Apocalipsis 4
4
Lix lokꞌlaj cꞌojariba̱l li Dios cuan saꞌ choxa
1Ut chirix aꞌan quicuil jun chic li visión. Quicuil jun li oqueba̱l teto saꞌ choxa. Ut quicuabi cuiꞌchic li xya̱b li cux li quicuabi xbe̱n cua, chanchan xya̱b jun li trompeta nak yo̱ chi a̱tinac, ut quixye cue: —Taken chak arin ut tincꞌutbesi cha̱cuu li cꞌaꞌak re ru ta̱cꞌulma̱nk mokon, chan. 2Ut saꞌ li visión li quixcꞌutbesi chicuu li Dios riqꞌuin xcuanquil li Santil Musikꞌej, quicuil saꞌ choxa jun li lokꞌlaj cꞌojariba̱l. Ut quicuil nak cuan jun cꞌojcꞌo saꞌ li cꞌojariba̱l aꞌan. 3Ut li ani chunchu saꞌ li cꞌojariba̱l, cꞌajoꞌ lix lokꞌal. Li riloba̱l chanchan li cha̱bil pec jaspe malaj ut chanchan li cha̱bil pec cornalina li nalemtzꞌun. Ut lix cꞌojariba̱l sutsu riqꞌuin jun li xo̱quikꞌab chanchan li cha̱bil pec esmeralda nak quicuil. 4Ut chi xjun sutam li lokꞌlaj cꞌojariba̱l cuanqueb ca̱hib xcaꞌcꞌa̱l chic li cꞌojariba̱l. Ut aran cꞌojcꞌo̱queb li ca̱hib xcaꞌcꞌa̱l li queꞌcꞌamoc chak be chiruheb laj pa̱banel. Sak li rakꞌeb ut cuanqueb xcorona oro saꞌ xjolomeb. 5Ut saꞌ li lokꞌlaj cꞌojariba̱l nareploc li chanchan rakꞌ ca̱k ut lix ya̱b li choki̱nc chanchan nak namok li ca̱k. Chiru cuan cuukub li lámpara lochlo retalil li Santil Musikꞌej.#Saꞌ li versículo 4:5 naxpatzꞌ cuukub chi musikꞌej re li Dios. Li número cuukub, aꞌan retalil nak tzꞌakal re ru. Li número aꞌan naraj naxye nak tzꞌakal re ru li Santil Musikꞌej. Incꞌaꞌ naraj naxye nak cuukub xmusikꞌ li Dios. 6Ut quicuil ajcuiꞌ jun chanchan neba̱l cuan chiru li cꞌojariba̱l. Nalemtzꞌun joꞌ li lem ut chanchan jun li palau sak sak ru. Chi xjun sutam li cꞌojariba̱l cuanqueb ca̱hib li yoꞌyo̱queb, chanchaneb ángel. Nabal li xnakꞌ ruheb, joꞌ chiru joꞌ chirixeb. 7Li xbe̱n li chanchan ángel, aꞌan chanchan na-iloc jun li cakcoj; li xcab, aꞌan chanchan na-iloc jun li cuacax; li rox, aꞌan cuan xnakꞌ ru chanchan ru jun cui̱nk; ut li xca̱, aꞌan chanchan jun li nimla cꞌuch yo̱ chi xicꞌa̱nc. 8Cuan cuakitk xiqꞌueb li junju̱nk. Nabal li xnakꞌeb ru cuan xcaꞌ pacꞌalil. Chi kꞌek chi cutan yo̱queb chixyebal:
Santo, santo, santo. Lokꞌoninbil taxak ru li Ka̱cuaꞌ Dios li kꞌaxal nim xcuanquil, li ac cuan ajcuiꞌ chak saꞌ xticlajic, li cuan anakcuan ut li cua̱nk chi junelic.
9Rajlal nequeꞌxqꞌue xlokꞌal ut nequeꞌxnima ru ut nequeꞌxbantioxi chiru li nimajcual Dios, li yoꞌyo chi junelic kꞌe cutan, li cꞌojcꞌo saꞌ lix lokꞌlaj cꞌojariba̱l. 10Eb li chanchaneb ángel yo̱queb chi lokꞌoni̱nc, ut li ca̱hib xcaꞌcꞌa̱l chi aj cꞌamol be nequeꞌxcuikꞌib ribeb chiru li Ka̱cuaꞌ Dios, li cꞌojcꞌo saꞌ lix cꞌojariba̱l ut queꞌxlokꞌoni xban nak yoꞌyo chi junelic kꞌe cutan ut queꞌxqꞌue lix corona chiru lix cꞌojariba̱l re xqꞌuebal xlokꞌal. 11Ut queꞌxye re:
At Ka̱cuaꞌ, at kaDios, a̱cꞌulub nak takaqꞌue a̱lokꞌal. A̱cꞌulub nak ta̱nima̱k a̱cuu ut ta̱qꞌuehekꞌ a̱cuanquil xban nak la̱at catyi̱ban re chixjunil li cꞌaꞌru cuan. Xban nak joꞌcan xacuaj la̱at, joꞌcan nak xayoꞌobtesiheb li cꞌaꞌru cuanqueb.
Currently Selected:
Apocalipsis 4: kek
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
Apocalipsis 4
4
Lix lokꞌlaj cꞌojariba̱l li Dios cuan saꞌ choxa
1Ut chirix aꞌan quicuil jun chic li visión. Quicuil jun li oqueba̱l teto saꞌ choxa. Ut quicuabi cuiꞌchic li xya̱b li cux li quicuabi xbe̱n cua, chanchan xya̱b jun li trompeta nak yo̱ chi a̱tinac, ut quixye cue: —Taken chak arin ut tincꞌutbesi cha̱cuu li cꞌaꞌak re ru ta̱cꞌulma̱nk mokon, chan. 2Ut saꞌ li visión li quixcꞌutbesi chicuu li Dios riqꞌuin xcuanquil li Santil Musikꞌej, quicuil saꞌ choxa jun li lokꞌlaj cꞌojariba̱l. Ut quicuil nak cuan jun cꞌojcꞌo saꞌ li cꞌojariba̱l aꞌan. 3Ut li ani chunchu saꞌ li cꞌojariba̱l, cꞌajoꞌ lix lokꞌal. Li riloba̱l chanchan li cha̱bil pec jaspe malaj ut chanchan li cha̱bil pec cornalina li nalemtzꞌun. Ut lix cꞌojariba̱l sutsu riqꞌuin jun li xo̱quikꞌab chanchan li cha̱bil pec esmeralda nak quicuil. 4Ut chi xjun sutam li lokꞌlaj cꞌojariba̱l cuanqueb ca̱hib xcaꞌcꞌa̱l chic li cꞌojariba̱l. Ut aran cꞌojcꞌo̱queb li ca̱hib xcaꞌcꞌa̱l li queꞌcꞌamoc chak be chiruheb laj pa̱banel. Sak li rakꞌeb ut cuanqueb xcorona oro saꞌ xjolomeb. 5Ut saꞌ li lokꞌlaj cꞌojariba̱l nareploc li chanchan rakꞌ ca̱k ut lix ya̱b li choki̱nc chanchan nak namok li ca̱k. Chiru cuan cuukub li lámpara lochlo retalil li Santil Musikꞌej.#Saꞌ li versículo 4:5 naxpatzꞌ cuukub chi musikꞌej re li Dios. Li número cuukub, aꞌan retalil nak tzꞌakal re ru. Li número aꞌan naraj naxye nak tzꞌakal re ru li Santil Musikꞌej. Incꞌaꞌ naraj naxye nak cuukub xmusikꞌ li Dios. 6Ut quicuil ajcuiꞌ jun chanchan neba̱l cuan chiru li cꞌojariba̱l. Nalemtzꞌun joꞌ li lem ut chanchan jun li palau sak sak ru. Chi xjun sutam li cꞌojariba̱l cuanqueb ca̱hib li yoꞌyo̱queb, chanchaneb ángel. Nabal li xnakꞌ ruheb, joꞌ chiru joꞌ chirixeb. 7Li xbe̱n li chanchan ángel, aꞌan chanchan na-iloc jun li cakcoj; li xcab, aꞌan chanchan na-iloc jun li cuacax; li rox, aꞌan cuan xnakꞌ ru chanchan ru jun cui̱nk; ut li xca̱, aꞌan chanchan jun li nimla cꞌuch yo̱ chi xicꞌa̱nc. 8Cuan cuakitk xiqꞌueb li junju̱nk. Nabal li xnakꞌeb ru cuan xcaꞌ pacꞌalil. Chi kꞌek chi cutan yo̱queb chixyebal:
Santo, santo, santo. Lokꞌoninbil taxak ru li Ka̱cuaꞌ Dios li kꞌaxal nim xcuanquil, li ac cuan ajcuiꞌ chak saꞌ xticlajic, li cuan anakcuan ut li cua̱nk chi junelic.
9Rajlal nequeꞌxqꞌue xlokꞌal ut nequeꞌxnima ru ut nequeꞌxbantioxi chiru li nimajcual Dios, li yoꞌyo chi junelic kꞌe cutan, li cꞌojcꞌo saꞌ lix lokꞌlaj cꞌojariba̱l. 10Eb li chanchaneb ángel yo̱queb chi lokꞌoni̱nc, ut li ca̱hib xcaꞌcꞌa̱l chi aj cꞌamol be nequeꞌxcuikꞌib ribeb chiru li Ka̱cuaꞌ Dios, li cꞌojcꞌo saꞌ lix cꞌojariba̱l ut queꞌxlokꞌoni xban nak yoꞌyo chi junelic kꞌe cutan ut queꞌxqꞌue lix corona chiru lix cꞌojariba̱l re xqꞌuebal xlokꞌal. 11Ut queꞌxye re:
At Ka̱cuaꞌ, at kaDios, a̱cꞌulub nak takaqꞌue a̱lokꞌal. A̱cꞌulub nak ta̱nima̱k a̱cuu ut ta̱qꞌuehekꞌ a̱cuanquil xban nak la̱at catyi̱ban re chixjunil li cꞌaꞌru cuan. Xban nak joꞌcan xacuaj la̱at, joꞌcan nak xayoꞌobtesiheb li cꞌaꞌru cuanqueb.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.