Hechos 19
19
Epeso yacno Pabado tabadaid
1Codinto yacno Apodo icnubi Pabado nidaid Pidiquia caid yacnouësh puduanec podquedën choec macuësh tapa naquiadcuëtsenec shubu dadpen icquid Epeso yacno chopanëdash. Ambo choshon Esus tantiaquido istuidshun 2naden chuipanëdash: ¿Ada Esus tantiabensho Nuquin Papan aton Mayan Bëda mibitedi meniondash? capanëdash Pabadon.
Adoaquien: Tsaun. Nuquin Papan Mayan Bëda iquec, quequin chuisho tantiambo iccombi, quecuededpanëdash.
3Adshobien Pabadon: ¿Atotsi tantiasho mibi acten mentobampanëdash? capanëdash.
Adoaquien aido: Uan acten mentoanquidën chiaid tantiaquid icsho acten mentondashi, quecuededpanëdash.
4Adsho tantiashumbien Pabadon: Mimbi icsambuen naid ënta, quequin chiacpaden naquin abimbo tantiaquidtedi Uanën acten mentobampanëdash. Adotanquimbic: Cun tsiuec choquid Esus tantiaquid icta, quequin Uanën chuipanëdash. 5Aden chiac: Esus Cun Icbo nec, quequin tantiaquid nebi, quequin Epeso yacnocquid Esus tantiaquidon chuisho tantiashun padpiden acten mentobampanëdash. 6-7Aden acten mentoaidotedi dada 12ted icsho Pabadon mëdanten mamishbanshobi Nuquin Papan aton Mayan Bëda menepanëdash. Adoac abi onquiacmaidënquio onquequin: Nuquin Papan: Naden naindambi, quequin oncamiaid chuibampanëdash.
8Adashic Nuquin Papan Chiaid isadaidbon chuibante shubun puduedshun Pabadon: Nuquin Papan namiacno tabadte iquec, quequin Chiaid Bëda Esus nanëdaid chuibampanëdash. Cuembo tantiamenu, quequin uëshë choaid 3ted nidmequin chonoadtemaid uëshën uëshënquien dacuëdenquio icquin Nuquin Papan Chiaid isadaidbo Pabadon chuibampanëdash. 9Aden chuibansho tantiash isadaidbo utsi utsiec pamumëdacbimbuec tabadquin: Tantiatiapibi, quequin Nuquin Papa yacno tabadmianquid chieshënquin icsambuen chuishumpanëdash. Adoac Esus tantiaquidobëd Pabado: Nidnunid, quianec Nuquin Papan Chiaid chuibante shubu yacnouësh puduenanec nidec Tidano cuëmëdquidën chuibanquin tantiamete shubu yacno nidshun adombuembidi tantiamenuen badiadquidën badiadquidënquien Nuquin Papan Chiaid chuibampanëdash. 10Adec seta daëd matanmequin Pabadon Nuquin Papan Chiaid chuibampanëdash. Aden nidaid Asia caidën icquidtedishun isadaidbobëtan isadaidpembon Nuquin Icbo Esusën Chiaid chuibansho tantiapanëdash.
11Nuquin Papan namiac Pabadon nadatiambocquin dadpen nabampanëdash. 12Pabadon dada cuëscaid dashcute cuëshë utsin buanshun nënquidobëta daicsaido mishbanac bëdampanëdash. Adembidi podobitsi icsa dapuduedaid cuëscaquin mishac dapuduempanëdash.
Esseban madobon naid
13Adnubien podobitsi icsa dapuduenmenuen Pabadon Esus chuiquin nabocpaden tanquin isadaidbo utsibon: Esus Pabadon chuibuedënquio namiac dapuduen, capanëdash. 14Pabado tannuequido nëish iua cuessunneshun pichicaquidon chuiquid isadaidbo yec Esseba cuëmëdquidën mado 7ted icpanëdash. 15Aidon aden padpiden chiaquien podobitsi icsan: Esus umbi isaid nec. Pabado umbi isaidbidi nec. ¿Adquid icnuc tsutsi mibitedi ne? 16quetanquin bëcunnequin dashcute ched chedcapambuen podobitsi icsa dapuduedaidën cuesactanniaqui shubu nuntanuësh puduenanec dashcute nibëdpambuec cheshcaid intac intacpambo yec Esseban mado cuempanëdash. 17Adec cuensho isquidon chiac Epeso yacnocquid isadaidbobëd isadaidpembo dacuëdcuededpanëdash. Adec dacuëdquimbi: Esus nadatiambocquin nabanquid nec, quequin tantiabededpanëdash. 18Esus tantiesa icbuedëmbi aid tantiaquid yanshun Esus tantiaquido iccuededacno nidshun utsibo tantiamequin ambi icsambuen nabanaidtedi chuibampanëdash. 19Adembidi nënëchoquid icbuedombi dadpenshun: Nëbi adquid ictiapimbo iquebi, quetanquin cute dëtsiadotanquin ambi podobitsi icsan namete chuiquin dada uaidtedi caic: Nëid bedshun isash utsitsen icsamboshë icnushe, queshun abitedishun isnubi aid dada uaidtedi pichicapanëdash. Aden pichicabi icsho aidtedi menequin piucquid shocosh ushu nacnenaid dadpen 50 midted bedtsempanëdash.#19.19 Uëshë abentsëquën chonoadacsho menete aid shocosh ushu nacnenaid abentsëc nepampic. 20Adec Esus tantiaquid yansho issun Esus tantiaquid utsibon shubu dadpen icquid utsi utsiec yacno nidshun dacuëdenquio icquin Esusën naid chuibenniac utsi dadpen Esus tantiaquid yampanëdash.
21Adashien Pabado: Edusaden yacno nidnu, quequin nidaid Masedonia caid yacnocquido isbidanquin nidaid Acaya caid yacnocquidotsen isbidanec nidec Edusaden yacno nidash tabadashic shubu dadpen icquid Doma caid yacnotsen nidtiadquio iquebi, quequin Pabadon tantiapanëdash. 22Aden tantiec: Nidaid Asia caid yacno iuepactsëc tabadnu, quequin nidaid Masedonia caid yacno abia abi nashunquido Timoteobëta Edasto nidmepanëdash.
Epeso yacnouësh Esus tantiaquido chieshënec cumapenec cuëdcuededaid
23Epeso yacnoshon: Nuquin Papa yacno tabadmianquid iquec, quequin Pabadon chuibanaquien Esus tantiesabo nëishquiash chushquecuededpanëdash. 24Adquid Demetedio cuëmëdquid ambi tantiaid chidobimbuecnuc nacnenaid Adtemisa caidën shububimbuecnuc shubumpi nacnenmequid icpanëdash. Aden ambi nacnenmiaid menequin piucquid dadpen bedbampanëdash. Adshumbic abëtan nacnenaido dadpen menebampanëdash. 25Aidëmbi: Esus tantianu, quesa icquin ambi namiaidobëta abipadquid Adtemisa caidën shububimbuecnuc nacnenmequid utsibo iccuededmequin Demetedion nadopanëdash: Nuqui tantiaid Adtemisan shububimbuecnuc shubumpi nacnenshun menequin piucquid dadpen nuqui bedbanec, quequin mibitedishun tantiec. 26Aden nanubi nidaid utsi yacnouësh Pabado cuëmëdquid nëmbo choshon cumapenen naden chuibanec: Adtemisabimbuecnuc nacnenaid tiboquesa iquec. Adquid matsesën tantiaid abimbo ictiapimbo iqueque. Aid tantienda, quequin chuibanac Epeso yacnocquidobëtan nidaid cuëshë Asia yacnocquid matses dadpenshun Adtemisa tantienquio yanac. 27Aden chiac matses utsi dadpenshun Pabadon chiaid tantiaquin nuqui Adtemisa aton shububëta aid daëdbimbuecnuc nacnenaid icsambo iquec, catsiash. Adshun nidaid Asia yacnocquido dadpenshun Adtemisa tantiabuedombi aidbimbuecnuc nacnenaid tantienquio yannubi adembidi matses abitedishunquio tantienquio yanuaindac. Aden tantienquio yanshun aidbimbuecnuc nuqui nacnenaid piucquid menequin bedenquio iquendac, quepanëdash Demetedio.#19.27 Adtemisan shubu dapa bëdamboshë isadtequid neposh, quequin dadpenshun chuipanëdash.
28Aden chiac ambi chomebuedtedi nëishcuededash: Epeso yacnocquidon tantiaid Adtemisa bëdambo iquec, quec cumapenec cuëdcuededpanëdash. 29Adec cumapenec cuëdcuededsho tantiash Epeso yacnocquid utsibo aidobëd cuëdcuededpanëdash. Adec cuëdcuededash nëishshun nidaid Masedonia caid yacnouësh Pabadobëd chobued Cayobëta Adistadco bedshun nimbanquin iccuededte shubu yacno buampanëdash. 30Aden aid daëd bedshun buansho isquidën chiac Pabado: Iccuededte shubu yacno nidash matsesbëd onquete bunebi, quesho tantiashun: Padi. Ambo nidenda, capanëdash Esus tantiaquidon. 31Adembidi: Pabado bëdambo iquec, quequin ambocquidon chuiquid utsin utsinquien: Ambo nidenda, quequin chuitan, cac Pabado chuiuampanëdash.
32Adnubien cuëdcuededquidon Cayobëta Adistadco bedshun buansho isash aidobëd iccuededte shubu yacno choash matses dadpen cuëdcuededsho tantiash utsi utsiec: ¿Atotsi queshun aid daëdi nëmbo bëpac? quenubi utsi utsiec dadpenquio: ¿Atotsi quiash nëmbo nuqui tabadec nepe? quequin tantienquio yec tabadpanëdash. 33Adnubien: Ubitedishun naid bëdambuen tantiamenuen chuitan, quequin isadaidbon Adejando cuëmëdquid tsicunniac nënantanquio nidtoshon mëdante uic uiccaic: Otacquio tabadquin tantiata. Chuibannu, quetanquin 34daëdpactsëc chiec onquesho tantiash cuëdcuededbuedi ënëdash tabadnubi: Isadaidbo aidi nec, quesho tantiash: Epeso yacnocquidon tantiaid Adtemisa bëdambo iquec, quec iuecquio cuëdcuededuapanëdash.
35Adec cuëdcuededshobien Epeso yacnocquidon chuiquidën chiaid dada uaquidën matses dadpen cuëdsho ënëdmeshun nadopanëdash: Epeso yacnocquidon tantiata. Chuinu. Adtemisa caidbimbuecquid abucuësh paëdaidbimbuecnuc nacnenaid nuqui tantiaidbëta abi tabadte shubu isquido nuqui nec. Adquid Epeso yacnocquido nec, quequin nidaidën tabadquidtedishun tantiec. 36Aden utsibon tantiec, quequin tantiaquin cuëdcuededbuedi ënëdshun bëdambuen tantiashun nata. 37Nëid dada daëd mimbi nëmbo bëbuedën Adtemisa caidën shubu puduedshun icsa uambo iccosh. Adembidi ampiambo iccosh. Adembidi Adtemisa cain icsambuen chuishunec icsambuec onquiambo iccosh. 38Adambo icnuc Demetediobëd icquido aidbëd chushquiaid chuimenuen Epeso yacnocquidon: Naden nata, quequin chiaid tantiaquid cuidte chuiquido yacno nëid daëd buanshun: Nëid icsambocquido nec, quequin chuitiadquidi mibi nec. Adoac chuiquidon mimbi buambuedtsen chuimequin tantiatsiash. Aido ismequin buantiadquidi mibi nec. 39Cun matses cuidte chuiquidon ma utsitsen tantianu, quequin aido iccuededacno nidshun chuiquid nuquin matses nendac. 40Cumapenec cuëdcuededac caosh, quesho nuqui iuaquid Doma yacnocquidon chuiquid tapanquio tantianushe. Aden tantiashun abëd icquid chomiac: ¿Atotsi queshun nao? cac ¿midapaden chuitiapimbo nuqui ictsiaque? 41Nidannec nid, chuiquidën chiaid dada uaquidën cac Demetediobëd iccuededquido nidannepanëdash.
Currently Selected:
Hechos 19: mcfNT
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Hechos 19
19
Epeso yacno Pabado tabadaid
1Codinto yacno Apodo icnubi Pabado nidaid Pidiquia caid yacnouësh puduanec podquedën choec macuësh tapa naquiadcuëtsenec shubu dadpen icquid Epeso yacno chopanëdash. Ambo choshon Esus tantiaquido istuidshun 2naden chuipanëdash: ¿Ada Esus tantiabensho Nuquin Papan aton Mayan Bëda mibitedi meniondash? capanëdash Pabadon.
Adoaquien: Tsaun. Nuquin Papan Mayan Bëda iquec, quequin chuisho tantiambo iccombi, quecuededpanëdash.
3Adshobien Pabadon: ¿Atotsi tantiasho mibi acten mentobampanëdash? capanëdash.
Adoaquien aido: Uan acten mentoanquidën chiaid tantiaquid icsho acten mentondashi, quecuededpanëdash.
4Adsho tantiashumbien Pabadon: Mimbi icsambuen naid ënta, quequin chiacpaden naquin abimbo tantiaquidtedi Uanën acten mentobampanëdash. Adotanquimbic: Cun tsiuec choquid Esus tantiaquid icta, quequin Uanën chuipanëdash. 5Aden chiac: Esus Cun Icbo nec, quequin tantiaquid nebi, quequin Epeso yacnocquid Esus tantiaquidon chuisho tantiashun padpiden acten mentobampanëdash. 6-7Aden acten mentoaidotedi dada 12ted icsho Pabadon mëdanten mamishbanshobi Nuquin Papan aton Mayan Bëda menepanëdash. Adoac abi onquiacmaidënquio onquequin: Nuquin Papan: Naden naindambi, quequin oncamiaid chuibampanëdash.
8Adashic Nuquin Papan Chiaid isadaidbon chuibante shubun puduedshun Pabadon: Nuquin Papan namiacno tabadte iquec, quequin Chiaid Bëda Esus nanëdaid chuibampanëdash. Cuembo tantiamenu, quequin uëshë choaid 3ted nidmequin chonoadtemaid uëshën uëshënquien dacuëdenquio icquin Nuquin Papan Chiaid isadaidbo Pabadon chuibampanëdash. 9Aden chuibansho tantiash isadaidbo utsi utsiec pamumëdacbimbuec tabadquin: Tantiatiapibi, quequin Nuquin Papa yacno tabadmianquid chieshënquin icsambuen chuishumpanëdash. Adoac Esus tantiaquidobëd Pabado: Nidnunid, quianec Nuquin Papan Chiaid chuibante shubu yacnouësh puduenanec nidec Tidano cuëmëdquidën chuibanquin tantiamete shubu yacno nidshun adombuembidi tantiamenuen badiadquidën badiadquidënquien Nuquin Papan Chiaid chuibampanëdash. 10Adec seta daëd matanmequin Pabadon Nuquin Papan Chiaid chuibampanëdash. Aden nidaid Asia caidën icquidtedishun isadaidbobëtan isadaidpembon Nuquin Icbo Esusën Chiaid chuibansho tantiapanëdash.
11Nuquin Papan namiac Pabadon nadatiambocquin dadpen nabampanëdash. 12Pabadon dada cuëscaid dashcute cuëshë utsin buanshun nënquidobëta daicsaido mishbanac bëdampanëdash. Adembidi podobitsi icsa dapuduedaid cuëscaquin mishac dapuduempanëdash.
Esseban madobon naid
13Adnubien podobitsi icsa dapuduenmenuen Pabadon Esus chuiquin nabocpaden tanquin isadaidbo utsibon: Esus Pabadon chuibuedënquio namiac dapuduen, capanëdash. 14Pabado tannuequido nëish iua cuessunneshun pichicaquidon chuiquid isadaidbo yec Esseba cuëmëdquidën mado 7ted icpanëdash. 15Aidon aden padpiden chiaquien podobitsi icsan: Esus umbi isaid nec. Pabado umbi isaidbidi nec. ¿Adquid icnuc tsutsi mibitedi ne? 16quetanquin bëcunnequin dashcute ched chedcapambuen podobitsi icsa dapuduedaidën cuesactanniaqui shubu nuntanuësh puduenanec dashcute nibëdpambuec cheshcaid intac intacpambo yec Esseban mado cuempanëdash. 17Adec cuensho isquidon chiac Epeso yacnocquid isadaidbobëd isadaidpembo dacuëdcuededpanëdash. Adec dacuëdquimbi: Esus nadatiambocquin nabanquid nec, quequin tantiabededpanëdash. 18Esus tantiesa icbuedëmbi aid tantiaquid yanshun Esus tantiaquido iccuededacno nidshun utsibo tantiamequin ambi icsambuen nabanaidtedi chuibampanëdash. 19Adembidi nënëchoquid icbuedombi dadpenshun: Nëbi adquid ictiapimbo iquebi, quetanquin cute dëtsiadotanquin ambi podobitsi icsan namete chuiquin dada uaidtedi caic: Nëid bedshun isash utsitsen icsamboshë icnushe, queshun abitedishun isnubi aid dada uaidtedi pichicapanëdash. Aden pichicabi icsho aidtedi menequin piucquid shocosh ushu nacnenaid dadpen 50 midted bedtsempanëdash.#19.19 Uëshë abentsëquën chonoadacsho menete aid shocosh ushu nacnenaid abentsëc nepampic. 20Adec Esus tantiaquid yansho issun Esus tantiaquid utsibon shubu dadpen icquid utsi utsiec yacno nidshun dacuëdenquio icquin Esusën naid chuibenniac utsi dadpen Esus tantiaquid yampanëdash.
21Adashien Pabado: Edusaden yacno nidnu, quequin nidaid Masedonia caid yacnocquido isbidanquin nidaid Acaya caid yacnocquidotsen isbidanec nidec Edusaden yacno nidash tabadashic shubu dadpen icquid Doma caid yacnotsen nidtiadquio iquebi, quequin Pabadon tantiapanëdash. 22Aden tantiec: Nidaid Asia caid yacno iuepactsëc tabadnu, quequin nidaid Masedonia caid yacno abia abi nashunquido Timoteobëta Edasto nidmepanëdash.
Epeso yacnouësh Esus tantiaquido chieshënec cumapenec cuëdcuededaid
23Epeso yacnoshon: Nuquin Papa yacno tabadmianquid iquec, quequin Pabadon chuibanaquien Esus tantiesabo nëishquiash chushquecuededpanëdash. 24Adquid Demetedio cuëmëdquid ambi tantiaid chidobimbuecnuc nacnenaid Adtemisa caidën shububimbuecnuc shubumpi nacnenmequid icpanëdash. Aden ambi nacnenmiaid menequin piucquid dadpen bedbampanëdash. Adshumbic abëtan nacnenaido dadpen menebampanëdash. 25Aidëmbi: Esus tantianu, quesa icquin ambi namiaidobëta abipadquid Adtemisa caidën shububimbuecnuc nacnenmequid utsibo iccuededmequin Demetedion nadopanëdash: Nuqui tantiaid Adtemisan shububimbuecnuc shubumpi nacnenshun menequin piucquid dadpen nuqui bedbanec, quequin mibitedishun tantiec. 26Aden nanubi nidaid utsi yacnouësh Pabado cuëmëdquid nëmbo choshon cumapenen naden chuibanec: Adtemisabimbuecnuc nacnenaid tiboquesa iquec. Adquid matsesën tantiaid abimbo ictiapimbo iqueque. Aid tantienda, quequin chuibanac Epeso yacnocquidobëtan nidaid cuëshë Asia yacnocquid matses dadpenshun Adtemisa tantienquio yanac. 27Aden chiac matses utsi dadpenshun Pabadon chiaid tantiaquin nuqui Adtemisa aton shububëta aid daëdbimbuecnuc nacnenaid icsambo iquec, catsiash. Adshun nidaid Asia yacnocquido dadpenshun Adtemisa tantiabuedombi aidbimbuecnuc nacnenaid tantienquio yannubi adembidi matses abitedishunquio tantienquio yanuaindac. Aden tantienquio yanshun aidbimbuecnuc nuqui nacnenaid piucquid menequin bedenquio iquendac, quepanëdash Demetedio.#19.27 Adtemisan shubu dapa bëdamboshë isadtequid neposh, quequin dadpenshun chuipanëdash.
28Aden chiac ambi chomebuedtedi nëishcuededash: Epeso yacnocquidon tantiaid Adtemisa bëdambo iquec, quec cumapenec cuëdcuededpanëdash. 29Adec cumapenec cuëdcuededsho tantiash Epeso yacnocquid utsibo aidobëd cuëdcuededpanëdash. Adec cuëdcuededash nëishshun nidaid Masedonia caid yacnouësh Pabadobëd chobued Cayobëta Adistadco bedshun nimbanquin iccuededte shubu yacno buampanëdash. 30Aden aid daëd bedshun buansho isquidën chiac Pabado: Iccuededte shubu yacno nidash matsesbëd onquete bunebi, quesho tantiashun: Padi. Ambo nidenda, capanëdash Esus tantiaquidon. 31Adembidi: Pabado bëdambo iquec, quequin ambocquidon chuiquid utsin utsinquien: Ambo nidenda, quequin chuitan, cac Pabado chuiuampanëdash.
32Adnubien cuëdcuededquidon Cayobëta Adistadco bedshun buansho isash aidobëd iccuededte shubu yacno choash matses dadpen cuëdcuededsho tantiash utsi utsiec: ¿Atotsi queshun aid daëdi nëmbo bëpac? quenubi utsi utsiec dadpenquio: ¿Atotsi quiash nëmbo nuqui tabadec nepe? quequin tantienquio yec tabadpanëdash. 33Adnubien: Ubitedishun naid bëdambuen tantiamenuen chuitan, quequin isadaidbon Adejando cuëmëdquid tsicunniac nënantanquio nidtoshon mëdante uic uiccaic: Otacquio tabadquin tantiata. Chuibannu, quetanquin 34daëdpactsëc chiec onquesho tantiash cuëdcuededbuedi ënëdash tabadnubi: Isadaidbo aidi nec, quesho tantiash: Epeso yacnocquidon tantiaid Adtemisa bëdambo iquec, quec iuecquio cuëdcuededuapanëdash.
35Adec cuëdcuededshobien Epeso yacnocquidon chuiquidën chiaid dada uaquidën matses dadpen cuëdsho ënëdmeshun nadopanëdash: Epeso yacnocquidon tantiata. Chuinu. Adtemisa caidbimbuecquid abucuësh paëdaidbimbuecnuc nacnenaid nuqui tantiaidbëta abi tabadte shubu isquido nuqui nec. Adquid Epeso yacnocquido nec, quequin nidaidën tabadquidtedishun tantiec. 36Aden utsibon tantiec, quequin tantiaquin cuëdcuededbuedi ënëdshun bëdambuen tantiashun nata. 37Nëid dada daëd mimbi nëmbo bëbuedën Adtemisa caidën shubu puduedshun icsa uambo iccosh. Adembidi ampiambo iccosh. Adembidi Adtemisa cain icsambuen chuishunec icsambuec onquiambo iccosh. 38Adambo icnuc Demetediobëd icquido aidbëd chushquiaid chuimenuen Epeso yacnocquidon: Naden nata, quequin chiaid tantiaquid cuidte chuiquido yacno nëid daëd buanshun: Nëid icsambocquido nec, quequin chuitiadquidi mibi nec. Adoac chuiquidon mimbi buambuedtsen chuimequin tantiatsiash. Aido ismequin buantiadquidi mibi nec. 39Cun matses cuidte chuiquidon ma utsitsen tantianu, quequin aido iccuededacno nidshun chuiquid nuquin matses nendac. 40Cumapenec cuëdcuededac caosh, quesho nuqui iuaquid Doma yacnocquidon chuiquid tapanquio tantianushe. Aden tantiashun abëd icquid chomiac: ¿Atotsi queshun nao? cac ¿midapaden chuitiapimbo nuqui ictsiaque? 41Nidannec nid, chuiquidën chiaid dada uaquidën cac Demetediobëd iccuededquido nidannepanëdash.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.