Habacuc 2
2
1Yo̱kin chi oybeni̱nc ut yo̱kin chirilbal. Chanchanakin laj qꞌuehol etal li naxakaba̱c saꞌ li cab li nequeꞌxcol cuiꞌ rib li tenamit. Cꞌaꞌ na ru tixye li Ka̱cuaꞌ ut cꞌaꞌ na ru tixsume cuiꞌ li cꞌaꞌru xinye re, chan laj Habacuc. 2Li Ka̱cuaꞌ quichakꞌoc ut quixye cue: —Tzꞌi̱ba chiru jun pere̱lak tzꞌalam cheꞌ li cꞌaꞌru tincꞌutbesi cha̱cuu. Tzꞌi̱ba chi tzꞌakal re ru re nak li ani ta̱ilok re ta̱xic saꞌ junpa̱t xyebal resil li cꞌaꞌru ta̱ril. 3Li cꞌaꞌru tinye a̱cue saꞌ li visión, ta̱cꞌulma̱nk. Abanan, toj ma̱jiꞌ nacuulac xkꞌehil nak ta̱osokꞌ la̱ tenamit. Usta ta̱ba̱yk caꞌchꞌinak, abanan ta̱cuoybeni xban nak relic chi ya̱l nak ta̱cꞌulma̱nk li cꞌaꞌru tincꞌutbesi cha̱cuu. 4Aꞌan aꞌin li ta̱tzꞌi̱ba. Li incꞌaꞌ useb xnaꞌleb nequeꞌxnimobresi rib. Abanan li ti̱queb xchꞌo̱l ta̱cua̱nk xyuꞌameb xban lix pa̱ba̱leb.
Teꞌsachekꞌ ruheb li incꞌaꞌ useb xnaꞌleb
5Eb laj Caldea kꞌaxal kꞌetkꞌeteb ut xban li cala̱c nequeꞌxba̱nu, nequeꞌxbalakꞌi rib xjuneseb. Nequeꞌxnimobresi ribeb, abanan eb aꞌan teꞌosokꞌ. Incꞌaꞌ cꞌojcꞌo̱queb xchꞌo̱l riqꞌuin li joꞌ qꞌuial nequeꞌxmakꞌ chiruheb li tenamit. Chanchaneb lix julel camenak ac yo̱ chiroybeninquil li camenak ut chanchaneb li ca̱mc. Ac xeꞌre̱chani nabal li tenamit ut toj incꞌaꞌ ajcuiꞌ natzꞌakloc reheb. Nabal cuiꞌchic teꞌraj teꞌre̱chani. 6Ta̱cuulak xkꞌehil nak teꞌseꞌe̱k laj Caldea xbaneb li tenamit li ac xeꞌre̱chani. Teꞌbicha̱nk ut teꞌxye: —Ra cha̱lc re saꞌ xbe̱neb li xeꞌbiomoꞌ riqꞌuin li ma̱cuaꞌ reheb. ¿Jokꞌe teꞌxcanab biomocꞌ riqꞌuin li prendas li nequeꞌxcꞌul? chaꞌkeb. 7Ma̱cꞌaꞌak saꞌ e̱chꞌo̱l la̱ex aj Caldea nak teꞌcuulak e̱riqꞌuin laj e̱chal reheb li prendas li xecꞌul. Sicsotkex xban e̱xiu nak teꞌxmakꞌ che̱ru chixjunil li cꞌaꞌru cuan e̱re. 8Joꞌ nak xemakꞌ la̱ex li cꞌaꞌru eb re li nabal chi tenamit, joꞌcan ajcuiꞌ nak teꞌxmakꞌ che̱ru li cꞌaꞌru e̱re la̱ex, xban nak nabaleb li cristian xecamsi ut xban nak nabal li naꞌajej xerelkꞌa, joꞌ eb li tenamit ut joꞌ ajcuiꞌ chixjunileb li cuanqueb aran. 9Ra xchal saꞌ e̱be̱n la̱ex li nequerahi ru ut nequemakꞌ li biomal jalan aj e. Ut chiru li tumin aꞌan nequeyi̱b le̱ rochoch chi us re nak ma̱cꞌaꞌ te̱cꞌul. 10Riqꞌuin chixjunil li xeba̱nu, xexuta̱nobresi le̱ jun cablal. Nabaleb li tenamit xesacheb ut riqꞌuin aꞌan yo̱quex chixsachbal e̱rib e̱junes. 11Cui ta nequeꞌa̱tinac li tzꞌamba ut li pec li yi̱banbil cuiꞌ li tzꞌac, teꞌxye ajcuiꞌ raj nak la̱ex cuan e̱ma̱c. 12Ra xchal saꞌ e̱be̱n la̱ex li nequexcamsin ut nequeba̱nu li ma̱usilal. Ut riqꞌuin li cꞌaꞌru nequemakꞌ chiruheb, nequeyi̱b chi cha̱bil le̱ tenamit. 13¿Ma ma̱cuaꞌ ta biꞌ li nimajcual Dios xyehoc re aꞌin? Li tenamit teꞌcꞌanjelak yal re ta̱cꞌatekꞌ. Usta teꞌlubk riqꞌuin li cꞌaꞌru teꞌxba̱nu, abanan ma̱cꞌaꞌ ta̱oc cuiꞌ. 14Ta̱cuulak xkꞌehil nak ta̱naꞌekꞌ lix nimal xlokꞌal li Ka̱cuaꞌ jun sut rubel choxa joꞌ nak nanujac li palau riqꞌuin li haꞌ. 15Ra xchal saꞌ e̱be̱n la̱ex li xerahobtesiheb le̱ ras e̱ri̱tzꞌin. Chanchan xecaltesiheb nak xemakꞌ chiruheb li cꞌaꞌru reheb. Chanchan tꞌustꞌu xecanabeb nak xemakꞌ chiruheb chixjunil li cꞌaꞌru cuan reheb. 16Cuulac re xkꞌehil nak ta̱isi̱k le̱ lokꞌal ut ta̱cꞌutekꞌ e̱xuta̱n. Chanru xeba̱nu la̱ex, joꞌcan ajcuiꞌ ta̱uxk e̱re xban li Ka̱cuaꞌ. Chanchan ajcuiꞌ texcala̱k nak ta̱makꞌekꞌ che̱ru chixjunil li cꞌaꞌru e̱re. Ut chanchan tꞌustꞌu texcana̱k xban nak ma̱cꞌaꞌak chic cꞌaꞌru e̱re. 17Li ma̱usilal li xeba̱nu reheb li cuanqueb saꞌ li naꞌajej Líbano ta̱sukꞌi̱k saꞌ e̱be̱n la̱ex, joꞌ ajcuiꞌ li raylal xeba̱nu nak xesacheb li xul li cuanqueb aran. Aꞌan ta̱tꞌanekꞌ saꞌ e̱be̱n la̱ex xban nak nabaleb li cristian xecamsi ut nabal li naꞌajej xerelkꞌa. Xepoꞌi li tenamit joꞌ ajcuiꞌ chixjunileb li cuanqueb aran. 18¿Cꞌaꞌru ta̱oc cuiꞌ e̱re li pechꞌbil dios li nequeyi̱b la̱ex riqꞌuin le̱ rukꞌ? ¿Ma cuan ta biꞌ xcuanquil li dios yi̱banbil riqꞌuin chꞌi̱chꞌ? Yal nequebalakꞌi e̱rib riqꞌuineb. Li yi̱banbil dios incꞌaꞌ nequeꞌa̱tinac. ¿Chan ta cuiꞌ ru nak cauhak e̱chꞌo̱l riqꞌuin li cꞌaꞌru yal te̱yi̱b riqꞌuin e̱rukꞌ? 19Ra xchal saꞌ e̱be̱n la̱ex li nequeye re junak cheꞌ, “Cuaclin ut choa̱tenkꞌa”, malaj ut junak pec incꞌaꞌ naa̱tinac. ¿Ma ta̱ru̱k ta biꞌ tixqꞌue e̱naꞌleb? Usta yi̱banbil riqꞌuin oro ut plata, aꞌan ma̱cꞌaꞌ xmusikꞌ re texsume. 20Li tzꞌakal Dios, aꞌan cuan saꞌ lix santil templo. Chixjunileb taxak li cuanqueb saꞌ ruchichꞌochꞌ teꞌxxucua ru.
Currently Selected:
Habacuc 2: kek
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
Habacuc 2
2
1Yo̱kin chi oybeni̱nc ut yo̱kin chirilbal. Chanchanakin laj qꞌuehol etal li naxakaba̱c saꞌ li cab li nequeꞌxcol cuiꞌ rib li tenamit. Cꞌaꞌ na ru tixye li Ka̱cuaꞌ ut cꞌaꞌ na ru tixsume cuiꞌ li cꞌaꞌru xinye re, chan laj Habacuc. 2Li Ka̱cuaꞌ quichakꞌoc ut quixye cue: —Tzꞌi̱ba chiru jun pere̱lak tzꞌalam cheꞌ li cꞌaꞌru tincꞌutbesi cha̱cuu. Tzꞌi̱ba chi tzꞌakal re ru re nak li ani ta̱ilok re ta̱xic saꞌ junpa̱t xyebal resil li cꞌaꞌru ta̱ril. 3Li cꞌaꞌru tinye a̱cue saꞌ li visión, ta̱cꞌulma̱nk. Abanan, toj ma̱jiꞌ nacuulac xkꞌehil nak ta̱osokꞌ la̱ tenamit. Usta ta̱ba̱yk caꞌchꞌinak, abanan ta̱cuoybeni xban nak relic chi ya̱l nak ta̱cꞌulma̱nk li cꞌaꞌru tincꞌutbesi cha̱cuu. 4Aꞌan aꞌin li ta̱tzꞌi̱ba. Li incꞌaꞌ useb xnaꞌleb nequeꞌxnimobresi rib. Abanan li ti̱queb xchꞌo̱l ta̱cua̱nk xyuꞌameb xban lix pa̱ba̱leb.
Teꞌsachekꞌ ruheb li incꞌaꞌ useb xnaꞌleb
5Eb laj Caldea kꞌaxal kꞌetkꞌeteb ut xban li cala̱c nequeꞌxba̱nu, nequeꞌxbalakꞌi rib xjuneseb. Nequeꞌxnimobresi ribeb, abanan eb aꞌan teꞌosokꞌ. Incꞌaꞌ cꞌojcꞌo̱queb xchꞌo̱l riqꞌuin li joꞌ qꞌuial nequeꞌxmakꞌ chiruheb li tenamit. Chanchaneb lix julel camenak ac yo̱ chiroybeninquil li camenak ut chanchaneb li ca̱mc. Ac xeꞌre̱chani nabal li tenamit ut toj incꞌaꞌ ajcuiꞌ natzꞌakloc reheb. Nabal cuiꞌchic teꞌraj teꞌre̱chani. 6Ta̱cuulak xkꞌehil nak teꞌseꞌe̱k laj Caldea xbaneb li tenamit li ac xeꞌre̱chani. Teꞌbicha̱nk ut teꞌxye: —Ra cha̱lc re saꞌ xbe̱neb li xeꞌbiomoꞌ riqꞌuin li ma̱cuaꞌ reheb. ¿Jokꞌe teꞌxcanab biomocꞌ riqꞌuin li prendas li nequeꞌxcꞌul? chaꞌkeb. 7Ma̱cꞌaꞌak saꞌ e̱chꞌo̱l la̱ex aj Caldea nak teꞌcuulak e̱riqꞌuin laj e̱chal reheb li prendas li xecꞌul. Sicsotkex xban e̱xiu nak teꞌxmakꞌ che̱ru chixjunil li cꞌaꞌru cuan e̱re. 8Joꞌ nak xemakꞌ la̱ex li cꞌaꞌru eb re li nabal chi tenamit, joꞌcan ajcuiꞌ nak teꞌxmakꞌ che̱ru li cꞌaꞌru e̱re la̱ex, xban nak nabaleb li cristian xecamsi ut xban nak nabal li naꞌajej xerelkꞌa, joꞌ eb li tenamit ut joꞌ ajcuiꞌ chixjunileb li cuanqueb aran. 9Ra xchal saꞌ e̱be̱n la̱ex li nequerahi ru ut nequemakꞌ li biomal jalan aj e. Ut chiru li tumin aꞌan nequeyi̱b le̱ rochoch chi us re nak ma̱cꞌaꞌ te̱cꞌul. 10Riqꞌuin chixjunil li xeba̱nu, xexuta̱nobresi le̱ jun cablal. Nabaleb li tenamit xesacheb ut riqꞌuin aꞌan yo̱quex chixsachbal e̱rib e̱junes. 11Cui ta nequeꞌa̱tinac li tzꞌamba ut li pec li yi̱banbil cuiꞌ li tzꞌac, teꞌxye ajcuiꞌ raj nak la̱ex cuan e̱ma̱c. 12Ra xchal saꞌ e̱be̱n la̱ex li nequexcamsin ut nequeba̱nu li ma̱usilal. Ut riqꞌuin li cꞌaꞌru nequemakꞌ chiruheb, nequeyi̱b chi cha̱bil le̱ tenamit. 13¿Ma ma̱cuaꞌ ta biꞌ li nimajcual Dios xyehoc re aꞌin? Li tenamit teꞌcꞌanjelak yal re ta̱cꞌatekꞌ. Usta teꞌlubk riqꞌuin li cꞌaꞌru teꞌxba̱nu, abanan ma̱cꞌaꞌ ta̱oc cuiꞌ. 14Ta̱cuulak xkꞌehil nak ta̱naꞌekꞌ lix nimal xlokꞌal li Ka̱cuaꞌ jun sut rubel choxa joꞌ nak nanujac li palau riqꞌuin li haꞌ. 15Ra xchal saꞌ e̱be̱n la̱ex li xerahobtesiheb le̱ ras e̱ri̱tzꞌin. Chanchan xecaltesiheb nak xemakꞌ chiruheb li cꞌaꞌru reheb. Chanchan tꞌustꞌu xecanabeb nak xemakꞌ chiruheb chixjunil li cꞌaꞌru cuan reheb. 16Cuulac re xkꞌehil nak ta̱isi̱k le̱ lokꞌal ut ta̱cꞌutekꞌ e̱xuta̱n. Chanru xeba̱nu la̱ex, joꞌcan ajcuiꞌ ta̱uxk e̱re xban li Ka̱cuaꞌ. Chanchan ajcuiꞌ texcala̱k nak ta̱makꞌekꞌ che̱ru chixjunil li cꞌaꞌru e̱re. Ut chanchan tꞌustꞌu texcana̱k xban nak ma̱cꞌaꞌak chic cꞌaꞌru e̱re. 17Li ma̱usilal li xeba̱nu reheb li cuanqueb saꞌ li naꞌajej Líbano ta̱sukꞌi̱k saꞌ e̱be̱n la̱ex, joꞌ ajcuiꞌ li raylal xeba̱nu nak xesacheb li xul li cuanqueb aran. Aꞌan ta̱tꞌanekꞌ saꞌ e̱be̱n la̱ex xban nak nabaleb li cristian xecamsi ut nabal li naꞌajej xerelkꞌa. Xepoꞌi li tenamit joꞌ ajcuiꞌ chixjunileb li cuanqueb aran. 18¿Cꞌaꞌru ta̱oc cuiꞌ e̱re li pechꞌbil dios li nequeyi̱b la̱ex riqꞌuin le̱ rukꞌ? ¿Ma cuan ta biꞌ xcuanquil li dios yi̱banbil riqꞌuin chꞌi̱chꞌ? Yal nequebalakꞌi e̱rib riqꞌuineb. Li yi̱banbil dios incꞌaꞌ nequeꞌa̱tinac. ¿Chan ta cuiꞌ ru nak cauhak e̱chꞌo̱l riqꞌuin li cꞌaꞌru yal te̱yi̱b riqꞌuin e̱rukꞌ? 19Ra xchal saꞌ e̱be̱n la̱ex li nequeye re junak cheꞌ, “Cuaclin ut choa̱tenkꞌa”, malaj ut junak pec incꞌaꞌ naa̱tinac. ¿Ma ta̱ru̱k ta biꞌ tixqꞌue e̱naꞌleb? Usta yi̱banbil riqꞌuin oro ut plata, aꞌan ma̱cꞌaꞌ xmusikꞌ re texsume. 20Li tzꞌakal Dios, aꞌan cuan saꞌ lix santil templo. Chixjunileb taxak li cuanqueb saꞌ ruchichꞌochꞌ teꞌxxucua ru.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.