Miqueas 4
4
Eb laj Judá teꞌcua̱nk cuiꞌchic saꞌ lix naꞌajeb ut teꞌcua̱nk saꞌ tuktu̱quil usilal
1Ut saꞌ rosoꞌjiqueb li cutan li tzu̱l cuan cuiꞌ lix Templo li Ka̱cuaꞌ ta̱nima̱k xlokꞌal ut aꞌanak chic li kꞌaxal nim xcuanquil saꞌ xya̱nkeb chixjunileb li tzu̱l ut aran talajeꞌxic nabal li tenamit. 2Ut nabaleb li tenamit teꞌcha̱lk ut teꞌxye: —Yoꞌkeb. Takekꞌo chiru li tzu̱l li cuan cuiꞌ li templo. Toxic saꞌ rochoch lix Dios laj Jacob ut aꞌan ta̱cꞌutuk chiku cꞌaꞌru ta̱raj takaba̱nu. Ut la̱o takaba̱nu li cꞌaꞌru naraj aꞌan xban nak aran Sión nayeman chak lix chakꞌrab li Ka̱cuaꞌ. Aran Jerusalén nayeman chak li ra̱tin li Dios. 3Li Ka̱cuaꞌ ta̱rakok a̱tin saꞌ xbe̱neb nabal chi tenamit ut tixtijeb li xni̱nkal tenamit cuanqueb chak chi najt. Ut talajeꞌxten chi martillo lix chꞌi̱chꞌeb nequeꞌpletic cuiꞌ ut teꞌxsukꞌisi chokꞌ asaron. Ut eb lix la̱nseb talajeꞌxsukꞌisi chokꞌ cꞌoncꞌo̱quil chꞌi̱chꞌ re xyocꞌbal li acui̱mk. Ut eb li tenamit incꞌaꞌ chic teꞌxpleti ribeb chi moco teꞌxcauresi ta chic ribeb re pletic. 4Ut talajeꞌcꞌojlak chi xju̱nkaleb rubel xto̱nal li uva ut rubel lix cheꞌel li higo ut ma̱ ani chic ta̱seꞌbesi̱nk reheb xban nak joꞌcan quixye li Ka̱cuaꞌ li nimajcual Dios. 5Usta chixjunileb li tenamit yo̱keb chixlokꞌoninquil lix yi̱banbil dios, abanan la̱o takalokꞌoni li Ka̱cuaꞌ li kaDios ut takaba̱nu li cꞌaꞌru naraj aꞌan chi junelic kꞌe cutan. 6Quixye li Ka̱cuaꞌ chi joꞌcaꞌin: —Ta̱cuulak xkꞌehil nak la̱in tinchꞌutubeb li cualal incꞌajol li quebinqꞌue chixtojbal rix lix ma̱queb nak queꞌchapeꞌ ut queꞌcꞌameꞌ xbaneb li xicꞌ nequeꞌiloc reheb. 7Rahobtesinbileb anakcuan ut najt cuanqueb. Abanan ta̱cuulak xkꞌehil nak tinqꞌueheb cuiꞌchic chi qꞌuia̱nc ut teꞌcua̱nk cuiꞌchic xcuanquil li incꞌaꞌ queꞌsacheꞌ. Ut la̱in li Ka̱cuaꞌ tintakla̱nk saꞌ xbe̱neb saꞌ li tzu̱l Sión chalen anakcuan ut chi junelic, chan li Ka̱cuaꞌ. 8Ut li cuanqueb aran Jerusalén bar cuan cuiꞌ li tzu̱l Sión aꞌanakeb chic li tenamit li kꞌaxal nim xcuanquil chi takla̱nc saꞌ xya̱nkeb chixjunileb joꞌ nak queꞌcuan junxil. Aran ta̱cua̱nk li Ka̱cuaꞌ chixqꞌuebal xcacuil xchꞌo̱leb li ralal xcꞌajol joꞌ nak laj ilol xul nacuan saꞌ li cab najt xteram chirilbaleb lix queto̱mk. 9¿Cꞌaꞌut nak yo̱quex chixjapbal e̱re anakcuan, la̱ex aj Israel? ¿Ma xban nak xchapeꞌ le̱ rey malaj ut xban nak xcamsi̱c laj qꞌuehol e̱naꞌleb? Le̱ raylal chanchan xraylal li ixk li qꞌuira̱c re. 10Chexya̱bak ut chirahokꞌ saꞌ e̱chꞌo̱l la̱ex li cuanquex Sión joꞌ jun li ixk li oc re chi qꞌuira̱c. Chiyotꞌekꞌ e̱chꞌo̱l xban nak anakcuan tento nak tex-e̱lk saꞌ le̱ tenamit ut texxic chi cua̱nc saꞌ cꞌaleba̱l. Texcꞌamekꞌ aran Babilonia, abanan texcolekꞌ xban nak li Ka̱cuaꞌ ta̱isi̱nk e̱re saꞌ rukꞌeb li xicꞌ nequeꞌiloc e̱re. 11Anakcuan nabal chi tenamit xeꞌxchꞌutub ribeb chi pletic e̱riqꞌuin. Nequeꞌxye: —Takasach li tenamit Jerusalén. Takaj takil nak ta̱osokꞌ chi junaj cua li tenamit Sión, chanqueb. 12Abanan eb li tenamit aꞌin incꞌaꞌ nequeꞌxtau ru lix cꞌaꞌux li Dios chi moco nequeꞌxtau ru li cꞌaꞌru naraj. Ut incꞌaꞌ nequeꞌxqꞌue retal nak li Ka̱cuaꞌ ac xchꞌutubeb ru re tixqꞌueheb chixtojbal rix lix ma̱queb, joꞌ nak nequeꞌxchꞌutub li trigo nak oqueb re chirisinquil li rix. 13Li Ka̱cuaꞌ tixye reheb lix tenamit: —La̱ex aj Jerusalén, ayukex. La̱ex chic texnumta̱k saꞌ xbe̱neb li xicꞌ nequeꞌiloc e̱re. La̱in tinqꞌuehok e̱cacuilal. Chanchanakex li joskꞌ aj cuacax. Chanchan cua̱nk le̱ xucub hierro. Ut le̱ rok chanchanak bronce. Texnumta̱k saꞌ xbe̱neb nabal chi tenamit. Ut li cꞌaꞌru te̱re̱chani te̱kꞌaxtesi cue. Lix biomaleb te̱mayeja chicuu. La̱in li Ka̱cuaꞌ li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ.
Currently Selected:
Miqueas 4: kek
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
Miqueas 4
4
Eb laj Judá teꞌcua̱nk cuiꞌchic saꞌ lix naꞌajeb ut teꞌcua̱nk saꞌ tuktu̱quil usilal
1Ut saꞌ rosoꞌjiqueb li cutan li tzu̱l cuan cuiꞌ lix Templo li Ka̱cuaꞌ ta̱nima̱k xlokꞌal ut aꞌanak chic li kꞌaxal nim xcuanquil saꞌ xya̱nkeb chixjunileb li tzu̱l ut aran talajeꞌxic nabal li tenamit. 2Ut nabaleb li tenamit teꞌcha̱lk ut teꞌxye: —Yoꞌkeb. Takekꞌo chiru li tzu̱l li cuan cuiꞌ li templo. Toxic saꞌ rochoch lix Dios laj Jacob ut aꞌan ta̱cꞌutuk chiku cꞌaꞌru ta̱raj takaba̱nu. Ut la̱o takaba̱nu li cꞌaꞌru naraj aꞌan xban nak aran Sión nayeman chak lix chakꞌrab li Ka̱cuaꞌ. Aran Jerusalén nayeman chak li ra̱tin li Dios. 3Li Ka̱cuaꞌ ta̱rakok a̱tin saꞌ xbe̱neb nabal chi tenamit ut tixtijeb li xni̱nkal tenamit cuanqueb chak chi najt. Ut talajeꞌxten chi martillo lix chꞌi̱chꞌeb nequeꞌpletic cuiꞌ ut teꞌxsukꞌisi chokꞌ asaron. Ut eb lix la̱nseb talajeꞌxsukꞌisi chokꞌ cꞌoncꞌo̱quil chꞌi̱chꞌ re xyocꞌbal li acui̱mk. Ut eb li tenamit incꞌaꞌ chic teꞌxpleti ribeb chi moco teꞌxcauresi ta chic ribeb re pletic. 4Ut talajeꞌcꞌojlak chi xju̱nkaleb rubel xto̱nal li uva ut rubel lix cheꞌel li higo ut ma̱ ani chic ta̱seꞌbesi̱nk reheb xban nak joꞌcan quixye li Ka̱cuaꞌ li nimajcual Dios. 5Usta chixjunileb li tenamit yo̱keb chixlokꞌoninquil lix yi̱banbil dios, abanan la̱o takalokꞌoni li Ka̱cuaꞌ li kaDios ut takaba̱nu li cꞌaꞌru naraj aꞌan chi junelic kꞌe cutan. 6Quixye li Ka̱cuaꞌ chi joꞌcaꞌin: —Ta̱cuulak xkꞌehil nak la̱in tinchꞌutubeb li cualal incꞌajol li quebinqꞌue chixtojbal rix lix ma̱queb nak queꞌchapeꞌ ut queꞌcꞌameꞌ xbaneb li xicꞌ nequeꞌiloc reheb. 7Rahobtesinbileb anakcuan ut najt cuanqueb. Abanan ta̱cuulak xkꞌehil nak tinqꞌueheb cuiꞌchic chi qꞌuia̱nc ut teꞌcua̱nk cuiꞌchic xcuanquil li incꞌaꞌ queꞌsacheꞌ. Ut la̱in li Ka̱cuaꞌ tintakla̱nk saꞌ xbe̱neb saꞌ li tzu̱l Sión chalen anakcuan ut chi junelic, chan li Ka̱cuaꞌ. 8Ut li cuanqueb aran Jerusalén bar cuan cuiꞌ li tzu̱l Sión aꞌanakeb chic li tenamit li kꞌaxal nim xcuanquil chi takla̱nc saꞌ xya̱nkeb chixjunileb joꞌ nak queꞌcuan junxil. Aran ta̱cua̱nk li Ka̱cuaꞌ chixqꞌuebal xcacuil xchꞌo̱leb li ralal xcꞌajol joꞌ nak laj ilol xul nacuan saꞌ li cab najt xteram chirilbaleb lix queto̱mk. 9¿Cꞌaꞌut nak yo̱quex chixjapbal e̱re anakcuan, la̱ex aj Israel? ¿Ma xban nak xchapeꞌ le̱ rey malaj ut xban nak xcamsi̱c laj qꞌuehol e̱naꞌleb? Le̱ raylal chanchan xraylal li ixk li qꞌuira̱c re. 10Chexya̱bak ut chirahokꞌ saꞌ e̱chꞌo̱l la̱ex li cuanquex Sión joꞌ jun li ixk li oc re chi qꞌuira̱c. Chiyotꞌekꞌ e̱chꞌo̱l xban nak anakcuan tento nak tex-e̱lk saꞌ le̱ tenamit ut texxic chi cua̱nc saꞌ cꞌaleba̱l. Texcꞌamekꞌ aran Babilonia, abanan texcolekꞌ xban nak li Ka̱cuaꞌ ta̱isi̱nk e̱re saꞌ rukꞌeb li xicꞌ nequeꞌiloc e̱re. 11Anakcuan nabal chi tenamit xeꞌxchꞌutub ribeb chi pletic e̱riqꞌuin. Nequeꞌxye: —Takasach li tenamit Jerusalén. Takaj takil nak ta̱osokꞌ chi junaj cua li tenamit Sión, chanqueb. 12Abanan eb li tenamit aꞌin incꞌaꞌ nequeꞌxtau ru lix cꞌaꞌux li Dios chi moco nequeꞌxtau ru li cꞌaꞌru naraj. Ut incꞌaꞌ nequeꞌxqꞌue retal nak li Ka̱cuaꞌ ac xchꞌutubeb ru re tixqꞌueheb chixtojbal rix lix ma̱queb, joꞌ nak nequeꞌxchꞌutub li trigo nak oqueb re chirisinquil li rix. 13Li Ka̱cuaꞌ tixye reheb lix tenamit: —La̱ex aj Jerusalén, ayukex. La̱ex chic texnumta̱k saꞌ xbe̱neb li xicꞌ nequeꞌiloc e̱re. La̱in tinqꞌuehok e̱cacuilal. Chanchanakex li joskꞌ aj cuacax. Chanchan cua̱nk le̱ xucub hierro. Ut le̱ rok chanchanak bronce. Texnumta̱k saꞌ xbe̱neb nabal chi tenamit. Ut li cꞌaꞌru te̱re̱chani te̱kꞌaxtesi cue. Lix biomaleb te̱mayeja chicuu. La̱in li Ka̱cuaꞌ li kꞌaxal nim incuanquil saꞌ xbe̱neb chixjunileb li cuanqueb saꞌ ruchichꞌochꞌ, chan li Ka̱cuaꞌ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.