Zakaliya 2
2
Cimona ca mukole wakusetekesa
1Mu cimona cikwavo njamwene munalume wakwatele mukole wakusetekesa mu livoko lyendi. 2Co njamwihwile ngwange, “Uya kulijo?”
Ikeye wanjikumbulwile ngwendi, “Njiya nakuseteka vulaja na vwihi vwa Yelusalema.”
3Asinoni njamwene kangelo uje wakele nakwendeka nange ashwenya kulutwe, co kangelo mukwavo wezile nakuliwana nendi. 4Co uje kangelo wakulivanga wendekele kuli uje mukwavo ngwendi, “Shatuka ukaleke uje mukwenje nakwata mukole wakusetekesa ngwove mu Yelusalema mukakala vanu vavangi na vimuna vavangi, co kuyikakala na vivumbe vyakuyizengeleka. 5Shukulu Kalunga nakulaesa ngwendi ikeye vavenya vene akapwa civumbe ca tuhya cakuzengeleka nganda mukuyinyunga, co ikeye vene akakala muje mu nganda mu vumpau vwendi vwoshe.”
Vinzinda vavasana veluke kwimbo
6Shukulu Kalunga wendekele kuli vanu vendi ngwendi, “Njamishandwelele mu mitambela yoshe. 7Oloni ololo, yeni vinzinda pitukeni mutunde ku Mbambilone ngeci mwiluke ku Yelusalema. 8Woshe akamipupa akapupa cuma ca seo yakama manene kuli yange.”
Ngecivene, Shukulu Kalunga Muka-nzili yoshe wanjitumine na majwi awa ku miyati ya vanu vaje vapukwilile vanu vendi, 9“Shukulu Kalunga ikeye vavenya akamilwisa, co vakamipukula kuli vanu vaje vapwile vangamba veni.”
Omo eci cikalingiwa, co munu woshe akazivuka ngwendi Shukulu Kalunga Muka-nzili yoshe ikeye wanjitumine.
10Shukulu Kalunga wendekele ngwendi, “Imbeni nakujolela, yeni vanu va mu Yelusalema! Njikaija nakukala akati keni!”
11A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni. 12Co Yunda lalo ikapwa vufuko vwa Shukulu Kalunga vwa seo yakama mu lifuti lyendi lyakujela, co Yelusalema ikapwa nganda ije yaazema manene kutuvakana vinganda vyoshe.
13Munu na munu oloke kuluu ku mesho a Shukulu Kalunga, omwo ikeye alinakwija kutunda ku mutambela wendi wakujela kuje kwakala.
Currently Selected:
Zakaliya 2: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Zakaliya 2
2
Cimona ca mukole wakusetekesa
1Mu cimona cikwavo njamwene munalume wakwatele mukole wakusetekesa mu livoko lyendi. 2Co njamwihwile ngwange, “Uya kulijo?”
Ikeye wanjikumbulwile ngwendi, “Njiya nakuseteka vulaja na vwihi vwa Yelusalema.”
3Asinoni njamwene kangelo uje wakele nakwendeka nange ashwenya kulutwe, co kangelo mukwavo wezile nakuliwana nendi. 4Co uje kangelo wakulivanga wendekele kuli uje mukwavo ngwendi, “Shatuka ukaleke uje mukwenje nakwata mukole wakusetekesa ngwove mu Yelusalema mukakala vanu vavangi na vimuna vavangi, co kuyikakala na vivumbe vyakuyizengeleka. 5Shukulu Kalunga nakulaesa ngwendi ikeye vavenya vene akapwa civumbe ca tuhya cakuzengeleka nganda mukuyinyunga, co ikeye vene akakala muje mu nganda mu vumpau vwendi vwoshe.”
Vinzinda vavasana veluke kwimbo
6Shukulu Kalunga wendekele kuli vanu vendi ngwendi, “Njamishandwelele mu mitambela yoshe. 7Oloni ololo, yeni vinzinda pitukeni mutunde ku Mbambilone ngeci mwiluke ku Yelusalema. 8Woshe akamipupa akapupa cuma ca seo yakama manene kuli yange.”
Ngecivene, Shukulu Kalunga Muka-nzili yoshe wanjitumine na majwi awa ku miyati ya vanu vaje vapukwilile vanu vendi, 9“Shukulu Kalunga ikeye vavenya akamilwisa, co vakamipukula kuli vanu vaje vapwile vangamba veni.”
Omo eci cikalingiwa, co munu woshe akazivuka ngwendi Shukulu Kalunga Muka-nzili yoshe ikeye wanjitumine.
10Shukulu Kalunga wendekele ngwendi, “Imbeni nakujolela, yeni vanu va mu Yelusalema! Njikaija nakukala akati keni!”
11A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni. 12Co Yunda lalo ikapwa vufuko vwa Shukulu Kalunga vwa seo yakama mu lifuti lyendi lyakujela, co Yelusalema ikapwa nganda ije yaazema manene kutuvakana vinganda vyoshe.
13Munu na munu oloke kuluu ku mesho a Shukulu Kalunga, omwo ikeye alinakwija kutunda ku mutambela wendi wakujela kuje kwakala.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006