asayë, Jesús Nazaret aquë pa̱i paji'i. Pa'ina, Maija'quëpi mësaru ña hue̱'ñana i̱repa pa'iye i̱ñopi. I̱ñoquë Jesuja̱'a Maija'quëpi pa̱i yo'o ti̱'a ma'ñere cui'ne jaiye de'oyere pare yo'o i̱ñopi. 23Ja̱je pa'ita'are Maija'quë tsoe ja̱je yo'osi'i cuasa nëose'eje̱ pa'ye, mësaruna i̱te tse̱ani que̱ni huani je̱ohuë, co'acohua'i jëñaja̱'a. 24Ja̱je huani je̱osicohua'ita'are Maija'quëpi ju̱'iñe hue̱se'ere peo hue̱'ña nejoni huajëquëre huëopi, je i̱ pa'ima'quëni ju̱'iñepi meñe quëco paco'ni. 25Pa̱i ëjaërepa David Jesús ayere caquë capi, ñeje:
Ëjaëpi yë'ë ti̱ñare pare pa'ina, i̱se'ere si'anë ñahuë.
I̱pi yë'ë ëja te̱'tere pa'ito, yë'ëre si'aye co'aye pa'inije ne ta̱oñe peoji.
26Ja̱je pa'ina, ai sihuayë, yë'ë joyopi, sihuaquë yë'ë yë'opopi jë̱jëñë.
Më'ëpi ñacaina, quëcoquë pëa huajëja̱'quë a'ë.
27Ja̱re më'ëpi yë'ëre ta̱si daripëna je̱oma'ë pa'ija̱quë a'ë.
Cui'ne yë'ë më'ë de'o jo'yaë ca̱pë ja̱'ju tiya huesëyeje̱ pa̱ja'coa, më'ëpi ë̱sequëna.
28Më'ëpi yë'ëre i̱ñohuë, pa'i ma'are pare,
Cui'ne më'ë ja̱'re co̱ni pa'i ai sihuaja̱'quë a'ë, yë'ë.
Ja̱je capi, David, Jesús ca ja̱'ñe.
29Israel pa̱i asajë̱'ë, David mai ñecuë tsoe ju̱quëna, ta̱jë pa'a̱huë'ë. Yureje̱ i̱te ta̱jë pa'isicoje̱ hui'yoma'copi pa'ico. 30Israel pa̱i ëjaërepa David cato Maija'quëre quëacaiquë paji'i. Ja̱je pa'ipi asapi, Maija'quë care paquëpi ca nëose'ere i̱ tsëcapë aquëni Maija'quëpi Israel pa̱i ëjaëre pare necai ja̱'ñere, i̱ meñe najeini. 31Ja̱je pa'ina, David ñaquë cayeje̱ pa'yere capi, Cristo huëi ja̱'ñere. I̱o case'e cato caji: ‘ta̱si daripëre u̱i huesëye pa̱ja'quë api,’ cui'ne ‘i̱ ca̱pëje̱ ja̱'ju tiya huesëye pa̱ja'coa,’ capi. 32Ja̱je pa'iye sëte Maija'quëpi Jesure ja̱re David casiquëni huëopi, huajëquëre. Ja̱ yo'ose'e yëquëpi ñasicohua'i a'ë. 33Ja̱je pa'ina, Maija'quëpi Jesure i̱ ëja te̱'te ñu'ija'quëre nepi, jerepa pa'ire pare. Ja̱je neina, pëca ja'quëni de'o joyore pare i̱si cua̱ñopi i̱ ca nëosiquëre i̱si cua̱ñoni i̱pi yure pa̱i ñapere huahuecaji'i, huahuecaiyere ja̱re yure mësaru ñajë cui'ne asahuë capi. 34Ja̱je pa'ina, Davidpi ma'tëmo mëiñe pa̱pi. Ja̱je pa'iye sëte capi:
Ëjaëpi yë'ë Ëjaëre capi:
‘Ja'rujë̱'ë, yë'ë ëja te̱'tena,
35Yë'ëpi më'ëre sa̱ñope yo'ocohua'ire më'ë quë̱o huë'ehuëna jëjo o̱a sao macaja̱'a.’
36Ja̱je pa'ina, Jesús mësaru que̱ni huani je̱ocosiquëre Diusupi Ëjaëre pare Cristo huasoquëre nepi. Iyere cato Israel pa̱i asaye pa'iji.”
37Ja̱je Pedro caquëna, asani joyore papi ai co'a ju̱'ijë oijë Pedrore cui'ne i̱ cajeohua'ire once pa'iohua'ireje̱ se̱i'ë, ñeje cajë:
“¿Yëquë yure me neja'cohua'i a'ni, Maija'quë do'ijë?”
38Se̱jëna, Pedro capi:
“Mësaru tayo yo'ose'ere sa̱i to̱ cua̱ñoñe cani cui'ne de'o joyore i̱sija̱'quë cani mësaru ja̱'në cuasase'ere je̱oni Maija'quëna po̱nëñe pa'iji. Ja̱je yo'oni pa̱i ñape Jesuni cuasajë oco do cua̱ñoñe pa'iji. 39Maija'quë i̱ joyo i̱sisi'i ca nëose'e mësaru. Mësaru mamajë cui'ne so'o pa'icohua'i cui'ne si'aohua'i Maija'quë yë soija̱'cohua'i tse̱ a'ë.”
40Yequeje̱ cui'ne capi, Pedro:
“Huasosicohua'i pa'ijë̱'ë, ai co'acohua'i jopo pa'icohua'ipi.” Ja̱je caquë yëhuopi.
41I̱ ja̱je caquë yëhuoye asasicohua'ise'e oco do cua̱ñoni tres mil Jesure sehuocohua'i paë'ë, ja̱ maca. 42Pa'ijë si'aohua'i Jesús jëjo daocohua'i ye'yayere de'oye sehuocaijë nuñerepa paë'ë. Pa'ijë sa̱'ñe de'oye yo'ojë, Maija'quëre se̱jë cui'ne a̱o yëtoni a̱ijë paë'ë, Jesús yo'ose'ere cuasajë.
Du'ru Macarepa Sehuosicohua'i Pa'ise'e.
43Jesús ye'yaquë pa'isicohua'ipi jaiye pa̱i yo'o ti̱'a ma'ñere yo'ojëna, ñajë ai cuasareña, merepa ja̱je yo'oye'ni cajë. 44I̱tire pa'ë cuasajë asasicohua'ipi te'e cuasajë tsiosicohua'ipi pa'ijë co'amañaje te'e pahuë. 45Si'aye i̱ohua'i co'amaña i̱sijë curi maña huerojë yecohua'i co'amaña caracohua'ina i̱sihuë, i̱ohua'ire caraye. 46Ja̱je yo'ojë pa'icohua'ipi si'a mu'seña Maija'quëre se̱jë paë'ë, Maija'quëre se̱ huë'ena. Ja̱je yo'ojë cui'ne i̱ohua'i huë̱'ñana Jesure cuasajë a̱ore yëtoni a̱ijë te'e hue̱'ña tsi'sini a̱ore huahuejë a̱ijë sihuajë paë'ë. 47Pa'ijë Maija'quë de'oquëre pa'ni cajë paë'ë. Si'aohua'i yecohua'ije̱ de'o pa̱ire pa'ë cajë ñahuë. Cajë ñajëna, Ëjaëpi jero sa'na jai pa̱ire i̱te sehuocohua'ire nepi. Nequëna, jai pa̱i sehuocohua'i huaso cua̱ñosicohua'i paë'ë, mu'se ñape.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2012, Wycliffe Bible Translators, Inc. All rights reserved.