2 Tesalonicenses 2
2
1Ex inherma̱n, anakcuan tinchꞌolob xya̱lal che̱ru chirix lix cꞌulunic li Ka̱cuaꞌ Jesucristo ut lix chꞌutubanquil kib riqꞌuin. 2Nintzꞌa̱ma che̱ru nak me̱qꞌue e̱rib chi balakꞌi̱c xbaneb li teꞌyehok nak ac xcuulac xkꞌehil lix cꞌulunic li Ka̱cuaꞌ Jesucristo. Ma̱re ta̱yehekꞌ e̱re xban junak li profeta, malaj xban junak cui̱nk ta̱a̱tinak e̱riqꞌuin, malaj xban junak ta̱tzꞌi̱bak e̱riqꞌuin ut tixye nak la̱o xkatzꞌi̱ba li hu aꞌan. Abanan me̱pa̱b li cꞌaꞌru teꞌxye eb aꞌan xban nak moco ya̱l ta. 3Ma̱cꞌaꞌ ta cꞌaꞌru chexbalakꞌi̱k cuiꞌ. Li Ka̱cuaꞌ Jesucristo incꞌaꞌ ta̱cha̱lk chi ma̱jiꞌak natzꞌekta̱na̱c li Dios xbaneb nabal chi tenamit. Ut ta̱cha̱lk ajcuiꞌ li cui̱nk laj kꞌetol chakꞌrab. Aꞌan li ta̱cꞌuluk re li sachc chi junaj cua. 4Aꞌan tixqꞌue xcuanquil xjunes rib ut xicꞌ ta̱ril yalak cꞌaꞌ chi diosil ut li cꞌaꞌak re ru nalokꞌoniman saꞌ ruchichꞌochꞌ. Tixnimobresi rib saꞌ xbe̱n chixjunil toj retal nak ta̱cꞌojla̱k saꞌ rochoch li Dios ut aꞌan chic tixqꞌue rib chokꞌ dios. 5¿Ma incꞌaꞌ jultic e̱re nak quinye chak e̱re chixjunil aꞌin nak toj cuanquin chak e̱riqꞌuin? 6La̱ex ac nequenau cꞌaꞌru li naramoc re nak toj ma̱jiꞌ nachal laj kꞌetol chakꞌrab. Abanan nak ta̱cuulak xkꞌehil, ta̱cꞌulu̱nk. 7Li ma̱usilal ac cuan saꞌ ruchichꞌochꞌ, abanan toj ma̱jiꞌ nanumta chi us. Ta̱cuulak xkꞌehil nak li Dios incꞌaꞌ chic tixram li ma̱usilal ut li ma̱usilal ta̱numta̱k arin saꞌ ruchichꞌochꞌ. 8Saꞌ eb li cutan aꞌan ta̱cꞌutbesi̱k laj kꞌetol chakꞌrab. Tojoꞌnak li Ka̱cuaꞌ Jesucristo ta̱cꞌulu̱nk riqꞌuin xnimal xlokꞌal. Ta̱apusi̱k laj kꞌetol chakꞌrab xban li Ka̱cuaꞌ ut aran ta̱osokꞌ. Chi joꞌcan ta̱sachekꞌ chixjunil lix cuanquil saꞌ xcꞌulunic li Ka̱cuaꞌ Jesucristo. 9Laj kꞌetol chakꞌrab ta̱cha̱lk riqꞌuin xcuanquil laj tza. Tixcꞌutbesi nak cuan xcuanquil chixba̱nunquil li milagros ut sachba chꞌo̱lej re xbalakꞌinquil li cristian. 10Tixbalakꞌiheb li teꞌsachekꞌ xban nak queꞌxtzꞌekta̱na lix ya̱lal li quicoloc raj reheb. 11Joꞌcan nak li Dios tixqꞌueheb chixpa̱banquil li moco ya̱l ta. 12Li Dios quixba̱nu chi joꞌcaꞌin riqꞌuineb re nak teꞌxcꞌul xtojbal xma̱queb chixjunileb li incꞌaꞌ queꞌpa̱ban re li ya̱l. Aꞌ ban chic li ma̱usilal quicuulac chiruheb xba̱nunquil.
Li Dios quixsicꞌ ku re nak tocolekꞌ
13Ex inherma̱n, tento nak la̱o tobantioxi̱nk chiru li Dios che̱rix la̱ex. Raro̱quex xban li Ka̱cuaꞌ Jesucristo. Li Dios quisicꞌoc chak e̱ru chalen chak saꞌ xticlajic re nak texcolekꞌ xban nak santobresinbilex chic xban li Santil Musikꞌej ut xban nak nequepa̱b li ya̱l. 14Aꞌan aj e nak li Dios quixsicꞌ e̱ru re nak te̱pa̱b li evangelio li xkachꞌolob che̱ru re nak textzꞌako̱nk riqꞌuin lix nimal xlokꞌal li Ka̱cuaꞌ Jesucristo. 15Joꞌcan ut ex herma̱n, cauhak taxak e̱chꞌo̱l saꞌ le̱ pa̱ba̱l. Me̱canab xpa̱banquil le̱ tijbal li xkachꞌolob che̱ru nak xoa̱tinac e̱riqꞌuin. Chi moco te̱canab xpa̱banquil li cꞌaꞌru xkatakla xyebal e̱re saꞌ li hu li xkatakla e̱riqꞌuin. 16Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc. 17Aꞌan ta ajcuiꞌ chicꞌojoba̱nk e̱chꞌo̱l ut chiqꞌuehok e̱cacuilal re xyebal ut re xba̱nunquil li cꞌaꞌru us.
Currently Selected:
2 Tesalonicenses 2: kek
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
2 Tesalonicenses 2
2
1Ex inherma̱n, anakcuan tinchꞌolob xya̱lal che̱ru chirix lix cꞌulunic li Ka̱cuaꞌ Jesucristo ut lix chꞌutubanquil kib riqꞌuin. 2Nintzꞌa̱ma che̱ru nak me̱qꞌue e̱rib chi balakꞌi̱c xbaneb li teꞌyehok nak ac xcuulac xkꞌehil lix cꞌulunic li Ka̱cuaꞌ Jesucristo. Ma̱re ta̱yehekꞌ e̱re xban junak li profeta, malaj xban junak cui̱nk ta̱a̱tinak e̱riqꞌuin, malaj xban junak ta̱tzꞌi̱bak e̱riqꞌuin ut tixye nak la̱o xkatzꞌi̱ba li hu aꞌan. Abanan me̱pa̱b li cꞌaꞌru teꞌxye eb aꞌan xban nak moco ya̱l ta. 3Ma̱cꞌaꞌ ta cꞌaꞌru chexbalakꞌi̱k cuiꞌ. Li Ka̱cuaꞌ Jesucristo incꞌaꞌ ta̱cha̱lk chi ma̱jiꞌak natzꞌekta̱na̱c li Dios xbaneb nabal chi tenamit. Ut ta̱cha̱lk ajcuiꞌ li cui̱nk laj kꞌetol chakꞌrab. Aꞌan li ta̱cꞌuluk re li sachc chi junaj cua. 4Aꞌan tixqꞌue xcuanquil xjunes rib ut xicꞌ ta̱ril yalak cꞌaꞌ chi diosil ut li cꞌaꞌak re ru nalokꞌoniman saꞌ ruchichꞌochꞌ. Tixnimobresi rib saꞌ xbe̱n chixjunil toj retal nak ta̱cꞌojla̱k saꞌ rochoch li Dios ut aꞌan chic tixqꞌue rib chokꞌ dios. 5¿Ma incꞌaꞌ jultic e̱re nak quinye chak e̱re chixjunil aꞌin nak toj cuanquin chak e̱riqꞌuin? 6La̱ex ac nequenau cꞌaꞌru li naramoc re nak toj ma̱jiꞌ nachal laj kꞌetol chakꞌrab. Abanan nak ta̱cuulak xkꞌehil, ta̱cꞌulu̱nk. 7Li ma̱usilal ac cuan saꞌ ruchichꞌochꞌ, abanan toj ma̱jiꞌ nanumta chi us. Ta̱cuulak xkꞌehil nak li Dios incꞌaꞌ chic tixram li ma̱usilal ut li ma̱usilal ta̱numta̱k arin saꞌ ruchichꞌochꞌ. 8Saꞌ eb li cutan aꞌan ta̱cꞌutbesi̱k laj kꞌetol chakꞌrab. Tojoꞌnak li Ka̱cuaꞌ Jesucristo ta̱cꞌulu̱nk riqꞌuin xnimal xlokꞌal. Ta̱apusi̱k laj kꞌetol chakꞌrab xban li Ka̱cuaꞌ ut aran ta̱osokꞌ. Chi joꞌcan ta̱sachekꞌ chixjunil lix cuanquil saꞌ xcꞌulunic li Ka̱cuaꞌ Jesucristo. 9Laj kꞌetol chakꞌrab ta̱cha̱lk riqꞌuin xcuanquil laj tza. Tixcꞌutbesi nak cuan xcuanquil chixba̱nunquil li milagros ut sachba chꞌo̱lej re xbalakꞌinquil li cristian. 10Tixbalakꞌiheb li teꞌsachekꞌ xban nak queꞌxtzꞌekta̱na lix ya̱lal li quicoloc raj reheb. 11Joꞌcan nak li Dios tixqꞌueheb chixpa̱banquil li moco ya̱l ta. 12Li Dios quixba̱nu chi joꞌcaꞌin riqꞌuineb re nak teꞌxcꞌul xtojbal xma̱queb chixjunileb li incꞌaꞌ queꞌpa̱ban re li ya̱l. Aꞌ ban chic li ma̱usilal quicuulac chiruheb xba̱nunquil.
Li Dios quixsicꞌ ku re nak tocolekꞌ
13Ex inherma̱n, tento nak la̱o tobantioxi̱nk chiru li Dios che̱rix la̱ex. Raro̱quex xban li Ka̱cuaꞌ Jesucristo. Li Dios quisicꞌoc chak e̱ru chalen chak saꞌ xticlajic re nak texcolekꞌ xban nak santobresinbilex chic xban li Santil Musikꞌej ut xban nak nequepa̱b li ya̱l. 14Aꞌan aj e nak li Dios quixsicꞌ e̱ru re nak te̱pa̱b li evangelio li xkachꞌolob che̱ru re nak textzꞌako̱nk riqꞌuin lix nimal xlokꞌal li Ka̱cuaꞌ Jesucristo. 15Joꞌcan ut ex herma̱n, cauhak taxak e̱chꞌo̱l saꞌ le̱ pa̱ba̱l. Me̱canab xpa̱banquil le̱ tijbal li xkachꞌolob che̱ru nak xoa̱tinac e̱riqꞌuin. Chi moco te̱canab xpa̱banquil li cꞌaꞌru xkatakla xyebal e̱re saꞌ li hu li xkatakla e̱riqꞌuin. 16Li Ka̱cuaꞌ Jesucristo ut li Dios li kaYucuaꞌ, li narahoc ke, xban xnimal rusilal naxcꞌojob kachꞌo̱l chi junelic ut naxqꞌue xcacuilal kachꞌo̱l chi oybeni̱nc. 17Aꞌan ta ajcuiꞌ chicꞌojoba̱nk e̱chꞌo̱l ut chiqꞌuehok e̱cacuilal re xyebal ut re xba̱nunquil li cꞌaꞌru us.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.