Éxodo 21
21
Li chakꞌrab chirixeb li mo̱s
1Aꞌan aꞌin li chakꞌrab li tento teꞌxba̱nu li tenamit: 2Cui teꞌxlokꞌ junak xmo̱seb, cuakib chihab ajcuiꞌ ta̱cꞌanjelak chiruheb. Saꞌ li xcuuk chihab libre chic ta̱cana̱k ut incꞌaꞌ tento tixtoj li relic. 3Cui xjunes ta̱oc riqꞌuineb, xjunes ajcuiꞌ ta̱e̱lk. Ut cui cuan rixakil nak ta̱oc, tixcꞌam chirix li rixakil joꞌqueb ajcuiꞌ li ralal xcꞌajol. 4Abanan cui lix patrón ta̱qꞌuehok rixakil ut cui cuan xcocꞌal riqꞌuin li ixk aꞌan, tento teꞌcana̱k riqꞌuin lix patrón lix cocꞌal rochben li rixakil. Ut li cui̱nk ta̱xic xjunes. 5Cui ut li lokꞌbil mo̱s naxye: “La̱in ninra lin patrón ut ninra li cuixakil joꞌ eb ajcuiꞌ lin cocꞌal. Incꞌaꞌ nacuaj xic”, 6li patrón tixcꞌam lix mo̱s riqꞌuin laj rakol a̱tin. Aran teꞌxxakab li mo̱s chiru li puerta malaj chiru li cheꞌ li cuan chire li puerta. Ut tixhop lix xic riqꞌuin jun li chꞌi̱chꞌ kꞌes ruꞌuj. Aꞌan retalil nak ta̱cana̱k chokꞌ xmo̱s chi junaj cua. 7Ut cui ani tixcꞌayi lix rabin chokꞌ lokꞌbil mo̱s, li xkaꞌal aꞌan incꞌaꞌ chic ta̱e̱lk libre joꞌ nak nequeꞌel li mo̱s cui̱nk. 8Cui lix patrón incꞌaꞌ naraj tixcꞌam chokꞌ rixakil xban nak incꞌaꞌ nacuulac chiru, tento tixqꞌue xlese̱ns re nak jalan ta̱lokꞌok re. Abanan incꞌaꞌ naru tixcꞌayi reheb li jalaneb xtenamit. 9Cui ut lix patrón tixsumub li xkaꞌal riqꞌuin li ralal, tento nak tixra li xkaꞌal joꞌ nak naxra lix rabin. 10Ut cui li cui̱nk aꞌan tixcꞌam jalan chic ixk chokꞌ rixakil, tento nak tixqꞌue rakꞌ ut tixqꞌue xcua li rixakil li quixcꞌam xbe̱n cua, ut tento ajcuiꞌ nak ta̱cua̱nk riqꞌuin. 11Cui li cui̱nk aꞌan incꞌaꞌ tixba̱nu li oxib li naxye saꞌ li chakꞌrab aꞌin, li ixk ta̱cana̱k libre ut ma̱ jun centavo tixtoj.
Li chakꞌrab chirixeb li nequeꞌxrahobtesi ras ri̱tzꞌin
12Li ani tixsacꞌ ras ri̱tzꞌin, toj retal tixcamsi, tento nak ta̱camsi̱k ajcuiꞌ aꞌan. 13Li ani naxcamsi junak chi incꞌaꞌ yal naraj xchꞌo̱l, nacam ban xban nak joꞌcan naraj li Dios, li jun aꞌan naru ta̱colekꞌ. Abanan la̱in tinyehok re bar cuan li tenamit ta̱xic cuiꞌ xcolbal rib. 14Cui cuan junak yo̱ xjoskꞌil saꞌ xbe̱n li ras ri̱tzꞌin ut cui tixcamsi chi yal ta̱raj xchꞌo̱l, li jun aꞌan ta̱siqꞌuekꞌ toj retal teꞌxtau. Usta cuan chak saꞌ lin artal, teꞌrisi chak ut teꞌxcamsi. 15Li ani tixsacꞌ xnaꞌ xyucuaꞌ, aꞌan tento ta̱camsi̱k. 16Joꞌcan ajcuiꞌ li ani ta̱relkꞌa junak ras ri̱tzꞌin, usta ac xcꞌayi jalan aj e, malaj ut toj cua̱nk riqꞌuin, aꞌan tento ajcuiꞌ ta̱camsi̱k. 17Ut li ani tixmajecua xnaꞌ xyucuaꞌ, aꞌan tento ta̱camsi̱k. 18Cui cuanqueb cuib li cui̱nk yo̱keb chi pletic ut ma̱re li jun tixqꞌue chi pec li jun chic, malaj ut chi rukꞌ, abanan incꞌaꞌ ta̱ca̱mk li ta̱saqꞌuekꞌ, ta̱yaje̱rk ban xban li saqꞌuecꞌ, 19cui ta̱cuacli̱k ut ta̱be̱k cuiꞌchic, usta riqꞌuin xukꞌ, ta̱cana̱k libre li quisacꞌoc re. Abanan tento tixtoj lix banbal li quixsacꞌ ut tixtoj ajcuiꞌ jarub cutan incꞌaꞌ xcꞌanjelac. 20Cui junak patrón tixsacꞌ riqꞌuin cheꞌ lix lokꞌbil mo̱s cui̱nk malaj lix lokꞌbil mo̱s ixk, ut ta̱ca̱mk saꞌ rukꞌ, tento nak li patrón tixtoj xma̱c. 21Abanan cui toj yoꞌyo̱k jun malaj cuib cutan chic li mo̱s, li patrón incꞌaꞌ ta̱qꞌuehekꞌ chixtojbal lix ma̱c xban nak xmo̱s ajcuiꞌ li quixsacꞌ. 22Cui cuanqueb cuib li cui̱nk yo̱keb chi pletic ut teꞌxtochꞌ junak yaj aj ixk, ut li ixk aꞌan ta̱numekꞌ lix yajel xban nak quitochꞌeꞌ, abanan incꞌaꞌ ta̱ca̱mk li ixk, tento nak teꞌxtoj li joꞌ nimal li tixpatzꞌ li be̱lomej rochben laj rakol a̱tin. 23Abanan cui li ixk ta̱ca̱mk, tento nak teꞌcamsi̱k ajcuiꞌ li queꞌtochꞌoc re. 24Li ani ta̱risi xnakꞌ ru li ras ri̱tzꞌin, ta̱isi̱k ajcuiꞌ li xnakꞌ ru aꞌan. Ut li ani ta̱risi ruch re li ras ri̱tzꞌin, ta̱isi̱k ajcuiꞌ li ruch re aꞌan. Ut li ani ta̱risi li rukꞌ li ras ri̱tzꞌin, ta̱isi̱k ajcuiꞌ li rukꞌ aꞌan. Ut li ani ta̱risi li rok li ras ri̱tzꞌin, ta̱isi̱k ajcuiꞌ li rok aꞌan. 25Li ani tixcꞌat ras ri̱tzꞌin, ta̱cꞌatekꞌ ajcuiꞌ aꞌan. Ut li ani tixyocꞌ ras ri̱tzꞌin, ta̱yoqꞌuekꞌ ajcuiꞌ aꞌan. Ut li ani tixsacꞌ ras ri̱tzꞌin, ta̱saqꞌuekꞌ ajcuiꞌ aꞌan. 26Cui junak patrón tixsacꞌ xnakꞌ ru lix lokꞌbil mo̱s cui̱nk malaj ut lix lokꞌbil mo̱s ixk ut cui tixsach junak lix nakꞌ ru li mo̱s xban, tento nak li patrón ta̱risi libre li mo̱s aꞌan yal xban nak quixsach jun li xnakꞌ ru. 27Cui junak patrón tixsacꞌ saꞌ re lix lokꞌbil mo̱s cui̱nk malaj ut lix lokꞌbil mo̱s ixk, ut cui ta̱risi junak li ruch re xban, tento nak li patrón ta̱risi libre li mo̱s aꞌan yal xban nak quirisi jun li ruch re. 28Cui junak bo̱yx tixxekꞌ junak cui̱nk malaj ut junak ixk ut xban aꞌan ta̱ca̱mk, li bo̱yx aꞌan tento ta̱camsi̱k chi pec ut lix tibel incꞌaꞌ ta̱tiꞌekꞌ. Laj e̱chal re libre ta̱cana̱k. 29Abanan cui ac cꞌaynak chi xekꞌoc li bo̱yx ut ac quiyeheꞌ resil re laj e̱chal re abanan incꞌaꞌ naxbacꞌ, cui li bo̱yx aꞌan naxcamsi junak cui̱nk malaj junak ixk, li bo̱yx ta̱camsi̱k chi pec ut ta̱camsi̱k ajcuiꞌ laj e̱chal re. 30Cui laj rakol a̱tin tixye nak naru tixtoj re nak incꞌaꞌ ta̱camsi̱k, tento nak tixtoj li joꞌ nimal ta̱patzꞌekꞌ re, re xcolbal rix lix yuꞌam. 31Ut joꞌcan ajcuiꞌ ta̱uxma̱nk cui li bo̱yx naxxekꞌ junak ralal malaj ut junak xrabin laj e̱chal re. 32Ut cui li bo̱yx tixxekꞌ junak lokꞌbil mo̱s cui̱nk malaj ut jun lokꞌbil mo̱s ixk, tento nak laj e̱chal re li bo̱yx tixtoj laje̱b xcaꞌcꞌa̱l (30) chi tumin plata re lix patrón li mo̱s li ta̱xekꞌekꞌ. Ut li bo̱yx ta̱camsi̱k chi pec. 33Li ani naxbec junak li jul ut incꞌaꞌ naxtzꞌap, malaj ut naxcanab chi teto li ac becbil, ut cui junak li bu̱r malaj junak li bo̱yx ta̱tꞌanekꞌ chi saꞌ, 34tento nak laj e̱chal re li jul ta̱tojok re li xul li xtꞌaneꞌ saꞌ jul. Ut li xul camenak ta̱cana̱k chokꞌ re. 35Cui junak bo̱yx tixxekꞌ xbo̱yx jalan chic ut tixcamsi, tento nak ta̱cꞌayi̱k li bo̱yx li xxekꞌoc ut teꞌxjach saꞌ xyi lix tzꞌak. Ut teꞌxjach ajcuiꞌ saꞌ xyi li bo̱yx li quicamsi̱c. 36Abanan cui nanauman nak ac cꞌaynak chi xekꞌoc li bo̱yx ut laj e̱chal re incꞌaꞌ naxbacꞌ, tento nak laj e̱chal re tixqꞌue junak re̱kaj yoꞌyo ut li bo̱yx camenak ta̱cana̱k chokꞌ re.
Currently Selected:
Éxodo 21: kek
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
Éxodo 21
21
Li chakꞌrab chirixeb li mo̱s
1Aꞌan aꞌin li chakꞌrab li tento teꞌxba̱nu li tenamit: 2Cui teꞌxlokꞌ junak xmo̱seb, cuakib chihab ajcuiꞌ ta̱cꞌanjelak chiruheb. Saꞌ li xcuuk chihab libre chic ta̱cana̱k ut incꞌaꞌ tento tixtoj li relic. 3Cui xjunes ta̱oc riqꞌuineb, xjunes ajcuiꞌ ta̱e̱lk. Ut cui cuan rixakil nak ta̱oc, tixcꞌam chirix li rixakil joꞌqueb ajcuiꞌ li ralal xcꞌajol. 4Abanan cui lix patrón ta̱qꞌuehok rixakil ut cui cuan xcocꞌal riqꞌuin li ixk aꞌan, tento teꞌcana̱k riqꞌuin lix patrón lix cocꞌal rochben li rixakil. Ut li cui̱nk ta̱xic xjunes. 5Cui ut li lokꞌbil mo̱s naxye: “La̱in ninra lin patrón ut ninra li cuixakil joꞌ eb ajcuiꞌ lin cocꞌal. Incꞌaꞌ nacuaj xic”, 6li patrón tixcꞌam lix mo̱s riqꞌuin laj rakol a̱tin. Aran teꞌxxakab li mo̱s chiru li puerta malaj chiru li cheꞌ li cuan chire li puerta. Ut tixhop lix xic riqꞌuin jun li chꞌi̱chꞌ kꞌes ruꞌuj. Aꞌan retalil nak ta̱cana̱k chokꞌ xmo̱s chi junaj cua. 7Ut cui ani tixcꞌayi lix rabin chokꞌ lokꞌbil mo̱s, li xkaꞌal aꞌan incꞌaꞌ chic ta̱e̱lk libre joꞌ nak nequeꞌel li mo̱s cui̱nk. 8Cui lix patrón incꞌaꞌ naraj tixcꞌam chokꞌ rixakil xban nak incꞌaꞌ nacuulac chiru, tento tixqꞌue xlese̱ns re nak jalan ta̱lokꞌok re. Abanan incꞌaꞌ naru tixcꞌayi reheb li jalaneb xtenamit. 9Cui ut lix patrón tixsumub li xkaꞌal riqꞌuin li ralal, tento nak tixra li xkaꞌal joꞌ nak naxra lix rabin. 10Ut cui li cui̱nk aꞌan tixcꞌam jalan chic ixk chokꞌ rixakil, tento nak tixqꞌue rakꞌ ut tixqꞌue xcua li rixakil li quixcꞌam xbe̱n cua, ut tento ajcuiꞌ nak ta̱cua̱nk riqꞌuin. 11Cui li cui̱nk aꞌan incꞌaꞌ tixba̱nu li oxib li naxye saꞌ li chakꞌrab aꞌin, li ixk ta̱cana̱k libre ut ma̱ jun centavo tixtoj.
Li chakꞌrab chirixeb li nequeꞌxrahobtesi ras ri̱tzꞌin
12Li ani tixsacꞌ ras ri̱tzꞌin, toj retal tixcamsi, tento nak ta̱camsi̱k ajcuiꞌ aꞌan. 13Li ani naxcamsi junak chi incꞌaꞌ yal naraj xchꞌo̱l, nacam ban xban nak joꞌcan naraj li Dios, li jun aꞌan naru ta̱colekꞌ. Abanan la̱in tinyehok re bar cuan li tenamit ta̱xic cuiꞌ xcolbal rib. 14Cui cuan junak yo̱ xjoskꞌil saꞌ xbe̱n li ras ri̱tzꞌin ut cui tixcamsi chi yal ta̱raj xchꞌo̱l, li jun aꞌan ta̱siqꞌuekꞌ toj retal teꞌxtau. Usta cuan chak saꞌ lin artal, teꞌrisi chak ut teꞌxcamsi. 15Li ani tixsacꞌ xnaꞌ xyucuaꞌ, aꞌan tento ta̱camsi̱k. 16Joꞌcan ajcuiꞌ li ani ta̱relkꞌa junak ras ri̱tzꞌin, usta ac xcꞌayi jalan aj e, malaj ut toj cua̱nk riqꞌuin, aꞌan tento ajcuiꞌ ta̱camsi̱k. 17Ut li ani tixmajecua xnaꞌ xyucuaꞌ, aꞌan tento ta̱camsi̱k. 18Cui cuanqueb cuib li cui̱nk yo̱keb chi pletic ut ma̱re li jun tixqꞌue chi pec li jun chic, malaj ut chi rukꞌ, abanan incꞌaꞌ ta̱ca̱mk li ta̱saqꞌuekꞌ, ta̱yaje̱rk ban xban li saqꞌuecꞌ, 19cui ta̱cuacli̱k ut ta̱be̱k cuiꞌchic, usta riqꞌuin xukꞌ, ta̱cana̱k libre li quisacꞌoc re. Abanan tento tixtoj lix banbal li quixsacꞌ ut tixtoj ajcuiꞌ jarub cutan incꞌaꞌ xcꞌanjelac. 20Cui junak patrón tixsacꞌ riqꞌuin cheꞌ lix lokꞌbil mo̱s cui̱nk malaj lix lokꞌbil mo̱s ixk, ut ta̱ca̱mk saꞌ rukꞌ, tento nak li patrón tixtoj xma̱c. 21Abanan cui toj yoꞌyo̱k jun malaj cuib cutan chic li mo̱s, li patrón incꞌaꞌ ta̱qꞌuehekꞌ chixtojbal lix ma̱c xban nak xmo̱s ajcuiꞌ li quixsacꞌ. 22Cui cuanqueb cuib li cui̱nk yo̱keb chi pletic ut teꞌxtochꞌ junak yaj aj ixk, ut li ixk aꞌan ta̱numekꞌ lix yajel xban nak quitochꞌeꞌ, abanan incꞌaꞌ ta̱ca̱mk li ixk, tento nak teꞌxtoj li joꞌ nimal li tixpatzꞌ li be̱lomej rochben laj rakol a̱tin. 23Abanan cui li ixk ta̱ca̱mk, tento nak teꞌcamsi̱k ajcuiꞌ li queꞌtochꞌoc re. 24Li ani ta̱risi xnakꞌ ru li ras ri̱tzꞌin, ta̱isi̱k ajcuiꞌ li xnakꞌ ru aꞌan. Ut li ani ta̱risi ruch re li ras ri̱tzꞌin, ta̱isi̱k ajcuiꞌ li ruch re aꞌan. Ut li ani ta̱risi li rukꞌ li ras ri̱tzꞌin, ta̱isi̱k ajcuiꞌ li rukꞌ aꞌan. Ut li ani ta̱risi li rok li ras ri̱tzꞌin, ta̱isi̱k ajcuiꞌ li rok aꞌan. 25Li ani tixcꞌat ras ri̱tzꞌin, ta̱cꞌatekꞌ ajcuiꞌ aꞌan. Ut li ani tixyocꞌ ras ri̱tzꞌin, ta̱yoqꞌuekꞌ ajcuiꞌ aꞌan. Ut li ani tixsacꞌ ras ri̱tzꞌin, ta̱saqꞌuekꞌ ajcuiꞌ aꞌan. 26Cui junak patrón tixsacꞌ xnakꞌ ru lix lokꞌbil mo̱s cui̱nk malaj ut lix lokꞌbil mo̱s ixk ut cui tixsach junak lix nakꞌ ru li mo̱s xban, tento nak li patrón ta̱risi libre li mo̱s aꞌan yal xban nak quixsach jun li xnakꞌ ru. 27Cui junak patrón tixsacꞌ saꞌ re lix lokꞌbil mo̱s cui̱nk malaj ut lix lokꞌbil mo̱s ixk, ut cui ta̱risi junak li ruch re xban, tento nak li patrón ta̱risi libre li mo̱s aꞌan yal xban nak quirisi jun li ruch re. 28Cui junak bo̱yx tixxekꞌ junak cui̱nk malaj ut junak ixk ut xban aꞌan ta̱ca̱mk, li bo̱yx aꞌan tento ta̱camsi̱k chi pec ut lix tibel incꞌaꞌ ta̱tiꞌekꞌ. Laj e̱chal re libre ta̱cana̱k. 29Abanan cui ac cꞌaynak chi xekꞌoc li bo̱yx ut ac quiyeheꞌ resil re laj e̱chal re abanan incꞌaꞌ naxbacꞌ, cui li bo̱yx aꞌan naxcamsi junak cui̱nk malaj junak ixk, li bo̱yx ta̱camsi̱k chi pec ut ta̱camsi̱k ajcuiꞌ laj e̱chal re. 30Cui laj rakol a̱tin tixye nak naru tixtoj re nak incꞌaꞌ ta̱camsi̱k, tento nak tixtoj li joꞌ nimal ta̱patzꞌekꞌ re, re xcolbal rix lix yuꞌam. 31Ut joꞌcan ajcuiꞌ ta̱uxma̱nk cui li bo̱yx naxxekꞌ junak ralal malaj ut junak xrabin laj e̱chal re. 32Ut cui li bo̱yx tixxekꞌ junak lokꞌbil mo̱s cui̱nk malaj ut jun lokꞌbil mo̱s ixk, tento nak laj e̱chal re li bo̱yx tixtoj laje̱b xcaꞌcꞌa̱l (30) chi tumin plata re lix patrón li mo̱s li ta̱xekꞌekꞌ. Ut li bo̱yx ta̱camsi̱k chi pec. 33Li ani naxbec junak li jul ut incꞌaꞌ naxtzꞌap, malaj ut naxcanab chi teto li ac becbil, ut cui junak li bu̱r malaj junak li bo̱yx ta̱tꞌanekꞌ chi saꞌ, 34tento nak laj e̱chal re li jul ta̱tojok re li xul li xtꞌaneꞌ saꞌ jul. Ut li xul camenak ta̱cana̱k chokꞌ re. 35Cui junak bo̱yx tixxekꞌ xbo̱yx jalan chic ut tixcamsi, tento nak ta̱cꞌayi̱k li bo̱yx li xxekꞌoc ut teꞌxjach saꞌ xyi lix tzꞌak. Ut teꞌxjach ajcuiꞌ saꞌ xyi li bo̱yx li quicamsi̱c. 36Abanan cui nanauman nak ac cꞌaynak chi xekꞌoc li bo̱yx ut laj e̱chal re incꞌaꞌ naxbacꞌ, tento nak laj e̱chal re tixqꞌue junak re̱kaj yoꞌyo ut li bo̱yx camenak ta̱cana̱k chokꞌ re.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.