Éxodo 20
20
Umi 10 tembiapoukapy
(Dt 5.1-21)
1Upérõ Tupã he'i ko'ã mba'e:
2—Che hína Tupã nde Jára roguenohẽ vaekue Egíptogui, tembiguái rekógui.
3Ani rereko ambue tupã che ykére.
4Ani rejapo mba'eveichagua ta'ãnga, taha'e yvagapegua, taha'e yvy arigua, taha'e ypegua oikóva ra'ãnga.
5Ani reñesũ mba'eveichagua ta'ãnga renondépe térã remomba'e guasu chupe.#Ex 34.17; Lv 19.4; 26.1; Dt 4.15-18; 27.15. Cháke che hína Tupã nde Jára ha ndaipotái che myengovia avavére. Ainupã pochy umi oñemoĩvape che rehe ha ita'ýra kuérape, ñemoñare mbohapyha térã irundyha peve.
6Umi che rayhúvape katu ha ojapóva che rembiapoukapy ha iñemoñarépe, aiporiahurereko opa árape.#Ex 34.6-7; Nm 14.18; Dt 7.9-10.
7Ani reiporu Tupã nde Jára réra#Lv 19.12. rejapo haguã ivaíva, cháke che hína Tupã ha ainupã pochy pe oiporu vaívape che réra.
8Ne mandu'a pytu'uha ára rehe rembyarete haguã.#Ex 16.23-30; 31.12-14. 9Emba'apo 6 ára ha umívape ejapopa ne rembiaporã. 10Ára 7 katu pytu'uha ára ha remboyke vaerã chéve guarã. Tojapo'ỹ mba'eve avaveichagua#Ex 23.12; 31.15; 34.21; 35.2; Lv 23.3. oikóva nde rógape taha'e nde ra'y, nde rajy, ne rembiguái kuimba'éva, ne rembiguái kuñáva, ne rymba térã mombyrygua oikóva nde rógape. 11Che niko ajapo vaekue 6 árape yvága, yvy, yguasu ha opa mba'e ipype oĩva, 7hápe katu apytu'u. Upévare ahovasa ára 7 ha ambyarete.#Gn 2.1-3; Ex 31.17.
12Ehayhu nde ru ha nde sýpe,#Dt 27.16; Mt 15.4; 19.19; Mc 7.10; 10.19; Lc 18.20; Ef 6.2. ipuku haguã nde rekove upe yvýpe che, Tupã nde Jára, ame'ẽtava ndéve.#Eclo 3.1-16; Ef 6.3.
13Ani reporojuka.#Gn 9.6; Lv 24.17; Mt 5.21; 19.18; Mc 10.19; Lc 18.20; Ro 13.9; Stg 2.11.
14Ani reiko tembireko ne mba'e'ỹva ndive.#Lv 20.10; Mt 5.27; 19.18; Mc 10.19; Lc 18.20; Ro 13.9; Stg 2.11.
15Ani remonda.#Lv 19.11; Mt 19.18; Mc 10.19; Lc 18.20; Ro 13.9.
16Ani remboja rei mba'eve nde rapicháre.#Ex 23.1; Mt 19.18; Mc 10.19; Lc 18.20.
17Ani reipota rei#Ro 7.7; 13.9. nde rapicha róga, hembireko, hembiguái kuimba'éva, hembiguái kuñáva, hymba guéi, hymba vúrro térã mba'eve imba'éva.
Israelgua okyhyje Tupãgui
18Maymáva ohendu ára sunu ryapu ha trompéta pu, ohecha ára tiri ha yvyty otĩmbopáva. Kyhyjégui oryryipa ha opyta mombyry. 19He'i hikuái Moiséspe:
—Eñe'ẽna nde, toroikuaa nde hegui upe oje'éva ha toñe'ẽ'ỹ oréve Tupã, anítei romano.#Heb 12.18-19.
20Moisés he'i chupe kuéra:
—Ani pekyhyje. Tupã ou upéicha oipotágui pejapo ha'e he'íva. Oipota oike pende pype upe kyhyje peñandúva, pende joko haguã mba'e vai apógui.
21Maymáva opyta mombyry ha Moisés oñemboja oĩháme arai anambusu. Upépe oĩ Tupã.
Altar*f** rehegua tembiapoukapy
22Tupã he'i Moiséspe:
—Upéicha ere Israel guápe: “Peẽ voi pehecha añe'ẽ hague peẽme yvága guive. 23Aníke pejapo che ykeregua tupã gua'u, pláta térã óro. 24Pejapo chéve altar yvy guigua peikuave'ẽ haguã hi'ári pene mymbahapy,*f** pene mymbajuka*f** joaju rehegua, pende ovecha ha pene rymba guéi kuéra. Che aipotahápe oñemomba'e guasu che réra, ajúta ha pohovasáta. 25Pejapo ramo chéve altar ita, ani pejapo ita oñekytĩ vaekuégui.#Dt 27.5-7; Jos 8.31. Peiporu ramo fiérro upevarã, upe altar opytáma Tupãme guarã'ỹ. 26Che altar toguereko'ỹ avei jupiha ijehe, ani pejupívo opyta nandi upe kuimba'e rete renondegua.”#Omymba jukáva ojeku'akua ao pehenguepente, upévare, ojupívo ikatu opyta nandi upe hete henonde gotyo.
Currently Selected:
Éxodo 20: GPC2006
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.
Éxodo 20
20
Umi 10 tembiapoukapy
(Dt 5.1-21)
1Upérõ Tupã he'i ko'ã mba'e:
2—Che hína Tupã nde Jára roguenohẽ vaekue Egíptogui, tembiguái rekógui.
3Ani rereko ambue tupã che ykére.
4Ani rejapo mba'eveichagua ta'ãnga, taha'e yvagapegua, taha'e yvy arigua, taha'e ypegua oikóva ra'ãnga.
5Ani reñesũ mba'eveichagua ta'ãnga renondépe térã remomba'e guasu chupe.#Ex 34.17; Lv 19.4; 26.1; Dt 4.15-18; 27.15. Cháke che hína Tupã nde Jára ha ndaipotái che myengovia avavére. Ainupã pochy umi oñemoĩvape che rehe ha ita'ýra kuérape, ñemoñare mbohapyha térã irundyha peve.
6Umi che rayhúvape katu ha ojapóva che rembiapoukapy ha iñemoñarépe, aiporiahurereko opa árape.#Ex 34.6-7; Nm 14.18; Dt 7.9-10.
7Ani reiporu Tupã nde Jára réra#Lv 19.12. rejapo haguã ivaíva, cháke che hína Tupã ha ainupã pochy pe oiporu vaívape che réra.
8Ne mandu'a pytu'uha ára rehe rembyarete haguã.#Ex 16.23-30; 31.12-14. 9Emba'apo 6 ára ha umívape ejapopa ne rembiaporã. 10Ára 7 katu pytu'uha ára ha remboyke vaerã chéve guarã. Tojapo'ỹ mba'eve avaveichagua#Ex 23.12; 31.15; 34.21; 35.2; Lv 23.3. oikóva nde rógape taha'e nde ra'y, nde rajy, ne rembiguái kuimba'éva, ne rembiguái kuñáva, ne rymba térã mombyrygua oikóva nde rógape. 11Che niko ajapo vaekue 6 árape yvága, yvy, yguasu ha opa mba'e ipype oĩva, 7hápe katu apytu'u. Upévare ahovasa ára 7 ha ambyarete.#Gn 2.1-3; Ex 31.17.
12Ehayhu nde ru ha nde sýpe,#Dt 27.16; Mt 15.4; 19.19; Mc 7.10; 10.19; Lc 18.20; Ef 6.2. ipuku haguã nde rekove upe yvýpe che, Tupã nde Jára, ame'ẽtava ndéve.#Eclo 3.1-16; Ef 6.3.
13Ani reporojuka.#Gn 9.6; Lv 24.17; Mt 5.21; 19.18; Mc 10.19; Lc 18.20; Ro 13.9; Stg 2.11.
14Ani reiko tembireko ne mba'e'ỹva ndive.#Lv 20.10; Mt 5.27; 19.18; Mc 10.19; Lc 18.20; Ro 13.9; Stg 2.11.
15Ani remonda.#Lv 19.11; Mt 19.18; Mc 10.19; Lc 18.20; Ro 13.9.
16Ani remboja rei mba'eve nde rapicháre.#Ex 23.1; Mt 19.18; Mc 10.19; Lc 18.20.
17Ani reipota rei#Ro 7.7; 13.9. nde rapicha róga, hembireko, hembiguái kuimba'éva, hembiguái kuñáva, hymba guéi, hymba vúrro térã mba'eve imba'éva.
Israelgua okyhyje Tupãgui
18Maymáva ohendu ára sunu ryapu ha trompéta pu, ohecha ára tiri ha yvyty otĩmbopáva. Kyhyjégui oryryipa ha opyta mombyry. 19He'i hikuái Moiséspe:
—Eñe'ẽna nde, toroikuaa nde hegui upe oje'éva ha toñe'ẽ'ỹ oréve Tupã, anítei romano.#Heb 12.18-19.
20Moisés he'i chupe kuéra:
—Ani pekyhyje. Tupã ou upéicha oipotágui pejapo ha'e he'íva. Oipota oike pende pype upe kyhyje peñandúva, pende joko haguã mba'e vai apógui.
21Maymáva opyta mombyry ha Moisés oñemboja oĩháme arai anambusu. Upépe oĩ Tupã.
Altar*f** rehegua tembiapoukapy
22Tupã he'i Moiséspe:
—Upéicha ere Israel guápe: “Peẽ voi pehecha añe'ẽ hague peẽme yvága guive. 23Aníke pejapo che ykeregua tupã gua'u, pláta térã óro. 24Pejapo chéve altar yvy guigua peikuave'ẽ haguã hi'ári pene mymbahapy,*f** pene mymbajuka*f** joaju rehegua, pende ovecha ha pene rymba guéi kuéra. Che aipotahápe oñemomba'e guasu che réra, ajúta ha pohovasáta. 25Pejapo ramo chéve altar ita, ani pejapo ita oñekytĩ vaekuégui.#Dt 27.5-7; Jos 8.31. Peiporu ramo fiérro upevarã, upe altar opytáma Tupãme guarã'ỹ. 26Che altar toguereko'ỹ avei jupiha ijehe, ani pejupívo opyta nandi upe kuimba'e rete renondegua.”#Omymba jukáva ojeku'akua ao pehenguepente, upévare, ojupívo ikatu opyta nandi upe hete henonde gotyo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Guarani DC Bible © Sociedad Bíblica Paraguaya, 1996.