Uan 1 2
2
Nuqui cuidmenquiocquid Esuquidistu chiaid
1Mibitedi cun bacuëbobimbuecquido icsho: Icsambuen naic tabadnushe, queshun chuiquin dada uaimbique. Isec onqueta. Nuqui icsambuen nasho issun Esuquidistun Nuquin Papan chiacpadombuen naquid icquin Nuquin Papa chiendac. Ubi tantiaquidën icsambuen naid tantienquio yec bëshunta, quequin Esuquidistun chiendac. 2Matsesën icsambuen naid tantienquio yec bëshunquin ma Nuquin Papan cuidenquio icnu, quiash matses abitedishun icsambuen naid bedshunec abided cuidadec Esuquidistu uënëspondash.
Utsibobëd tantiananquiota, quequin chiaid
3Nuquitedi naden tantiendac. Nuquin Papan: Naden nata, quequin Moises dada uamiampid tantiaquin nabanquid nebi, queshun aid bëdambuen tantiaquid nuqui nendac. 4Adnubien utsi: Aid tantiembi, queshumbi aidën chiacpadombuen nainquio icquin muaquin chuibanquid yec abimbo chuiquidpenquio nendac. 5Padnuen Nuquin Papan chiacpadombuen nabanquidën naden tantiec: Nuquin Papa tantiaquidquio yec tantiananquiec aidbëd abentsëc yacbimbuec tabadquid nebi, quequin abimbo tantiendac. 6Aden: Nuquin Papa tantiaquiec aidbëd abentsëc yacbimbuec tabadquid nebi, quequin tantiec Esuquidistu tabadondacpadquiec tabadquid nendac.
7Tantia, cun utsibo. Umbi tantiaido icsho mibi chuinu. Nuquin Papan: Naden nata, quequin chiaid chuca chienquio icquin mimbi ënden bedanquin chuibansho tantiondaidbidi mibitedi chuiquin dada uaic nebi. 8Padnuen mimbi ënden tauaquin tantiondaid icnubi chiaid chuca Esuquidistun chuibampondash. Ubëd tabadquin utsi bëdambuen isquin tantiaquioquin Aidën ismepondashi. Adecbidi aid tantiaquido yec utsibotsen tantiaquidquio mibitedi nendac. Aden nabanquin icsambuen nainquio mibitedishun yanendac. Inchëshquio yanaid uëshëmbo yantebimbuec mibi iquendac.
9Esuquidistu tantiaquid yec bëdambuec tabadquid nebi, queshumbi abëtan Esus tantiaquid utsi chieshënquid inchëshën icacbimbuen abi icsambuen nabanquid nendac. 10Esuquidistu tantiaquid utsimbien: Cun utsibimbuecquido nec, queshun aid tantiaquin bëdambuen nashunquid nec. Adquidën Esus tantiaquido icsambuen namenquio icquin cuëshëdmenquio iquendac. 11Abëtan Esus tantiaquid utsi chieshënquidien icsambuec tabadquid nec. Adquid yec inchëshën bëdnudshun podquied tantienquio yec capucuenniacbimbuen bëdambuen naquin tantienquio icquin icsambuen naic tabadendac.
Nuquin Papa tantiaquidënquio nate chiaid
12Tantia. Cun bacuëbobimbuecquido icsho mibitedi chuiquin dada uanu. Esuquidistu abided cuidadec uënësaid tantiaquid icsho isash mimbi icsambuen naid tantienquio yec Nuquin Papa bëshunac. 13Aton papabo icsho mibitedi chuiquin dada uanu. Tantia. Nuquin Papan nidaidbëta abitedi uabi icnubi Esus icpampic. Aid tantiaquido mibitedi nec. Caniabo, Esus tantiaquido icsho mibitsen chuiquin dada uanu. Tantia. Mayan Icsa Satanasën: Icsambuen namenu, cac: Padi, aden nainquio iquembi, mimbi cannioc. 14Cun bacuëbobimbuecquido, Nuquin Papa tantiabenquido icsho mibitedi chuiquin dada uaombi. Papa icquin Esus tantiaquido icsho mibitedi chuiquin: Nuquin Papan abitedi uabi icnubi Esus icpampic. Aid tantiaquid mibitedi nec, quequin aid chuiquin dada uaombi. Caniabo, Esus tantiaquid icquin chieshtoenquio icquin mimbi aid tantiec. Nuquin Papan chiacpadombuen nabanquid mibi nec. Adquid icquin Mayan Icsa Satanasën: Icsambuen namenu, cac: Padi, aden nainquio iquembi, mimbi cannioc, quequin aid chuiquin dada uaombi.
Icsate bunenquiocquid icta, quequin chiaid
15Tantia. Esus tantiaquido icsho mibitedi chuinu. Nuquin Papa tantiesabon nacpaden nate bunenda. Aden nate bunquid Nuquin Papa tantiesa nec. 16Nuquin Papa tantiesabo icquin Aidën chiacpadombuen naisa nec. Adquid icquin abi bunacpadombuenuidi icsambuen nate bunquido nec. Utsina isash aid bedte cumapenec bunquido nec. Aden ambi bedaid caic: Umbi dadpen bedbued cuna dadpen icnuc bëdambo iquebi, quequido nec. 17Adec Esus tantiesabo icquin ambi icsambuen naidbëdi abi bunaidtedi nibëdanendac. Padnuen Nuquin Papan chiacpadombuen naic tabadquid ënëdenquio yec Icbobëd tabadtequid nendac.
Esuquidistu chieshënquidquio choendac, quequin chiaid
18Tantia. Cun bacuëbobimbuecquido icsho mibitedi padpiden chuinu. Nëbi nëid nidaid naimëdbudendac. Adec naimëdbudabicnuc Esuquidistu chieshënquidquio icsamboshëcquid choendac, quequin chuibansho mimbi tantiondac. Adecbidi Esus chieshënquidombo utsibo dadpenquio chochoacsho issun: Nëbi nëid nidaid naimëdte yanec, quequin nuqui tantiendac. 19Esuquidistu chieshënquido nuquibëd iccuededbuedi ënden nidanniac. Adquido yec nuquibëd icte bunenquiocquido nec. Esus tantiaquid iquec nuquibëd cuëshëdenquio ictsenosh. Adsho issun: Nuquibëd iccuededquid abitedi Esus tantiaquid nec, catiapimbo nuqui iquec.
20Esuquidistu icsaisambo yec Nuquin Papan madombo nec. Adquid icquin: Nëid cuna nec, quequin aton Mayan meniac abimbo chiaid tantiaquido mibitedi nendac. 21Aden: Nuquin Papan Chiaid abimbo iquec, quequin tantiaquido icsho mibitedi chuiquin dada uaic nebi. Aden tantiesabo icsho mibi chuiquin dada uainquio ictsenombi. Abimbo chuiquid yec muatiapimbocquid nec, quequin mibitedishun tantiec. 22¿Mitsipadquid muaquid nepec? Nuquin Papan Chomiaidpenquio Esus nec, quequid muaquidquio nec. Adquid Esus chieshënquidquio nendac. Adecbidi Esusbëta aton Papa Nuquin Papa tantiate bunenquio icquin chieshënquidquio nec. 23Nuquin Papan Madombo Esus nec, quequin tantiesa yec Nuquin Papa tantiesabidi nec. Padnuen: Nuquin Papan Madombo Esus nec, quequin tantiaquid yec Nuquin Papa tantiaquidbidi nendac.
24Tauambuen Nuquin Papabëta Esus tantiamenuen chuibansho mimbi tantiondaid bëshunenda. Adec bëshunenquio icquin Esusbëta Nuquin Papa tantiec aidbëd abentsëc yacbimbuec tabadquido yec mibitedi cuëshëdenquio iquendac. 25Adquid icsho Esuquidistun: Ubëd abuc ënëdenquio yec tabadte iquendac, quequin chiondacpadec nuqui tabadendac.
26Esuquidistu tantiaquido mibitedi icsho: Nuquin Papan Chiaid muaquin chuiquid iquendac, quequin aidon muaquin chuisho tantianushe, queshun chuiquin dada uaic nebi. 27Adec muaquid icnuc Nuquin Icbo Esuquidistun abi tantiasho mibi meniaid mibëd icquin aton Mayanën tantiamiac Nuquin Papan Chiaid mimbi bëdambuen tantiec. Adembidi Nuquin Papan Chiaidtedi tantiamequin abimbo tantiamec. Aden aton Mayanën tantiamiac Esusbëd abentsëc yacbimbuec tabadquid icta.
Esuquidistun matsesën icsambuen naid bedshunaid chiaid
28Nëbi cun bacuëbobimbuecquido yec Esusbëd abentsëc yacbimbuec adequi bëdambuec tabadta, quequin mibi chiec nebi. Aden: Abi tantiaquido bedec Esuquidistu padpidec chonoc dacuëdmane, queshun chieshtoenquio icquin aid tantiata.
III. PADPIDEN CHUIBANAID
(2.29—4.6)
29Esuquidistu Nuquin Papan chiacpadombuen naquid yec bëdamboshëcquid nec. Adembidi ambi chiacpadombuen naquidotedi bëdambuen isquin Nuquin Papan: Cun bacuëbo nec, caindac, quequin mibitedishun tantiec.
Currently Selected:
Uan 1 2: mcfNT
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.
Uan 1 2
2
Nuqui cuidmenquiocquid Esuquidistu chiaid
1Mibitedi cun bacuëbobimbuecquido icsho: Icsambuen naic tabadnushe, queshun chuiquin dada uaimbique. Isec onqueta. Nuqui icsambuen nasho issun Esuquidistun Nuquin Papan chiacpadombuen naquid icquin Nuquin Papa chiendac. Ubi tantiaquidën icsambuen naid tantienquio yec bëshunta, quequin Esuquidistun chiendac. 2Matsesën icsambuen naid tantienquio yec bëshunquin ma Nuquin Papan cuidenquio icnu, quiash matses abitedishun icsambuen naid bedshunec abided cuidadec Esuquidistu uënëspondash.
Utsibobëd tantiananquiota, quequin chiaid
3Nuquitedi naden tantiendac. Nuquin Papan: Naden nata, quequin Moises dada uamiampid tantiaquin nabanquid nebi, queshun aid bëdambuen tantiaquid nuqui nendac. 4Adnubien utsi: Aid tantiembi, queshumbi aidën chiacpadombuen nainquio icquin muaquin chuibanquid yec abimbo chuiquidpenquio nendac. 5Padnuen Nuquin Papan chiacpadombuen nabanquidën naden tantiec: Nuquin Papa tantiaquidquio yec tantiananquiec aidbëd abentsëc yacbimbuec tabadquid nebi, quequin abimbo tantiendac. 6Aden: Nuquin Papa tantiaquiec aidbëd abentsëc yacbimbuec tabadquid nebi, quequin tantiec Esuquidistu tabadondacpadquiec tabadquid nendac.
7Tantia, cun utsibo. Umbi tantiaido icsho mibi chuinu. Nuquin Papan: Naden nata, quequin chiaid chuca chienquio icquin mimbi ënden bedanquin chuibansho tantiondaidbidi mibitedi chuiquin dada uaic nebi. 8Padnuen mimbi ënden tauaquin tantiondaid icnubi chiaid chuca Esuquidistun chuibampondash. Ubëd tabadquin utsi bëdambuen isquin tantiaquioquin Aidën ismepondashi. Adecbidi aid tantiaquido yec utsibotsen tantiaquidquio mibitedi nendac. Aden nabanquin icsambuen nainquio mibitedishun yanendac. Inchëshquio yanaid uëshëmbo yantebimbuec mibi iquendac.
9Esuquidistu tantiaquid yec bëdambuec tabadquid nebi, queshumbi abëtan Esus tantiaquid utsi chieshënquid inchëshën icacbimbuen abi icsambuen nabanquid nendac. 10Esuquidistu tantiaquid utsimbien: Cun utsibimbuecquido nec, queshun aid tantiaquin bëdambuen nashunquid nec. Adquidën Esus tantiaquido icsambuen namenquio icquin cuëshëdmenquio iquendac. 11Abëtan Esus tantiaquid utsi chieshënquidien icsambuec tabadquid nec. Adquid yec inchëshën bëdnudshun podquied tantienquio yec capucuenniacbimbuen bëdambuen naquin tantienquio icquin icsambuen naic tabadendac.
Nuquin Papa tantiaquidënquio nate chiaid
12Tantia. Cun bacuëbobimbuecquido icsho mibitedi chuiquin dada uanu. Esuquidistu abided cuidadec uënësaid tantiaquid icsho isash mimbi icsambuen naid tantienquio yec Nuquin Papa bëshunac. 13Aton papabo icsho mibitedi chuiquin dada uanu. Tantia. Nuquin Papan nidaidbëta abitedi uabi icnubi Esus icpampic. Aid tantiaquido mibitedi nec. Caniabo, Esus tantiaquido icsho mibitsen chuiquin dada uanu. Tantia. Mayan Icsa Satanasën: Icsambuen namenu, cac: Padi, aden nainquio iquembi, mimbi cannioc. 14Cun bacuëbobimbuecquido, Nuquin Papa tantiabenquido icsho mibitedi chuiquin dada uaombi. Papa icquin Esus tantiaquido icsho mibitedi chuiquin: Nuquin Papan abitedi uabi icnubi Esus icpampic. Aid tantiaquid mibitedi nec, quequin aid chuiquin dada uaombi. Caniabo, Esus tantiaquid icquin chieshtoenquio icquin mimbi aid tantiec. Nuquin Papan chiacpadombuen nabanquid mibi nec. Adquid icquin Mayan Icsa Satanasën: Icsambuen namenu, cac: Padi, aden nainquio iquembi, mimbi cannioc, quequin aid chuiquin dada uaombi.
Icsate bunenquiocquid icta, quequin chiaid
15Tantia. Esus tantiaquido icsho mibitedi chuinu. Nuquin Papa tantiesabon nacpaden nate bunenda. Aden nate bunquid Nuquin Papa tantiesa nec. 16Nuquin Papa tantiesabo icquin Aidën chiacpadombuen naisa nec. Adquid icquin abi bunacpadombuenuidi icsambuen nate bunquido nec. Utsina isash aid bedte cumapenec bunquido nec. Aden ambi bedaid caic: Umbi dadpen bedbued cuna dadpen icnuc bëdambo iquebi, quequido nec. 17Adec Esus tantiesabo icquin ambi icsambuen naidbëdi abi bunaidtedi nibëdanendac. Padnuen Nuquin Papan chiacpadombuen naic tabadquid ënëdenquio yec Icbobëd tabadtequid nendac.
Esuquidistu chieshënquidquio choendac, quequin chiaid
18Tantia. Cun bacuëbobimbuecquido icsho mibitedi padpiden chuinu. Nëbi nëid nidaid naimëdbudendac. Adec naimëdbudabicnuc Esuquidistu chieshënquidquio icsamboshëcquid choendac, quequin chuibansho mimbi tantiondac. Adecbidi Esus chieshënquidombo utsibo dadpenquio chochoacsho issun: Nëbi nëid nidaid naimëdte yanec, quequin nuqui tantiendac. 19Esuquidistu chieshënquido nuquibëd iccuededbuedi ënden nidanniac. Adquido yec nuquibëd icte bunenquiocquido nec. Esus tantiaquid iquec nuquibëd cuëshëdenquio ictsenosh. Adsho issun: Nuquibëd iccuededquid abitedi Esus tantiaquid nec, catiapimbo nuqui iquec.
20Esuquidistu icsaisambo yec Nuquin Papan madombo nec. Adquid icquin: Nëid cuna nec, quequin aton Mayan meniac abimbo chiaid tantiaquido mibitedi nendac. 21Aden: Nuquin Papan Chiaid abimbo iquec, quequin tantiaquido icsho mibitedi chuiquin dada uaic nebi. Aden tantiesabo icsho mibi chuiquin dada uainquio ictsenombi. Abimbo chuiquid yec muatiapimbocquid nec, quequin mibitedishun tantiec. 22¿Mitsipadquid muaquid nepec? Nuquin Papan Chomiaidpenquio Esus nec, quequid muaquidquio nec. Adquid Esus chieshënquidquio nendac. Adecbidi Esusbëta aton Papa Nuquin Papa tantiate bunenquio icquin chieshënquidquio nec. 23Nuquin Papan Madombo Esus nec, quequin tantiesa yec Nuquin Papa tantiesabidi nec. Padnuen: Nuquin Papan Madombo Esus nec, quequin tantiaquid yec Nuquin Papa tantiaquidbidi nendac.
24Tauambuen Nuquin Papabëta Esus tantiamenuen chuibansho mimbi tantiondaid bëshunenda. Adec bëshunenquio icquin Esusbëta Nuquin Papa tantiec aidbëd abentsëc yacbimbuec tabadquido yec mibitedi cuëshëdenquio iquendac. 25Adquid icsho Esuquidistun: Ubëd abuc ënëdenquio yec tabadte iquendac, quequin chiondacpadec nuqui tabadendac.
26Esuquidistu tantiaquido mibitedi icsho: Nuquin Papan Chiaid muaquin chuiquid iquendac, quequin aidon muaquin chuisho tantianushe, queshun chuiquin dada uaic nebi. 27Adec muaquid icnuc Nuquin Icbo Esuquidistun abi tantiasho mibi meniaid mibëd icquin aton Mayanën tantiamiac Nuquin Papan Chiaid mimbi bëdambuen tantiec. Adembidi Nuquin Papan Chiaidtedi tantiamequin abimbo tantiamec. Aden aton Mayanën tantiamiac Esusbëd abentsëc yacbimbuec tabadquid icta.
Esuquidistun matsesën icsambuen naid bedshunaid chiaid
28Nëbi cun bacuëbobimbuecquido yec Esusbëd abentsëc yacbimbuec adequi bëdambuec tabadta, quequin mibi chiec nebi. Aden: Abi tantiaquido bedec Esuquidistu padpidec chonoc dacuëdmane, queshun chieshtoenquio icquin aid tantiata.
III. PADPIDEN CHUIBANAID
(2.29—4.6)
29Esuquidistu Nuquin Papan chiacpadombuen naquid yec bëdamboshëcquid nec. Adembidi ambi chiacpadombuen naquidotedi bëdambuen isquin Nuquin Papan: Cun bacuëbo nec, caindac, quequin mibitedishun tantiec.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2023, Wycliffe Bible Translators, Inc. All rights reserved.