João 11
11
Lázaro ter
1Kejẽn ũ tỹ Jesus to há ũ tóg kaga nỹ nĩ, ẽmã tỹ Betânia tá. Ti jijin hã vỹ: Lázaro, he mũ. Ti ve fi vỹ tỹ Maria fi nĩ, Marta fi ke gé. Betânia tá fag ẽmã nỹtĩ gé. 2Maria ẽn fi vỹ kar kỹ kejẽn Jesus pẽn kri nén ger há kujẽg mũ, kỹ fi tóg fi gãnh tỹ ti pẽn kykũg mũ gé. Ẽn fi mré pafa mũ vỹ kaga nỹ nĩ. 3Kỹ ti ve fag vỹ Jesus mỹ vẽnh vĩ jẽnẽg mũ. “Ã tỹ ũ to há nĩ ẽn vỹ kaga nỹ nĩ,” he fag tóg. 4Kỹ tóg ti mré mũ tĩ ag mỹ: “ti pijé vẽnh kaga tag to ter ke mũ',” he mũ. “Topẽ tỹ tỹ ũn mág nĩ vỹ vẽnh ven ke mũ, ti kaga tugrĩn, ti kósin tỹ tỹ ũn mág nĩ ti ke gé,” he tóg. 5Jesus vỹ Marta fi to há tãvĩ nĩ, fi jãvy fi to ke gé, Lázaro to ke gé.
6Hã ra Jesus tóg, ti tỹ Lázaro kaga mẽg mũ ra ver ti venh tĩ tũ nĩ. Ti tỹ hẽ tá nĩ ẽn tá tóg ver kurã régre han. 7Tag pãte tóg ti mré mũ tĩ ag mỹ: “mũ nỹ, ti ve jé,” he mũ. 8Kỹ ag tóg ti mỹ: “Senhor, ẽg tỹ tá nỹtĩn kỹ pã'i ag tóg ã tén sór ja nĩ, pó tỹ ã pin kỹ. Ra tĩg sór tũg nĩ,” he mũ. 9Hã ra tóg: “jatun mỹ sóg tĩg mũ, isũ han jé,” he mũ. “Ẽg tỹ kurã ki hẽn ra mũn kỹ ẽg tóg krĩm ke tũ nĩgtĩ. Ve há han ẽg tĩ. 10Ẽg tỹ hã ra kuty ra hẽn ra mũn kỹ ẽg tóg krĩm ke tĩ,” he tóg.
11Kỹ tóg ag mỹ: “ũ tỹ ẽg to há nĩ ẽn vỹ nũr nỹ, Lázaro ti,” he mũ. “Isỹ ti tỹ mrin ke han tĩg ke nẽ ha,” he tóg. 12Kỹ ag tóg ti mỹ: “ti nũr nỹn kỹn kren ke mũ,” he mũ. 13Hã ra tóg ti ter tó ja nĩ. Jó ag tóg: “ti nũr vẽ, ti vẽnhkán vẽ,” he mũ, to jykrén kỹ. 14Kỹ tóg ag mỹ: “ter ti huri,” he mũ. 15“Ãjag tugrĩn tóg inh mỹ sér tĩ, isỹ ti ter ve ja tũ nĩn kỹ. Ãjag tỹ isỹ nén han mũ ven kỹ ãjag tóg inh ki ge há han ke mũ. Mũ jé ha, ti ve jé,” he tóg.
16Kỹ Tomé he mũ ẽn, ag tỹ ũ to: “ũn vẽgni,” he tĩ ẽn vỹ ti mré mũ tĩ ag mỹ: “mũ jé ha, ti mré, ẽg tỹ ti mré kãgter jé,” he mũ. Kỹ ag tóg mũ mũ sir.
Jesus tỹ vẽnh kar rĩnrĩr han ke
17Kỹ ag tóg Betânia tá junjun mũ. Hã ra Lázaro vỹ vẽnh kej tá nỹ nĩ. Kurã tỹ 4 (ke) vẽ sir, ag tỹ vẽnh kej tá ti fón ja kri. 18Hã ra ag tóg Jerusalém kakó ki nỹtĩ, 3 (ke) quilômetros hỹn, ẽmã tỹ Betânia ki. 19Judeu tỹ hẽn ri ke fag vỹ Marta fi venh kãmũ ja nĩ, Maria fi ke gé, fag mré kygfỹ jé, vẽser kri. 20Kỹ Marta fi tóg ti kãtĩg mẽg mũ. Kỹ fi tóg tim ke tĩ mũ, ti ve jé. Jãvo Maria fi tóg fi ĩn krẽm nĩ nĩ. 21Kỹ Marta fi tóg ti kato tẽ kỹ ti mỹ: “Senhor,” he mũ. “Ã tỹ kãnĩ ra ti ter ke tũ nĩ vẽ,” he fi tóg. 22“Hã ra sóg ã ki kanhró nĩ. Ã tỹ Topẽ mỹ nén ũ to vĩn kỹ tóg ã mỹ nĩm ke mũ,” he fi tóg.
23Kỹ tóg fi mỹ: “ã mré ke vỹ rĩr mãn ke mũ,” he mũ. 24Kỹ fi tóg: “hỹ,” he mũ. “Vẽnh kar rĩnrĩr mãn ken kỹ tóg rĩr mãn ke mũ gé, ki kanhró sóg nĩ. Kurã tỹ ẽgno kã ke vẽ,” he fi tóg.
25Hã ra Jesus tóg fi mỹ: “inh hã vỹ vẽnh kar rĩnrĩr mãn han tĩ,” he mũ. “Vẽnh kar rĩnrĩn mũ vỹ tỹ inh nĩ. Ũ tỹ inh ki rã mũ ẽn vỹ rĩr ke mũ, ti ter kỹ nỹ (hã) ra. 26Kỹ ũn rĩr jẽ tóg, ti tỹ inh ki rã kỹ ter mãn ke tũ pẽ nĩ. Ã mỹ inh vĩ tag kri fig mũ'?“ he tóg.
27“Hỹ, Cristo vỹ tỹ ã nĩ, Topẽ kósin ti, ũ tỹ ga kri jun ke mũ ẽn ti. Tag vỹ inh mỹ tỹ hã nĩ,” he fi tóg. 28Kỹ fi tóg tĩ mũ, fi jãvy fi jé prẽr jé.
Jesus fỹ
Kỹ Marta fi tóg Maria fi tá jun kỹ fi mỹ: “ẽg Senhor vỹ jun, kỹ tóg ã ve sór mũ,” he mũ. 29Kỹ fi tóg tim ke tĩ mũ, ti ve jé. 30Hã ra tóg ẽmã ẽn ra rã ja tũ nĩ ver. Ver tóg tá nĩ nĩ, Marta fi tỹ hẽ tá ti mré vẽmén ja ẽn tá. 31Kỹ Judeu fag vỹ vég mũ, Maria fi tỹ tim ke tĩg ẽn ti. Fi mré kygfỹ jé fag kãmũ ja nĩ. Fag tỹ fi tĩg ve kỹ fag tóg fi nón kãmũ mũ gé. “Fi hỹn ti kej ra tĩg sór mũ, tá fỹ jé,” he fag tóg mũ, hã kỹ fag tóg fi nón kãmũ mũ.
32Kỹ Maria fi tóg Jesus tá jun mũ. Fi tỹ ti ve kỹ fi tóg ti pẽn krẽm mũg ke mũ. Ti mỹ fi tóg: “Senhor, ã tỹ kã nĩ ra ti ter ke tũ nĩ vẽ,” he mũ gé. 33Kỹ tóg fi fỹ vég mũ, ũ tỹ hẽn ri ke fag ke gé, fi nón kãmũ mũ fag. Kỹ tóg ti mỹ e tãvĩ tĩ. 34“Ti hẽ kã nỹ?“ he tóg mũ sir. Kỹ ag tóg ti mỹ: “mũ nỹ, ti ve jé,” he mũ. 35Kỹ Jesus tóg fỹ mũ. 36Kỹ ag tóg: “ha vé, ti to há tãvĩ tóg nĩ, hã kỹ tóg fỹ mũ,” he mũ. 37Hã ra ag kã mĩ ũ tóg: “ti tỹ há' he ja tũ tóg nĩ,” he mũ. “Ũn kyvó kanẽ tỹ há' he ja tóg nĩ, ti tỹ hẽ ri ken kỹ ti tỹ há' he ja tũ nĩ nẽ, ti ter tũ nĩ jé? Ti mỹ tỹ hẽ ri ke tũ nĩ vỹ, ti kaga tỹ'?“ he ag tóg, Jesus to.
Jesus tỹ Lázaro rĩn mãn
38Kỹ tóg Jesus mỹ e tãvĩ tĩ. Kỹ tóg vẽnh kej ẽn ra tĩ mũ. Hã ra ti kej vỹ tỹ pãró nor tỹ há nĩ, kỹ ti kej tóg pó mág tỹ nĩfénh kỹ nĩ. 39Kỹ tóg ag mỹ: “ha pó tag kunũ,” he mũ. Kỹ Marta fi, ũn ter kỹ nỹ ẽn ve fi vỹ ti mỹ: “Senhor, ti hỹn ger nỹ ha. Kurã tỹ 4 (ke) vẽ ha, ẽg tỹ ti fón ja kri,” he mũ. 40Hã ra Jesus tóg fi mỹ: “ã mỹ sóg: ã tỹ inh ki rã há han kỹ ã tóg venh ke mũ, Topẽ tỹ tỹ ũn mág nĩ ti, he ja nĩ,” he mũ. 41Kỹ ag tóg pó ẽn kunũg mũ.
Kỹ tóg kanhkã ki ẽvãnh kỹ: “panh', inh mỹ tóg há tĩ. Inh vĩ tag jẽmẽg ã tóg mũ,” he mũ. 42“Jẽmẽg ã tóg tĩ, inh vĩ ti, hã kỹ ã tóg sỹ ã mỹ vĩ tag jẽmẽg mũ gé. Hã ra sóg jamã há ra ã mré vĩ mũ, ũ tỹ ki nỹtĩ kar fag tỹ inh vĩ mẽ jé, fag tỹ inh ki ge jé, fag tỹ iso: “Topẽ tỹ ti jẽnẽ vẽ,” he jé,” he tóg.
43Kỹ tóg jamã há ra prẽr mũ. “!..Lázaro, kuneg..!“ he tóg. 44Kỹ ũn ter ja ẽn tóg kãtĩ mũ sir. Ti kej kã tá tóg kãkutẽ mũ sir, mỹr, ha mẽ. Ti pẽn vỹ sigse kỹ nỹtĩ, ti nĩgé ke gé, kỹ ti kakã vỹ pãg kỹ nĩ gé. Kỹ Jesus tóg ag mỹ: “ha ti kavã, ti tĩg jé,” he mũ. Kỹ ag tóg ti kavãn kãn mũ sir.
45Kỹ ũ tỹ Maria fi mré kygfỹ jé kãmũ mũ tỹ hẽn ri ke fag vỹ Jesus ki ge mũ sir, fag tỹ ti tỹ ti rĩn mãn mũ ẽn ven kỹ. 46Hã ra ũ ag tóg pã'i ag mỹ ti tónh mũ mũ.
Ag tỹ Jesus tén ke to jykrén
(Mt 26.1-5; Mc 14.1-2; Lc 22.1-2)
47Kỹ Topẽ tũ to pã'i ag vỹ vẽnh jyvẽn tĩ kar ag jé prẽr mũ. “Ẽg hỹn ti tỹ hẽ ri kenh ke mũ?“ he ag tóg mũ, Jesus to. “Milagre hynhan tóg tĩ. 48Ẽg tỹ ti kato vãsãn tũ nĩn kỹ vẽnh kar vỹ ti ki genh ke mũ. Kỹ fóg tỹ Romano ag vỹ ẽg kato vãsãnsãn ke mũ. Topẽ ĩn kókén jé ag tóg ke mũ, kỹ ag tóg ẽg kãgtén kãn ke mũ gé, ha vem nĩ,” he ag tóg.
49Hã ra pã'i ag kã mĩ ũ vỹ tỹ Caifás nĩ. Ẽn vỹ tóg ag mỹ: “to jykrén há han tũ ãjag nĩ,” he mũ. 50“Tag to jykrén nĩ, ha mẽ. Ũn pir ter ke tóg kórég nĩ, hã ra tóg povo kãgter kãn kórég jakrẽm nĩ. Kỹ ti hỹn ẽg povo jagfy ter ke mũ, Jesus ti,” he tóg. 51Hã ra tóg vẽsóg ki tag to jykrén ja tũ nĩ. Prỹg ẽn ki tóg tỹ Topẽ tũ to pã'i mág nĩ, hã kỹ Topẽ kuprĩg vỹ ti krĩn ja nĩ, ti tỹ Jesus to: “ẽg povo jagfy tóg ter ke mũ,” he jé. 52Hã ra Judeu ag tãvĩ jagfy ke pijé'. Topẽ krẽ kar jagfy ke ja vẽ. Ti tỹ vẽnh kar tỹ ũn pir han sór ja vẽ, Jesus ti, hã jé tóg ẽg jagfy ter ja nĩ, ũ tỹ povo kar kã mĩ ti ki genh ke mũ ag kar jagfy.
53Pã'i ag tỹ tỹ vẽmén kãr kỹ ag tóg ti tén ke to jykrén mũ sir. 54Hã kỹ Jesus tóg vẽnh péju kỹ tĩ mũ, ga kórég ra, ẽmã tỹ Efraim ra. Judeu ag mĩ tóg tĩg mãn tũ nĩ sir. Efraim hã tá tóg nĩ nĩ ver, kỹ ti mré mũ tĩ ag vỹ ti mré tá nỹtĩ gé.
55Hã ra Judeu ag tỹ fénhta tỹ Páscoa han ke ũ vỹ kakó tĩ ha. Kỹ ũ tỹ hẽn ri ke ag tóg fenhta to hã Jerusalém ra mũ mũ, ag jykre ki vẽnh jãnhkrigkrig jé. 56Tá ag tóg Jesus jãvãnh mũ, Topẽ ĩn tá nỹtĩ kỹ. Kỹ ag tóg jagnẽ mỹ: “ti hỹn hẽ ri ke mũ? Ti mỹ fénhta venh kãtĩg mũ vỹ?“ he mũ. 57Hã ra Topẽ tũ to pã'i ag vỹ vẽnh kar mỹ vẽnh vĩ jẽnẽ ja nĩgtĩ. “Ãjag tỹ ti ve kỹ ẽg mỹ tónh kãmũm nĩ,” he ja ag tóg nĩ. Ag tỹ ti se sór vẽ.
Currently Selected:
João 11: kgp
Highlight
Share
Copy
Want to have your highlights saved across all your devices? Sign up or sign in
© 2005, Wycliffe Bible Translators, Inc. in partnership with Sociedade Bíblica do Brasil and Missão de Cristianismo Decidido
João 11
11
Lázaro ter
1Kejẽn ũ tỹ Jesus to há ũ tóg kaga nỹ nĩ, ẽmã tỹ Betânia tá. Ti jijin hã vỹ: Lázaro, he mũ. Ti ve fi vỹ tỹ Maria fi nĩ, Marta fi ke gé. Betânia tá fag ẽmã nỹtĩ gé. 2Maria ẽn fi vỹ kar kỹ kejẽn Jesus pẽn kri nén ger há kujẽg mũ, kỹ fi tóg fi gãnh tỹ ti pẽn kykũg mũ gé. Ẽn fi mré pafa mũ vỹ kaga nỹ nĩ. 3Kỹ ti ve fag vỹ Jesus mỹ vẽnh vĩ jẽnẽg mũ. “Ã tỹ ũ to há nĩ ẽn vỹ kaga nỹ nĩ,” he fag tóg. 4Kỹ tóg ti mré mũ tĩ ag mỹ: “ti pijé vẽnh kaga tag to ter ke mũ',” he mũ. “Topẽ tỹ tỹ ũn mág nĩ vỹ vẽnh ven ke mũ, ti kaga tugrĩn, ti kósin tỹ tỹ ũn mág nĩ ti ke gé,” he tóg. 5Jesus vỹ Marta fi to há tãvĩ nĩ, fi jãvy fi to ke gé, Lázaro to ke gé.
6Hã ra Jesus tóg, ti tỹ Lázaro kaga mẽg mũ ra ver ti venh tĩ tũ nĩ. Ti tỹ hẽ tá nĩ ẽn tá tóg ver kurã régre han. 7Tag pãte tóg ti mré mũ tĩ ag mỹ: “mũ nỹ, ti ve jé,” he mũ. 8Kỹ ag tóg ti mỹ: “Senhor, ẽg tỹ tá nỹtĩn kỹ pã'i ag tóg ã tén sór ja nĩ, pó tỹ ã pin kỹ. Ra tĩg sór tũg nĩ,” he mũ. 9Hã ra tóg: “jatun mỹ sóg tĩg mũ, isũ han jé,” he mũ. “Ẽg tỹ kurã ki hẽn ra mũn kỹ ẽg tóg krĩm ke tũ nĩgtĩ. Ve há han ẽg tĩ. 10Ẽg tỹ hã ra kuty ra hẽn ra mũn kỹ ẽg tóg krĩm ke tĩ,” he tóg.
11Kỹ tóg ag mỹ: “ũ tỹ ẽg to há nĩ ẽn vỹ nũr nỹ, Lázaro ti,” he mũ. “Isỹ ti tỹ mrin ke han tĩg ke nẽ ha,” he tóg. 12Kỹ ag tóg ti mỹ: “ti nũr nỹn kỹn kren ke mũ,” he mũ. 13Hã ra tóg ti ter tó ja nĩ. Jó ag tóg: “ti nũr vẽ, ti vẽnhkán vẽ,” he mũ, to jykrén kỹ. 14Kỹ tóg ag mỹ: “ter ti huri,” he mũ. 15“Ãjag tugrĩn tóg inh mỹ sér tĩ, isỹ ti ter ve ja tũ nĩn kỹ. Ãjag tỹ isỹ nén han mũ ven kỹ ãjag tóg inh ki ge há han ke mũ. Mũ jé ha, ti ve jé,” he tóg.
16Kỹ Tomé he mũ ẽn, ag tỹ ũ to: “ũn vẽgni,” he tĩ ẽn vỹ ti mré mũ tĩ ag mỹ: “mũ jé ha, ti mré, ẽg tỹ ti mré kãgter jé,” he mũ. Kỹ ag tóg mũ mũ sir.
Jesus tỹ vẽnh kar rĩnrĩr han ke
17Kỹ ag tóg Betânia tá junjun mũ. Hã ra Lázaro vỹ vẽnh kej tá nỹ nĩ. Kurã tỹ 4 (ke) vẽ sir, ag tỹ vẽnh kej tá ti fón ja kri. 18Hã ra ag tóg Jerusalém kakó ki nỹtĩ, 3 (ke) quilômetros hỹn, ẽmã tỹ Betânia ki. 19Judeu tỹ hẽn ri ke fag vỹ Marta fi venh kãmũ ja nĩ, Maria fi ke gé, fag mré kygfỹ jé, vẽser kri. 20Kỹ Marta fi tóg ti kãtĩg mẽg mũ. Kỹ fi tóg tim ke tĩ mũ, ti ve jé. Jãvo Maria fi tóg fi ĩn krẽm nĩ nĩ. 21Kỹ Marta fi tóg ti kato tẽ kỹ ti mỹ: “Senhor,” he mũ. “Ã tỹ kãnĩ ra ti ter ke tũ nĩ vẽ,” he fi tóg. 22“Hã ra sóg ã ki kanhró nĩ. Ã tỹ Topẽ mỹ nén ũ to vĩn kỹ tóg ã mỹ nĩm ke mũ,” he fi tóg.
23Kỹ tóg fi mỹ: “ã mré ke vỹ rĩr mãn ke mũ,” he mũ. 24Kỹ fi tóg: “hỹ,” he mũ. “Vẽnh kar rĩnrĩr mãn ken kỹ tóg rĩr mãn ke mũ gé, ki kanhró sóg nĩ. Kurã tỹ ẽgno kã ke vẽ,” he fi tóg.
25Hã ra Jesus tóg fi mỹ: “inh hã vỹ vẽnh kar rĩnrĩr mãn han tĩ,” he mũ. “Vẽnh kar rĩnrĩn mũ vỹ tỹ inh nĩ. Ũ tỹ inh ki rã mũ ẽn vỹ rĩr ke mũ, ti ter kỹ nỹ (hã) ra. 26Kỹ ũn rĩr jẽ tóg, ti tỹ inh ki rã kỹ ter mãn ke tũ pẽ nĩ. Ã mỹ inh vĩ tag kri fig mũ'?“ he tóg.
27“Hỹ, Cristo vỹ tỹ ã nĩ, Topẽ kósin ti, ũ tỹ ga kri jun ke mũ ẽn ti. Tag vỹ inh mỹ tỹ hã nĩ,” he fi tóg. 28Kỹ fi tóg tĩ mũ, fi jãvy fi jé prẽr jé.
Jesus fỹ
Kỹ Marta fi tóg Maria fi tá jun kỹ fi mỹ: “ẽg Senhor vỹ jun, kỹ tóg ã ve sór mũ,” he mũ. 29Kỹ fi tóg tim ke tĩ mũ, ti ve jé. 30Hã ra tóg ẽmã ẽn ra rã ja tũ nĩ ver. Ver tóg tá nĩ nĩ, Marta fi tỹ hẽ tá ti mré vẽmén ja ẽn tá. 31Kỹ Judeu fag vỹ vég mũ, Maria fi tỹ tim ke tĩg ẽn ti. Fi mré kygfỹ jé fag kãmũ ja nĩ. Fag tỹ fi tĩg ve kỹ fag tóg fi nón kãmũ mũ gé. “Fi hỹn ti kej ra tĩg sór mũ, tá fỹ jé,” he fag tóg mũ, hã kỹ fag tóg fi nón kãmũ mũ.
32Kỹ Maria fi tóg Jesus tá jun mũ. Fi tỹ ti ve kỹ fi tóg ti pẽn krẽm mũg ke mũ. Ti mỹ fi tóg: “Senhor, ã tỹ kã nĩ ra ti ter ke tũ nĩ vẽ,” he mũ gé. 33Kỹ tóg fi fỹ vég mũ, ũ tỹ hẽn ri ke fag ke gé, fi nón kãmũ mũ fag. Kỹ tóg ti mỹ e tãvĩ tĩ. 34“Ti hẽ kã nỹ?“ he tóg mũ sir. Kỹ ag tóg ti mỹ: “mũ nỹ, ti ve jé,” he mũ. 35Kỹ Jesus tóg fỹ mũ. 36Kỹ ag tóg: “ha vé, ti to há tãvĩ tóg nĩ, hã kỹ tóg fỹ mũ,” he mũ. 37Hã ra ag kã mĩ ũ tóg: “ti tỹ há' he ja tũ tóg nĩ,” he mũ. “Ũn kyvó kanẽ tỹ há' he ja tóg nĩ, ti tỹ hẽ ri ken kỹ ti tỹ há' he ja tũ nĩ nẽ, ti ter tũ nĩ jé? Ti mỹ tỹ hẽ ri ke tũ nĩ vỹ, ti kaga tỹ'?“ he ag tóg, Jesus to.
Jesus tỹ Lázaro rĩn mãn
38Kỹ tóg Jesus mỹ e tãvĩ tĩ. Kỹ tóg vẽnh kej ẽn ra tĩ mũ. Hã ra ti kej vỹ tỹ pãró nor tỹ há nĩ, kỹ ti kej tóg pó mág tỹ nĩfénh kỹ nĩ. 39Kỹ tóg ag mỹ: “ha pó tag kunũ,” he mũ. Kỹ Marta fi, ũn ter kỹ nỹ ẽn ve fi vỹ ti mỹ: “Senhor, ti hỹn ger nỹ ha. Kurã tỹ 4 (ke) vẽ ha, ẽg tỹ ti fón ja kri,” he mũ. 40Hã ra Jesus tóg fi mỹ: “ã mỹ sóg: ã tỹ inh ki rã há han kỹ ã tóg venh ke mũ, Topẽ tỹ tỹ ũn mág nĩ ti, he ja nĩ,” he mũ. 41Kỹ ag tóg pó ẽn kunũg mũ.
Kỹ tóg kanhkã ki ẽvãnh kỹ: “panh', inh mỹ tóg há tĩ. Inh vĩ tag jẽmẽg ã tóg mũ,” he mũ. 42“Jẽmẽg ã tóg tĩ, inh vĩ ti, hã kỹ ã tóg sỹ ã mỹ vĩ tag jẽmẽg mũ gé. Hã ra sóg jamã há ra ã mré vĩ mũ, ũ tỹ ki nỹtĩ kar fag tỹ inh vĩ mẽ jé, fag tỹ inh ki ge jé, fag tỹ iso: “Topẽ tỹ ti jẽnẽ vẽ,” he jé,” he tóg.
43Kỹ tóg jamã há ra prẽr mũ. “!..Lázaro, kuneg..!“ he tóg. 44Kỹ ũn ter ja ẽn tóg kãtĩ mũ sir. Ti kej kã tá tóg kãkutẽ mũ sir, mỹr, ha mẽ. Ti pẽn vỹ sigse kỹ nỹtĩ, ti nĩgé ke gé, kỹ ti kakã vỹ pãg kỹ nĩ gé. Kỹ Jesus tóg ag mỹ: “ha ti kavã, ti tĩg jé,” he mũ. Kỹ ag tóg ti kavãn kãn mũ sir.
45Kỹ ũ tỹ Maria fi mré kygfỹ jé kãmũ mũ tỹ hẽn ri ke fag vỹ Jesus ki ge mũ sir, fag tỹ ti tỹ ti rĩn mãn mũ ẽn ven kỹ. 46Hã ra ũ ag tóg pã'i ag mỹ ti tónh mũ mũ.
Ag tỹ Jesus tén ke to jykrén
(Mt 26.1-5; Mc 14.1-2; Lc 22.1-2)
47Kỹ Topẽ tũ to pã'i ag vỹ vẽnh jyvẽn tĩ kar ag jé prẽr mũ. “Ẽg hỹn ti tỹ hẽ ri kenh ke mũ?“ he ag tóg mũ, Jesus to. “Milagre hynhan tóg tĩ. 48Ẽg tỹ ti kato vãsãn tũ nĩn kỹ vẽnh kar vỹ ti ki genh ke mũ. Kỹ fóg tỹ Romano ag vỹ ẽg kato vãsãnsãn ke mũ. Topẽ ĩn kókén jé ag tóg ke mũ, kỹ ag tóg ẽg kãgtén kãn ke mũ gé, ha vem nĩ,” he ag tóg.
49Hã ra pã'i ag kã mĩ ũ vỹ tỹ Caifás nĩ. Ẽn vỹ tóg ag mỹ: “to jykrén há han tũ ãjag nĩ,” he mũ. 50“Tag to jykrén nĩ, ha mẽ. Ũn pir ter ke tóg kórég nĩ, hã ra tóg povo kãgter kãn kórég jakrẽm nĩ. Kỹ ti hỹn ẽg povo jagfy ter ke mũ, Jesus ti,” he tóg. 51Hã ra tóg vẽsóg ki tag to jykrén ja tũ nĩ. Prỹg ẽn ki tóg tỹ Topẽ tũ to pã'i mág nĩ, hã kỹ Topẽ kuprĩg vỹ ti krĩn ja nĩ, ti tỹ Jesus to: “ẽg povo jagfy tóg ter ke mũ,” he jé. 52Hã ra Judeu ag tãvĩ jagfy ke pijé'. Topẽ krẽ kar jagfy ke ja vẽ. Ti tỹ vẽnh kar tỹ ũn pir han sór ja vẽ, Jesus ti, hã jé tóg ẽg jagfy ter ja nĩ, ũ tỹ povo kar kã mĩ ti ki genh ke mũ ag kar jagfy.
53Pã'i ag tỹ tỹ vẽmén kãr kỹ ag tóg ti tén ke to jykrén mũ sir. 54Hã kỹ Jesus tóg vẽnh péju kỹ tĩ mũ, ga kórég ra, ẽmã tỹ Efraim ra. Judeu ag mĩ tóg tĩg mãn tũ nĩ sir. Efraim hã tá tóg nĩ nĩ ver, kỹ ti mré mũ tĩ ag vỹ ti mré tá nỹtĩ gé.
55Hã ra Judeu ag tỹ fénhta tỹ Páscoa han ke ũ vỹ kakó tĩ ha. Kỹ ũ tỹ hẽn ri ke ag tóg fenhta to hã Jerusalém ra mũ mũ, ag jykre ki vẽnh jãnhkrigkrig jé. 56Tá ag tóg Jesus jãvãnh mũ, Topẽ ĩn tá nỹtĩ kỹ. Kỹ ag tóg jagnẽ mỹ: “ti hỹn hẽ ri ke mũ? Ti mỹ fénhta venh kãtĩg mũ vỹ?“ he mũ. 57Hã ra Topẽ tũ to pã'i ag vỹ vẽnh kar mỹ vẽnh vĩ jẽnẽ ja nĩgtĩ. “Ãjag tỹ ti ve kỹ ẽg mỹ tónh kãmũm nĩ,” he ja ag tóg nĩ. Ag tỹ ti se sór vẽ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2005, Wycliffe Bible Translators, Inc. in partnership with Sociedade Bíblica do Brasil and Missão de Cristianismo Decidido