San Lucas 23
23
Li Jesús quicꞌameꞌ chiru laj Pilato re tixrak a̱tin saꞌ xbe̱n
1Ut chixjunileb li nequeꞌtaklan saꞌ xya̱nkeb laj judío queꞌxcꞌam li Jesús riqꞌuin laj Pilato. 2Queꞌoc chixjitbal ut queꞌxye: —Xkaqꞌue retal nak li cui̱nk aꞌin yo̱ chixpoꞌbal xchꞌo̱leb li katenamit. Nocoxkꞌus riqꞌuin xqꞌuebal li katoj re li acuabej. Ut naxye nak aꞌan li Cristo laj Colonel li yechiꞌinbil xban li Dios. Naxye nak aꞌan rey, chanqueb. 3Laj Pilato quixye re li Jesús: —¿Ma la̱at lix reyeb laj judío? Li Jesús quichakꞌoc ut quixye: —Ya̱l li xaye nak la̱in, chan. 4Ut laj Pilato quixye reheb li xbe̱nil aj tij ut eb li qꞌuila tenamit: —Li cui̱nk aꞌin ma̱ jun xma̱c nintau, chan. 5Abanan eb aꞌan yalyo̱queb xkꞌe chixyebal: —Naxpoꞌ xchꞌo̱leb li katenamit. Yo̱ chixcꞌutbal lix tijleb chiruheb saꞌ chixjunil Judea. Quixtiquib chak Galilea ut xcꞌulun toj arin, chanqueb.
Li Jesús quicꞌameꞌ chiru laj Herodes re nak tixrak a̱tin saꞌ xbe̱n
6Nak laj Pilato quirabi nak queꞌxpatzꞌ Galilea, quixpatzꞌ reheb: —¿Ma Galilea xtenamit li cui̱nk aꞌin? chan reheb. 7—Aj Galilea, chanqueb re. Nak laj Pilato quixnau nak li Jesús quichal chak saꞌ li naꞌajej li cuan rubel xtakl laj Herodes, quixtakla riqꞌuin laj Herodes xban nak saꞌ eb li cutan aꞌan laj Herodes cuan aran Jerusalén. 8Cꞌajoꞌ nak quisahoꞌ xchꞌo̱l laj Herodes nak quiril ru li Jesús xban nak ac junxil quiraj raj rilbal ru. Quirabi resil li cꞌaꞌru yo̱ chixba̱nunquil li Jesús ut quiraj rilbal nak tixba̱nu junak milagro chiru. 9Nabal li cꞌaꞌak re ru quilajxpatzꞌ re ut li Jesús chi ti̱c incꞌaꞌ quichakꞌoc. 10Cuanqueb aran eb li xbe̱nil aj tij ut eb laj tzꞌi̱b. Cꞌajoꞌ lix joskꞌileb nak yo̱queb chixjitbal. 11Laj Herodes ut eb li soldado queꞌxtzꞌekta̱na ut queꞌxhob. Queꞌretzꞌu ut queꞌxqꞌue li cha̱bil tꞌicr chirix joꞌ nequeꞌrocsi li rey. Ut laj Herodes quixtakla cuiꞌchic riqꞌuin laj Pilato. 12Junxil xicꞌ queꞌril ribeb laj Herodes ut laj Pilato. Abanan saꞌ eb li cutan aꞌan queꞌxcꞌam cuiꞌchic rib saꞌ usilal.
Laj Pilato quixye nak ma̱cꞌaꞌ xma̱c li Jesús abanan quiteneba̱c ca̱mc saꞌ xbe̱n
13Ut laj Pilato quixchꞌutubeb li xbe̱nil laj tij, ut eb li nequeꞌtaklan saꞌ li tenamit joꞌqueb ajcuiꞌ chixjunileb li tenamit. 14Quixye reheb: —La̱ex xecꞌam chak li cui̱nk aꞌin cuiqꞌuin ut xeye nak naxpoꞌ xchꞌo̱leb li tenamit. La̱in xinpatzꞌi re che̱ru ut incꞌaꞌ xintau junak xma̱c joꞌ yo̱quex chixyebal la̱ex. 15Chi moco laj Herodes xtau junak xma̱c. Joꞌcan nak xtakla cuiꞌchic chak arin cuiqꞌuin. Anakcuan la̱in ninnau nak ma̱ jun ma̱c xba̱nu xcꞌulub cuiꞌ ca̱mc. 16Tintakla xqꞌuebal xlob, tojoꞌnak tincuachꞌab, chan laj Pilato. 17Saꞌ li ninkꞌe aꞌan cꞌaynakeb nak na-achꞌaba̱c junak li pre̱x. 18Ut chixjunileb li tenamit queꞌxye chi junajeb xya̱b xcuxeb: —¡Camsi aꞌan, ut achꞌab laj Barrabás! chanqueb. 19Laj Barrabás cuan saꞌ tzꞌalam xban li camsi̱nc quixba̱nu nak yo̱queb chi pletic li tenamit chirix li acuabej. 20Laj Pilato quiraj raj rachꞌabanquil li Jesús ut quixpatzꞌ cuiꞌchic reheb ma ta̱ru̱k ta̱rachꞌab li Jesús. 21Abanan eb li tenamit queꞌxjap reheb chixyebal: —¡Qꞌue chiru cruz! ¡Qꞌue chiru cruz! chanqueb. 22Ut laj Pilato quia̱tinac cuiꞌchic rox sut riqꞌuineb ut quixye: —¿Cꞌaꞌru tzꞌakal xma̱c e̱re? Ma̱ jun xma̱c nintau la̱in re nak tintakla chi camsi̱c. La̱in tintakla xsacꞌbal ut tincuachꞌab, chan reheb. 23Abanan eb aꞌan kꞌaxal cau cuiꞌchic queꞌxjap re chixyebal: —¡Qꞌue chiru cruz!— Japjo̱queb re li tenamit joꞌ eb ajcuiꞌ laj tij toj retal quixba̱nu laj Pilato li cꞌaꞌru queꞌraj. 24Ut laj Pilato quixteneb ca̱mc saꞌ xbe̱n li Jesús joꞌ queꞌraj li tenamit. 25Ut quirachꞌab laj Barrabás li quiqꞌueheꞌ saꞌ tzꞌalam xban li pletic ut camsi̱nc quixba̱nu chirix jun li acuabej. Ut quixkꞌaxtesi li Jesús saꞌ rukꞌeb re teꞌxba̱nu li cꞌaꞌru teꞌraj riqꞌuin.
Li Jesús quiqꞌueheꞌ chiru cruz
26Eb li tenamit queꞌxcꞌam li Jesús ut nak yo̱queb chi xic queꞌxcꞌul jun li cui̱nk aj Simón xcꞌabaꞌ yo̱ chi cha̱lc saꞌ cꞌaleba̱l. Cirene lix tenamit. Ut queꞌxmin ru chixpakonquil li cruz re xtenkꞌanquil li Jesús. 27Nabaleb li tenamit yo̱queb chi ta̱ke̱nc re. Ut cuanqueb ajcuiꞌ ixk kꞌaxal ra saꞌ xchꞌo̱leb. Yo̱queb chi ya̱bac xban li cꞌaꞌru yo̱ chixcꞌulbal li Jesús. 28Ut li Jesús quixsukꞌisi rib ut quirileb li ixk. Quixye reheb: —Ex ixk aj Jerusalén, mexya̱bac chicuix la̱in. Chexya̱bak ban che̱rix la̱ex ut chirixeb ajcuiꞌ le̱ ralal e̱cꞌajol. 29Ta̱cuulak xkꞌehil nak eb li tenamit aꞌin teꞌxye, “Us xak reheb li ixk li incꞌaꞌ nequeꞌqꞌuiresin ut li incꞌaꞌ nequeꞌtuꞌresin.” 30Ut teꞌxye ajcuiꞌ reheb li tzu̱l, “Tꞌanekex chak saꞌ kabe̱n ut choe̱muk taxak”, chaꞌkeb. 31Cui joꞌcaꞌin teꞌxba̱nu cuiqꞌuin la̱in li chanchanin jun to̱n chi cheꞌ rax rax ru, ¿cꞌaꞌru incꞌaꞌ teꞌxba̱nu e̱re la̱ex li chanchanex chaki cheꞌ? chan li Jesús. 32Queꞌxcꞌam ajcuiꞌ rochben li Jesús cuibeb li cui̱nk li cuanqueb xma̱c re teꞌcamsi̱k rochben li Jesús. 33Ut queꞌcuulac saꞌ li naꞌajej Gólgota xcꞌabaꞌ. Chi jalbil ru naraj naxye: Xnaꞌaj Xbakel Xjolom Camenak. Ut aran queꞌxqꞌue chiru cruz li Jesús. Ut queꞌxqꞌue ajcuiꞌ chiru cruz li cuib chi cui̱nk li cuanqueb xma̱c. Jun li cruz queꞌxqꞌue saꞌ xnim ukꞌ li Jesús ut li jun chic queꞌxqꞌue saꞌ xtzꞌe. 34Ut li Jesús quitijoc ut quixye: —At inYucuaꞌ, cuy taxak xma̱queb li tenamit aꞌin xban nak incꞌaꞌ nequeꞌxnau cꞌaꞌru yo̱queb chixba̱nunquil, chan. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re. 35Eb li tenamit xakxo̱queb aran chi iloc. Ut eb li nequeꞌtaklan saꞌ xbe̱neb li tenamit yo̱queb chixhobbal li Jesús ut queꞌxye: —Jalan chic quixcoleb. Cui ya̱l nak aꞌan li Cristo, li sicꞌbil ru xban li Dios, chixcolak rib xjunes, chanqueb. 36Ut eb li soldado yo̱queb ajcuiꞌ chixhobbal. Queꞌjiloc chixcꞌatk ut queꞌxyechiꞌi vinagre re. 37Ut queꞌxye re: —Cui ya̱l nak la̱at lix reyeb laj judío, col a̱cuib a̱junes, chanqueb. 38Chiru li cruz queꞌxqꞌue jun retalil tzꞌi̱banbil saꞌ eb li a̱tinoba̱l griego, hebreo, ut latín, li naxye chi joꞌcaꞌin:
Aꞌan aꞌin lix reyeb laj judío.
39Jun reheb laj ma̱c li queꞌqꞌueheꞌ chiru cruz rochben, quixhob ajcuiꞌ li Jesús ut quixye: —Cui la̱at li Cristo, col a̱cuib la̱at, ut choa̱col ajcuiꞌ la̱o, chan re.
40Abanan li jun chic quichakꞌoc ut quixkꞌus ut quixye re: —Chi moco la̱at nacaxucua ru li Dios, usta juntakꞌe̱t li raylal li yo̱co chixcꞌulbal kochben aꞌan. 41Relic chi ya̱l nak la̱o kacꞌulub xcꞌulbal li raylal aꞌin xban nak la̱o cuan kama̱c. Abanan li cui̱nk aꞌin ma̱cꞌaꞌ junak ma̱c xba̱nu, chan re. 42Ut li cui̱nk aꞌan quixye ajcuiꞌ re li Jesús: —At Ka̱cuaꞌ, chinjulticokꞌ taxak a̱cue nak tat-oc saꞌ la̱ nimajcual cuanquilal, chan. 43Ut li Jesús quixye re: —Relic chi ya̱l tinye a̱cue nak ho̱n ajcuiꞌ cua̱nkat cuiqꞌuin saꞌ li paraíso, chan re.
Lix camic li Jesús
44Tuktu cuaꞌleb quikꞌojyi̱noꞌ saꞌ chixjunil li ruchichꞌochꞌ ut toj saꞌ oxib o̱r re ecuu quicutanoꞌ cuiꞌchic. 45Nak quikꞌojyi̱noꞌ ru li sakꞌe, lix tꞌicrul li templo quikꞌicheꞌ saꞌ xyi. 46Quia̱tinac li Jesús chi cau xya̱b xcux ut quixye: —At inYucuaꞌ, saꞌ a̱cuukꞌ tinkꞌaxtesi lin musikꞌ, chan. Nak quixye aꞌan, qui-el xchꞌo̱l. 47Li capitán aj Roma quixqꞌue retal li quicꞌulman. Quixlokꞌoni li Dios ut quixye: —Relic chi ya̱l nak li cui̱nk aꞌin ti̱c xchꞌo̱l, chan. 48Chixjunileb li qꞌuila tenamit li cuanqueb aran chi iloc, queꞌxqꞌue retal li cꞌaꞌru quicꞌulman. Queꞌsukꞌi saꞌ rochocheb ut yo̱queb chixtenbal li re xchꞌo̱l chi rukꞌeb nak yo̱queb chi xic xban xrahil xchꞌo̱leb. 49Ut chixjunileb li nequeꞌnaꞌoc ru li Jesús, joꞌ eb ajcuiꞌ li ixk li queꞌta̱ken chak re toj Galilea xakxo̱queb chak chi najt ut yo̱queb chirilbal chixjunil li cꞌaꞌak re ru aꞌin.
Quimukeꞌ li Jesús xban laj José aj Arimatea
50Quicuan jun li cui̱nk aj José xcꞌabaꞌ. Arimatea xtenamit li cuan saꞌ xcue̱nt Judea. Laj José, aꞌan jun xcomoneb li nequeꞌtaklan saꞌ xbe̱neb laj judío. Ti̱c xchꞌo̱l ut cha̱bil. 51Incꞌaꞌ quixcꞌul xchꞌo̱l li cꞌaꞌru queꞌxcꞌu̱b ru xba̱nunquil re li Jesús, chi moco quixcꞌul xchꞌo̱l nak queꞌxcamsi xban nak aꞌan yo̱ chixyoꞌoninquil lix nimajcual cuanquilal li Dios. 52Co̱ riqꞌuin laj Pilato ut quixtzꞌa̱ma chiru nak tixqꞌue re lix tzꞌejcual li Jesús re tixmuk. 53Joꞌcan nak quixcubsi chak li camenak chiru cruz, quixlan saꞌ li cha̱bil tꞌicr lino ut quixqꞌue saꞌ jun mukleba̱l yi̱banbil saꞌ jun sako̱nac. Toj ma̱ jun mukbil aran. 54Chixjunil aꞌin quicꞌulman saꞌ li cutan nak nequeꞌxcauresi li cꞌaꞌru reheb re li hiloba̱l cutan xban nak ac cuulac re xcutanquil. 55Eb li ixk, li queꞌta̱ken chak re li Jesús toj Galilea, queꞌxta̱ke laj José ut queꞌril li mukleba̱l li quimukeꞌ cuiꞌ li camenak ut queꞌril ajcuiꞌ chanru nak quiqꞌueheꞌ saꞌ li jul. 56Queꞌsukꞌi saꞌ rochocheb ut queꞌxcauresi li sununquil ban re xbanbal li camenak, ut queꞌhilan saꞌ li hiloba̱l cutan joꞌ naxye saꞌ lix chakꞌrabeb.
Currently Selected:
San Lucas 23: kek
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
San Lucas 23
23
Li Jesús quicꞌameꞌ chiru laj Pilato re tixrak a̱tin saꞌ xbe̱n
1Ut chixjunileb li nequeꞌtaklan saꞌ xya̱nkeb laj judío queꞌxcꞌam li Jesús riqꞌuin laj Pilato. 2Queꞌoc chixjitbal ut queꞌxye: —Xkaqꞌue retal nak li cui̱nk aꞌin yo̱ chixpoꞌbal xchꞌo̱leb li katenamit. Nocoxkꞌus riqꞌuin xqꞌuebal li katoj re li acuabej. Ut naxye nak aꞌan li Cristo laj Colonel li yechiꞌinbil xban li Dios. Naxye nak aꞌan rey, chanqueb. 3Laj Pilato quixye re li Jesús: —¿Ma la̱at lix reyeb laj judío? Li Jesús quichakꞌoc ut quixye: —Ya̱l li xaye nak la̱in, chan. 4Ut laj Pilato quixye reheb li xbe̱nil aj tij ut eb li qꞌuila tenamit: —Li cui̱nk aꞌin ma̱ jun xma̱c nintau, chan. 5Abanan eb aꞌan yalyo̱queb xkꞌe chixyebal: —Naxpoꞌ xchꞌo̱leb li katenamit. Yo̱ chixcꞌutbal lix tijleb chiruheb saꞌ chixjunil Judea. Quixtiquib chak Galilea ut xcꞌulun toj arin, chanqueb.
Li Jesús quicꞌameꞌ chiru laj Herodes re nak tixrak a̱tin saꞌ xbe̱n
6Nak laj Pilato quirabi nak queꞌxpatzꞌ Galilea, quixpatzꞌ reheb: —¿Ma Galilea xtenamit li cui̱nk aꞌin? chan reheb. 7—Aj Galilea, chanqueb re. Nak laj Pilato quixnau nak li Jesús quichal chak saꞌ li naꞌajej li cuan rubel xtakl laj Herodes, quixtakla riqꞌuin laj Herodes xban nak saꞌ eb li cutan aꞌan laj Herodes cuan aran Jerusalén. 8Cꞌajoꞌ nak quisahoꞌ xchꞌo̱l laj Herodes nak quiril ru li Jesús xban nak ac junxil quiraj raj rilbal ru. Quirabi resil li cꞌaꞌru yo̱ chixba̱nunquil li Jesús ut quiraj rilbal nak tixba̱nu junak milagro chiru. 9Nabal li cꞌaꞌak re ru quilajxpatzꞌ re ut li Jesús chi ti̱c incꞌaꞌ quichakꞌoc. 10Cuanqueb aran eb li xbe̱nil aj tij ut eb laj tzꞌi̱b. Cꞌajoꞌ lix joskꞌileb nak yo̱queb chixjitbal. 11Laj Herodes ut eb li soldado queꞌxtzꞌekta̱na ut queꞌxhob. Queꞌretzꞌu ut queꞌxqꞌue li cha̱bil tꞌicr chirix joꞌ nequeꞌrocsi li rey. Ut laj Herodes quixtakla cuiꞌchic riqꞌuin laj Pilato. 12Junxil xicꞌ queꞌril ribeb laj Herodes ut laj Pilato. Abanan saꞌ eb li cutan aꞌan queꞌxcꞌam cuiꞌchic rib saꞌ usilal.
Laj Pilato quixye nak ma̱cꞌaꞌ xma̱c li Jesús abanan quiteneba̱c ca̱mc saꞌ xbe̱n
13Ut laj Pilato quixchꞌutubeb li xbe̱nil laj tij, ut eb li nequeꞌtaklan saꞌ li tenamit joꞌqueb ajcuiꞌ chixjunileb li tenamit. 14Quixye reheb: —La̱ex xecꞌam chak li cui̱nk aꞌin cuiqꞌuin ut xeye nak naxpoꞌ xchꞌo̱leb li tenamit. La̱in xinpatzꞌi re che̱ru ut incꞌaꞌ xintau junak xma̱c joꞌ yo̱quex chixyebal la̱ex. 15Chi moco laj Herodes xtau junak xma̱c. Joꞌcan nak xtakla cuiꞌchic chak arin cuiqꞌuin. Anakcuan la̱in ninnau nak ma̱ jun ma̱c xba̱nu xcꞌulub cuiꞌ ca̱mc. 16Tintakla xqꞌuebal xlob, tojoꞌnak tincuachꞌab, chan laj Pilato. 17Saꞌ li ninkꞌe aꞌan cꞌaynakeb nak na-achꞌaba̱c junak li pre̱x. 18Ut chixjunileb li tenamit queꞌxye chi junajeb xya̱b xcuxeb: —¡Camsi aꞌan, ut achꞌab laj Barrabás! chanqueb. 19Laj Barrabás cuan saꞌ tzꞌalam xban li camsi̱nc quixba̱nu nak yo̱queb chi pletic li tenamit chirix li acuabej. 20Laj Pilato quiraj raj rachꞌabanquil li Jesús ut quixpatzꞌ cuiꞌchic reheb ma ta̱ru̱k ta̱rachꞌab li Jesús. 21Abanan eb li tenamit queꞌxjap reheb chixyebal: —¡Qꞌue chiru cruz! ¡Qꞌue chiru cruz! chanqueb. 22Ut laj Pilato quia̱tinac cuiꞌchic rox sut riqꞌuineb ut quixye: —¿Cꞌaꞌru tzꞌakal xma̱c e̱re? Ma̱ jun xma̱c nintau la̱in re nak tintakla chi camsi̱c. La̱in tintakla xsacꞌbal ut tincuachꞌab, chan reheb. 23Abanan eb aꞌan kꞌaxal cau cuiꞌchic queꞌxjap re chixyebal: —¡Qꞌue chiru cruz!— Japjo̱queb re li tenamit joꞌ eb ajcuiꞌ laj tij toj retal quixba̱nu laj Pilato li cꞌaꞌru queꞌraj. 24Ut laj Pilato quixteneb ca̱mc saꞌ xbe̱n li Jesús joꞌ queꞌraj li tenamit. 25Ut quirachꞌab laj Barrabás li quiqꞌueheꞌ saꞌ tzꞌalam xban li pletic ut camsi̱nc quixba̱nu chirix jun li acuabej. Ut quixkꞌaxtesi li Jesús saꞌ rukꞌeb re teꞌxba̱nu li cꞌaꞌru teꞌraj riqꞌuin.
Li Jesús quiqꞌueheꞌ chiru cruz
26Eb li tenamit queꞌxcꞌam li Jesús ut nak yo̱queb chi xic queꞌxcꞌul jun li cui̱nk aj Simón xcꞌabaꞌ yo̱ chi cha̱lc saꞌ cꞌaleba̱l. Cirene lix tenamit. Ut queꞌxmin ru chixpakonquil li cruz re xtenkꞌanquil li Jesús. 27Nabaleb li tenamit yo̱queb chi ta̱ke̱nc re. Ut cuanqueb ajcuiꞌ ixk kꞌaxal ra saꞌ xchꞌo̱leb. Yo̱queb chi ya̱bac xban li cꞌaꞌru yo̱ chixcꞌulbal li Jesús. 28Ut li Jesús quixsukꞌisi rib ut quirileb li ixk. Quixye reheb: —Ex ixk aj Jerusalén, mexya̱bac chicuix la̱in. Chexya̱bak ban che̱rix la̱ex ut chirixeb ajcuiꞌ le̱ ralal e̱cꞌajol. 29Ta̱cuulak xkꞌehil nak eb li tenamit aꞌin teꞌxye, “Us xak reheb li ixk li incꞌaꞌ nequeꞌqꞌuiresin ut li incꞌaꞌ nequeꞌtuꞌresin.” 30Ut teꞌxye ajcuiꞌ reheb li tzu̱l, “Tꞌanekex chak saꞌ kabe̱n ut choe̱muk taxak”, chaꞌkeb. 31Cui joꞌcaꞌin teꞌxba̱nu cuiqꞌuin la̱in li chanchanin jun to̱n chi cheꞌ rax rax ru, ¿cꞌaꞌru incꞌaꞌ teꞌxba̱nu e̱re la̱ex li chanchanex chaki cheꞌ? chan li Jesús. 32Queꞌxcꞌam ajcuiꞌ rochben li Jesús cuibeb li cui̱nk li cuanqueb xma̱c re teꞌcamsi̱k rochben li Jesús. 33Ut queꞌcuulac saꞌ li naꞌajej Gólgota xcꞌabaꞌ. Chi jalbil ru naraj naxye: Xnaꞌaj Xbakel Xjolom Camenak. Ut aran queꞌxqꞌue chiru cruz li Jesús. Ut queꞌxqꞌue ajcuiꞌ chiru cruz li cuib chi cui̱nk li cuanqueb xma̱c. Jun li cruz queꞌxqꞌue saꞌ xnim ukꞌ li Jesús ut li jun chic queꞌxqꞌue saꞌ xtzꞌe. 34Ut li Jesús quitijoc ut quixye: —At inYucuaꞌ, cuy taxak xma̱queb li tenamit aꞌin xban nak incꞌaꞌ nequeꞌxnau cꞌaꞌru yo̱queb chixba̱nunquil, chan. Ut eb li soldado queꞌbu̱lic chirix li rakꞌ re rilbal ani na ta̱e̱chani̱nk re. 35Eb li tenamit xakxo̱queb aran chi iloc. Ut eb li nequeꞌtaklan saꞌ xbe̱neb li tenamit yo̱queb chixhobbal li Jesús ut queꞌxye: —Jalan chic quixcoleb. Cui ya̱l nak aꞌan li Cristo, li sicꞌbil ru xban li Dios, chixcolak rib xjunes, chanqueb. 36Ut eb li soldado yo̱queb ajcuiꞌ chixhobbal. Queꞌjiloc chixcꞌatk ut queꞌxyechiꞌi vinagre re. 37Ut queꞌxye re: —Cui ya̱l nak la̱at lix reyeb laj judío, col a̱cuib a̱junes, chanqueb. 38Chiru li cruz queꞌxqꞌue jun retalil tzꞌi̱banbil saꞌ eb li a̱tinoba̱l griego, hebreo, ut latín, li naxye chi joꞌcaꞌin:
Aꞌan aꞌin lix reyeb laj judío.
39Jun reheb laj ma̱c li queꞌqꞌueheꞌ chiru cruz rochben, quixhob ajcuiꞌ li Jesús ut quixye: —Cui la̱at li Cristo, col a̱cuib la̱at, ut choa̱col ajcuiꞌ la̱o, chan re.
40Abanan li jun chic quichakꞌoc ut quixkꞌus ut quixye re: —Chi moco la̱at nacaxucua ru li Dios, usta juntakꞌe̱t li raylal li yo̱co chixcꞌulbal kochben aꞌan. 41Relic chi ya̱l nak la̱o kacꞌulub xcꞌulbal li raylal aꞌin xban nak la̱o cuan kama̱c. Abanan li cui̱nk aꞌin ma̱cꞌaꞌ junak ma̱c xba̱nu, chan re. 42Ut li cui̱nk aꞌan quixye ajcuiꞌ re li Jesús: —At Ka̱cuaꞌ, chinjulticokꞌ taxak a̱cue nak tat-oc saꞌ la̱ nimajcual cuanquilal, chan. 43Ut li Jesús quixye re: —Relic chi ya̱l tinye a̱cue nak ho̱n ajcuiꞌ cua̱nkat cuiqꞌuin saꞌ li paraíso, chan re.
Lix camic li Jesús
44Tuktu cuaꞌleb quikꞌojyi̱noꞌ saꞌ chixjunil li ruchichꞌochꞌ ut toj saꞌ oxib o̱r re ecuu quicutanoꞌ cuiꞌchic. 45Nak quikꞌojyi̱noꞌ ru li sakꞌe, lix tꞌicrul li templo quikꞌicheꞌ saꞌ xyi. 46Quia̱tinac li Jesús chi cau xya̱b xcux ut quixye: —At inYucuaꞌ, saꞌ a̱cuukꞌ tinkꞌaxtesi lin musikꞌ, chan. Nak quixye aꞌan, qui-el xchꞌo̱l. 47Li capitán aj Roma quixqꞌue retal li quicꞌulman. Quixlokꞌoni li Dios ut quixye: —Relic chi ya̱l nak li cui̱nk aꞌin ti̱c xchꞌo̱l, chan. 48Chixjunileb li qꞌuila tenamit li cuanqueb aran chi iloc, queꞌxqꞌue retal li cꞌaꞌru quicꞌulman. Queꞌsukꞌi saꞌ rochocheb ut yo̱queb chixtenbal li re xchꞌo̱l chi rukꞌeb nak yo̱queb chi xic xban xrahil xchꞌo̱leb. 49Ut chixjunileb li nequeꞌnaꞌoc ru li Jesús, joꞌ eb ajcuiꞌ li ixk li queꞌta̱ken chak re toj Galilea xakxo̱queb chak chi najt ut yo̱queb chirilbal chixjunil li cꞌaꞌak re ru aꞌin.
Quimukeꞌ li Jesús xban laj José aj Arimatea
50Quicuan jun li cui̱nk aj José xcꞌabaꞌ. Arimatea xtenamit li cuan saꞌ xcue̱nt Judea. Laj José, aꞌan jun xcomoneb li nequeꞌtaklan saꞌ xbe̱neb laj judío. Ti̱c xchꞌo̱l ut cha̱bil. 51Incꞌaꞌ quixcꞌul xchꞌo̱l li cꞌaꞌru queꞌxcꞌu̱b ru xba̱nunquil re li Jesús, chi moco quixcꞌul xchꞌo̱l nak queꞌxcamsi xban nak aꞌan yo̱ chixyoꞌoninquil lix nimajcual cuanquilal li Dios. 52Co̱ riqꞌuin laj Pilato ut quixtzꞌa̱ma chiru nak tixqꞌue re lix tzꞌejcual li Jesús re tixmuk. 53Joꞌcan nak quixcubsi chak li camenak chiru cruz, quixlan saꞌ li cha̱bil tꞌicr lino ut quixqꞌue saꞌ jun mukleba̱l yi̱banbil saꞌ jun sako̱nac. Toj ma̱ jun mukbil aran. 54Chixjunil aꞌin quicꞌulman saꞌ li cutan nak nequeꞌxcauresi li cꞌaꞌru reheb re li hiloba̱l cutan xban nak ac cuulac re xcutanquil. 55Eb li ixk, li queꞌta̱ken chak re li Jesús toj Galilea, queꞌxta̱ke laj José ut queꞌril li mukleba̱l li quimukeꞌ cuiꞌ li camenak ut queꞌril ajcuiꞌ chanru nak quiqꞌueheꞌ saꞌ li jul. 56Queꞌsukꞌi saꞌ rochocheb ut queꞌxcauresi li sununquil ban re xbanbal li camenak, ut queꞌhilan saꞌ li hiloba̱l cutan joꞌ naxye saꞌ lix chakꞌrabeb.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.