Éxodo 33
33
Li Dios naxyechiꞌi reheb laj Israel nak ta̱rochbeniheb
1Li Dios quixye re laj Moisés: —Ayukex, cꞌameb li tenamit li xacuisiheb chak aran Egipto. Texxic saꞌ li naꞌajej li xinyechiꞌi reheb laj Abraham, laj Isaac, joꞌ ajcuiꞌ laj Jacob nak xinye reheb, “Tinsi li naꞌajej aꞌin reheb le̱ ralal e̱cꞌajol.” 2Ut la̱in tintakla li ángel cha̱cuu. Ut saꞌ li naꞌajej aꞌan tincuisiheb laj cananeo, laj amorreo, laj heteo, laj ferezeo, laj heveo joꞌ eb ajcuiꞌ laj jebuseo. 3Texxic saꞌ li cha̱bil naꞌajej li cuan cuiꞌ li sahil echej. La̱in incꞌaꞌ texcuochbeni saꞌ li be. Naru texinsach chi junaj cua xban nak kꞌaxal cau e̱chꞌo̱l, chan li Dios. 4Nak queꞌrabi nak li Dios quia̱tinac riqꞌuin cacuil a̱tin, queꞌrahoꞌ xchꞌo̱leb li tenamit. Ut incꞌaꞌ chic queꞌrocsi lix sahob ru li rakꞌeb. 5Ac xyehom li Dios re laj Moisés nak tixye li a̱tin aꞌin reheb li tenamit. —Ye reheb laj Israel, chan, nak kꞌaxal cauheb xchꞌo̱l. Cui tincuochbeniheb junpa̱tak naru tinsacheb chi junaj cua. Incꞌaꞌ chic teꞌrocsi lix sahob ru li rakꞌeb re nak tinnau ma yo̱queb chinpa̱banquil, chan li Dios. 6Xban aꞌan nak eb laj Israel queꞌrisi lix sahob ru li rakꞌeb nak cuanqueb saꞌ li tzu̱l Horeb xcꞌabaꞌ ut incꞌaꞌ chic queꞌrocsi.
Li tabernáculo
7Tabernáculo xcꞌabaꞌ li muheba̱l li nequeꞌxchꞌutub cuiꞌ ribeb chixlokꞌoninquil li Dios. Li bar nocoxeꞌhila̱nk cuiꞌ laj Israel, laj Moisés naxqꞌue li tabernáculo chire li naꞌajej cuanqueb cuiꞌ lix muheba̱leb li cristian. Nak junak naraj xlokꞌoninquil li Dios, naxic saꞌ li tabernáculo. 8Yalak jokꞌe naxic laj Moisés saꞌ li tabernáculo, chixjunileb li cristian nequeꞌxakli saꞌ li oqueba̱l re lix muheba̱leb ut aran nequeꞌoybenin toj nequeꞌril nak laj Moisés na-oc saꞌ li tabernáculo. 9Nak laj Moisés na-oc saꞌ li tabernáculo, li chok nacube ut nacana saꞌ li oqueba̱l. Ut li Dios naa̱tinac riqꞌuin laj Moisés. 10Nak eb li cristian nequeꞌril li chok saꞌ li oqueba̱l re li tabernáculo, nequeꞌxlokꞌoni li Dios chire li oqueba̱l re lix muheba̱leb. 11Ut naa̱tinac li Dios riqꞌuin laj Moisés joꞌ nak nequeꞌa̱tinac cuib li rami̱gueb rib. Nak nasukꞌi laj Moisés saꞌ xmuheba̱l, laj Josué laj cꞌanjel chiru, nacana saꞌ li tabernáculo. Li sa̱j cui̱nk aꞌin, aꞌan li ralal laj Nun.
Li Ka̱cuaꞌ Dios quixye nak ta̱cua̱nk riqꞌuineb laj Israel
12Laj Moisés quixye re li Dios: —La̱at xaye cue nak tincꞌamok be chiruheb li cristian, aban incꞌaꞌ xaye cue ani ta̱ochbeni̱nk cue. Ut xaye cue nak sicꞌbil cuu a̱ban. Xaye ajcuiꞌ cue nak xincꞌam cuib saꞌ usilal cha̱cuu. 13Cui la̱in xincꞌam cuib saꞌ usilal cha̱cuu, ba̱nu usilal ye cue chi tzꞌakal li cꞌaꞌru ta̱cuaj la̱at re nak tinnau chi tzꞌakal cꞌaꞌru ta̱cuaj ut tincꞌam cuib saꞌ usilal cha̱cuu. Ba̱nu usilal julticak ajcuiꞌ a̱cue nak a̱cue li tenamit aꞌin, chan. 14Ut li Dios quixye re laj Moisés: —La̱in cua̱nkin a̱cuiqꞌuin ut riqꞌuin aꞌan chacꞌojob a̱chꞌo̱l, chan. 15Ut laj Moisés quixye re: —Cui incꞌaꞌ tatcua̱nk kiqꞌuin, moa̱cuisi saꞌ li naꞌajej aꞌin. 16Cui incꞌaꞌ tatcua̱nk kiqꞌuin, ¿chanru nak ta̱cꞌutu̱nk chiruheb li jalan xtenamiteb nak la̱o xkacꞌam kib saꞌ usilal a̱cuiqꞌuin? Cui la̱at tatcua̱nk kiqꞌuin, chixjunileb li tenamit saꞌ ruchichꞌochꞌ teꞌxnau nak la̱o sicꞌbil ku a̱ban, chan laj Moisés.
17Ut li Ka̱cuaꞌ Dios quixye re laj Moisés: —La̱in tinba̱nu li cꞌaꞌru xatzꞌa̱ma chicuu xban nak la̱at xacꞌam a̱cuib saꞌ usilal cuiqꞌuin ut la̱at sicꞌbil a̱cuu inban, chan. 18Laj Moisés quixye cuiꞌchic re: —Tintzꞌa̱ma cha̱cuu nak ta̱cꞌut chicuu lix nimal a̱lokꞌal, chan. 19Li Dios quixye: —La̱in tincꞌut cha̱cuu chixjunil li cuusilal ut tinye lin cꞌabaꞌ a̱cue. La̱in li nimajcual Dios. Tincuil xtokꞌoba̱leb ru li ani li tincuaj ut tincuuxta̱naheb ajcuiꞌ ru li ani tincuaj. 20Incꞌaꞌ naru ta̱cuil cuu. Li ani ta̱ilok cuu ta̱ca̱mk, chan li Dios. 21Li Dios quixye ajcuiꞌ re laj Moisés: —Tatxakli̱k saꞌ xbe̱n li pec nachꞌ cuanquin cuiꞌ. 22Ut la̱in tatinqꞌue saꞌ jun li chꞌina ochoch pec aran. Tatintzꞌap riqꞌuin cuukꞌ ut aran tatincol nak yo̱ chi numecꞌ inlokꞌal. 23Nak ac xinnumeꞌ, tincuisi li cuukꞌ ut li cuix ta̱cuil. Aban li cuu incꞌaꞌ ta̱cuil, chan li Dios.
Currently Selected:
Éxodo 33: kek
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
Éxodo 33
33
Li Dios naxyechiꞌi reheb laj Israel nak ta̱rochbeniheb
1Li Dios quixye re laj Moisés: —Ayukex, cꞌameb li tenamit li xacuisiheb chak aran Egipto. Texxic saꞌ li naꞌajej li xinyechiꞌi reheb laj Abraham, laj Isaac, joꞌ ajcuiꞌ laj Jacob nak xinye reheb, “Tinsi li naꞌajej aꞌin reheb le̱ ralal e̱cꞌajol.” 2Ut la̱in tintakla li ángel cha̱cuu. Ut saꞌ li naꞌajej aꞌan tincuisiheb laj cananeo, laj amorreo, laj heteo, laj ferezeo, laj heveo joꞌ eb ajcuiꞌ laj jebuseo. 3Texxic saꞌ li cha̱bil naꞌajej li cuan cuiꞌ li sahil echej. La̱in incꞌaꞌ texcuochbeni saꞌ li be. Naru texinsach chi junaj cua xban nak kꞌaxal cau e̱chꞌo̱l, chan li Dios. 4Nak queꞌrabi nak li Dios quia̱tinac riqꞌuin cacuil a̱tin, queꞌrahoꞌ xchꞌo̱leb li tenamit. Ut incꞌaꞌ chic queꞌrocsi lix sahob ru li rakꞌeb. 5Ac xyehom li Dios re laj Moisés nak tixye li a̱tin aꞌin reheb li tenamit. —Ye reheb laj Israel, chan, nak kꞌaxal cauheb xchꞌo̱l. Cui tincuochbeniheb junpa̱tak naru tinsacheb chi junaj cua. Incꞌaꞌ chic teꞌrocsi lix sahob ru li rakꞌeb re nak tinnau ma yo̱queb chinpa̱banquil, chan li Dios. 6Xban aꞌan nak eb laj Israel queꞌrisi lix sahob ru li rakꞌeb nak cuanqueb saꞌ li tzu̱l Horeb xcꞌabaꞌ ut incꞌaꞌ chic queꞌrocsi.
Li tabernáculo
7Tabernáculo xcꞌabaꞌ li muheba̱l li nequeꞌxchꞌutub cuiꞌ ribeb chixlokꞌoninquil li Dios. Li bar nocoxeꞌhila̱nk cuiꞌ laj Israel, laj Moisés naxqꞌue li tabernáculo chire li naꞌajej cuanqueb cuiꞌ lix muheba̱leb li cristian. Nak junak naraj xlokꞌoninquil li Dios, naxic saꞌ li tabernáculo. 8Yalak jokꞌe naxic laj Moisés saꞌ li tabernáculo, chixjunileb li cristian nequeꞌxakli saꞌ li oqueba̱l re lix muheba̱leb ut aran nequeꞌoybenin toj nequeꞌril nak laj Moisés na-oc saꞌ li tabernáculo. 9Nak laj Moisés na-oc saꞌ li tabernáculo, li chok nacube ut nacana saꞌ li oqueba̱l. Ut li Dios naa̱tinac riqꞌuin laj Moisés. 10Nak eb li cristian nequeꞌril li chok saꞌ li oqueba̱l re li tabernáculo, nequeꞌxlokꞌoni li Dios chire li oqueba̱l re lix muheba̱leb. 11Ut naa̱tinac li Dios riqꞌuin laj Moisés joꞌ nak nequeꞌa̱tinac cuib li rami̱gueb rib. Nak nasukꞌi laj Moisés saꞌ xmuheba̱l, laj Josué laj cꞌanjel chiru, nacana saꞌ li tabernáculo. Li sa̱j cui̱nk aꞌin, aꞌan li ralal laj Nun.
Li Ka̱cuaꞌ Dios quixye nak ta̱cua̱nk riqꞌuineb laj Israel
12Laj Moisés quixye re li Dios: —La̱at xaye cue nak tincꞌamok be chiruheb li cristian, aban incꞌaꞌ xaye cue ani ta̱ochbeni̱nk cue. Ut xaye cue nak sicꞌbil cuu a̱ban. Xaye ajcuiꞌ cue nak xincꞌam cuib saꞌ usilal cha̱cuu. 13Cui la̱in xincꞌam cuib saꞌ usilal cha̱cuu, ba̱nu usilal ye cue chi tzꞌakal li cꞌaꞌru ta̱cuaj la̱at re nak tinnau chi tzꞌakal cꞌaꞌru ta̱cuaj ut tincꞌam cuib saꞌ usilal cha̱cuu. Ba̱nu usilal julticak ajcuiꞌ a̱cue nak a̱cue li tenamit aꞌin, chan. 14Ut li Dios quixye re laj Moisés: —La̱in cua̱nkin a̱cuiqꞌuin ut riqꞌuin aꞌan chacꞌojob a̱chꞌo̱l, chan. 15Ut laj Moisés quixye re: —Cui incꞌaꞌ tatcua̱nk kiqꞌuin, moa̱cuisi saꞌ li naꞌajej aꞌin. 16Cui incꞌaꞌ tatcua̱nk kiqꞌuin, ¿chanru nak ta̱cꞌutu̱nk chiruheb li jalan xtenamiteb nak la̱o xkacꞌam kib saꞌ usilal a̱cuiqꞌuin? Cui la̱at tatcua̱nk kiqꞌuin, chixjunileb li tenamit saꞌ ruchichꞌochꞌ teꞌxnau nak la̱o sicꞌbil ku a̱ban, chan laj Moisés.
17Ut li Ka̱cuaꞌ Dios quixye re laj Moisés: —La̱in tinba̱nu li cꞌaꞌru xatzꞌa̱ma chicuu xban nak la̱at xacꞌam a̱cuib saꞌ usilal cuiqꞌuin ut la̱at sicꞌbil a̱cuu inban, chan. 18Laj Moisés quixye cuiꞌchic re: —Tintzꞌa̱ma cha̱cuu nak ta̱cꞌut chicuu lix nimal a̱lokꞌal, chan. 19Li Dios quixye: —La̱in tincꞌut cha̱cuu chixjunil li cuusilal ut tinye lin cꞌabaꞌ a̱cue. La̱in li nimajcual Dios. Tincuil xtokꞌoba̱leb ru li ani li tincuaj ut tincuuxta̱naheb ajcuiꞌ ru li ani tincuaj. 20Incꞌaꞌ naru ta̱cuil cuu. Li ani ta̱ilok cuu ta̱ca̱mk, chan li Dios. 21Li Dios quixye ajcuiꞌ re laj Moisés: —Tatxakli̱k saꞌ xbe̱n li pec nachꞌ cuanquin cuiꞌ. 22Ut la̱in tatinqꞌue saꞌ jun li chꞌina ochoch pec aran. Tatintzꞌap riqꞌuin cuukꞌ ut aran tatincol nak yo̱ chi numecꞌ inlokꞌal. 23Nak ac xinnumeꞌ, tincuisi li cuukꞌ ut li cuix ta̱cuil. Aban li cuu incꞌaꞌ ta̱cuil, chan li Dios.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.