Kulava 30
30
Mashiko aa visingo
1Co Mosesa wendekele kuli vantwama va miyati ya vanu va Isalele ngwendi, 2#Kwi 23:21-23; Mat 5:33 “Omu mukemwo mwanashiki Shukulu Kalunga. Omo munu alisinga cisingo cakwana cuma cimo kuli Shukulu Kalunga nambe kulisinga kulikela kulinga cuma cimo, kapandele kupokola cikulaeso cendi, oloni napande kulinga vyuma vyoshe vije vyanakulaesele kulinga.
3“Omo mumbanda wa muzike acili nakukala mu njuvo ya ishe, nga alisinga cisingo cakwana cuma cimo kuli Shukulu Kalunga nambe kulisinga kulikela kulinga cuma cimo, 4napande kulinga vyuma vyoshe vije vyanalisingile nambe vyanakulaesele, kuvanga ishe avyane omo aviziva. 5Oloni nga ishe amuvindika kushulisa cisingo cendi, co kucapandele lalo acinyunge embwe. Co Shukulu Kalunga akamusambesaco, omwo ishe ikeye namuvindika kucinyunga.
6“Nga munakazi nalisingile simbu kanda ashomboke nambe kupupuzuka kwendeka, nambe kukulaesa kulikela kulinga cuma cimo, 7co napande kulinga vyuma vyoshe vije vyanalisingile nambe vyanakulaesele, kuvanga munalume wendi amuvindike a vyuma vije vyanazivile. 8Oloni nga munalume wendi amuvindika kushulisa cisingo cendi nambe kupupuzuka mukwendeka kwendi, omo ikeye navizivi laja, kucapandele lalo uje munakazi acinyunge. Co Shukulu Kalunga akamusambesaco.
9“Oloni fwile nambe munakazi wakukondola napande kunyunga cisingo coshe ikeye alisinga, na cikulaeso coshe cakulikela kulinga cuma cimo.
10“Nga munakazi wakushomboka alisinga cisingo nambe akulaesa kulikela kulinga cuma cimo, 11co napande kulinga vyuma vyoshe vije vyanalisingile nambe vyanakulaesele kuvanga munalume wendi amuvindike omo vyuma vije navizivi laja. 12Oloni nga munalume wendi amuvindika kushulisa cisingo omo navizivi laja, co kucapandele lalo uje munakazi acinyunge embwe. Co Shukulu Kalunga akamusambesaco, omwo munalume wendi namuvindika kunyunga cije cisingo cendi, 13omwo munalume wendi ali na moko yakucikolesa nambe kumanesa cisingo nambe cikulaeso cije canalingile. 14Oloni nga mwita matangwa na matangwa munima yakuziva cije cisingo, co munalume wendi kavindikile cije cisingo, co uje munakazi napande kulinga vyuma vyoshe vije vyanalisingile nambe vyanakulaesele, omwo munalume wendi nakolesa cije cisingo a kumuvindika a litangwa lije wacizivile. 15Oloni nga munalume wendi alimbulula cije cisingo omo kuneti matangwa na matangwa, co ngongo yendi vavenya.”
16Awa akewo mashiko ashikile Shukulu Kalunga kuli Mosesa aa visingo vije vikalingiwa ali mumbanda wa muzike uje alinakukala mu njuvo ya ishe, nambe ali munakazi wakushomboka.
Currently Selected:
Kulava 30: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kulava 30
30
Mashiko aa visingo
1Co Mosesa wendekele kuli vantwama va miyati ya vanu va Isalele ngwendi, 2#Kwi 23:21-23; Mat 5:33 “Omu mukemwo mwanashiki Shukulu Kalunga. Omo munu alisinga cisingo cakwana cuma cimo kuli Shukulu Kalunga nambe kulisinga kulikela kulinga cuma cimo, kapandele kupokola cikulaeso cendi, oloni napande kulinga vyuma vyoshe vije vyanakulaesele kulinga.
3“Omo mumbanda wa muzike acili nakukala mu njuvo ya ishe, nga alisinga cisingo cakwana cuma cimo kuli Shukulu Kalunga nambe kulisinga kulikela kulinga cuma cimo, 4napande kulinga vyuma vyoshe vije vyanalisingile nambe vyanakulaesele, kuvanga ishe avyane omo aviziva. 5Oloni nga ishe amuvindika kushulisa cisingo cendi, co kucapandele lalo acinyunge embwe. Co Shukulu Kalunga akamusambesaco, omwo ishe ikeye namuvindika kucinyunga.
6“Nga munakazi nalisingile simbu kanda ashomboke nambe kupupuzuka kwendeka, nambe kukulaesa kulikela kulinga cuma cimo, 7co napande kulinga vyuma vyoshe vije vyanalisingile nambe vyanakulaesele, kuvanga munalume wendi amuvindike a vyuma vije vyanazivile. 8Oloni nga munalume wendi amuvindika kushulisa cisingo cendi nambe kupupuzuka mukwendeka kwendi, omo ikeye navizivi laja, kucapandele lalo uje munakazi acinyunge. Co Shukulu Kalunga akamusambesaco.
9“Oloni fwile nambe munakazi wakukondola napande kunyunga cisingo coshe ikeye alisinga, na cikulaeso coshe cakulikela kulinga cuma cimo.
10“Nga munakazi wakushomboka alisinga cisingo nambe akulaesa kulikela kulinga cuma cimo, 11co napande kulinga vyuma vyoshe vije vyanalisingile nambe vyanakulaesele kuvanga munalume wendi amuvindike omo vyuma vije navizivi laja. 12Oloni nga munalume wendi amuvindika kushulisa cisingo omo navizivi laja, co kucapandele lalo uje munakazi acinyunge embwe. Co Shukulu Kalunga akamusambesaco, omwo munalume wendi namuvindika kunyunga cije cisingo cendi, 13omwo munalume wendi ali na moko yakucikolesa nambe kumanesa cisingo nambe cikulaeso cije canalingile. 14Oloni nga mwita matangwa na matangwa munima yakuziva cije cisingo, co munalume wendi kavindikile cije cisingo, co uje munakazi napande kulinga vyuma vyoshe vije vyanalisingile nambe vyanakulaesele, omwo munalume wendi nakolesa cije cisingo a kumuvindika a litangwa lije wacizivile. 15Oloni nga munalume wendi alimbulula cije cisingo omo kuneti matangwa na matangwa, co ngongo yendi vavenya.”
16Awa akewo mashiko ashikile Shukulu Kalunga kuli Mosesa aa visingo vije vikalingiwa ali mumbanda wa muzike uje alinakukala mu njuvo ya ishe, nambe ali munakazi wakushomboka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006