Números 4
4
Eb li ralal xcꞌajol laj Coat
1Li Ka̱cuaꞌ quia̱tinac riqꞌuin laj Moisés ut laj Aarón ut quixye reheb: 2—Ta̱cuajla chixjunileb li ralal xcꞌajol laj Coat xcomoneb laj levita. Ta̱cuajlaheb chi chꞌu̱tal aꞌ yal chanru xqꞌuialeb saꞌ li junju̱nk cabal. 3Ta̱cuajlaheb chixjunileb li cui̱nk li cuan laje̱b xcaꞌcꞌa̱l (30) chihab reheb joꞌ eb ajcuiꞌ li ac numenak laje̱b roxcꞌa̱l chihab toj ta̱cuulak laje̱b roxcꞌa̱l (50) chihab. Aꞌaneb li teꞌoc chi cꞌanjelac saꞌ li tabernáculo. 4Li cꞌanjel li teꞌxba̱nu eb li ralal xcꞌajol laj Coat saꞌ li tabernáculo li kꞌaxal lokꞌ, aꞌan aꞌin. 5Nak oqueb re chixjalbal lix naꞌajeb laj Israel, laj Aarón ut eb li ralal teꞌoc chi saꞌ li tabernáculo ut teꞌrisi li nimla tꞌicr. Riqꞌuin aꞌan teꞌxtzꞌap li Lokꞌlaj Ca̱x li cuan cuiꞌ lix contrato li Ka̱cuaꞌ. 6Chirix aꞌan teꞌxlan li Lokꞌlaj Ca̱x riqꞌuin li cha̱bil tzꞌu̱m rix li tzꞌiꞌ haꞌ. Ut teꞌxjel jun li tꞌicr rax saꞌ xbe̱n ut teꞌxqꞌue saꞌ xnaꞌajeb li cheꞌ li teꞌxpako cuiꞌ. 7Teꞌxtzꞌap xbe̱n li me̱x riqꞌuin jun li raxi tꞌicr ut saꞌ xbe̱n aꞌan teꞌxqꞌueheb li plato, eb li cuchara, ut eb li secꞌ ut li xar li nequeꞌxqꞌue cuiꞌ li vino li teꞌxmayeja. Ut teꞌxqꞌue ajcuiꞌ aran li caxlan cua li nacuan aran chi junelic. 8Ut teꞌxtzꞌap xbe̱n chixjunil aꞌin riqꞌuin jun li caki tꞌicr. Saꞌ xbe̱n li caki tꞌicr teꞌxqꞌue rix li tzꞌiꞌ haꞌ. Ut chirix aꞌan teꞌxqꞌue saꞌ xnaꞌaj eb li cheꞌ li nequeꞌxpako cuiꞌ li Lokꞌlaj Ca̱x. 9Ut riqꞌuin raxi tꞌicr teꞌxtzꞌap xbe̱n li candelero rochbeneb li candil ut li chꞌi̱chꞌ re xsetbal xmechil li candil ut li plato li naxocman cuiꞌ li teꞌxset ut li xar li cuan cuiꞌ li aceite reheb li candil. 10Ut chirix aꞌan teꞌxlan saꞌ rix li tzꞌiꞌ haꞌ ut teꞌxqꞌue saꞌ xbe̱n li cheꞌ li nequeꞌxpako cuiꞌ. 11Teꞌxqꞌue jun li raxi tꞌicr saꞌ xbe̱n li artal li yi̱banbil riqꞌuin oro ut teꞌxlan saꞌ rix li tzꞌiꞌ haꞌ. Ut teꞌxqꞌue li cheꞌ saꞌ xnaꞌaj li nequeꞌxpako cuiꞌ. 12Chixjunil li cꞌaꞌak re ru li nacꞌanjelac saꞌ li Santil Naꞌajej teꞌxlan saꞌ raxi tꞌicr ut teꞌxtzꞌap riqꞌuin rix li tzꞌiꞌ haꞌ ut teꞌxqꞌue saꞌ xbe̱n li cheꞌ li nequeꞌxpako cuiꞌ. 13Teꞌrisi li cha saꞌ li artal li yi̱banbil riqꞌuin bronce ut teꞌxqꞌue saꞌ xbe̱n li artal jun li tꞌicr púrpura. 14Teꞌxqꞌue saꞌ xbe̱n li artal chixjunil li cꞌaꞌak re ru li nacꞌanjelac nak nequeꞌmayejac chiru li artal joꞌ lix naꞌaj li xam, li chꞌi̱chꞌ li nequeꞌxchap cuiꞌ li tib, li pala chꞌi̱chꞌ ut li ucꞌal. Ut teꞌxtzꞌap xbe̱n riqꞌuin li rix li tzꞌiꞌ haꞌ ut teꞌxqꞌue saꞌ xnaꞌajeb li cheꞌ li nequeꞌxpako cuiꞌ. 15Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo. 16Laj Eleazar li ralal laj Aarón laj tij, aꞌan li ta̱ilok re li aceite re li candil, li sununquil incienso, ut li ru li acui̱mk li namayeja̱c rajlal cutan, joꞌ ajcuiꞌ li aceite li naqꞌueman saꞌ xjolomeb. Laj Eleazar, aꞌan li ta̱takla̱nk saꞌ li tabernáculo ut saꞌ xbe̱n chixjunil li cuan chi saꞌ, chan li Dios. 17Li Ka̱cuaꞌ quia̱tinac riqꞌuin laj Moisés ut laj Aarón ut quixye reheb: 18—Te̱col rixeb li ralal xcꞌajol laj Coat re nak incꞌaꞌ teꞌosokꞌ. Cua̱nkeb ban saꞌ xya̱nkeb li ralal xcꞌajol laj Leví. 19Aꞌan aꞌin li te̱ba̱nu re nak incꞌaꞌ teꞌca̱mk nak teꞌoc chixcꞌambal li cꞌaꞌru kꞌaxtesinbil cue la̱in. Laj Aarón ut eb li ralal teꞌoc saꞌ li Santil Naꞌajej ut teꞌxqꞌue xcꞌanjel li junju̱nk ut teꞌxye reheb cꞌaꞌru teꞌxcꞌam. 20Eb li ralal xcꞌajol laj Coat incꞌaꞌ naru nequeꞌoc saꞌ li Santil Naꞌajej chirilbal li cꞌaꞌru santobresinbil nak yo̱keb chixlanbal re nak incꞌaꞌ teꞌca̱mk, chan li Dios. 21Ut li Ka̱cuaꞌ quia̱tinac riqꞌuin laj Moisés ut quixye re: 22—Te̱rajlaheb li ralal xcꞌajol laj Gersón chi chꞌu̱tal aꞌ yal chanru xqꞌuialeb saꞌ li junju̱nk cabal. 23Ta̱cuajla chixjunileb li cui̱nk li cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj ta̱cuulak laje̱b roxcꞌa̱l chihab. Aꞌaneb li teꞌoc chi cꞌanjelac saꞌ li tabernáculo. 24Aꞌan aꞌin li cꞌanjel li teꞌxba̱nu eb li ralal xcꞌajol laj Gersón. 25Aꞌaneb li teꞌcꞌamok re li tabernáculo ut lix tꞌicrul li tabernáculo joꞌ ajcuiꞌ li tꞌicr li nequeꞌxqꞌue saꞌ xbe̱n. Ut teꞌxcꞌam ajcuiꞌ li rix li tzꞌiꞌ haꞌ ut li ni̱nki tꞌicr li nacuan saꞌ li oqueba̱l re li tabernáculo. 26Aꞌaneb li teꞌcꞌamok re li tꞌicr li najelman chi xjun sutam li neba̱l re li tabernáculo ut li artal, ut li tꞌicr li cuan saꞌ li oqueba̱l re li neba̱l. Ut teꞌxcꞌam ajcuiꞌ chixjunil li nacꞌanjelac saꞌ li tabernáculo. Eb li ralal xcꞌajol laj Gersón, aꞌaneb li teꞌba̱nu̱nk re li cꞌanjel aꞌin. 27La̱at tatxakaba̱nk reheb saꞌ xcꞌanjel li junju̱nk. Ut laj Aarón ut eb li ralal teꞌchꞌoloba̱nk chiruheb chanru teꞌxba̱nu li cꞌanjel li quiqꞌueheꞌ reheb re teꞌxba̱nu. 28Aꞌan aꞌin li cꞌanjel li teꞌxba̱nu eb li ralal xcꞌajol laj Gersón saꞌ li tabernáculo. Ut laj Itamar li ralal laj Aarón laj tij, aꞌan li ta̱takla̱nk saꞌ xbe̱neb. 29Te̱rajlaheb li ralal xcꞌajol laj Merari chi chꞌu̱tal aꞌ yal chanru xqꞌuialeb saꞌ li junju̱nk cabal. 30Ta̱cuajla chixjunileb li cui̱nk li cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj ta̱cuulak laje̱b roxcꞌa̱l chihab. Aꞌaneb li teꞌoc chi cꞌanjelac saꞌ li tabernáculo. 31Aꞌan aꞌin li teꞌxba̱nu saꞌ li tabernáculo. Teꞌxcꞌam li tzꞌalam cheꞌ joꞌ ajcuiꞌ li cheꞌ li nacꞌanjelac re li tabernáculo ut li rokechal joꞌ ajcuiꞌ lix cꞌochleba̱l li naxakli cuiꞌ saꞌ xnaꞌajeb. 32Ut teꞌxpako ajcuiꞌ li okech li nacuan chi xjun sutam li neba̱l rochbeneb li rok, li cheꞌ li nachapoc re saꞌ chꞌochꞌ lix cꞌa̱mal li tabernáculo, lix cꞌa̱mal ut chixjunil li nacꞌanjelac re xxakabanquil li tabernáculo. Ta̱ye re li junju̱nk chi cui̱nk cꞌaꞌru li tixpako. 33Aꞌan aꞌin li cꞌanjel li teꞌxba̱nu eb li ralal xcꞌajol laj Merari nak teꞌcꞌanjelak saꞌ li tabernáculo. Ut laj Itamar li ralal laj Aarón laj tij, aꞌan li ta̱takla̱nk saꞌ xbe̱neb. 34Laj Moisés ut laj Aarón rochbeneb li nequeꞌcꞌamoc be saꞌ xya̱nkeb laj Israel queꞌrajlaheb li ralal xcꞌajol laj Coat chi chꞌu̱tal, aꞌ yal chanru xqꞌuialeb saꞌ li junju̱nk cabal. 35Queꞌrajla chixjunileb li cui̱nk li ac cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj quicuulac laje̱b roxcꞌa̱l chihab reheb. Aꞌaneb li queꞌoc chi cꞌanjelac saꞌ li tabernáculo. 36Ut eb li cui̱nk li queꞌajla̱c cuanqueb cuib mil riqꞌuin cuukub ciento riqꞌuin mero ciento (2,750). 37Aꞌaneb chixjunileb li ralal xcꞌajol laj Coat li teꞌcꞌanjelak saꞌ li tabernáculo. Laj Moisés ut laj Aarón queꞌrajlaheb joꞌ quixye li Ka̱cuaꞌ re laj Moisés. 38Ut queꞌajla̱c ajcuiꞌ eb li ralal xcꞌajol laj Gersón chi chꞌu̱tal aꞌ yal chanru xqꞌuialeb saꞌ li junju̱nk cabal. 39Queꞌrajla chixjunileb li cui̱nk li ac cuan laje̱b xcaꞌcꞌa̱l chihab reheb joꞌ eb ajcuiꞌ li ac numenak laje̱b xcaꞌcꞌa̱l chihab toj quicuulac laje̱b roxcꞌa̱l chihab reheb. Aꞌaneb li queꞌoc chi cꞌanjelac saꞌ li tabernáculo. 40Ut li cui̱nk li queꞌajla̱c cuanqueb cuib mil riqꞌuin cuakib ciento riqꞌuin laje̱b xcaꞌcꞌa̱l (2,630). 41Aꞌaneb chixjunileb li ralal xcꞌajol laj Gersón li teꞌcꞌanjelak saꞌ li tabernáculo. Laj Moisés ut laj Aarón queꞌrajlaheb joꞌ quixye li Ka̱cuaꞌ re laj Moisés. 42Ut queꞌajla̱c ajcuiꞌ eb li ralal xcꞌajol laj Merari chi chꞌu̱tal aꞌ yal chanru xqꞌuialeb saꞌ li junju̱nk cabal. 43Queꞌrajla chixjunileb li cui̱nk li ac cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj quicuulac laje̱b roxcꞌa̱l chihab reheb. Aꞌaneb li queꞌoc chi cꞌanjelac saꞌ li tabernáculo. 44Ut li cui̱nk li queꞌajla̱c cuanqueb oxib mil riqꞌuin cuib ciento (3,200). 45Aꞌaneb aꞌin chixjunileb li ralal xcꞌajol laj Merari li teꞌcꞌanjelak saꞌ li tabernáculo. Laj Moisés ut laj Aarón queꞌrajlaheb joꞌ quixye li Ka̱cuaꞌ re laj Moisés. 46Joꞌcan nak laj Moisés ut laj Aarón rochbeneb li nequeꞌcꞌamoc be queꞌrajlaheb chixjunileb laj levita chi chꞌu̱tal aꞌ yal chanru xqꞌuialeb saꞌ li junju̱nk cabal. 47Aꞌaneb chixjunileb li cui̱nk li ac cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj quicuulac laje̱b roxcꞌa̱l chihab reheb. Aꞌaneb li queꞌqꞌueheꞌ xcꞌanjel saꞌ li tabernáculo. 48Ut eb li cui̱nk li queꞌajla̱c cuanqueb cuakxakib mil riqꞌuin o̱b ciento riqꞌuin ca̱cꞌa̱l (8,580) chi cui̱nk. 49Li junju̱nk chꞌu̱tal queꞌqꞌueheꞌ xcꞌanjel joꞌ quixye li Dios re laj Moisés. Quiyeheꞌ reheb cꞌaꞌru li cꞌanjel teꞌxba̱nu. Joꞌcaꞌin nak queꞌajla̱c chixjunileb li cui̱nk joꞌ quixye li Ka̱cuaꞌ re laj Moisés.
Currently Selected:
Números 4: kek
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
Números 4
4
Eb li ralal xcꞌajol laj Coat
1Li Ka̱cuaꞌ quia̱tinac riqꞌuin laj Moisés ut laj Aarón ut quixye reheb: 2—Ta̱cuajla chixjunileb li ralal xcꞌajol laj Coat xcomoneb laj levita. Ta̱cuajlaheb chi chꞌu̱tal aꞌ yal chanru xqꞌuialeb saꞌ li junju̱nk cabal. 3Ta̱cuajlaheb chixjunileb li cui̱nk li cuan laje̱b xcaꞌcꞌa̱l (30) chihab reheb joꞌ eb ajcuiꞌ li ac numenak laje̱b roxcꞌa̱l chihab toj ta̱cuulak laje̱b roxcꞌa̱l (50) chihab. Aꞌaneb li teꞌoc chi cꞌanjelac saꞌ li tabernáculo. 4Li cꞌanjel li teꞌxba̱nu eb li ralal xcꞌajol laj Coat saꞌ li tabernáculo li kꞌaxal lokꞌ, aꞌan aꞌin. 5Nak oqueb re chixjalbal lix naꞌajeb laj Israel, laj Aarón ut eb li ralal teꞌoc chi saꞌ li tabernáculo ut teꞌrisi li nimla tꞌicr. Riqꞌuin aꞌan teꞌxtzꞌap li Lokꞌlaj Ca̱x li cuan cuiꞌ lix contrato li Ka̱cuaꞌ. 6Chirix aꞌan teꞌxlan li Lokꞌlaj Ca̱x riqꞌuin li cha̱bil tzꞌu̱m rix li tzꞌiꞌ haꞌ. Ut teꞌxjel jun li tꞌicr rax saꞌ xbe̱n ut teꞌxqꞌue saꞌ xnaꞌajeb li cheꞌ li teꞌxpako cuiꞌ. 7Teꞌxtzꞌap xbe̱n li me̱x riqꞌuin jun li raxi tꞌicr ut saꞌ xbe̱n aꞌan teꞌxqꞌueheb li plato, eb li cuchara, ut eb li secꞌ ut li xar li nequeꞌxqꞌue cuiꞌ li vino li teꞌxmayeja. Ut teꞌxqꞌue ajcuiꞌ aran li caxlan cua li nacuan aran chi junelic. 8Ut teꞌxtzꞌap xbe̱n chixjunil aꞌin riqꞌuin jun li caki tꞌicr. Saꞌ xbe̱n li caki tꞌicr teꞌxqꞌue rix li tzꞌiꞌ haꞌ. Ut chirix aꞌan teꞌxqꞌue saꞌ xnaꞌaj eb li cheꞌ li nequeꞌxpako cuiꞌ li Lokꞌlaj Ca̱x. 9Ut riqꞌuin raxi tꞌicr teꞌxtzꞌap xbe̱n li candelero rochbeneb li candil ut li chꞌi̱chꞌ re xsetbal xmechil li candil ut li plato li naxocman cuiꞌ li teꞌxset ut li xar li cuan cuiꞌ li aceite reheb li candil. 10Ut chirix aꞌan teꞌxlan saꞌ rix li tzꞌiꞌ haꞌ ut teꞌxqꞌue saꞌ xbe̱n li cheꞌ li nequeꞌxpako cuiꞌ. 11Teꞌxqꞌue jun li raxi tꞌicr saꞌ xbe̱n li artal li yi̱banbil riqꞌuin oro ut teꞌxlan saꞌ rix li tzꞌiꞌ haꞌ. Ut teꞌxqꞌue li cheꞌ saꞌ xnaꞌaj li nequeꞌxpako cuiꞌ. 12Chixjunil li cꞌaꞌak re ru li nacꞌanjelac saꞌ li Santil Naꞌajej teꞌxlan saꞌ raxi tꞌicr ut teꞌxtzꞌap riqꞌuin rix li tzꞌiꞌ haꞌ ut teꞌxqꞌue saꞌ xbe̱n li cheꞌ li nequeꞌxpako cuiꞌ. 13Teꞌrisi li cha saꞌ li artal li yi̱banbil riqꞌuin bronce ut teꞌxqꞌue saꞌ xbe̱n li artal jun li tꞌicr púrpura. 14Teꞌxqꞌue saꞌ xbe̱n li artal chixjunil li cꞌaꞌak re ru li nacꞌanjelac nak nequeꞌmayejac chiru li artal joꞌ lix naꞌaj li xam, li chꞌi̱chꞌ li nequeꞌxchap cuiꞌ li tib, li pala chꞌi̱chꞌ ut li ucꞌal. Ut teꞌxtzꞌap xbe̱n riqꞌuin li rix li tzꞌiꞌ haꞌ ut teꞌxqꞌue saꞌ xnaꞌajeb li cheꞌ li nequeꞌxpako cuiꞌ. 15Nak ac oc reheb chixjalbal lix naꞌajeb, laj Aarón ut eb li ralal teꞌxlan chixjunil li cꞌaꞌak re ru li nacꞌanjelac saꞌ li tabernáculo ut teꞌcha̱lk li ralal xcꞌajol laj Coat chixpakonquil. Abanan incꞌaꞌ naru teꞌxchꞌeꞌ li cꞌaꞌru kꞌaxtesinbil re li Ka̱cuaꞌ re nak incꞌaꞌ teꞌca̱mk. Aꞌan aꞌin lix cꞌanjeleb li ralal xcꞌajol laj Coat saꞌ li tabernáculo. 16Laj Eleazar li ralal laj Aarón laj tij, aꞌan li ta̱ilok re li aceite re li candil, li sununquil incienso, ut li ru li acui̱mk li namayeja̱c rajlal cutan, joꞌ ajcuiꞌ li aceite li naqꞌueman saꞌ xjolomeb. Laj Eleazar, aꞌan li ta̱takla̱nk saꞌ li tabernáculo ut saꞌ xbe̱n chixjunil li cuan chi saꞌ, chan li Dios. 17Li Ka̱cuaꞌ quia̱tinac riqꞌuin laj Moisés ut laj Aarón ut quixye reheb: 18—Te̱col rixeb li ralal xcꞌajol laj Coat re nak incꞌaꞌ teꞌosokꞌ. Cua̱nkeb ban saꞌ xya̱nkeb li ralal xcꞌajol laj Leví. 19Aꞌan aꞌin li te̱ba̱nu re nak incꞌaꞌ teꞌca̱mk nak teꞌoc chixcꞌambal li cꞌaꞌru kꞌaxtesinbil cue la̱in. Laj Aarón ut eb li ralal teꞌoc saꞌ li Santil Naꞌajej ut teꞌxqꞌue xcꞌanjel li junju̱nk ut teꞌxye reheb cꞌaꞌru teꞌxcꞌam. 20Eb li ralal xcꞌajol laj Coat incꞌaꞌ naru nequeꞌoc saꞌ li Santil Naꞌajej chirilbal li cꞌaꞌru santobresinbil nak yo̱keb chixlanbal re nak incꞌaꞌ teꞌca̱mk, chan li Dios. 21Ut li Ka̱cuaꞌ quia̱tinac riqꞌuin laj Moisés ut quixye re: 22—Te̱rajlaheb li ralal xcꞌajol laj Gersón chi chꞌu̱tal aꞌ yal chanru xqꞌuialeb saꞌ li junju̱nk cabal. 23Ta̱cuajla chixjunileb li cui̱nk li cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj ta̱cuulak laje̱b roxcꞌa̱l chihab. Aꞌaneb li teꞌoc chi cꞌanjelac saꞌ li tabernáculo. 24Aꞌan aꞌin li cꞌanjel li teꞌxba̱nu eb li ralal xcꞌajol laj Gersón. 25Aꞌaneb li teꞌcꞌamok re li tabernáculo ut lix tꞌicrul li tabernáculo joꞌ ajcuiꞌ li tꞌicr li nequeꞌxqꞌue saꞌ xbe̱n. Ut teꞌxcꞌam ajcuiꞌ li rix li tzꞌiꞌ haꞌ ut li ni̱nki tꞌicr li nacuan saꞌ li oqueba̱l re li tabernáculo. 26Aꞌaneb li teꞌcꞌamok re li tꞌicr li najelman chi xjun sutam li neba̱l re li tabernáculo ut li artal, ut li tꞌicr li cuan saꞌ li oqueba̱l re li neba̱l. Ut teꞌxcꞌam ajcuiꞌ chixjunil li nacꞌanjelac saꞌ li tabernáculo. Eb li ralal xcꞌajol laj Gersón, aꞌaneb li teꞌba̱nu̱nk re li cꞌanjel aꞌin. 27La̱at tatxakaba̱nk reheb saꞌ xcꞌanjel li junju̱nk. Ut laj Aarón ut eb li ralal teꞌchꞌoloba̱nk chiruheb chanru teꞌxba̱nu li cꞌanjel li quiqꞌueheꞌ reheb re teꞌxba̱nu. 28Aꞌan aꞌin li cꞌanjel li teꞌxba̱nu eb li ralal xcꞌajol laj Gersón saꞌ li tabernáculo. Ut laj Itamar li ralal laj Aarón laj tij, aꞌan li ta̱takla̱nk saꞌ xbe̱neb. 29Te̱rajlaheb li ralal xcꞌajol laj Merari chi chꞌu̱tal aꞌ yal chanru xqꞌuialeb saꞌ li junju̱nk cabal. 30Ta̱cuajla chixjunileb li cui̱nk li cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj ta̱cuulak laje̱b roxcꞌa̱l chihab. Aꞌaneb li teꞌoc chi cꞌanjelac saꞌ li tabernáculo. 31Aꞌan aꞌin li teꞌxba̱nu saꞌ li tabernáculo. Teꞌxcꞌam li tzꞌalam cheꞌ joꞌ ajcuiꞌ li cheꞌ li nacꞌanjelac re li tabernáculo ut li rokechal joꞌ ajcuiꞌ lix cꞌochleba̱l li naxakli cuiꞌ saꞌ xnaꞌajeb. 32Ut teꞌxpako ajcuiꞌ li okech li nacuan chi xjun sutam li neba̱l rochbeneb li rok, li cheꞌ li nachapoc re saꞌ chꞌochꞌ lix cꞌa̱mal li tabernáculo, lix cꞌa̱mal ut chixjunil li nacꞌanjelac re xxakabanquil li tabernáculo. Ta̱ye re li junju̱nk chi cui̱nk cꞌaꞌru li tixpako. 33Aꞌan aꞌin li cꞌanjel li teꞌxba̱nu eb li ralal xcꞌajol laj Merari nak teꞌcꞌanjelak saꞌ li tabernáculo. Ut laj Itamar li ralal laj Aarón laj tij, aꞌan li ta̱takla̱nk saꞌ xbe̱neb. 34Laj Moisés ut laj Aarón rochbeneb li nequeꞌcꞌamoc be saꞌ xya̱nkeb laj Israel queꞌrajlaheb li ralal xcꞌajol laj Coat chi chꞌu̱tal, aꞌ yal chanru xqꞌuialeb saꞌ li junju̱nk cabal. 35Queꞌrajla chixjunileb li cui̱nk li ac cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj quicuulac laje̱b roxcꞌa̱l chihab reheb. Aꞌaneb li queꞌoc chi cꞌanjelac saꞌ li tabernáculo. 36Ut eb li cui̱nk li queꞌajla̱c cuanqueb cuib mil riqꞌuin cuukub ciento riqꞌuin mero ciento (2,750). 37Aꞌaneb chixjunileb li ralal xcꞌajol laj Coat li teꞌcꞌanjelak saꞌ li tabernáculo. Laj Moisés ut laj Aarón queꞌrajlaheb joꞌ quixye li Ka̱cuaꞌ re laj Moisés. 38Ut queꞌajla̱c ajcuiꞌ eb li ralal xcꞌajol laj Gersón chi chꞌu̱tal aꞌ yal chanru xqꞌuialeb saꞌ li junju̱nk cabal. 39Queꞌrajla chixjunileb li cui̱nk li ac cuan laje̱b xcaꞌcꞌa̱l chihab reheb joꞌ eb ajcuiꞌ li ac numenak laje̱b xcaꞌcꞌa̱l chihab toj quicuulac laje̱b roxcꞌa̱l chihab reheb. Aꞌaneb li queꞌoc chi cꞌanjelac saꞌ li tabernáculo. 40Ut li cui̱nk li queꞌajla̱c cuanqueb cuib mil riqꞌuin cuakib ciento riqꞌuin laje̱b xcaꞌcꞌa̱l (2,630). 41Aꞌaneb chixjunileb li ralal xcꞌajol laj Gersón li teꞌcꞌanjelak saꞌ li tabernáculo. Laj Moisés ut laj Aarón queꞌrajlaheb joꞌ quixye li Ka̱cuaꞌ re laj Moisés. 42Ut queꞌajla̱c ajcuiꞌ eb li ralal xcꞌajol laj Merari chi chꞌu̱tal aꞌ yal chanru xqꞌuialeb saꞌ li junju̱nk cabal. 43Queꞌrajla chixjunileb li cui̱nk li ac cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj quicuulac laje̱b roxcꞌa̱l chihab reheb. Aꞌaneb li queꞌoc chi cꞌanjelac saꞌ li tabernáculo. 44Ut li cui̱nk li queꞌajla̱c cuanqueb oxib mil riqꞌuin cuib ciento (3,200). 45Aꞌaneb aꞌin chixjunileb li ralal xcꞌajol laj Merari li teꞌcꞌanjelak saꞌ li tabernáculo. Laj Moisés ut laj Aarón queꞌrajlaheb joꞌ quixye li Ka̱cuaꞌ re laj Moisés. 46Joꞌcan nak laj Moisés ut laj Aarón rochbeneb li nequeꞌcꞌamoc be queꞌrajlaheb chixjunileb laj levita chi chꞌu̱tal aꞌ yal chanru xqꞌuialeb saꞌ li junju̱nk cabal. 47Aꞌaneb chixjunileb li cui̱nk li ac cuan laje̱b xcaꞌcꞌa̱l chihab reheb joꞌ eb ajcuiꞌ li ac numenakeb laje̱b xcaꞌcꞌa̱l chihab toj quicuulac laje̱b roxcꞌa̱l chihab reheb. Aꞌaneb li queꞌqꞌueheꞌ xcꞌanjel saꞌ li tabernáculo. 48Ut eb li cui̱nk li queꞌajla̱c cuanqueb cuakxakib mil riqꞌuin o̱b ciento riqꞌuin ca̱cꞌa̱l (8,580) chi cui̱nk. 49Li junju̱nk chꞌu̱tal queꞌqꞌueheꞌ xcꞌanjel joꞌ quixye li Dios re laj Moisés. Quiyeheꞌ reheb cꞌaꞌru li cꞌanjel teꞌxba̱nu. Joꞌcaꞌin nak queꞌajla̱c chixjunileb li cui̱nk joꞌ quixye li Ka̱cuaꞌ re laj Moisés.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.