Loma 2
2
Kuhisa kwa Njambi
1 #
Mat 7:1; Luk 6:37 Ngecivene, yove musamba wange, kuma ukahisa vakweni ndi? Kuli yove kukwesi kusamba embwe, nameme vene yove iya. Omwo nga uhisa vakweni, co ulinga vyuma vije vivalinga vakevo, ulinakulihisa yove vavenya. 2Twazivuka ngeci Njambi wapwa wa vushunga omo ahisa vanu vaje vakalingi vyuma ngwe evi. 3Oloni yove musamba wange, ulinga vyuma vije uhisila vakweni! Wayongola ngwove wasa kuputumuka kuhisa kwa Njambi ndi? 4Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke. 5Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka. 6#Mya 62:12; Vis 24:12 Omwo Njambi akaana cikandelela kuli munu na munu kupwisa ku vipangi vyendi vije vyanalingi. 7Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe. 8Oloni vamo vanu valizema vakevo vavenya nakuvyana vya vushunga, ngeci vakave vije vya kupenga-penga, co Njambi akamwesa vukalu vwendi na matoto endi ali vakevo. 9Kukakala tuyando nakukemanga kuli vanu voshe vaje valinga vuvi, omwo akulivanga kuli vaYunda, co lalo na kuli vaje kesi vaYunda. 10Oloni Njambi akaana vumpau na kasingimiko na kwoloka kuli voshe vaje valinga mwamuvwa, akulivanga kuli vaYunda, co lalo na kuli vaje kesi vaYunda. 11#Kwi 10:17 Omwo Njambi akahisi munu woshe na seteko imo.
12Vaje kesi vaYunda kuvesi na Lishiko lya Mosesa, valinga vuvi, co vazimbala akujeneka Lishiko. VaYunda vali na Lishiko, valinga vuvi, co vavahisa na Lishiko. 13Omwo kesi akuziva lika Lishiko ngeci vanu vavapwisa vaka-vushunga kuli Njambi embwe, oloni akulinga mwaya Lishiko. 14Omwo vaje kesi vaYunda kuvesi na Lishiko, oloni oshe aje valinga na mana mwaya Lishiko, vakevo vavenya vanapu lishiko lyavo, nameme kuvesi na Lishiko. 15Cifwa cavo cimwesa ngeci vije Lishiko livashika vanacisoneka mu vimbunge vyavo. Co lalo citaku-taku cavo civamwesa ngeci cuma eci cinapu ca vushunga, omwo visimbu vimo viyongola vyavo vivahisa, co visimbu vikwavo vivaamena. 16Co ngwe ku Vin̄anda Vyavivwa vinjilinakwambulula, omu mukemwo mucikafwa a Litangwa lije omo Njambi akahisa viyongola vyakushweka vya vanu voshe ali Yesu Kilistu.
VaYunda na Lishiko
17Oloni vati yove? Ulinakulitumbula yove vavenya ngwove nji kaYunda, wajendamena a Lishiko nakulishashela ali Njambi, 18co unazivuka vika Njambi ashaka ngeci uvilinge, co unalilongesa ku Lishiko kwangula vije vinapu vushunga, 19co unazivuka mwa vushunga ngeci yove unapu ntwama wa tupuputwa, ceke kuli vaje vali mu lisusulungu, 20unapu muka-kushungamesa vilema, na mulongisi kuli vaje vali ku nzimba. Wazivuka mwa vushunga ngwove mu Lishiko unawanamo mana akushula na vushunga. 21Ukalongesa vakweni, omwo vikajo kuulilongesela yove vavenya? Ukambulula ngwove, “Kesi mwive” oloni yove ukai nakwiva ndi? 22Ukendeka ngwove, “Kesi mulinge vupangala” oloni yove ukalingi vupangala ndi? Wazinda tumponya, oloni ukevi vya mu vinjuvo vyakulemesela vinjambi ndi? 23Ukalishasha a Lishiko lya Njambi, oloni kuwesi kuzivisa Njambi shwamwa omo upokola lishiko lyendi ndi? 24#Isa 52:5 Omwo visoneka vyendeka ngwavyo, “Omwo ali yeni vaYunda, vaje kesi vaYunda vendeka vyavivi ali Njambi.”
25Nga mwononoka Lishiko lya Njambi, kutuuka kweni kuli na seo, oloni nga kumwononoka Lishiko, mwamuvwa nga kumwatuukile. 26Nga uje kesi kaYunda, uje katuukile, ononoka vije Lishiko lilinakushika, kuma Njambi kakamunyungu ngwe muka-kutuuka ndi? 27Co yeni vaYunda vakamihisa kuli vaje kesi vaYunda omwo mukapokola Lishiko, nameme vene vanamisonekelalyo, co yeni mwatuuka, oloni vakevo valinakwononoka Lishiko, nambe kuvatuukile ku cisemwa. 28A vyoshe evi, iya kaYunda wa vushunga, wakutuuka mwa vushunga? Kesi munu uje ikeye kaYunda anja lika embwe, uje kutuuka kwendi kunapu kwa muvila lika. 29#Kwi 30:6 Oloni kaYunda wa vushunga ikeye munu uje kaYunda wa mukati, uje mbunge yendi inatuuka, co eci cinapu cipangi ca Munzinzime wa Njambi, kesi ca Lishiko lyakusoneka embwe. Munu wa cifwa cangacije Njambi amushangazala, kesi vanu embwe.
Currently Selected:
Loma 2: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Loma 2
2
Kuhisa kwa Njambi
1 #
Mat 7:1; Luk 6:37 Ngecivene, yove musamba wange, kuma ukahisa vakweni ndi? Kuli yove kukwesi kusamba embwe, nameme vene yove iya. Omwo nga uhisa vakweni, co ulinga vyuma vije vivalinga vakevo, ulinakulihisa yove vavenya. 2Twazivuka ngeci Njambi wapwa wa vushunga omo ahisa vanu vaje vakalingi vyuma ngwe evi. 3Oloni yove musamba wange, ulinga vyuma vije uhisila vakweni! Wayongola ngwove wasa kuputumuka kuhisa kwa Njambi ndi? 4Nambe ulinakuyeluwisa ngozi yendi yakama na kulongwa kwendi nakusimpa kwendi. Mwa vushunga uzivuka ngwove Njambi wakala na ngozi, omwo alinakweseka kukutwamenena ngeci utenguluke. 5Oloni yove uli na mbunge yakukola nakukaluwa, co ulinakulingisa cihiso cove vavenya ngeci cipwe cakama manene a Litangwa lije omo vukalu vwa Njambi nakusompa kwendi kwa vushunga vikasholoka. 6#Mya 62:12; Vis 24:12 Omwo Njambi akaana cikandelela kuli munu na munu kupwisa ku vipangi vyendi vije vyanalingi. 7Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe. 8Oloni vamo vanu valizema vakevo vavenya nakuvyana vya vushunga, ngeci vakave vije vya kupenga-penga, co Njambi akamwesa vukalu vwendi na matoto endi ali vakevo. 9Kukakala tuyando nakukemanga kuli vanu voshe vaje valinga vuvi, omwo akulivanga kuli vaYunda, co lalo na kuli vaje kesi vaYunda. 10Oloni Njambi akaana vumpau na kasingimiko na kwoloka kuli voshe vaje valinga mwamuvwa, akulivanga kuli vaYunda, co lalo na kuli vaje kesi vaYunda. 11#Kwi 10:17 Omwo Njambi akahisi munu woshe na seteko imo.
12Vaje kesi vaYunda kuvesi na Lishiko lya Mosesa, valinga vuvi, co vazimbala akujeneka Lishiko. VaYunda vali na Lishiko, valinga vuvi, co vavahisa na Lishiko. 13Omwo kesi akuziva lika Lishiko ngeci vanu vavapwisa vaka-vushunga kuli Njambi embwe, oloni akulinga mwaya Lishiko. 14Omwo vaje kesi vaYunda kuvesi na Lishiko, oloni oshe aje valinga na mana mwaya Lishiko, vakevo vavenya vanapu lishiko lyavo, nameme kuvesi na Lishiko. 15Cifwa cavo cimwesa ngeci vije Lishiko livashika vanacisoneka mu vimbunge vyavo. Co lalo citaku-taku cavo civamwesa ngeci cuma eci cinapu ca vushunga, omwo visimbu vimo viyongola vyavo vivahisa, co visimbu vikwavo vivaamena. 16Co ngwe ku Vin̄anda Vyavivwa vinjilinakwambulula, omu mukemwo mucikafwa a Litangwa lije omo Njambi akahisa viyongola vyakushweka vya vanu voshe ali Yesu Kilistu.
VaYunda na Lishiko
17Oloni vati yove? Ulinakulitumbula yove vavenya ngwove nji kaYunda, wajendamena a Lishiko nakulishashela ali Njambi, 18co unazivuka vika Njambi ashaka ngeci uvilinge, co unalilongesa ku Lishiko kwangula vije vinapu vushunga, 19co unazivuka mwa vushunga ngeci yove unapu ntwama wa tupuputwa, ceke kuli vaje vali mu lisusulungu, 20unapu muka-kushungamesa vilema, na mulongisi kuli vaje vali ku nzimba. Wazivuka mwa vushunga ngwove mu Lishiko unawanamo mana akushula na vushunga. 21Ukalongesa vakweni, omwo vikajo kuulilongesela yove vavenya? Ukambulula ngwove, “Kesi mwive” oloni yove ukai nakwiva ndi? 22Ukendeka ngwove, “Kesi mulinge vupangala” oloni yove ukalingi vupangala ndi? Wazinda tumponya, oloni ukevi vya mu vinjuvo vyakulemesela vinjambi ndi? 23Ukalishasha a Lishiko lya Njambi, oloni kuwesi kuzivisa Njambi shwamwa omo upokola lishiko lyendi ndi? 24#Isa 52:5 Omwo visoneka vyendeka ngwavyo, “Omwo ali yeni vaYunda, vaje kesi vaYunda vendeka vyavivi ali Njambi.”
25Nga mwononoka Lishiko lya Njambi, kutuuka kweni kuli na seo, oloni nga kumwononoka Lishiko, mwamuvwa nga kumwatuukile. 26Nga uje kesi kaYunda, uje katuukile, ononoka vije Lishiko lilinakushika, kuma Njambi kakamunyungu ngwe muka-kutuuka ndi? 27Co yeni vaYunda vakamihisa kuli vaje kesi vaYunda omwo mukapokola Lishiko, nameme vene vanamisonekelalyo, co yeni mwatuuka, oloni vakevo valinakwononoka Lishiko, nambe kuvatuukile ku cisemwa. 28A vyoshe evi, iya kaYunda wa vushunga, wakutuuka mwa vushunga? Kesi munu uje ikeye kaYunda anja lika embwe, uje kutuuka kwendi kunapu kwa muvila lika. 29#Kwi 30:6 Oloni kaYunda wa vushunga ikeye munu uje kaYunda wa mukati, uje mbunge yendi inatuuka, co eci cinapu cipangi ca Munzinzime wa Njambi, kesi ca Lishiko lyakusoneka embwe. Munu wa cifwa cangacije Njambi amushangazala, kesi vanu embwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006