Cadasia 4
4
Iuabimbuec icbuedi Nuquin Papan bacuëbo yanaid
1Tantia. Padpiden chuinu. Atona dadpen dayun uaquidën nadoquid. Ubi uënësan cun madon cuna abitedi bedendac. Bacuë icquimbi cun madon cuna bedtiapimbo iquec. Canishumbien cuna abitedi bedendac, quequin aton papan chuiquid. Adashic aton papa uënësan caniabi yec utsibon iuabimbuec aton mado iquec. 2Caniabi icquin utsin iuabimbuecquin utsibon chiacpadombuen naindac aton madon. Adashic canishun aton papana bedash iuabimbuec icbuedi adquidpenquio yanendac. 3Adec iuabimbuec nuquitedi iccondac. Esuquidistu tantiabenabi icsho abi bunacpadombuen podobitsi icsabon namiaid nuquitedi icpondac.#4.3 Nëid dada uaid tantiaquidën naden chiec: Utsin utsinquien podobitsi icsan iuan namiaid quequin chiaid nec. Utsin utsinquien nidaid abichobibëta abuc icquid uëshë yec inchëshën chënquequid yec uispa yec quequid chiec nec. 4Adnubien ambi ëndenquimboshë tantiampicpadembi Nuquin Papan Aton Mado chomepanëdash. Aidi isadaidbo chidon tishaid icquin Nuquin Papan: Naden nata, quequin Moises chuiquin dada uamiampicpadombuen naquidquio nepanëdash. 5Adquid icnuc cun matses Moises chuiquin dada uamiampid naquidquio icsho Nuquin Papan Esus tantiamequin Aidën chiampid namenquio icquin cuishoncamendac: Cun bacuëbo nec, queshun.
6Aden Aton Mado tantiaquidotedi: Cun bacuëbo nec, queshun Nuquin Papan Aton Madon Mayan meniac nuquibëd tabadec.#4.6 Esusën Mayan Nuquin Papan Mayambidi nec. Aden meniac aidbëd tabadquin bacuën amë: Ubi, papa, cacbimbuen Nuquin Papa nuqui chiannec. 7Esus tantiabi yec iuabimbuec icbuedi nëbi Esus tantiasho Nuquin Papan: Cun bacuëbo nec, nuquitedi capec. Aden ambi tantiampicpadombuen Nuquin Papan abi yacno tabadmequin ambi: Cun bacuëbo nec, caidotedi bëdamboshëcquid aton natedi menendac.
¿Nuquin Papapenquio iuameteda bune? quiaid
8Ënden mibitedi Nuquin Papa tantiesa icquin utsi mimbi: Papa, quequin tantiapanëdac. Aidën iuabo yec mëtaniacbimbuec mibi icpanëdac. 9Adquid icbuedëmbi nëbi mimbi Nuquin Papa tantiec, queshumbic: Aidëmbi mibitedi tantiec, caimbi. Aidën tantiaido icquin ¿atotsi quequin aid tantienquio yanuai? ¿Moisesën chiampid tantiaquin namequidon nacpaden nanu, queshoda Nuquin Papan mibitedi bëdambuen ispec? Padenquio. 10Aden Nuquin Papa tantienquio icquin mibitedishun badiad yec inchëshën uëshë yec badiad tanaid yec seta yec quequin tantiec mibitedi iccuededtennepec. 11Mibitedi caic: Icsambuen naic tabadosh, utsibo quesho tantiash: Esus chuibanec abembi chonoadondabi, quiash dacuëdebi.
12Tantia. Chuinu, cun utsibo. Moisesën chiampiduidi nasho Nuquin Papan ubi bëdambuen isec, quenquio yanondabi. Mimbitsen adembidi tantiata. Ubitsen mibi padquid yanondabi. Adsho issun mimbi ubi icsa uainquio iccondac. 13Mimbi tantiaid chuinu. Mibi yacno tauambuec nidshun nënquimbi iuec tabadquin mibitedi tantiamequin Esusën naid Chiaid Bëda chuibanondambi. 14Nënec ubi chosho isash cacunmianenquio mibitedi iccondac. Ubi Nuquin Papabëd icquidbimbuec chosho isash mibitedi cuishonquiondac. Adecbidi Esuquidistubimbuec chosho isash mibitedi adondac. 15¿Atotsi quiash cumapenec cuishonquiondaidi ënëdo? Min ëshë chicshun ubi mene, cac mimbi ubi menetsenondac. Aden mimbi ubi tantiaquiondac. 16Adondaidi nëbi ¿abimbo chuiquindambi mibitedi ubi chieshënmepe? Padenquio.
17Mibitedi abimbo chienquio icquidon Moisesën chiampicpadombuen namequin icsametiadquio iqueque. Ista. ¿Mibitedi tantiaquioquin bëdambuen namenuenda chuipec? Padenquio. Ubëd cuëshëdmequin abibi tantiamenuen chuibanec neque. Aidon chiaid tantienda. 18Utsibon mibitedi tantiaquin bëdambuen namenuen chuibansho tantiac bëdambo ictsiash. Umbi chuibansho mimbi bëdambuen tantiondac. Adembidi ubi nibëdnubi ënenquio icquin tantiac bëdambo ictsiash. 19Cun bacuëbobimbuecquido icsho mibitedi tantiac uënësquio iquec. Anin paëmbo icnuc natiaquimbi aton bacuë tishacbimbuen natiaquin mibitedi tantiaquiembi. Esuquidistubimbuec icpashun, quequin tantiembi. 20Nëbimbobi mibi bëisquioquin mibitedi bëdambuen tantiamequin chuinu. Nidmepashuni, quequin tantiembi. Mibëd iquenquio icquimbi: ¿Mitsipadec tabadpeba? quequin tantiaquin bëisquioquin chushcacbimbuen mibitedi chiec nebi.
Acadbëta Sada chiaid
21Moisesën chiampiduidi naquin Nuquin Papa bëdambuen ismembi, quequido icquin Nuquin Papan Moises chiampid chuisho ¿bëdambuen tantiamboda ique? 22Naden chuipampic: Abadauanën mado daëd icpampic. Aton chidon ambi iuaid chido meniac bedshun tishmiaid abentsëc icnubi iuaidpenquio icquin aton chidonquio tishaid abentsëcbidi icpampic.#4.22 Ene. 16.1-16bëta Ene. 21.2 isbanta. 23Abadauanën chudac badedquio bacuë usundoshon chido iuaidën aton mado tishpampic. Padnuen Abadauanën chidombo iuaidpenquio icsho: Min chidonquio bacuë tishendac, quequin ambi chiampicpadombuen Nuquin Papan aton mado tishmepampic.#4.23 Ene. 17.15-21bëta Ene. 18.10-15 isbanta. 24-25Aidi Sada nepampic. Aidi Nuquin Papan: Adquid icmendambi, quequin chiampid nepampic. Chido iuaidic Acad nepampic. Aidën tishaid yec aton mado iuabidi nepampic. Iuaidën madobimbuecquido Moisesën chiampiduidi namequido nec. Adquiobidi Edusaden yacnocquido iquec. Esus tantienquio yec Moisesën chiampid tantiate bunec iuabimbuec aido icpec. Nidaid utsi Adabia caid yacno macuësh tapa Sinai caidënshun Nuquin Papan ambi: Naden nata, quequin chiaid Moises dada uamepampic. Aden tantiaquin Abadauanën chido iua Acad cashumbic Sinai nec, caimbi. Nuquin Papan: Naden nata, quequin chiaiduidi nanuequido yec Acadën madobimbuecquido nec, quequin Sinai caombi. 26Padnuen abuc icquid Edusadembimbuecquid yec Sada iuaidpenquio nec. Adquid icnuc nuquitedi Sadan mado iuapenquio yacbimbuecquido yec ambo nuqui tabadendac. 27Nuquin Papan Chiampid nad iquec:
Cuishonqueta, chido naido, mibi bacuë nibëdquid neque.
Bacuë paëmbo icnuc tishesa iquequi cumapenec cuishonqueta.
Chido bënën niambuedën bacuë dadpen yanendac.
Aton bënë icquidën bacuën tsiuecquido daëdpactsëc yannubi, mimbi tishaid min madon tsiuecquido dadpenquioshë yanendac,
quequin chuipampic.#4.27 Isa. 54.1 isbanta.
28Cun utsibo, Isacbimbuecquido icsho ambi chiampicpadombuen Nuquin Papan: Cun mado nec. Cun champi nec, caido mibitedi nec. 29Ënden naido icbuedi Nuquin Papan ambi chiampicpadombuen tishquid icmiaidën mado icsho chido iuaidën madon aton utsibi chieshëmpampic. Adembidi nëbi Nuquin Papan Mayanën tantiamiac Esus tantiaquido icsho Moisesën chiampiduidi tantiaquin namequidon chieshënendac. 30¿Mitsipaden Nuquin Papan chuipampic? Naden Abadauan chuipampic: Iuaidën madon iuacmaidën mado icsambuen chieshëneque. Min chidon iuaid aton madobëtabi cuenme, Umbi meniaid bëdambocquid yacno tabadmetiapimbo iquebique, quequin chuipampic.#4.29-30 Ene. 21.9-21 isbanta. 31Cun utsibo, Aden chiampid icnuc chido iuaidën bacuëbobimbuecquidpenquio yec chido iuacmaidën bacuëbobimbuecquid nuquitedi nec.
Currently Selected:
Cadasia 4: mcfNT
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Cadasia 4
4
Iuabimbuec icbuedi Nuquin Papan bacuëbo yanaid
1Tantia. Padpiden chuinu. Atona dadpen dayun uaquidën nadoquid. Ubi uënësan cun madon cuna abitedi bedendac. Bacuë icquimbi cun madon cuna bedtiapimbo iquec. Canishumbien cuna abitedi bedendac, quequin aton papan chuiquid. Adashic aton papa uënësan caniabi yec utsibon iuabimbuec aton mado iquec. 2Caniabi icquin utsin iuabimbuecquin utsibon chiacpadombuen naindac aton madon. Adashic canishun aton papana bedash iuabimbuec icbuedi adquidpenquio yanendac. 3Adec iuabimbuec nuquitedi iccondac. Esuquidistu tantiabenabi icsho abi bunacpadombuen podobitsi icsabon namiaid nuquitedi icpondac.#4.3 Nëid dada uaid tantiaquidën naden chiec: Utsin utsinquien podobitsi icsan iuan namiaid quequin chiaid nec. Utsin utsinquien nidaid abichobibëta abuc icquid uëshë yec inchëshën chënquequid yec uispa yec quequid chiec nec. 4Adnubien ambi ëndenquimboshë tantiampicpadembi Nuquin Papan Aton Mado chomepanëdash. Aidi isadaidbo chidon tishaid icquin Nuquin Papan: Naden nata, quequin Moises chuiquin dada uamiampicpadombuen naquidquio nepanëdash. 5Adquid icnuc cun matses Moises chuiquin dada uamiampid naquidquio icsho Nuquin Papan Esus tantiamequin Aidën chiampid namenquio icquin cuishoncamendac: Cun bacuëbo nec, queshun.
6Aden Aton Mado tantiaquidotedi: Cun bacuëbo nec, queshun Nuquin Papan Aton Madon Mayan meniac nuquibëd tabadec.#4.6 Esusën Mayan Nuquin Papan Mayambidi nec. Aden meniac aidbëd tabadquin bacuën amë: Ubi, papa, cacbimbuen Nuquin Papa nuqui chiannec. 7Esus tantiabi yec iuabimbuec icbuedi nëbi Esus tantiasho Nuquin Papan: Cun bacuëbo nec, nuquitedi capec. Aden ambi tantiampicpadombuen Nuquin Papan abi yacno tabadmequin ambi: Cun bacuëbo nec, caidotedi bëdamboshëcquid aton natedi menendac.
¿Nuquin Papapenquio iuameteda bune? quiaid
8Ënden mibitedi Nuquin Papa tantiesa icquin utsi mimbi: Papa, quequin tantiapanëdac. Aidën iuabo yec mëtaniacbimbuec mibi icpanëdac. 9Adquid icbuedëmbi nëbi mimbi Nuquin Papa tantiec, queshumbic: Aidëmbi mibitedi tantiec, caimbi. Aidën tantiaido icquin ¿atotsi quequin aid tantienquio yanuai? ¿Moisesën chiampid tantiaquin namequidon nacpaden nanu, queshoda Nuquin Papan mibitedi bëdambuen ispec? Padenquio. 10Aden Nuquin Papa tantienquio icquin mibitedishun badiad yec inchëshën uëshë yec badiad tanaid yec seta yec quequin tantiec mibitedi iccuededtennepec. 11Mibitedi caic: Icsambuen naic tabadosh, utsibo quesho tantiash: Esus chuibanec abembi chonoadondabi, quiash dacuëdebi.
12Tantia. Chuinu, cun utsibo. Moisesën chiampiduidi nasho Nuquin Papan ubi bëdambuen isec, quenquio yanondabi. Mimbitsen adembidi tantiata. Ubitsen mibi padquid yanondabi. Adsho issun mimbi ubi icsa uainquio iccondac. 13Mimbi tantiaid chuinu. Mibi yacno tauambuec nidshun nënquimbi iuec tabadquin mibitedi tantiamequin Esusën naid Chiaid Bëda chuibanondambi. 14Nënec ubi chosho isash cacunmianenquio mibitedi iccondac. Ubi Nuquin Papabëd icquidbimbuec chosho isash mibitedi cuishonquiondac. Adecbidi Esuquidistubimbuec chosho isash mibitedi adondac. 15¿Atotsi quiash cumapenec cuishonquiondaidi ënëdo? Min ëshë chicshun ubi mene, cac mimbi ubi menetsenondac. Aden mimbi ubi tantiaquiondac. 16Adondaidi nëbi ¿abimbo chuiquindambi mibitedi ubi chieshënmepe? Padenquio.
17Mibitedi abimbo chienquio icquidon Moisesën chiampicpadombuen namequin icsametiadquio iqueque. Ista. ¿Mibitedi tantiaquioquin bëdambuen namenuenda chuipec? Padenquio. Ubëd cuëshëdmequin abibi tantiamenuen chuibanec neque. Aidon chiaid tantienda. 18Utsibon mibitedi tantiaquin bëdambuen namenuen chuibansho tantiac bëdambo ictsiash. Umbi chuibansho mimbi bëdambuen tantiondac. Adembidi ubi nibëdnubi ënenquio icquin tantiac bëdambo ictsiash. 19Cun bacuëbobimbuecquido icsho mibitedi tantiac uënësquio iquec. Anin paëmbo icnuc natiaquimbi aton bacuë tishacbimbuen natiaquin mibitedi tantiaquiembi. Esuquidistubimbuec icpashun, quequin tantiembi. 20Nëbimbobi mibi bëisquioquin mibitedi bëdambuen tantiamequin chuinu. Nidmepashuni, quequin tantiembi. Mibëd iquenquio icquimbi: ¿Mitsipadec tabadpeba? quequin tantiaquin bëisquioquin chushcacbimbuen mibitedi chiec nebi.
Acadbëta Sada chiaid
21Moisesën chiampiduidi naquin Nuquin Papa bëdambuen ismembi, quequido icquin Nuquin Papan Moises chiampid chuisho ¿bëdambuen tantiamboda ique? 22Naden chuipampic: Abadauanën mado daëd icpampic. Aton chidon ambi iuaid chido meniac bedshun tishmiaid abentsëc icnubi iuaidpenquio icquin aton chidonquio tishaid abentsëcbidi icpampic.#4.22 Ene. 16.1-16bëta Ene. 21.2 isbanta. 23Abadauanën chudac badedquio bacuë usundoshon chido iuaidën aton mado tishpampic. Padnuen Abadauanën chidombo iuaidpenquio icsho: Min chidonquio bacuë tishendac, quequin ambi chiampicpadombuen Nuquin Papan aton mado tishmepampic.#4.23 Ene. 17.15-21bëta Ene. 18.10-15 isbanta. 24-25Aidi Sada nepampic. Aidi Nuquin Papan: Adquid icmendambi, quequin chiampid nepampic. Chido iuaidic Acad nepampic. Aidën tishaid yec aton mado iuabidi nepampic. Iuaidën madobimbuecquido Moisesën chiampiduidi namequido nec. Adquiobidi Edusaden yacnocquido iquec. Esus tantienquio yec Moisesën chiampid tantiate bunec iuabimbuec aido icpec. Nidaid utsi Adabia caid yacno macuësh tapa Sinai caidënshun Nuquin Papan ambi: Naden nata, quequin chiaid Moises dada uamepampic. Aden tantiaquin Abadauanën chido iua Acad cashumbic Sinai nec, caimbi. Nuquin Papan: Naden nata, quequin chiaiduidi nanuequido yec Acadën madobimbuecquido nec, quequin Sinai caombi. 26Padnuen abuc icquid Edusadembimbuecquid yec Sada iuaidpenquio nec. Adquid icnuc nuquitedi Sadan mado iuapenquio yacbimbuecquido yec ambo nuqui tabadendac. 27Nuquin Papan Chiampid nad iquec:
Cuishonqueta, chido naido, mibi bacuë nibëdquid neque.
Bacuë paëmbo icnuc tishesa iquequi cumapenec cuishonqueta.
Chido bënën niambuedën bacuë dadpen yanendac.
Aton bënë icquidën bacuën tsiuecquido daëdpactsëc yannubi, mimbi tishaid min madon tsiuecquido dadpenquioshë yanendac,
quequin chuipampic.#4.27 Isa. 54.1 isbanta.
28Cun utsibo, Isacbimbuecquido icsho ambi chiampicpadombuen Nuquin Papan: Cun mado nec. Cun champi nec, caido mibitedi nec. 29Ënden naido icbuedi Nuquin Papan ambi chiampicpadombuen tishquid icmiaidën mado icsho chido iuaidën madon aton utsibi chieshëmpampic. Adembidi nëbi Nuquin Papan Mayanën tantiamiac Esus tantiaquido icsho Moisesën chiampiduidi tantiaquin namequidon chieshënendac. 30¿Mitsipaden Nuquin Papan chuipampic? Naden Abadauan chuipampic: Iuaidën madon iuacmaidën mado icsambuen chieshëneque. Min chidon iuaid aton madobëtabi cuenme, Umbi meniaid bëdambocquid yacno tabadmetiapimbo iquebique, quequin chuipampic.#4.29-30 Ene. 21.9-21 isbanta. 31Cun utsibo, Aden chiampid icnuc chido iuaidën bacuëbobimbuecquidpenquio yec chido iuacmaidën bacuëbobimbuecquid nuquitedi nec.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.