Jonás 4
4
Li Dios quiruxta̱na ruheb laj Nínive ut laj Jonás quijoskꞌoꞌ xban
1Incꞌaꞌ quicuulac chiru laj Jonás nak li Dios incꞌaꞌ quixrahobtesiheb laj Nínive. Cꞌajoꞌ nak quipoꞌ. 2Joꞌcan nak quitijoc chiru li Dios ut quixye re: —At Ka̱cuaꞌ, ¿ma ma̱cuaꞌ ta biꞌ aꞌin quincꞌoxla nak toj cuanquin chak saꞌ lin tenamit? Joꞌcan nak quine̱lelic raj cha̱cuu ut co̱in raj Tarsis. Ninnau nak la̱at jun Dios nim a̱cuyum. Nacat-uxta̱nan u ut nacattokꞌoban u. Elajic nacatjoskꞌoꞌ ut incꞌaꞌ nacaba̱nu li raylal li nacacꞌoxla xba̱nunquil. 3Joꞌcan nak nintzꞌa̱ma cha̱cuu, at Ka̱cuaꞌ, china̱cuisi saꞌ ruchichꞌochꞌ xban nak kꞌaxal us chokꞌ cue li ca̱mc chiru nak yoꞌyo̱kin, chan laj Jonás. 4Ut li Dios quixye re: —¿Ma nacacꞌoxla nak us nacaba̱nu nak nacatpoꞌ?— 5Ut qui-el chak laj Jonás saꞌ li tenamit Nínive ut quixyi̱b jun lix chꞌina muheba̱l saꞌ releba̱l sakꞌe chire li tenamit. Tojoꞌnak quicꞌojla saꞌ lix muheba̱l, roybeninquil cꞌaꞌ na ru tixcꞌul li tenamit. 6Ut li Dios quixqꞌue chi qꞌui̱c jun to̱n li cꞌum. Quichamoꞌ ut quixhel rib saꞌ xbe̱n xmuheba̱l laj Jonás re nak ta̱hila̱nk saꞌ mu ut re nak ta̱numekꞌ lix chꞌiꞌchꞌiꞌil. Ut laj Jonás cꞌajoꞌ nak quisahoꞌ saꞌ xchꞌo̱l riqꞌuin li jun to̱n chi cꞌum. 7Joꞌ cuulajak chic nak yo̱ chi sake̱uc quixtakla jun li motzoꞌ li Dios re tixcꞌux lix to̱nal li cꞌum. Ut li cꞌum quichakic. 8Ut nak quitikcuoꞌ li sakꞌe, li Dios quixtakla chak jun li tikcual ikꞌ yo̱ chi cha̱lc saꞌ releb sakꞌe. Ut laj Jonás quicꞌateꞌ xban li sakꞌe ut quichal xlubic. Qui-oc xtzꞌa̱manquil xcamic ut quixye: —Kꞌaxal us raj chokꞌ cue li ca̱mc chiru nak yoꞌyo̱kin arin saꞌ ruchichꞌochꞌ, chan. 9Ut li Ka̱cuaꞌ Dios quixye re: —¿Ma nacacꞌoxla nak us nacaba̱nu nak nacatpoꞌ xban nak xchakic li cꞌum? chan li Dios re. Ut laj Jonás quichakꞌoc ut quixye: —Ya̱l. Us ninba̱nu nak ninjoskꞌoꞌ. Cuan xya̱lal nak ninpoꞌ toj retal nacuaj raj ca̱mc, chan. 10Ut li Dios quixye re: —La̱at ra xacuecꞌa nak xchakic li jun to̱n chi cꞌum li moco xatcꞌanjelac ta re raubal, chi moco la̱at ta xatqꞌuehoc re chi mokc. Chiru jun kꞌojyi̱n quichamoꞌ ut chiru jun kꞌojyi̱n quichakic. 11Cui ra xacuecꞌa nak xchakic li jun to̱n chi cꞌum, ¿ma tojaꞌ ta chic la̱in incꞌaꞌ tincuil xtokꞌoba̱l ruheb li tenamit Nínive? Saꞌ li tenamit aꞌan cuan numenak cuakcꞌa̱l mil (120,000) chi cristian ut eb aꞌan incꞌaꞌ nequeꞌxnau xqꞌuebal retal bar cuan li us ut bar cuan li incꞌaꞌ us. Ut cuanqueb ajcuiꞌ nabal li xul. ¿Ma incꞌaꞌ ta biꞌ us xtokꞌobanquil ru li tenamit aꞌan? chan li Dios.
Currently Selected:
Jonás 4: kek
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
Jonás 4
4
Li Dios quiruxta̱na ruheb laj Nínive ut laj Jonás quijoskꞌoꞌ xban
1Incꞌaꞌ quicuulac chiru laj Jonás nak li Dios incꞌaꞌ quixrahobtesiheb laj Nínive. Cꞌajoꞌ nak quipoꞌ. 2Joꞌcan nak quitijoc chiru li Dios ut quixye re: —At Ka̱cuaꞌ, ¿ma ma̱cuaꞌ ta biꞌ aꞌin quincꞌoxla nak toj cuanquin chak saꞌ lin tenamit? Joꞌcan nak quine̱lelic raj cha̱cuu ut co̱in raj Tarsis. Ninnau nak la̱at jun Dios nim a̱cuyum. Nacat-uxta̱nan u ut nacattokꞌoban u. Elajic nacatjoskꞌoꞌ ut incꞌaꞌ nacaba̱nu li raylal li nacacꞌoxla xba̱nunquil. 3Joꞌcan nak nintzꞌa̱ma cha̱cuu, at Ka̱cuaꞌ, china̱cuisi saꞌ ruchichꞌochꞌ xban nak kꞌaxal us chokꞌ cue li ca̱mc chiru nak yoꞌyo̱kin, chan laj Jonás. 4Ut li Dios quixye re: —¿Ma nacacꞌoxla nak us nacaba̱nu nak nacatpoꞌ?— 5Ut qui-el chak laj Jonás saꞌ li tenamit Nínive ut quixyi̱b jun lix chꞌina muheba̱l saꞌ releba̱l sakꞌe chire li tenamit. Tojoꞌnak quicꞌojla saꞌ lix muheba̱l, roybeninquil cꞌaꞌ na ru tixcꞌul li tenamit. 6Ut li Dios quixqꞌue chi qꞌui̱c jun to̱n li cꞌum. Quichamoꞌ ut quixhel rib saꞌ xbe̱n xmuheba̱l laj Jonás re nak ta̱hila̱nk saꞌ mu ut re nak ta̱numekꞌ lix chꞌiꞌchꞌiꞌil. Ut laj Jonás cꞌajoꞌ nak quisahoꞌ saꞌ xchꞌo̱l riqꞌuin li jun to̱n chi cꞌum. 7Joꞌ cuulajak chic nak yo̱ chi sake̱uc quixtakla jun li motzoꞌ li Dios re tixcꞌux lix to̱nal li cꞌum. Ut li cꞌum quichakic. 8Ut nak quitikcuoꞌ li sakꞌe, li Dios quixtakla chak jun li tikcual ikꞌ yo̱ chi cha̱lc saꞌ releb sakꞌe. Ut laj Jonás quicꞌateꞌ xban li sakꞌe ut quichal xlubic. Qui-oc xtzꞌa̱manquil xcamic ut quixye: —Kꞌaxal us raj chokꞌ cue li ca̱mc chiru nak yoꞌyo̱kin arin saꞌ ruchichꞌochꞌ, chan. 9Ut li Ka̱cuaꞌ Dios quixye re: —¿Ma nacacꞌoxla nak us nacaba̱nu nak nacatpoꞌ xban nak xchakic li cꞌum? chan li Dios re. Ut laj Jonás quichakꞌoc ut quixye: —Ya̱l. Us ninba̱nu nak ninjoskꞌoꞌ. Cuan xya̱lal nak ninpoꞌ toj retal nacuaj raj ca̱mc, chan. 10Ut li Dios quixye re: —La̱at ra xacuecꞌa nak xchakic li jun to̱n chi cꞌum li moco xatcꞌanjelac ta re raubal, chi moco la̱at ta xatqꞌuehoc re chi mokc. Chiru jun kꞌojyi̱n quichamoꞌ ut chiru jun kꞌojyi̱n quichakic. 11Cui ra xacuecꞌa nak xchakic li jun to̱n chi cꞌum, ¿ma tojaꞌ ta chic la̱in incꞌaꞌ tincuil xtokꞌoba̱l ruheb li tenamit Nínive? Saꞌ li tenamit aꞌan cuan numenak cuakcꞌa̱l mil (120,000) chi cristian ut eb aꞌan incꞌaꞌ nequeꞌxnau xqꞌuebal retal bar cuan li us ut bar cuan li incꞌaꞌ us. Ut cuanqueb ajcuiꞌ nabal li xul. ¿Ma incꞌaꞌ ta biꞌ us xtokꞌobanquil ru li tenamit aꞌan? chan li Dios.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.