Ezequiel 15
15
Lix cheꞌel li uvas, aꞌan retalileb laj Jerusalén
1Li Ka̱cuaꞌ quia̱tinac cuiꞌchic cuiqꞌuin ut quixye cue: 2—At ralal cui̱nk, ¿ma juntakꞌe̱t ta biꞌ lix to̱nal li uvas riqꞌuin li cheꞌ li cuan saꞌ qꞌuicheꞌ? ¿Ma juntakꞌe̱t ta biꞌ li rukꞌ li uvas riqꞌuin li rukꞌ li cheꞌ li cuan saꞌ qꞌuicheꞌ? 3¿Ma ta̱ru̱k ta biꞌ xyi̱banquil junak cꞌaꞌak re ru riqꞌuin lix cheꞌel li uvas? ¿Ma naru ta biꞌ ta̱qꞌue chokꞌ junak kꞌesnal cheꞌ re xtꞌuyubanquil li cꞌaꞌak re ru? 4Yal re siꞌ ban nacꞌanjelac cuiꞌ. Cui xeꞌcꞌat li ruꞌujeb ut cꞌatal saꞌ xyi, ¿cꞌaꞌ chic ru ta̱cꞌanjelak cuiꞌ? 5Cui ma̱cꞌaꞌ xcꞌanjel nak toj tzꞌakal re ru, ¿ma tojaꞌ ta chic ta̱cꞌanjelak nak ac cꞌataleb chic? 6Joꞌcaꞌin xye li Ka̱cuaꞌ li nimajcual Dios: Chanru nak xinqꞌue chicꞌatk lix cheꞌel li uvas li cuan saꞌ qꞌuicheꞌ, joꞌcan ajcuiꞌ tinba̱nu nak tinsach ruheb lin tenamit li cuanqueb Jerusalén. 7La̱in tinqꞌueheb chixtojbal rix lix ma̱queb. Xeꞌcoleꞌ jun sut chiru li xam. Abanan riqꞌuin xam ajcuiꞌ teꞌosokꞌ. Nak la̱in tinqꞌueheb chixtojbal lix ma̱queb, la̱ex te̱qꞌue retal nak la̱in li Ka̱cuaꞌ. 8Xban nak quineꞌxtzꞌekta̱na, joꞌcan nak la̱in tincanab li naꞌajej chi ma̱cꞌaꞌ cuan chi saꞌ, chan li Ka̱cuaꞌ Dios.
Currently Selected:
Ezequiel 15: kek
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
