1 Timoteo 3
3
Tento nak cha̱bilak lix naꞌleb li ta̱cꞌamok be saꞌ xya̱nkeb laj pa̱banel
1Ya̱l li nequeꞌxye nak cui cuan junak na-ala saꞌ xchꞌo̱l oc chokꞌ aj cꞌamol be saꞌ xya̱nkeb laj pa̱banel, cha̱bil li naxcꞌoxla xba̱nunquil. 2Abanan li ani naxcꞌoxla oc chokꞌ aj cꞌamol be, tento nak cua̱nk saꞌ xya̱lal re nak ma̱ ani ta̱a̱tinak chirix. Junak ajcuiꞌ li rixakil. Ma̱cuaꞌak aj calajenak. Tento nak se̱bak xchꞌo̱l ut cha̱bilak xnaꞌleb re nak qꞌuebilak xlokꞌal. Aꞌanak aj qꞌuehol ochochna̱l ut chixqꞌuehak xchꞌo̱l chixcꞌutbal lix ya̱lal chi tzꞌakal re ru. 3Laj cꞌamol be ma̱cuaꞌak aj calajenak ut ma̱cuaꞌak aj sicꞌol ple̱t. Ma̱cuaꞌak aj rahol ru tumin. Tu̱lanak ban ut cua̱nk saꞌ xya̱lal. 4Tento nak tixnau takla̱nc saꞌ li rochoch re nak li ralal xcꞌajol teꞌx-oxlokꞌi ut teꞌabi̱nk chiru. 5Cui junak li cui̱nk incꞌaꞌ naxnau takla̱nc saꞌ li rochoch, ¿chan ta ru nak ta̱ru̱k ta̱cꞌamok be saꞌ xya̱nkeb li rech aj pa̱banelil? 6Tento nak laj cꞌamol be acak xqꞌui saꞌ lix pa̱ba̱l. Ma̱re anchal tixnimobresi rib ut ta̱tꞌanekꞌ saꞌ li tojbal ma̱c quitꞌaneꞌ cuiꞌ laj tza. 7Ut tento ajcuiꞌ nak cha̱bilak resil lix naꞌleb yalak bar xbaneb li toj ma̱jiꞌ nequeꞌpa̱ban. Ma̱cꞌaꞌak xkꞌusbal re nak incꞌaꞌ tixqꞌue rib chi a̱le̱c xban laj tza.
Tento nak cha̱bilak lix naꞌlebeb li nequeꞌcꞌanjelac saꞌ xya̱nkeb laj pa̱banel
8Ut joꞌcan ajcuiꞌ li nequeꞌcꞌanjelac saꞌ xya̱nkeb laj pa̱banel. Tento nak ti̱cakeb xchꞌo̱l. Ut li cꞌaꞌru teꞌxye teꞌxba̱nu, cheꞌxba̱nuhak ajcuiꞌ. Ma̱cuaꞌakeb aj calajenak. Ut incꞌaꞌ teꞌxsicꞌ xtumineb riqꞌuin balakꞌi̱nc. 9Ma̱cꞌaꞌ ta̱chꞌiꞌchꞌiꞌi̱nk reheb saꞌ lix cꞌaꞌuxeb ut teꞌxqꞌue xcuanquil li kalokꞌlaj pa̱ba̱l li cꞌutbesinbil chiku xban li Dios. 10Joꞌcan nak xbe̱n cua, ta̱tzꞌilekꞌ a̱tin chirixeb. Cui ma̱cꞌaꞌ nanauman chirixeb, teꞌqꞌuehekꞌ chi cꞌanjelac saꞌ xya̱nkeb laj pa̱banel. 11Joꞌcan ajcuiꞌ li rixakileb li nequeꞌcꞌanjelac saꞌ xya̱nkeb laj pa̱banel. Cha̱bilakeb lix naꞌleb. Ma̱cuaꞌakeb aj molol a̱tin. Ma̱cuaꞌakeb aj calajenak. Ti̱cakeb ban xchꞌo̱l ut ti̱cakeb lix cꞌaꞌux riqꞌuin chixjunil. 12Eb laj cꞌanjel saꞌ xya̱nkeb laj pa̱banel, junak ajcuiꞌ li rixakil ut teꞌxnau takla̱nc saꞌ xbe̱neb li ralal xcꞌajol. Ut teꞌxnau ajcuiꞌ rilbal lix jun cablal. 13Eb li teꞌcꞌanjelak chi cha̱bil, teꞌoxlokꞌi̱k ut teꞌcacuu̱k xchꞌo̱leb chixyebal resil li kapa̱ba̱l saꞌ xcꞌabaꞌ li Jesucristo.
Lix xeꞌ xto̱nal li kapa̱ba̱l
14Usta yo̱quin chi tzꞌi̱bac a̱cuiqꞌuin chirix la̱ taklanquil, at Timoteo, cuan saꞌ inchꞌo̱l nak chi se̱b tincuulak a̱cuiqꞌuin. 15Abanan ma̱re tinba̱yk chi cuulac. Joꞌcan nak yo̱quin chi tzꞌi̱bac a̱cuiqꞌuin re nak ta̱nau chanru teꞌcꞌanjelak li teꞌxakaba̱k chi cꞌanjelac saꞌ xya̱nkeb li nequeꞌpa̱ban re li yoꞌyo̱quil Dios. Ut la̱o aj pa̱banel, la̱o li nakaqꞌue xcuanquil ut nakacol rix li katijbal li tzꞌakal ya̱l. 16Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin:
Li Cristo quitzꞌejcualoꞌ nak quicꞌulun saꞌ ruchichꞌochꞌ.
Xakabanbil xcuanquil xban li Santil Musikꞌej.
Qui-ileꞌ ru xbaneb li ángel.
Ut aꞌan li chꞌolobanbil resil saꞌ chixjunil li ruchichꞌochꞌ.
Ut nabaleb li queꞌpa̱ban re saꞌ ruchichꞌochꞌ.
Ut quicꞌameꞌ saꞌ choxa riqꞌuin xnimal xlokꞌal.
Currently Selected:
1 Timoteo 3: kek
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.
1 Timoteo 3
3
Tento nak cha̱bilak lix naꞌleb li ta̱cꞌamok be saꞌ xya̱nkeb laj pa̱banel
1Ya̱l li nequeꞌxye nak cui cuan junak na-ala saꞌ xchꞌo̱l oc chokꞌ aj cꞌamol be saꞌ xya̱nkeb laj pa̱banel, cha̱bil li naxcꞌoxla xba̱nunquil. 2Abanan li ani naxcꞌoxla oc chokꞌ aj cꞌamol be, tento nak cua̱nk saꞌ xya̱lal re nak ma̱ ani ta̱a̱tinak chirix. Junak ajcuiꞌ li rixakil. Ma̱cuaꞌak aj calajenak. Tento nak se̱bak xchꞌo̱l ut cha̱bilak xnaꞌleb re nak qꞌuebilak xlokꞌal. Aꞌanak aj qꞌuehol ochochna̱l ut chixqꞌuehak xchꞌo̱l chixcꞌutbal lix ya̱lal chi tzꞌakal re ru. 3Laj cꞌamol be ma̱cuaꞌak aj calajenak ut ma̱cuaꞌak aj sicꞌol ple̱t. Ma̱cuaꞌak aj rahol ru tumin. Tu̱lanak ban ut cua̱nk saꞌ xya̱lal. 4Tento nak tixnau takla̱nc saꞌ li rochoch re nak li ralal xcꞌajol teꞌx-oxlokꞌi ut teꞌabi̱nk chiru. 5Cui junak li cui̱nk incꞌaꞌ naxnau takla̱nc saꞌ li rochoch, ¿chan ta ru nak ta̱ru̱k ta̱cꞌamok be saꞌ xya̱nkeb li rech aj pa̱banelil? 6Tento nak laj cꞌamol be acak xqꞌui saꞌ lix pa̱ba̱l. Ma̱re anchal tixnimobresi rib ut ta̱tꞌanekꞌ saꞌ li tojbal ma̱c quitꞌaneꞌ cuiꞌ laj tza. 7Ut tento ajcuiꞌ nak cha̱bilak resil lix naꞌleb yalak bar xbaneb li toj ma̱jiꞌ nequeꞌpa̱ban. Ma̱cꞌaꞌak xkꞌusbal re nak incꞌaꞌ tixqꞌue rib chi a̱le̱c xban laj tza.
Tento nak cha̱bilak lix naꞌlebeb li nequeꞌcꞌanjelac saꞌ xya̱nkeb laj pa̱banel
8Ut joꞌcan ajcuiꞌ li nequeꞌcꞌanjelac saꞌ xya̱nkeb laj pa̱banel. Tento nak ti̱cakeb xchꞌo̱l. Ut li cꞌaꞌru teꞌxye teꞌxba̱nu, cheꞌxba̱nuhak ajcuiꞌ. Ma̱cuaꞌakeb aj calajenak. Ut incꞌaꞌ teꞌxsicꞌ xtumineb riqꞌuin balakꞌi̱nc. 9Ma̱cꞌaꞌ ta̱chꞌiꞌchꞌiꞌi̱nk reheb saꞌ lix cꞌaꞌuxeb ut teꞌxqꞌue xcuanquil li kalokꞌlaj pa̱ba̱l li cꞌutbesinbil chiku xban li Dios. 10Joꞌcan nak xbe̱n cua, ta̱tzꞌilekꞌ a̱tin chirixeb. Cui ma̱cꞌaꞌ nanauman chirixeb, teꞌqꞌuehekꞌ chi cꞌanjelac saꞌ xya̱nkeb laj pa̱banel. 11Joꞌcan ajcuiꞌ li rixakileb li nequeꞌcꞌanjelac saꞌ xya̱nkeb laj pa̱banel. Cha̱bilakeb lix naꞌleb. Ma̱cuaꞌakeb aj molol a̱tin. Ma̱cuaꞌakeb aj calajenak. Ti̱cakeb ban xchꞌo̱l ut ti̱cakeb lix cꞌaꞌux riqꞌuin chixjunil. 12Eb laj cꞌanjel saꞌ xya̱nkeb laj pa̱banel, junak ajcuiꞌ li rixakil ut teꞌxnau takla̱nc saꞌ xbe̱neb li ralal xcꞌajol. Ut teꞌxnau ajcuiꞌ rilbal lix jun cablal. 13Eb li teꞌcꞌanjelak chi cha̱bil, teꞌoxlokꞌi̱k ut teꞌcacuu̱k xchꞌo̱leb chixyebal resil li kapa̱ba̱l saꞌ xcꞌabaꞌ li Jesucristo.
Lix xeꞌ xto̱nal li kapa̱ba̱l
14Usta yo̱quin chi tzꞌi̱bac a̱cuiqꞌuin chirix la̱ taklanquil, at Timoteo, cuan saꞌ inchꞌo̱l nak chi se̱b tincuulak a̱cuiqꞌuin. 15Abanan ma̱re tinba̱yk chi cuulac. Joꞌcan nak yo̱quin chi tzꞌi̱bac a̱cuiqꞌuin re nak ta̱nau chanru teꞌcꞌanjelak li teꞌxakaba̱k chi cꞌanjelac saꞌ xya̱nkeb li nequeꞌpa̱ban re li yoꞌyo̱quil Dios. Ut la̱o aj pa̱banel, la̱o li nakaqꞌue xcuanquil ut nakacol rix li katijbal li tzꞌakal ya̱l. 16Relic chi ya̱l kꞌaxal lokꞌ li katijbal li quixcꞌut chiku li Dios. Naxcꞌut chiku lix ya̱lal li kapa̱ba̱l saꞌ xcꞌabaꞌ li Jesucristo. Li xya̱lal aꞌan aꞌin:
Li Cristo quitzꞌejcualoꞌ nak quicꞌulun saꞌ ruchichꞌochꞌ.
Xakabanbil xcuanquil xban li Santil Musikꞌej.
Qui-ileꞌ ru xbaneb li ángel.
Ut aꞌan li chꞌolobanbil resil saꞌ chixjunil li ruchichꞌochꞌ.
Ut nabaleb li queꞌpa̱ban re saꞌ ruchichꞌochꞌ.
Ut quicꞌameꞌ saꞌ choxa riqꞌuin xnimal xlokꞌal.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2019, Wycliffe Bible Translators. All rights reserved.