San Mateo 1
MOP

San Mateo 1

1
Le'ec ada' u c'aba'oo' u uchben mamaa' a Jesucristojo.
1Le'ec ada' u c'aba'oo' a jujun tuul u uchben mamaa' a Jesucristojo. Le'ec u uchben mamaa' ala'aji, aj rey David y aj Abraham.#Lc 3:23; Sal 132:11; Is 11:1; Hch 2:30; Ga 3:16
2U mejen aj Abrahama, aj Isaac u c'aba'.
U mejen aj Isaaca, aj Jacob u c'aba'.
U mejen aj Jacobo, aj Juda u c'aba'. Yanoo' u sucu'un u yitz'in aj Juda.
3U mejen aj Judaja, aj Fares y aj Zara u c'aba'oo'. Ixna' Tamar u c'aba'oo' u na'.
U mejen aj Farese, aj Esrom u c'aba'.
U mejen aj Esromo, aj Aram u c'aba'.
4U mejen aj Arama, aj Aminadab u c'aba'.
U mejen aj Aminadaba, aj Naason u c'aba'.
U mejen aj Naasono, aj Salmon u c'aba'.#Rt 4:18; Nm 1:7
5U mejen aj Salmono, aj Booz u c'aba'. Le'ec u na' aj Boozo, ixna' Rahab u c'aba'.
U mejen aj Boozo, aj Obed u c'aba'. Le'ec u na' aj Obede, ixna' Rut u c'aba'.
U mejen aj Obede, aj Isai u c'aba'.#Jos 6:22; He 11:31
6U mejen aj Isaiji, le'ec aj rey Davidi.
U mejen aj rey Davidi, aj Salomon u c'aba'. Le'ec u na' aj Salomono, le'ec u yütan aj quimen Urias.#1 S 16:1; 2 S 12:24
7U mejen aj Salomono, aj Roboam u c'aba'.
U mejen aj Roboama, aj Abias u c'aba'.
U mejen aj Abiasa, aj Asa u c'aba'.#1 Cr 3:10
8U mejen aj Asaja, aj Josafat u c'aba'.
U mejen aj Josafata, aj Joram u c'aba'.
U mejen aj Jorama, aj Uzias u c'aba'.
9U mejen aj Uziasa, aj Jotam u c'aba'.
U mejen aj Jotama, aj Acaz u c'aba'.
U mejen aj Acaza, aj Ezequias u c'aba'.
10U mejen aj Ezequiasa, aj Manases u c'aba'.
U mejen aj Manasese, aj Amon u c'aba'.
U mejen aj Amono, aj Josias u c'aba'.#2 R 20:21
11U mejen aj Josiasa, aj Jeconias u c'aba'.
Yanoo' u sucu'un u yitz'in aj Jeconiasa. Tu q'uinil ti cuxa'anoo' ala'oo'o, müchboo' aj Israel u menoo' aj Babiloniajili. Bensaboo' tu c'asil aj Israel ich cuenta Babilonia.#2 R 25:11; Jer 27:20
12Le'ec ti bensaboo' aj Israel ich cuenta Babiloniaja, baala'oo' u c'aba' a jujun tuul u uchben mamaa' a Jesusu.
U mejen aj Jeconiasa, aj Salatiel u c'aba'.
U mejen aj Salatiele, aj Zorobabel u c'aba'.#Esd 3:2; Hag 1:1
13U mejen aj Zorobabele, aj Abiud u c'aba'.
U mejen aj Abiudu, aj Eliaquim u c'aba'.
U mejen aj Eliaquimi, aj Azor u c'aba'.
14U mejen aj Azoro, aj Sadoc u c'aba'.
U mejen aj Sadoco, aj Aquim u c'aba'.
U mejen aj Aquimi, aj Eliud u c'aba'.
15U mejen aj Eliudu, aj Eleazar u c'aba'.
U mejen aj Eleazara, aj Matan u c'aba'.
U mejen aj Matana, aj Jacob u c'aba'.
16U mejen aj Jacobo, aj Jose u c'aba'. Le'ec aj Jose abe'e, le'ec u yicham ixna' Mariaja. Le'ec ixna' Mariaja, u na' a Jesusu. —Cristo,— cu t'anoo' ti'i.#Gn 3:15; Is 9:6 17Ti baalo'o, yan catorce tuuloo' u uchben mamaa' a Jesus a caji etel aj Abraham y jobi etel aj Davidi. Yan ilic catorce tuuloo' u uchben mamaa' a Jesus a caji etel aj Davidi, y jobi etel a bensaboo' aj Israel ich cuenta Babilonia. Yan ilic catorce tuuloo' u uchben mamaa' a Jesus a caji etel ti bensaboo' aj Israel ich cuenta Babilonia, y jobi etel ti yanaji a Jesusu.
Le'ec ada' biqui ti yanaji a Jesucristojo.
18Pues te'i. Wa'ye' u yaalbül c'u' a mani ti yanaji a Jesucristojo. Ix Maria u c'aba' u na' a Jesusu. Ix Mariaja, ac c'aata'an u men aj Joseje. Le'ec ti ix chu' to ix Mariaja, ti ma'ax to ch'a'büc u men aj Joseje, eeltabi ti ba'la'an. Abe'e, ti'i u Püsüc'al a Dioso.#Lc 1:27; Ga 4:4; He 10:5 19C'aata'an ix Maria u men aj Joseje. Toj u na'at aj Joseje. Ma' u c'ati ca' na'tabüc c'u' ca'a tan u p'ütic ix Mariaja. Suductzil ti'i ix Maria, mentücü, u c'atiintaj cuchi u p'ütü' tu qui'il ich mucul.#Dt 24:1 20Le'ec ti tan to u tuclic c'u' a ca' u bete'e, chiclaji ti'i ichil u nümül jun tuul u yaj xa'num a Dios ti ca'ana. —Jose, inchech u mam aj quimen rey Davidi. Ma' a saactic a ch'aa' ix Maria ti'i a wütan. Le'ec u yal a bel u ca'a ti yantal ti'iji, yancunbi ti'i u men u Püsüc'al a Dioso,— cu t'an u yaj xa'num a Dios ti ca'an ti'iji.#Lc 1:35 21—Yantal u ca'a u yal xidal. Jesus u c'aba' ca' a tz'aa' u men bel u cu sa'altoo' ca' joc'ocoo' ichil u sip'il boon a cristiano a ti'iji. U nu'cul a t'an Jesusu, sa'alil,— cu t'an u yaj xa'num a Dios ti ca'an ti'iji.#Gn 49:10; Jer 33:16; Dn 9:24; Hch 5:31; He 7:25; 1 Jn 3:5; Rev 1:5 22Uchi tulacal abe'e, ti'i ca' jajac u t'an a Noochtzil a aalbi u men jun tuul u yadaj u t'an a Dios uchi yoc'ol a Cristojo.#He 6:18 23—U'yeene'ex, jun tuul ix chu'u, bel u ca'a ti yantal u yal xidal. Le'ec ti yanaca, bel u ca'a chiitbil ti Emanuel. “Dios que'en tiqui wetel,” cu t'an a t'an abe'e.— Baalo' ti tz'iiba'an uchi yoc'ol a Cristojo.#Is 7:14; Is 9:6 24Le'ec ti aji aj Jose ti wüyülü, u tz'ocsaj c'u' a aalbi ti'i u men u yaj xa'num a Dios ti ca'ana. U ch'a'aj u yütan. 25C'u' betiqui, ma' cüjlaji etel ix Maria asto ti yanaji u yal xidal. U tz'aj u c'aba' a tz'ub ti Jesus.#Ex 13:2

© 2012, Wycliffe Bible Translators, Inc. All rights reserved.


Learn More About Maya, Mopán

Encouraging and challenging you to seek intimacy with God every day.


YouVersion uses cookies to personalize your experience. By using our website, you accept our use of cookies as described in our Privacy Policy.