Petedo 2 3
3
Esus padpidec chote chiaid
1Tantia cun utsibo. Umbi tantiaido icsho mibi chuinu. Adombuembidi mibitedi chuiquin padpiden dada uanu. Bëdambuen tantiaquid icquin tantiaquiec bëdambuec tabadta, quequin mibitedi chuiquin daëden dada uaic nebi. 2Ëndenquimbo Esus chote chuiquin Nuquin Papan oncamiaidon dada uampid ¿Ada tantie? Adombuembidi nuqui cuidmenquio icquidën Nuquin Icbo Esusën chuibampondash. Aidën chiondaid abëd iccondaidëntsen mibitedi chuinëdash. Aidën chuibanondaidquio tantiata.#3.2 Esusën: Bëdambuec tantiananquiota, quequin chuinëdaidien nechitec. 3Naden chiaidtsen mibitedishun tantiata: Esus nidaidën padpidec chote nëbi yannuc Esus tantiesabon abi icsate bunaiduidi naic tabadquin mibitedi icsambuen chuishunquin mamënshunendac. 4Naden chiendac: Esuquidistu choec, caondaidi ¿atotsi quiash padpidec nidaidën chouainquio icpec? Ma choec, quedennedi cun mëdimbo abitedi uënësbudnepondac. Nuquin Papan abitedimbo uapampicnouësh bedanequi nidaidën tabadquido icbocpadquiobi ma icpayoc. 5Aden chiec onquequin: Nuquin Papan ëndenquimboshë ambi uaidtedi nibëdnuc: Ad icta, quequin Nuquin Papan chiac abu yec acte yec nidaid yec quec yampampic. Acteuidpambo icbuedi nidaid nënantan yampampic. Aden Nuquin Papan abitedi uapampic, quequin tantienquio iquec.#3.5 Nuquin Papan uaid iste bunquin Ene. 1.6-9 ista. 6Adshumbic iuecquio ictanneshun matses icsambuecshë tabadsho issun ambi tantiacpadombuen ue dapa chomequin nidaid acte mabudadmequin aid matses abitedi Nuquin Papan uesquin cuidquin nibëdanmepampic.#3.6 Nidaid mabudadmequin nibëdanmiaid istiadquio icquin Ene. 7.1—8.5 isbanta. 7Aden ambi uampid abubëd nidaid nëbi icquid ambi tantiacpadën Nuquin Papan naindac. Ambi icsambo icquido abitedi cuidte uëshën nëdëncaquin nibëdanmenumbi nëbi dayunuaic. Adembidi matses abitedi Ambi Chiaid niac niacquido nëdëncaquin nibëdanmendac.
8Tantia, cun utsibo. Ubi tantiaido icsho chuinu. Naden Nuquin Icbon chiaid bëshunenda: Badiad abentsëc yacbimbuecquid iquequi seta midted icquid nec. Adecbidi seta midted icquid iquequi badiad abentsëc yacbimbuecquid nec.#3.8 Aid iste bunquin chotaquën onqueten dada uaid Cuëd. 90.4 ista. 9Ëndenquio Nuquin Icbo Esus: Padpidec choendabi, quenëdaidi choenquien icchitec, quenubien Nuquin Papa mibitedi bëdambuen isquin chieshtoenquio yec tantianquidquio icquin matses uënësacsho mëyadtequid yacno nidmete bunenquio icquin: Ma abitedishun Esus tantiabembono, queshun Nuquin Papan Esus chomiabi iquec.#3.9 Ese. 18.23bëta 33.11 Nuquin Papan matses tantiec, quequintsen chiec. Aid daëd isbanta.
10Adnubien matses: Nëbi choec, quenquio icnubi Esus badedquio choendac. ¿Nëid uëshëmbi ampequidën cuna bedec choec, quequinda tantiapec? Padenquio. Adacbimbuec: Nëbi choec, quequin tantienquio icnubi Esus choendac. Choshon acquimbuen toncac abitedi nibëdanendac. Uispa yec inchëshën uëshë yec badiadën uëshë yec quec icbuedi nibëdquiecnuc nëdëncaindac. Nidaid abichobimbo nëdënquenuc aidën icquidtedi pichiquendac nibëdquio yec.#3.10 Chotaquën onqueten Isa. 34.4 ista. 11Nuquin Papan aden nac abitedimbo nibëdanendac, quiash mibitedi Ambi Chiaid niaquenquio yec Esus tantiaquiec bëdambuec tabadta. 12Adombuen abitedimbo nibëdquionoc nëdëncaindac, queshun bëdambuec tabadquin utsibo tantiamequin ambi naid chuibanec mibitedi bëdambuec tabadta. Esus choan Nuquin Papan cuidquin ambi uaid abubëta nidaid nibëdanmequimbi aidën icquidtedi pichicaquin nibëdanmendac. 13Padnuen Ambi chiampicpadombuen abu chucabëta nidaid chuca nacnenshun Nuquin Papan: Matses bëdambocquidouidquio tabadmendac, quequin nuquitedi cainec tabadec.#3.13 Nëid dada uacbimbuen Isa. 65.17bëta 66.22 dada uapampid isbanta.
14Tantia, cun utsibo. Umbi tantiaido icsho mibitedi chuinu. Choshon abi yacno buanshun Esusën nuqui abëdi tabadmendac, quiash chieshtoenquio iquec bëdambuec tabadta. Choshon Esusën: Mibi icsambocquid nec, canushe. Nuquin Papan Chiaid niaquenquio yec tabadta. 15Naden mibitedishun tantiata: Ubitedi tantiaquid icquin Nuquin Icbon abi yacno tabadmenuen badedquio ubitedi cuidenquio iquec, quequin tantiec tabadta. Adembidi mibitedi chuiquin nuquin buchi Pabadon Nuquin Papan cumapenen tantiamiac chuiquin dada uapaccondash. 16Umbi chuibuedbidi chuiquin Pabadon dada uadednepaccondash. Aidën dada uaid utsi utsiec baded tantiadenquio iquec. Adsho issun utsibon tantesauatsëcquidën: Esus tantiaquidën nadoquid, quequin abimbo tantienquio icquin Nuquin Papan Chiaidbëta Nuquin Papan tantiamiac Pabadon chiaidquio tantienquio icquin icsambuen chuibanec. Adquid Nuquin Papan cuidpatsiash.
Ënquin chiaid
17Tantia, cun utsibo. Umbi tantiaido icsho mibitedi chuinu. Abimbo tantienquio icquin Nuquin Papan Chiaid niac niacquidon muaquin chuibanendac, ubi quesho tantiashun: Esus tantienquio yanmane, queshun ënenquio icquin aid tantiec bëdambuec tabadta. 18Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.
Currently Selected:
Petedo 2 3: mcfNT
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Petedo 2 3
3
Esus padpidec chote chiaid
1Tantia cun utsibo. Umbi tantiaido icsho mibi chuinu. Adombuembidi mibitedi chuiquin padpiden dada uanu. Bëdambuen tantiaquid icquin tantiaquiec bëdambuec tabadta, quequin mibitedi chuiquin daëden dada uaic nebi. 2Ëndenquimbo Esus chote chuiquin Nuquin Papan oncamiaidon dada uampid ¿Ada tantie? Adombuembidi nuqui cuidmenquio icquidën Nuquin Icbo Esusën chuibampondash. Aidën chiondaid abëd iccondaidëntsen mibitedi chuinëdash. Aidën chuibanondaidquio tantiata.#3.2 Esusën: Bëdambuec tantiananquiota, quequin chuinëdaidien nechitec. 3Naden chiaidtsen mibitedishun tantiata: Esus nidaidën padpidec chote nëbi yannuc Esus tantiesabon abi icsate bunaiduidi naic tabadquin mibitedi icsambuen chuishunquin mamënshunendac. 4Naden chiendac: Esuquidistu choec, caondaidi ¿atotsi quiash padpidec nidaidën chouainquio icpec? Ma choec, quedennedi cun mëdimbo abitedi uënësbudnepondac. Nuquin Papan abitedimbo uapampicnouësh bedanequi nidaidën tabadquido icbocpadquiobi ma icpayoc. 5Aden chiec onquequin: Nuquin Papan ëndenquimboshë ambi uaidtedi nibëdnuc: Ad icta, quequin Nuquin Papan chiac abu yec acte yec nidaid yec quec yampampic. Acteuidpambo icbuedi nidaid nënantan yampampic. Aden Nuquin Papan abitedi uapampic, quequin tantienquio iquec.#3.5 Nuquin Papan uaid iste bunquin Ene. 1.6-9 ista. 6Adshumbic iuecquio ictanneshun matses icsambuecshë tabadsho issun ambi tantiacpadombuen ue dapa chomequin nidaid acte mabudadmequin aid matses abitedi Nuquin Papan uesquin cuidquin nibëdanmepampic.#3.6 Nidaid mabudadmequin nibëdanmiaid istiadquio icquin Ene. 7.1—8.5 isbanta. 7Aden ambi uampid abubëd nidaid nëbi icquid ambi tantiacpadën Nuquin Papan naindac. Ambi icsambo icquido abitedi cuidte uëshën nëdëncaquin nibëdanmenumbi nëbi dayunuaic. Adembidi matses abitedi Ambi Chiaid niac niacquido nëdëncaquin nibëdanmendac.
8Tantia, cun utsibo. Ubi tantiaido icsho chuinu. Naden Nuquin Icbon chiaid bëshunenda: Badiad abentsëc yacbimbuecquid iquequi seta midted icquid nec. Adecbidi seta midted icquid iquequi badiad abentsëc yacbimbuecquid nec.#3.8 Aid iste bunquin chotaquën onqueten dada uaid Cuëd. 90.4 ista. 9Ëndenquio Nuquin Icbo Esus: Padpidec choendabi, quenëdaidi choenquien icchitec, quenubien Nuquin Papa mibitedi bëdambuen isquin chieshtoenquio yec tantianquidquio icquin matses uënësacsho mëyadtequid yacno nidmete bunenquio icquin: Ma abitedishun Esus tantiabembono, queshun Nuquin Papan Esus chomiabi iquec.#3.9 Ese. 18.23bëta 33.11 Nuquin Papan matses tantiec, quequintsen chiec. Aid daëd isbanta.
10Adnubien matses: Nëbi choec, quenquio icnubi Esus badedquio choendac. ¿Nëid uëshëmbi ampequidën cuna bedec choec, quequinda tantiapec? Padenquio. Adacbimbuec: Nëbi choec, quequin tantienquio icnubi Esus choendac. Choshon acquimbuen toncac abitedi nibëdanendac. Uispa yec inchëshën uëshë yec badiadën uëshë yec quec icbuedi nibëdquiecnuc nëdëncaindac. Nidaid abichobimbo nëdënquenuc aidën icquidtedi pichiquendac nibëdquio yec.#3.10 Chotaquën onqueten Isa. 34.4 ista. 11Nuquin Papan aden nac abitedimbo nibëdanendac, quiash mibitedi Ambi Chiaid niaquenquio yec Esus tantiaquiec bëdambuec tabadta. 12Adombuen abitedimbo nibëdquionoc nëdëncaindac, queshun bëdambuec tabadquin utsibo tantiamequin ambi naid chuibanec mibitedi bëdambuec tabadta. Esus choan Nuquin Papan cuidquin ambi uaid abubëta nidaid nibëdanmequimbi aidën icquidtedi pichicaquin nibëdanmendac. 13Padnuen Ambi chiampicpadombuen abu chucabëta nidaid chuca nacnenshun Nuquin Papan: Matses bëdambocquidouidquio tabadmendac, quequin nuquitedi cainec tabadec.#3.13 Nëid dada uacbimbuen Isa. 65.17bëta 66.22 dada uapampid isbanta.
14Tantia, cun utsibo. Umbi tantiaido icsho mibitedi chuinu. Choshon abi yacno buanshun Esusën nuqui abëdi tabadmendac, quiash chieshtoenquio iquec bëdambuec tabadta. Choshon Esusën: Mibi icsambocquid nec, canushe. Nuquin Papan Chiaid niaquenquio yec tabadta. 15Naden mibitedishun tantiata: Ubitedi tantiaquid icquin Nuquin Icbon abi yacno tabadmenuen badedquio ubitedi cuidenquio iquec, quequin tantiec tabadta. Adembidi mibitedi chuiquin nuquin buchi Pabadon Nuquin Papan cumapenen tantiamiac chuiquin dada uapaccondash. 16Umbi chuibuedbidi chuiquin Pabadon dada uadednepaccondash. Aidën dada uaid utsi utsiec baded tantiadenquio iquec. Adsho issun utsibon tantesauatsëcquidën: Esus tantiaquidën nadoquid, quequin abimbo tantienquio icquin Nuquin Papan Chiaidbëta Nuquin Papan tantiamiac Pabadon chiaidquio tantienquio icquin icsambuen chuibanec. Adquid Nuquin Papan cuidpatsiash.
Ënquin chiaid
17Tantia, cun utsibo. Umbi tantiaido icsho mibitedi chuinu. Abimbo tantienquio icquin Nuquin Papan Chiaid niac niacquidon muaquin chuibanendac, ubi quesho tantiashun: Esus tantienquio yanmane, queshun ënenquio icquin aid tantiec bëdambuec tabadta. 18Aid tantiasho nuqui bëdambuen isec, quequin Nuquin Icbo Esuquidistu tantiabenshun ambi chiaid daëdpactsëc tantiabuedi dadpen tantiabenash tabadquin Esus tantiaquionona. Adshun: Nibëdantiapimboquid yec Mibi Bëdamboshëcquid nec, canuna ënenquio icquin. Amen. Aidted chuiquin dada uaombi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.