Tesadonica 2 2
2
II. ICSAMBOSHË ICQUIDBA CHOTE CHIAID
(2.1—3.15)
1Tantia, cun utsibo. Mibitedi chuinu. Abi yacno tabadmenuen buannuec Nuquin Papa yacnouësh Nuquin Icbo Esus ënden choac, quesho tantiash 2dacuëdtanenda. Mibi yacnoshon ¿tsuntsin aden muaquin chuipash? Aidon: Tantia. Nuquin Icbo Esus ënden choac, quequin Nuquin Papan Mayan Bëdan tantiamioshi, quequin chiec muec niashe. Adec muasho tantienda. Aidon: Aden Pabadon chiaid iquec, quequin umbi dada uaidbimbuecquid isquimbien muaquin chuichitash. 3Aden muaquin chiaid tantiash: Abimbuen cachitec, quequin tantienda. ¿Nuquin Icbobada chopadic? Padenquio. Icsamboshëcquidoba choendac. Nuquin Papa caidën chiaid tantiatiapimbo iquebi, quec matses icsambuec tabadnubien Nuquin Papa chieshënquidquio icsamboshë icquidba choash matses abitedishun chuiquid tapa iquendac. Aid Nuquin Papan cuidtequidquio nendac. 4Aid chuiquid tapa yanashic: Utsibon papa quequin tantiaid nibëdec, quendac. Nuquin Papa dëniacte bunquiec Nuquin Papa tabadte shubu dapan puduedshun: Nadatiambocquid yec ubi nashunquidquio nec, quequin mimbi Nuquin Papa caid nibëdeque. Ubiuidtsëqui papa cata, quequin chuiquid tapan tsadten tsadquin matses abitedimbo namendac.#2.3-4 Icsamboshëcquid iquendac, quequin Daniedbëtan Uanën dada uapanëdash. Dan. 11.36-37bëta E.U.I. 13.5-6 isban.
5Aden mibëd tabadquin umbi mibitedi chuidenniondaid ¿tantienquioda ique? 6Nuquin Papan ambi tantiacpadënquio chomenuen uidënuac icsamboshë icquid nëbi choenquio iquec. Nuquin Papan tantiacpadënquio choendac. Umbi chiondaid abi chomenquio icquid mibitedishun tantiec. 7Nëbi ambi tantiaidtedi tantiamenquio icquin Mayan Icsa Satanasën namiac matsesën Nuquin Papa chieshënquin Aidën Chiaid niac niacbededec. Padnuen icsamboshë icquid choabi iquec. Aid chomenquio icquin uidën uaquid chicabi icnuc icsamboshë icquid chuiquid tapa yantiapimbo iquendac.#2.7 Aid chomenquio icquid ¿Mitsi padquid nepec? quequin Nuquin Papan Chiaid tantiaquidonquio dadpen nadec chiec: (1) Doma yacnocquidobëd aton chuiquid tapambo empedadod caid icnubi choambo. (2) Utsimbic: Pabadon chuibennenubi Esus tantiaquido dadpen icnubi choambo. (3) Utsimbic: Isadaidbo dadpen icnubi choambo. (4) Utsimbic: Nuquin Papan Mayan Bëdan uidënuaquin chomenquio iquec, quepec. 8Abi chomenquio icquid chicambien icsamboshë icquid matsesën chuiquid tapa iquendac. Adshobien Nuquin Icbo Esusën: Ubien nadatiamboquid yec abitedishun Icbombo nec, quec matses abitedishun isnuc bëchamauanquiec choshon icsamboshë icquid dabushcaquinuidtsëqui nibëdanmendac.
9Adec Esus padpidec choabi icnuc icsamboshë icquid chuiquid tapa yanendac. Adquid yanshumbic Mayan Icsa Satanasën tantiamiacpadombuen naic: Cumapenen tantiaquidquio nebique. Istac, quequin ambembi muaquin chiaid tantiamenuen aden nadatiambo icquin nabanquin dadpen ismendac. 10Adec icsauidequi tabadquid yec cumapenec muaquin ismedednesho isash: Abimbo caic, quependac Esus tantiesabo Nuquin Papan ënenquio icquin cuidtequido yec. Aidon Esus chuibanquidën: Nuquin Papa yacno tabadte iquec, quequin abimbo chuisho pamumëdacbimbuen tantiatiapimbo icquin ambembi muaquin chiaiduidtsëqui tantiendac. 11Aden Ambi Chiaid tantiate bunenquiocsho Nuquin Papan: Abi bunaidquio ambembi chiaidquio chuisho ma adembi tantiapanu, quequin tantiamiac: Muec nec, quequin tantienquio iquendac. 12Aden Ambi Chiaidquio tantiatiapimbo icquin aid niacniaquec icsambuen nateuidi bunsho Nuquin Papan cuidquiendac.
Nuquin Papa tantiec bëdambuec tabadte chiaid
13Tantia, cun utsibo. Nuquin Icbon tantiaidombo icsho mibitedi naden chuinu: Ëndenquimboshë matses uabi yequi Nuquin Papa nuqui caic: Ubi yacno tabadmenuen Esus tantiameshun aido bëdambo icmendambi, quepampic. Adshumbic ambi chiampicpadombuen aton Mayanën tantiamiac Nuquin Papan Chiaidquio tantiash Esus tantiec mibi bëdambuec tabadcuenondac. Abi bëdambuec tabadosh, quesho tantiashun Nuquin Papa naden chiannembi: Aden aido bëdambuen namequid yec mibi bëdamboshë iquec, Papa, quequin chiannembi mibitedi tantiaquin. 14Nuquin Papan Chiaid Bëda Esusën naid umbi chuibansho tantiashun mimbi Esus tantiabenondac. Abi yacnoshon Nuquin Icbo Esuquidistupadquid bëdamboshëcquid icmenuen Nuquin Papan mibi Esus tantiamiac. 15Cun utsibo, umbi aden chuisho tantiashun chieshtoenquio icquin Esus tantiata. Umbi mibitedi bëisquin chiondaidbëta umbi dada uaquin abimbo chuibued bëshunenda.
16Nuquin Icbo Esuquidistubëtan Nuquin Papan nuqui tantiaquin bëdambuen isec. Adembidi: Nuquin Papa yacno Esusbëd iquendabi, quequin tantiamequin nuquitedi bëdambo icmec. 17Adquid icsho naden chiannembi: Aido chieshtomenquio icquin Esus tantiamequin bëdambuec tabadquid icme. Adembidi bëdambuec chuinanquid icmequin nashunnanquid icmeta, Papa, quequin Nuquin Papa chiannembi mibitedi tantiaquin.
Currently Selected:
Tesadonica 2 2: mcfNT
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Tesadonica 2 2
2
II. ICSAMBOSHË ICQUIDBA CHOTE CHIAID
(2.1—3.15)
1Tantia, cun utsibo. Mibitedi chuinu. Abi yacno tabadmenuen buannuec Nuquin Papa yacnouësh Nuquin Icbo Esus ënden choac, quesho tantiash 2dacuëdtanenda. Mibi yacnoshon ¿tsuntsin aden muaquin chuipash? Aidon: Tantia. Nuquin Icbo Esus ënden choac, quequin Nuquin Papan Mayan Bëdan tantiamioshi, quequin chiec muec niashe. Adec muasho tantienda. Aidon: Aden Pabadon chiaid iquec, quequin umbi dada uaidbimbuecquid isquimbien muaquin chuichitash. 3Aden muaquin chiaid tantiash: Abimbuen cachitec, quequin tantienda. ¿Nuquin Icbobada chopadic? Padenquio. Icsamboshëcquidoba choendac. Nuquin Papa caidën chiaid tantiatiapimbo iquebi, quec matses icsambuec tabadnubien Nuquin Papa chieshënquidquio icsamboshë icquidba choash matses abitedishun chuiquid tapa iquendac. Aid Nuquin Papan cuidtequidquio nendac. 4Aid chuiquid tapa yanashic: Utsibon papa quequin tantiaid nibëdec, quendac. Nuquin Papa dëniacte bunquiec Nuquin Papa tabadte shubu dapan puduedshun: Nadatiambocquid yec ubi nashunquidquio nec, quequin mimbi Nuquin Papa caid nibëdeque. Ubiuidtsëqui papa cata, quequin chuiquid tapan tsadten tsadquin matses abitedimbo namendac.#2.3-4 Icsamboshëcquid iquendac, quequin Daniedbëtan Uanën dada uapanëdash. Dan. 11.36-37bëta E.U.I. 13.5-6 isban.
5Aden mibëd tabadquin umbi mibitedi chuidenniondaid ¿tantienquioda ique? 6Nuquin Papan ambi tantiacpadënquio chomenuen uidënuac icsamboshë icquid nëbi choenquio iquec. Nuquin Papan tantiacpadënquio choendac. Umbi chiondaid abi chomenquio icquid mibitedishun tantiec. 7Nëbi ambi tantiaidtedi tantiamenquio icquin Mayan Icsa Satanasën namiac matsesën Nuquin Papa chieshënquin Aidën Chiaid niac niacbededec. Padnuen icsamboshë icquid choabi iquec. Aid chomenquio icquin uidën uaquid chicabi icnuc icsamboshë icquid chuiquid tapa yantiapimbo iquendac.#2.7 Aid chomenquio icquid ¿Mitsi padquid nepec? quequin Nuquin Papan Chiaid tantiaquidonquio dadpen nadec chiec: (1) Doma yacnocquidobëd aton chuiquid tapambo empedadod caid icnubi choambo. (2) Utsimbic: Pabadon chuibennenubi Esus tantiaquido dadpen icnubi choambo. (3) Utsimbic: Isadaidbo dadpen icnubi choambo. (4) Utsimbic: Nuquin Papan Mayan Bëdan uidënuaquin chomenquio iquec, quepec. 8Abi chomenquio icquid chicambien icsamboshë icquid matsesën chuiquid tapa iquendac. Adshobien Nuquin Icbo Esusën: Ubien nadatiamboquid yec abitedishun Icbombo nec, quec matses abitedishun isnuc bëchamauanquiec choshon icsamboshë icquid dabushcaquinuidtsëqui nibëdanmendac.
9Adec Esus padpidec choabi icnuc icsamboshë icquid chuiquid tapa yanendac. Adquid yanshumbic Mayan Icsa Satanasën tantiamiacpadombuen naic: Cumapenen tantiaquidquio nebique. Istac, quequin ambembi muaquin chiaid tantiamenuen aden nadatiambo icquin nabanquin dadpen ismendac. 10Adec icsauidequi tabadquid yec cumapenec muaquin ismedednesho isash: Abimbo caic, quependac Esus tantiesabo Nuquin Papan ënenquio icquin cuidtequido yec. Aidon Esus chuibanquidën: Nuquin Papa yacno tabadte iquec, quequin abimbo chuisho pamumëdacbimbuen tantiatiapimbo icquin ambembi muaquin chiaiduidtsëqui tantiendac. 11Aden Ambi Chiaid tantiate bunenquiocsho Nuquin Papan: Abi bunaidquio ambembi chiaidquio chuisho ma adembi tantiapanu, quequin tantiamiac: Muec nec, quequin tantienquio iquendac. 12Aden Ambi Chiaidquio tantiatiapimbo icquin aid niacniaquec icsambuen nateuidi bunsho Nuquin Papan cuidquiendac.
Nuquin Papa tantiec bëdambuec tabadte chiaid
13Tantia, cun utsibo. Nuquin Icbon tantiaidombo icsho mibitedi naden chuinu: Ëndenquimboshë matses uabi yequi Nuquin Papa nuqui caic: Ubi yacno tabadmenuen Esus tantiameshun aido bëdambo icmendambi, quepampic. Adshumbic ambi chiampicpadombuen aton Mayanën tantiamiac Nuquin Papan Chiaidquio tantiash Esus tantiec mibi bëdambuec tabadcuenondac. Abi bëdambuec tabadosh, quesho tantiashun Nuquin Papa naden chiannembi: Aden aido bëdambuen namequid yec mibi bëdamboshë iquec, Papa, quequin chiannembi mibitedi tantiaquin. 14Nuquin Papan Chiaid Bëda Esusën naid umbi chuibansho tantiashun mimbi Esus tantiabenondac. Abi yacnoshon Nuquin Icbo Esuquidistupadquid bëdamboshëcquid icmenuen Nuquin Papan mibi Esus tantiamiac. 15Cun utsibo, umbi aden chuisho tantiashun chieshtoenquio icquin Esus tantiata. Umbi mibitedi bëisquin chiondaidbëta umbi dada uaquin abimbo chuibued bëshunenda.
16Nuquin Icbo Esuquidistubëtan Nuquin Papan nuqui tantiaquin bëdambuen isec. Adembidi: Nuquin Papa yacno Esusbëd iquendabi, quequin tantiamequin nuquitedi bëdambo icmec. 17Adquid icsho naden chiannembi: Aido chieshtomenquio icquin Esus tantiamequin bëdambuec tabadquid icme. Adembidi bëdambuec chuinanquid icmequin nashunnanquid icmeta, Papa, quequin Nuquin Papa chiannembi mibitedi tantiaquin.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.