Hechos 13
13
2. Matses utsi utsien chuibennec nidquin Pabadon bedanaid
(13.1—14.28)
Bednabebëtan Saudon Nuquin Papan Chiaid chuibanquin tauaid
1Adashic: Esuquidistu tantiaquid utsi utsiec Nuquin Papan oncamiaidobëd chuibanquin tantiamequido Antioquia yacno nëidtedi tabadpanëdash. Nëidic Bednabe. Utsibic Simon cashumbic Dada Chëshë quequin cuënaid. Utsibic Sidene yacnocquid Dusio. Utsibic nidaid Cadidea yacnocquidon chuiquid tapa Edodes Antipasbëta caniuaid Menain cuëmëdquid. Utsibic Saudo. 2Aidtedshun Esusuidtsëqui tantiec tabadquin buna mëmunsho Nuquin Papan Mayan Bëdan: Saudobëtan Bednaben ma umbi chuibocpaden chuibennenu. Chui, quequin tantiamepanëdash. 3Adoaquien buna mëmunquin Nuquin Papa chiec onquequin nainshun abëd icquid utsibon mëdanten Saudobëta Bednabe mamishquin nadopanëdash: Nidaid utsi utsiec yacno nidshun Nuquin Papan chiacpaden Esus chuibennetan, capanëdash.
Bednabebëtan Saudon Chipide yacno chuibanaid
4-5Aden mamishquin chiacshobien Nuquin Papan Mayan Bëdan nidmiac Saudobëd Bednabe Antioquia yacnouësh puduanec nidpanëdash. Aid daëd nidsho isash Uan cashumbic Madcos caid nidpanëdash: Nëid daëd nashunquid icnu, quiash. Aidtedi nidannec acte cuëman shubu dadpen icquid Sedeusia caid yacno nidash cano dapa antabëdtoanec acte nënantanquio nidaid nacnëdquid Chipide caid yacno chopanëdash. Auëshquio puduanec nidequi shubu dadpen icquid Sadamina caid yacno chopanëdash. Adec choash tabadquin aton matses isadaidbo iccuededaid Nuquin Papan Chiaid chuibante shubun shubunquiec puduedshun Nuquin Papan Chiaid Bednabebëtan Saudon chuibampanëdash. 6Adoshombic Sadamina yacnouësh nidquin chuibidanec Chipide cuëma utsiuc shubu dadpen icquid Papos caid yacnotsen choash Saudo Bednabebëd tabadpanëdash. Ambo tabadquin isadaidbo nënëchoquid Badesus cuëmëdquid istuidpanëdash. Aidëmbi Mayan Icsa Satanasën tantiamiaid icquin abimbo chiacbimbuec: Nuquin Papan oncamiaidquio nebi, quequin muaquin chuibampanëdash. 7Aidi Papos yacnocquidon chuiquid tapa cobednadod Sedquio Paudo cuëmëdquidën shubun tabadpanëdash. Aid cobednadod dadpen tantiaquidquio icquin: Esus chuibanquido chosh, quesho tantiash: Aidon Nuquin Papan Chiaid chuibansho tantiate bunebique. Bednabebëta Saudo bedtan, capanëdash. 8Adoac choshon aidon Esus chuibampanëdash. Aden Saudon chuibansho tantiec chuiquid tapa tsadsho issun nënëchoquid Badesusën tantiamenquiocnuen utsi uain chuiuapanëdash. Aidi quidiecon onqueten Edimas cuëmpanëdash. 9Saudo quequin isadaidbon cuënnubi Pabado quequin isadaidpembon cuëmpanëdash. Aden Edimasën utsi uain chuisho tantiashun Nuquin Papan Mayan Bëdan tantiamiac aid bëisec Pabado nadpanëdash: 10Mayan Icsa Satanasën tantiamiaid yec bëdambuen naidbëta bëdambuen chiaid tantiamesambo mibi nec. Nuquin Papan namiaid nebi, quequin mimbi icsambuen naid ompoquimbi Nuquin Papan Chiaid utsi uaquin muaquin mimbi adenuidi chuibaneque. Tantia. Chuinu. 11Nëbimbobi Cun Icbon mibi cuidquin mëyadmequin bëshu uaindac. Uëshë chënquesho mimbi iuen isenquio iquendac, quepanëdash Pabado Edimas chiec.
Aden chuinubien badedquio aton ëshë inchëshbudacbimbuec yannuc: ¿Tsuntsimbini mëdinshun buampec? quequin nibëdacnobi mishquin uëmbampanëdash. 12Aden Edimas bëshu uacsho isec tantiadempambo ictanec: Nuquin Icbon chiaid abimbo iquec, quiash chuiquid tapa Sedquio Paudo Esus tantiaquid yampanëdash.
Pabadobëtan Bednaben nidaid cuëshë Pisidia yacno nidshun chuibanaid
13Pabado abëd icquidobëd Papos yacnouësh cano dapa antabëdtoanec nidquin nidaid cuëshë Pampidia caid yacnocquid shubu dadpen icquid Pedque yacno nidpanëdash. Adnubi Uan Madcos Edusaden yacno nidnuec tëshëdpanëdash. 14Pedque yacno isbidanec nidaid cuëshë Pisidia caidën icquid shubu dadpen icquid Antioquia caid utsi yacno chopanëdash. Ambobi tabadequi chonoadtemaid uëshën Nuquin Papan Chiaid chuibante shubun puduedash tabadpanëdash. 15Ambo tabadnubien Nuquin Papan Moises dada uamiampidbëta Nuquin Papan oncamiampidën dada uamiampidtsen isec onquequin chuitanquin chuiquidon: Isedquido iqueque. Aid daëdi tabadacno nidshun: Ubitedi bëdambo icmenuen ¿ada chuibante bune? En chuiban. Tantianu, quequin Bednabebëta Pabado chuipanëdash.
16Adoaquien abi tsadacnouëshi nidtoash otacquio tabadmenuen mëdante uic uiccashun Pabadon: Nuquin Papa tantiaquido icsho Nuquin Papan naid mibi chuibannu. Tantiaquiota, isadaidbo. Adembidi Nuquin Papa tantiaquido icquin matses utsibontsen tantiata. 17Nidaid Equipito caid yacno nuquin tsusedpabo isadaidbo tabadshobi Nuquin Papan bëdambuen isquin dadpenquio caidmepampic. Aden caidmiaido yec Equipito yacnocquidon iuabo yampanëdash. Adquid icsho issun Nuquin Papan nadatiambocquin nabanquin Equipito yacnoshon buanmepampic.#13.17 Aden isadaidbo caidaido iuaidbëta Equipito yacnoshon buanaid iste bunquin Buan. 1.7bëta Buan. 12.51 ista. 18Adoaqui nuquin tsusedpabon Nuquin Papan Chiaid niac niacsho issun Nuquin Papan nac shubu nibëdec masiuidpambo yacno seta dadpen 40ted matanmec capucuennesho Nuquin Papan abi chieshënquido icshobi uesquin cuidenquio icquin buanmepampic.#13.18 Aden Nuquin Papan isadaidbo seta cuarentated matanmequin capucuenmiaid iste bunquin I.T. 14.34 ista. 19Aden buanquin nidaid Canan caid yacno buanshun ambocquido isadaidpembo istuidshun aton nidaid 7ted icquido matses utsi utsien cuessun secamequin cuenmeshun aidon nidaidtedi nuquin tsusedpabo menepampic.#13.19 Aidtedi nidaid Nuquin Papan mibi menendac, quequin chiaid iste bunquin M.I.Ch. 7.1 isbanta. Adembidi Osue 14.1 isbanta. 20Aden meniaidën dadpenquioshë seta 450ted matanmequin ambobi tabadmepampic.
Adshumbic isadaidbo cuidte chuiquid utsi utsien icmeshumbic Nuquin Papan ambi oncamiaid Samued cuëmëdquid tsusedpabon chuiquid icmepampic.#C.Ch. 2.16; Sam.1. 3.20. 21Aidi isadaidbon chuiquid icnubic: Chuiquid tapambo icmete bunebi, quecuededsho tantiashun seta dadpen 40ted matanmec tabadmequin Nuquin Papan Quisën mado Saud cuëmëdquid isadaidbon chuiquid tapa icmepampic. Aidi Benjaminën tsiuecquidon matses nepampic.#13.21 Ënden Abadauanën baba Acobon mado Benjamin nepampic. Aidën tsiuecquidon matses Saudo nepampic. Sam.1. 8.4-5bëta 8.19 isbanta. 22Adshumbic iuecshun Saud Nuquin Papan Ambi Chiaid tantiesa yansho issun utsitsen Dabid cuëmëdquid tsusedpabon chuiquid tapambo icmepampic. Aidi ambi chiacpadombuen nabanquidquio icsho isash Nuquin Papa: Dabid Esen mado ubi bëdambo icmequin ubi bunacpaden nabanquidquio nendac, quepampic, quepanëdash Pabado.#13.22 Chotaquën onqueten dada uaid Cuëd. 89.20 isbanta. Adembidi Sam.1. 13.13-14bëta 16.12 tantiaquin nëid dada uapanëdash.
23Aden chuishumbic: Nuquin Papan ambi chiampicpaden Dabidën tsiuecquid Nuquin Papan Chomiaid Esus matsesën icsambuen naid bedshunash abided cuidadshun abi yacno isadaidbo puduedmequid Nuquin Papan icmepanëdash.#13.23 Dabid quequin chiaid istiadquio icquin Sam.2. 7.12-16bëta Sam.2.bidi 22.51 isbanta. Adembidi chotaquën onqueten dada uaid iqueque. Cuëd. 132.11-13, 17 isbanta. 24Esus chouabicnuc Uan acten mentoanquidëmba isadaidbotedi chuiquin: Nuquin Papa tantiaquin mimbi icsambuen naid ënshun acten mentometa, quequin chuibennepanëdash. 25Aden chuibanquin nainequi: ¿Mitsi paden ubi isquin tantie? Nuquin Papan Chomiaid mimbi cainaidpenquio nebi. Mimbi cainaidquio choendac. Aidi ubi udictsëcquid yec nadatiambocquin nabanquid icsho ubi icsaquid icquin abi tapucudaid chicnuec dacuëdec shuebudtiapimbo iquebi, quepanëdash Uan acten mentoanquid, quepanëdash Pabado.
26Tantia. Cun matses isadaidbo Abadauanën tsiuecquidobëta Nuquin Papa tantiaquido matses utsibo icsho mibitedi chuinu. Nuquitedi icsambuen naid bedshunash abided cuidadec Esuquidistu uënëspanëdash. Aid tantiaquid icsho abi yacno nuquitedi tabadmendac. 27Adquid icsho: Nuquin Papan Chomiaid Esus nec, quenquio icquin Edusaden yacnocquidobëtan aton chuiquid tapabon: Icsambocquid neque. Unës ua, quequin chuipanëdash. Aden uënës uate chiaid tantienquio icquin chonoadtemaid uëshën uëshënquien istednequimbi Nuquin Papan ambi oncamiaidën dada uamiampicpadembi aidon Esus uënës uapanëdash. 28Esusën icsambuen naid nibëdec, Pidaton cashobi: Icsambocquid neque. Aid uënës uametiadquidi mibi nec, quepanëdash isadaidbo Pidato chiec. 29Adoaquien Nuquin Papan chuiquin dada uamiampicpaden nabanquin nainacsho Esus cueste napotiaidën dectanquin uënës uamiacsho chicshun cuënote shëcuë chucanquio Esus nauedpanëdash. 30Adoacsho Nuquin Papan Esus uincuenmepanëdash. 31Uincuenmiac isadcuenash iuec capusho nidaid Cadidea yacnouësh Edusaden yacno abëd chochobuedo aidotedi abibi ismiannepanëdash. Aden ismianniac nëbi aidombi abi Esuquidistu chuibanquin matses tantiamec, quepanëdash Pabado.
32Adembidi aid isnëdaidbëtambi Esusën naid Chiaid Bëda mibitedi abimbo chuibanquin ubitedishun naique. Tantia. Chuinu. Nuquin Papan: Matses ubëd tabadmequid chomendambi, quequin nuquin tsusedpabo chuipampic. 33Nëbien ambi chiampicpadombuen Nuquin Papan uincuenmiaid Esus nec. Aidi chuiquin Nuquin Papan dada uamiampid nad iqueque. Tantia. Chuinu.
Cun Madombo mibi nec.
Nëid uëshëmbi Min Papa nebi,
quequin chuiquin dada uamepampic.#13.33 Cuëd. 2.7 tantiaquin nëid dada uapanëdash. 34Adembidi: Umbi uincuenmetequidën nami chodquesa iquendac, quequin Nuquin Papan chuipampic. Ambi chuiquin dada uamiampid nad iquec:#13.34 Isa. 55.3 tantiaquin nëid dada uapanëdash.
Dabid chiampicpadembi mibi icsaisa icsho umbi bëdambuen isaid mibi nec, mado,
quequin Nuquin Papan dada uamepampic. 35Ambi chuiquin dada uamiampid utsi nad iquec:
Mimbi namiaid icsaisa icsho aton nami chodquesa mimbi icmendac,
quequin Nuquin Papan Dabid chuimepampic.#13.35 Cuëd. 16.10 ista.
36Dabid Nuquin Papa bunacpadombuen naimbudquin aton matses nashunash uënësacsho issun aton mëdimbo chocoquiacno Dabid chococac aidën namitsen chodquepampic, quequin nuqui tantiec. 37Padnuen Nuquin Papan uincuenmiaidën nami chodquiambo icpanëdash. 38-39Aidi icsaisa yequi matses icsaid bedshunash abided cuidadec uënëspanëdash, quequin tantiata, quequin chuibanec nebi. Nëbi aid tantiaquidouidtsëqui icsaisabimbuecnuc Nuquin Papan bëdambuen isec. Adquid cuidenquio iquendac. Ënden Nuquin Papan: Naden nata, quequin Moises dada uamiampidtedi matsesën natiapimbo iquec. Aden natiapimbocsho icsaisabimbuecnuc Nuquin Papan bëdambuen istiapimbo ictsiash. 40Nuquin Papan Chomiaid choec, quequin chiaqui tsusedpabon tantienquio icampicpadquid iquenda. Aido chuiquin Nuquin Papan oncamiampidon dada uampid nad iquec:
41Umbi Chomiaid isquidon chiaqui aid tantiate bunenquio mibitedi icpec.
Adquid yec: Tantiadempambo iquec, quec mamënshunmënquido icsho cuidquin abëdi tabadmetiapimbo iquendac.
Adquid icmane, queshun aid tantiaquiota,
quepanëdash Pabado iccuededquido chiec.#13.41 Aba. 1.5 tantiaquin nëid dada uapanëdash.
42Aden chuibanashic Pabado Nuquin Papan Chiaid chuibante shubu yacnouësh abëd chobuedobëd puduenanec nidsho issun: ¿Ada chonoadtemaid uëshë utsi chonoc iccuededquin adombuembidi chuibannuec chouatsia? capanëdash iccuededquid utsibon. 43Aden chiaqui Pabadobëd Bednabe nidsho issun isadaidbo utsibobëtan isadaidpembon isadaidbopadquid icnuequid utsin utsinquien tsibanampanëdash. Aden abi tsibanansho issun: Nuquin Papan bëdambuen tantiaid yec chieshtoenquio icquin Aid tantiec bëdambuec tabadta, quequin chuipanëdash Pabadobëtan Bednaben.
44Adashic chonoadtemaid uëshë utsi icnuc Nuquin Papan Chiaid chuibansho tantianuec Antioquia yacnocquid dadpenquio iccuededuapanëdash. 45Adsho isashien isadaidbon chuiquido: Umbi chuibansho tantianuec aidted chochoenquio iccosh, quequin tantiec nëishpanëdash. Adec nëishash: Mimbi Nuquin Papan Chiaid icsambuen chuibanec, quequin Pabado icsambuen chuishumpanëdash.
46Adoaquien dacuëdenquio yec Pabadobëd Bednabe: Mibitedi cun matses icsho Nuquin Papan Chiaid mibitediba chuibannu, quebuedëmbi tantiate bunenquio icsho issun mibitedi chuibanenquio iquembi. Tantiesabo yec Nuquin Papabëd ënëdenquio yec tabadte bunesabidi icnuc isadaidpembo yacno nidshun Esus chuibanembi. 47Nuquin Icbon naden tantiamioshibique. Tantia. Chuinu. Nuquin Papan chuimiampid nad iquec:
Isadaidpembo Umbi Chiaid chuibanquid mibi icmembi.
Nidaid utsi utsiec yacno ënapenquio nidshun chuibanac ubi tantiaquid yanash ma ubi yacno puduedtequid icpanu,
quequin chioshi, quepanëdash Pabado abi chieshënquid isadaidbo chiec.#13.47 Isa. 42.6bëta Isa. 49.6 tantiaquin nëid dada uapanëdash.
48Adsho tantiash isadaidpembo: Nuquin Papan Chiaid bëdamboshë iquec, quec cuishonquecuededpanëdash. Adshobien Nuquin Papan: Ubëdi ënëdenquio yec tabadmendambi, quequin ambi tantiamiactedi Esus tantiaquid yampanëdash.
49Adec Esus tantiaquid dadpen yanshun aid nidaid pauequid shubu utsi utsiec yacno nidshun aidontsen Esus chuibanuapanëdash. 50Aden chuibansho tantiashumbien: Pabado icsambocquid nec, quequin isadaidbon chuiquidon nidaid Pisidia yacnocquid shubu dadpen icquid Antioquia yacnocquidon chido bëdambocquid yec Nuquin Papa tantiaquidobëta ambocquidon chuiquid tapabo nëishmeshun Pabadobëta Bednabe mëyanmetanquin ashunquio cuenmepanëdash. 51Adoac puduanquimbi: Esus umbi chuisho tantiesabo nëido nec, quequin nidaid putu tabesquequin ismiash nidannec shubu dadpen icquid Iconio caid yacno nidpanëdash. 52Bednabebëd Pabado Antioquia yacnouësh nidambien Antioquia yacnocquid Esus tantiaquido: Bëdambo iquebi, quecuededpanëdash. Adecbidi aidtedi aton Mayan Nuquin Papan menebanac aton Mayan Bëdan namiaidquio yec cuishonquecuededquiopanëdash.
Currently Selected:
Hechos 13: mcfNT
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Hechos 13
13
2. Matses utsi utsien chuibennec nidquin Pabadon bedanaid
(13.1—14.28)
Bednabebëtan Saudon Nuquin Papan Chiaid chuibanquin tauaid
1Adashic: Esuquidistu tantiaquid utsi utsiec Nuquin Papan oncamiaidobëd chuibanquin tantiamequido Antioquia yacno nëidtedi tabadpanëdash. Nëidic Bednabe. Utsibic Simon cashumbic Dada Chëshë quequin cuënaid. Utsibic Sidene yacnocquid Dusio. Utsibic nidaid Cadidea yacnocquidon chuiquid tapa Edodes Antipasbëta caniuaid Menain cuëmëdquid. Utsibic Saudo. 2Aidtedshun Esusuidtsëqui tantiec tabadquin buna mëmunsho Nuquin Papan Mayan Bëdan: Saudobëtan Bednaben ma umbi chuibocpaden chuibennenu. Chui, quequin tantiamepanëdash. 3Adoaquien buna mëmunquin Nuquin Papa chiec onquequin nainshun abëd icquid utsibon mëdanten Saudobëta Bednabe mamishquin nadopanëdash: Nidaid utsi utsiec yacno nidshun Nuquin Papan chiacpaden Esus chuibennetan, capanëdash.
Bednabebëtan Saudon Chipide yacno chuibanaid
4-5Aden mamishquin chiacshobien Nuquin Papan Mayan Bëdan nidmiac Saudobëd Bednabe Antioquia yacnouësh puduanec nidpanëdash. Aid daëd nidsho isash Uan cashumbic Madcos caid nidpanëdash: Nëid daëd nashunquid icnu, quiash. Aidtedi nidannec acte cuëman shubu dadpen icquid Sedeusia caid yacno nidash cano dapa antabëdtoanec acte nënantanquio nidaid nacnëdquid Chipide caid yacno chopanëdash. Auëshquio puduanec nidequi shubu dadpen icquid Sadamina caid yacno chopanëdash. Adec choash tabadquin aton matses isadaidbo iccuededaid Nuquin Papan Chiaid chuibante shubun shubunquiec puduedshun Nuquin Papan Chiaid Bednabebëtan Saudon chuibampanëdash. 6Adoshombic Sadamina yacnouësh nidquin chuibidanec Chipide cuëma utsiuc shubu dadpen icquid Papos caid yacnotsen choash Saudo Bednabebëd tabadpanëdash. Ambo tabadquin isadaidbo nënëchoquid Badesus cuëmëdquid istuidpanëdash. Aidëmbi Mayan Icsa Satanasën tantiamiaid icquin abimbo chiacbimbuec: Nuquin Papan oncamiaidquio nebi, quequin muaquin chuibampanëdash. 7Aidi Papos yacnocquidon chuiquid tapa cobednadod Sedquio Paudo cuëmëdquidën shubun tabadpanëdash. Aid cobednadod dadpen tantiaquidquio icquin: Esus chuibanquido chosh, quesho tantiash: Aidon Nuquin Papan Chiaid chuibansho tantiate bunebique. Bednabebëta Saudo bedtan, capanëdash. 8Adoac choshon aidon Esus chuibampanëdash. Aden Saudon chuibansho tantiec chuiquid tapa tsadsho issun nënëchoquid Badesusën tantiamenquiocnuen utsi uain chuiuapanëdash. Aidi quidiecon onqueten Edimas cuëmpanëdash. 9Saudo quequin isadaidbon cuënnubi Pabado quequin isadaidpembon cuëmpanëdash. Aden Edimasën utsi uain chuisho tantiashun Nuquin Papan Mayan Bëdan tantiamiac aid bëisec Pabado nadpanëdash: 10Mayan Icsa Satanasën tantiamiaid yec bëdambuen naidbëta bëdambuen chiaid tantiamesambo mibi nec. Nuquin Papan namiaid nebi, quequin mimbi icsambuen naid ompoquimbi Nuquin Papan Chiaid utsi uaquin muaquin mimbi adenuidi chuibaneque. Tantia. Chuinu. 11Nëbimbobi Cun Icbon mibi cuidquin mëyadmequin bëshu uaindac. Uëshë chënquesho mimbi iuen isenquio iquendac, quepanëdash Pabado Edimas chiec.
Aden chuinubien badedquio aton ëshë inchëshbudacbimbuec yannuc: ¿Tsuntsimbini mëdinshun buampec? quequin nibëdacnobi mishquin uëmbampanëdash. 12Aden Edimas bëshu uacsho isec tantiadempambo ictanec: Nuquin Icbon chiaid abimbo iquec, quiash chuiquid tapa Sedquio Paudo Esus tantiaquid yampanëdash.
Pabadobëtan Bednaben nidaid cuëshë Pisidia yacno nidshun chuibanaid
13Pabado abëd icquidobëd Papos yacnouësh cano dapa antabëdtoanec nidquin nidaid cuëshë Pampidia caid yacnocquid shubu dadpen icquid Pedque yacno nidpanëdash. Adnubi Uan Madcos Edusaden yacno nidnuec tëshëdpanëdash. 14Pedque yacno isbidanec nidaid cuëshë Pisidia caidën icquid shubu dadpen icquid Antioquia caid utsi yacno chopanëdash. Ambobi tabadequi chonoadtemaid uëshën Nuquin Papan Chiaid chuibante shubun puduedash tabadpanëdash. 15Ambo tabadnubien Nuquin Papan Moises dada uamiampidbëta Nuquin Papan oncamiampidën dada uamiampidtsen isec onquequin chuitanquin chuiquidon: Isedquido iqueque. Aid daëdi tabadacno nidshun: Ubitedi bëdambo icmenuen ¿ada chuibante bune? En chuiban. Tantianu, quequin Bednabebëta Pabado chuipanëdash.
16Adoaquien abi tsadacnouëshi nidtoash otacquio tabadmenuen mëdante uic uiccashun Pabadon: Nuquin Papa tantiaquido icsho Nuquin Papan naid mibi chuibannu. Tantiaquiota, isadaidbo. Adembidi Nuquin Papa tantiaquido icquin matses utsibontsen tantiata. 17Nidaid Equipito caid yacno nuquin tsusedpabo isadaidbo tabadshobi Nuquin Papan bëdambuen isquin dadpenquio caidmepampic. Aden caidmiaido yec Equipito yacnocquidon iuabo yampanëdash. Adquid icsho issun Nuquin Papan nadatiambocquin nabanquin Equipito yacnoshon buanmepampic.#13.17 Aden isadaidbo caidaido iuaidbëta Equipito yacnoshon buanaid iste bunquin Buan. 1.7bëta Buan. 12.51 ista. 18Adoaqui nuquin tsusedpabon Nuquin Papan Chiaid niac niacsho issun Nuquin Papan nac shubu nibëdec masiuidpambo yacno seta dadpen 40ted matanmec capucuennesho Nuquin Papan abi chieshënquido icshobi uesquin cuidenquio icquin buanmepampic.#13.18 Aden Nuquin Papan isadaidbo seta cuarentated matanmequin capucuenmiaid iste bunquin I.T. 14.34 ista. 19Aden buanquin nidaid Canan caid yacno buanshun ambocquido isadaidpembo istuidshun aton nidaid 7ted icquido matses utsi utsien cuessun secamequin cuenmeshun aidon nidaidtedi nuquin tsusedpabo menepampic.#13.19 Aidtedi nidaid Nuquin Papan mibi menendac, quequin chiaid iste bunquin M.I.Ch. 7.1 isbanta. Adembidi Osue 14.1 isbanta. 20Aden meniaidën dadpenquioshë seta 450ted matanmequin ambobi tabadmepampic.
Adshumbic isadaidbo cuidte chuiquid utsi utsien icmeshumbic Nuquin Papan ambi oncamiaid Samued cuëmëdquid tsusedpabon chuiquid icmepampic.#C.Ch. 2.16; Sam.1. 3.20. 21Aidi isadaidbon chuiquid icnubic: Chuiquid tapambo icmete bunebi, quecuededsho tantiashun seta dadpen 40ted matanmec tabadmequin Nuquin Papan Quisën mado Saud cuëmëdquid isadaidbon chuiquid tapa icmepampic. Aidi Benjaminën tsiuecquidon matses nepampic.#13.21 Ënden Abadauanën baba Acobon mado Benjamin nepampic. Aidën tsiuecquidon matses Saudo nepampic. Sam.1. 8.4-5bëta 8.19 isbanta. 22Adshumbic iuecshun Saud Nuquin Papan Ambi Chiaid tantiesa yansho issun utsitsen Dabid cuëmëdquid tsusedpabon chuiquid tapambo icmepampic. Aidi ambi chiacpadombuen nabanquidquio icsho isash Nuquin Papa: Dabid Esen mado ubi bëdambo icmequin ubi bunacpaden nabanquidquio nendac, quepampic, quepanëdash Pabado.#13.22 Chotaquën onqueten dada uaid Cuëd. 89.20 isbanta. Adembidi Sam.1. 13.13-14bëta 16.12 tantiaquin nëid dada uapanëdash.
23Aden chuishumbic: Nuquin Papan ambi chiampicpaden Dabidën tsiuecquid Nuquin Papan Chomiaid Esus matsesën icsambuen naid bedshunash abided cuidadshun abi yacno isadaidbo puduedmequid Nuquin Papan icmepanëdash.#13.23 Dabid quequin chiaid istiadquio icquin Sam.2. 7.12-16bëta Sam.2.bidi 22.51 isbanta. Adembidi chotaquën onqueten dada uaid iqueque. Cuëd. 132.11-13, 17 isbanta. 24Esus chouabicnuc Uan acten mentoanquidëmba isadaidbotedi chuiquin: Nuquin Papa tantiaquin mimbi icsambuen naid ënshun acten mentometa, quequin chuibennepanëdash. 25Aden chuibanquin nainequi: ¿Mitsi paden ubi isquin tantie? Nuquin Papan Chomiaid mimbi cainaidpenquio nebi. Mimbi cainaidquio choendac. Aidi ubi udictsëcquid yec nadatiambocquin nabanquid icsho ubi icsaquid icquin abi tapucudaid chicnuec dacuëdec shuebudtiapimbo iquebi, quepanëdash Uan acten mentoanquid, quepanëdash Pabado.
26Tantia. Cun matses isadaidbo Abadauanën tsiuecquidobëta Nuquin Papa tantiaquido matses utsibo icsho mibitedi chuinu. Nuquitedi icsambuen naid bedshunash abided cuidadec Esuquidistu uënëspanëdash. Aid tantiaquid icsho abi yacno nuquitedi tabadmendac. 27Adquid icsho: Nuquin Papan Chomiaid Esus nec, quenquio icquin Edusaden yacnocquidobëtan aton chuiquid tapabon: Icsambocquid neque. Unës ua, quequin chuipanëdash. Aden uënës uate chiaid tantienquio icquin chonoadtemaid uëshën uëshënquien istednequimbi Nuquin Papan ambi oncamiaidën dada uamiampicpadembi aidon Esus uënës uapanëdash. 28Esusën icsambuen naid nibëdec, Pidaton cashobi: Icsambocquid neque. Aid uënës uametiadquidi mibi nec, quepanëdash isadaidbo Pidato chiec. 29Adoaquien Nuquin Papan chuiquin dada uamiampicpaden nabanquin nainacsho Esus cueste napotiaidën dectanquin uënës uamiacsho chicshun cuënote shëcuë chucanquio Esus nauedpanëdash. 30Adoacsho Nuquin Papan Esus uincuenmepanëdash. 31Uincuenmiac isadcuenash iuec capusho nidaid Cadidea yacnouësh Edusaden yacno abëd chochobuedo aidotedi abibi ismiannepanëdash. Aden ismianniac nëbi aidombi abi Esuquidistu chuibanquin matses tantiamec, quepanëdash Pabado.
32Adembidi aid isnëdaidbëtambi Esusën naid Chiaid Bëda mibitedi abimbo chuibanquin ubitedishun naique. Tantia. Chuinu. Nuquin Papan: Matses ubëd tabadmequid chomendambi, quequin nuquin tsusedpabo chuipampic. 33Nëbien ambi chiampicpadombuen Nuquin Papan uincuenmiaid Esus nec. Aidi chuiquin Nuquin Papan dada uamiampid nad iqueque. Tantia. Chuinu.
Cun Madombo mibi nec.
Nëid uëshëmbi Min Papa nebi,
quequin chuiquin dada uamepampic.#13.33 Cuëd. 2.7 tantiaquin nëid dada uapanëdash. 34Adembidi: Umbi uincuenmetequidën nami chodquesa iquendac, quequin Nuquin Papan chuipampic. Ambi chuiquin dada uamiampid nad iquec:#13.34 Isa. 55.3 tantiaquin nëid dada uapanëdash.
Dabid chiampicpadembi mibi icsaisa icsho umbi bëdambuen isaid mibi nec, mado,
quequin Nuquin Papan dada uamepampic. 35Ambi chuiquin dada uamiampid utsi nad iquec:
Mimbi namiaid icsaisa icsho aton nami chodquesa mimbi icmendac,
quequin Nuquin Papan Dabid chuimepampic.#13.35 Cuëd. 16.10 ista.
36Dabid Nuquin Papa bunacpadombuen naimbudquin aton matses nashunash uënësacsho issun aton mëdimbo chocoquiacno Dabid chococac aidën namitsen chodquepampic, quequin nuqui tantiec. 37Padnuen Nuquin Papan uincuenmiaidën nami chodquiambo icpanëdash. 38-39Aidi icsaisa yequi matses icsaid bedshunash abided cuidadec uënëspanëdash, quequin tantiata, quequin chuibanec nebi. Nëbi aid tantiaquidouidtsëqui icsaisabimbuecnuc Nuquin Papan bëdambuen isec. Adquid cuidenquio iquendac. Ënden Nuquin Papan: Naden nata, quequin Moises dada uamiampidtedi matsesën natiapimbo iquec. Aden natiapimbocsho icsaisabimbuecnuc Nuquin Papan bëdambuen istiapimbo ictsiash. 40Nuquin Papan Chomiaid choec, quequin chiaqui tsusedpabon tantienquio icampicpadquid iquenda. Aido chuiquin Nuquin Papan oncamiampidon dada uampid nad iquec:
41Umbi Chomiaid isquidon chiaqui aid tantiate bunenquio mibitedi icpec.
Adquid yec: Tantiadempambo iquec, quec mamënshunmënquido icsho cuidquin abëdi tabadmetiapimbo iquendac.
Adquid icmane, queshun aid tantiaquiota,
quepanëdash Pabado iccuededquido chiec.#13.41 Aba. 1.5 tantiaquin nëid dada uapanëdash.
42Aden chuibanashic Pabado Nuquin Papan Chiaid chuibante shubu yacnouësh abëd chobuedobëd puduenanec nidsho issun: ¿Ada chonoadtemaid uëshë utsi chonoc iccuededquin adombuembidi chuibannuec chouatsia? capanëdash iccuededquid utsibon. 43Aden chiaqui Pabadobëd Bednabe nidsho issun isadaidbo utsibobëtan isadaidpembon isadaidbopadquid icnuequid utsin utsinquien tsibanampanëdash. Aden abi tsibanansho issun: Nuquin Papan bëdambuen tantiaid yec chieshtoenquio icquin Aid tantiec bëdambuec tabadta, quequin chuipanëdash Pabadobëtan Bednaben.
44Adashic chonoadtemaid uëshë utsi icnuc Nuquin Papan Chiaid chuibansho tantianuec Antioquia yacnocquid dadpenquio iccuededuapanëdash. 45Adsho isashien isadaidbon chuiquido: Umbi chuibansho tantianuec aidted chochoenquio iccosh, quequin tantiec nëishpanëdash. Adec nëishash: Mimbi Nuquin Papan Chiaid icsambuen chuibanec, quequin Pabado icsambuen chuishumpanëdash.
46Adoaquien dacuëdenquio yec Pabadobëd Bednabe: Mibitedi cun matses icsho Nuquin Papan Chiaid mibitediba chuibannu, quebuedëmbi tantiate bunenquio icsho issun mibitedi chuibanenquio iquembi. Tantiesabo yec Nuquin Papabëd ënëdenquio yec tabadte bunesabidi icnuc isadaidpembo yacno nidshun Esus chuibanembi. 47Nuquin Icbon naden tantiamioshibique. Tantia. Chuinu. Nuquin Papan chuimiampid nad iquec:
Isadaidpembo Umbi Chiaid chuibanquid mibi icmembi.
Nidaid utsi utsiec yacno ënapenquio nidshun chuibanac ubi tantiaquid yanash ma ubi yacno puduedtequid icpanu,
quequin chioshi, quepanëdash Pabado abi chieshënquid isadaidbo chiec.#13.47 Isa. 42.6bëta Isa. 49.6 tantiaquin nëid dada uapanëdash.
48Adsho tantiash isadaidpembo: Nuquin Papan Chiaid bëdamboshë iquec, quec cuishonquecuededpanëdash. Adshobien Nuquin Papan: Ubëdi ënëdenquio yec tabadmendambi, quequin ambi tantiamiactedi Esus tantiaquid yampanëdash.
49Adec Esus tantiaquid dadpen yanshun aid nidaid pauequid shubu utsi utsiec yacno nidshun aidontsen Esus chuibanuapanëdash. 50Aden chuibansho tantiashumbien: Pabado icsambocquid nec, quequin isadaidbon chuiquidon nidaid Pisidia yacnocquid shubu dadpen icquid Antioquia yacnocquidon chido bëdambocquid yec Nuquin Papa tantiaquidobëta ambocquidon chuiquid tapabo nëishmeshun Pabadobëta Bednabe mëyanmetanquin ashunquio cuenmepanëdash. 51Adoac puduanquimbi: Esus umbi chuisho tantiesabo nëido nec, quequin nidaid putu tabesquequin ismiash nidannec shubu dadpen icquid Iconio caid yacno nidpanëdash. 52Bednabebëd Pabado Antioquia yacnouësh nidambien Antioquia yacnocquid Esus tantiaquido: Bëdambo iquebi, quecuededpanëdash. Adecbidi aidtedi aton Mayan Nuquin Papan menebanac aton Mayan Bëdan namiaidquio yec cuishonquecuededquiopanëdash.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.