Kulava 19
19
Lito lya ngombe wakuvenga
1Shukulu Kalunga wendekele kuli Mosesa na Alone ngwendi, 2“Lekeni vanu va Isalele vaminenele ngombe wakuvenga wakujeneka kapenga uje kanda ashangumuke kulima, 3mukamwane kuli Elyazale muka-kukombelela. Co vakamutwale anja mu ngangela ya cilombo ngeci vakamutsiye. 4Asinoni Elyazale muka-kukombelela akanonako maninga amo, co akambwitikamo mulavo wendi, nakuwashamwina visimbu vitanu na vivali kukengesa ku Mbalaka Mwakuliwanena. 5Co munu umo akenyeke uje ngombe woshe wamutunu ku mesho a muka-kukombelela, na cilambu cendi, na situ yendi, na maninga endi, na mila yendi. 6Asinoni muka-kukombelela akanone kaciti ka kendale, na kacishamo ka hisope, na mukole wakuvenguluka, co vakavyumbile mu tuhya muje mulinakwenyela uje ngombe. 7Co munima yevi, muka-kukombelela akakushe vuzalo vwendi nakulitazela mema a muvila wendi, asinoni akakovela mu cilombo, oloni ikeye anga kajelele noo ku cingwezi. 8Co uje munu nenyeka ngombe napande kukusha vuzalo vwendi nakulitazela mema a muvila wendi, oloni ikeye anga kajelele noo ku cingwezi. 9#VaHe 9:13 Asinoni munu umo najele akakungiye lije lito lya ngombe nakulyaka mu mutambela wakujela anja ya cilombo, vakalinyungile mbunga ya vanu va Isalele. Co lije lito vakalyake mu mema akujelesa mukutundisa vuvi. 10Co uje munu nakungiya lije lito napande kukusha vuzalo vwendi, oloni ikeye anga kajelele noo ku cingwezi. Co mashiko awa akapwa a simbu yoshe, muvuvali vweni vaIsalele, na vaka-kwija vaje valinakukala akati kavo.
Kukwata a civimbi
11“Woshe uje akwata a civimbi ca munu woshe-iwoshe akapwa wakujeneka kujela a matangwa atanu na avali. 12Napande kulijelesa na mema akujelesa a litangwa lyamucitatu, na a litangwa lyamucitanu na avali, asinoni akajela. Oloni nga ikeye kalijelesele a litangwa lyamucitatu, na a litangwa lyamucitanu na avali, co ikeye kakajele embwe. 13Woshe uje akwata a civimbi, co kalijelesa ajwalesa Mbalaka ya Shukulu Kalunga, omwo mema akujelesa kuvamwitazelelewo. Co munu wangacije kuvakamulava lalo kupwa munu wa Njambi.
14“Eli likelyo lishiko nga munu atsila mu mbalaka yoshe-iyoshe, co woshe uje ali mu mbalaka ije a simbu ya kutsa kwendi nambe uje akakovelamo akapwa wakujeneka kujela a matangwa atanu na avali. 15Co njava yoshe, na ndeo yoshe vilimuje mu mbalaka, vije kuvyesi na vifwiko vyakufwikako, navyo lalo vikapwa vyakujeneka kujela. 16Nga munu akwata a munu uje ivanatsiila anja yangoco, nambe uje natsi ku monde, nambe nga munu akwata a citsiya ca munu watsile laja, nambe a mbumbo, co ikeye akapwa wakujeneka kujela a matangwa atanu na avali.
17“Ku munu uje kajelele, vakambate lito lya ngombe wakuvenga uje venyekele kupwa n̄ombelo yakujelesa ku vuvi, vakalikundule nakulyaka mu njava, nakwakamo mema amavwa. 18Asinoni munu uje najele akambate kacishamo ka hisope nakukambwitika mu mema, nakushamwina aje mema a mbalaka ije, na a vivala vyoshe vilimo, na ali vanu vaje valimo. Mu ngila eyi vene mukemwo vakajelesa munu uje nakwatele a citsiya ca munu wa kutsa, nambe a civimbi ca munu uje natsi ku monde, nambe uje nakwata a mbumbo. 19Co munu uje najele akashamwine mema uje kajelele a litangwa lyamucitatu, na a litangwa lyamucitanu na avali. A litangwa lyamucitanu na avali akajelesa uje munu, co ikeye akakushe vuzalo vwendi, nakujwela mema a muvila wendi, asinoni akapwa wakujela ku cingwezi.
20“Munu uje najwala oloni kalijelesa ikeye vavenya aviisa Mbalaka ya Shukulu Kalunga, omwo mema akulijelesa kuvamwitazelelewo. Co munu wangacije kuvakamulava lalo kupwa munu wa Njambi. 21Munapande kunyunga mashiko awa simbu yoshe ya kulutwe. Co woshe uje ashamwina mema akulijelesa napande kukusha vuzalo vwendi, na woshe uje akwata a mema akujelesa akapwa wakujeneka kujela noo ku cingwezi. 22Cuma coshe cije akwata munu wakujeneka kujela cikapwa cakujeneka kujela vene. Munu woshe uje acikwata akapwa wakujeneka kujela noo ku cingwezi.”
Currently Selected:
Kulava 19: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kulava 19
19
Lito lya ngombe wakuvenga
1Shukulu Kalunga wendekele kuli Mosesa na Alone ngwendi, 2“Lekeni vanu va Isalele vaminenele ngombe wakuvenga wakujeneka kapenga uje kanda ashangumuke kulima, 3mukamwane kuli Elyazale muka-kukombelela. Co vakamutwale anja mu ngangela ya cilombo ngeci vakamutsiye. 4Asinoni Elyazale muka-kukombelela akanonako maninga amo, co akambwitikamo mulavo wendi, nakuwashamwina visimbu vitanu na vivali kukengesa ku Mbalaka Mwakuliwanena. 5Co munu umo akenyeke uje ngombe woshe wamutunu ku mesho a muka-kukombelela, na cilambu cendi, na situ yendi, na maninga endi, na mila yendi. 6Asinoni muka-kukombelela akanone kaciti ka kendale, na kacishamo ka hisope, na mukole wakuvenguluka, co vakavyumbile mu tuhya muje mulinakwenyela uje ngombe. 7Co munima yevi, muka-kukombelela akakushe vuzalo vwendi nakulitazela mema a muvila wendi, asinoni akakovela mu cilombo, oloni ikeye anga kajelele noo ku cingwezi. 8Co uje munu nenyeka ngombe napande kukusha vuzalo vwendi nakulitazela mema a muvila wendi, oloni ikeye anga kajelele noo ku cingwezi. 9#VaHe 9:13 Asinoni munu umo najele akakungiye lije lito lya ngombe nakulyaka mu mutambela wakujela anja ya cilombo, vakalinyungile mbunga ya vanu va Isalele. Co lije lito vakalyake mu mema akujelesa mukutundisa vuvi. 10Co uje munu nakungiya lije lito napande kukusha vuzalo vwendi, oloni ikeye anga kajelele noo ku cingwezi. Co mashiko awa akapwa a simbu yoshe, muvuvali vweni vaIsalele, na vaka-kwija vaje valinakukala akati kavo.
Kukwata a civimbi
11“Woshe uje akwata a civimbi ca munu woshe-iwoshe akapwa wakujeneka kujela a matangwa atanu na avali. 12Napande kulijelesa na mema akujelesa a litangwa lyamucitatu, na a litangwa lyamucitanu na avali, asinoni akajela. Oloni nga ikeye kalijelesele a litangwa lyamucitatu, na a litangwa lyamucitanu na avali, co ikeye kakajele embwe. 13Woshe uje akwata a civimbi, co kalijelesa ajwalesa Mbalaka ya Shukulu Kalunga, omwo mema akujelesa kuvamwitazelelewo. Co munu wangacije kuvakamulava lalo kupwa munu wa Njambi.
14“Eli likelyo lishiko nga munu atsila mu mbalaka yoshe-iyoshe, co woshe uje ali mu mbalaka ije a simbu ya kutsa kwendi nambe uje akakovelamo akapwa wakujeneka kujela a matangwa atanu na avali. 15Co njava yoshe, na ndeo yoshe vilimuje mu mbalaka, vije kuvyesi na vifwiko vyakufwikako, navyo lalo vikapwa vyakujeneka kujela. 16Nga munu akwata a munu uje ivanatsiila anja yangoco, nambe uje natsi ku monde, nambe nga munu akwata a citsiya ca munu watsile laja, nambe a mbumbo, co ikeye akapwa wakujeneka kujela a matangwa atanu na avali.
17“Ku munu uje kajelele, vakambate lito lya ngombe wakuvenga uje venyekele kupwa n̄ombelo yakujelesa ku vuvi, vakalikundule nakulyaka mu njava, nakwakamo mema amavwa. 18Asinoni munu uje najele akambate kacishamo ka hisope nakukambwitika mu mema, nakushamwina aje mema a mbalaka ije, na a vivala vyoshe vilimo, na ali vanu vaje valimo. Mu ngila eyi vene mukemwo vakajelesa munu uje nakwatele a citsiya ca munu wa kutsa, nambe a civimbi ca munu uje natsi ku monde, nambe uje nakwata a mbumbo. 19Co munu uje najele akashamwine mema uje kajelele a litangwa lyamucitatu, na a litangwa lyamucitanu na avali. A litangwa lyamucitanu na avali akajelesa uje munu, co ikeye akakushe vuzalo vwendi, nakujwela mema a muvila wendi, asinoni akapwa wakujela ku cingwezi.
20“Munu uje najwala oloni kalijelesa ikeye vavenya aviisa Mbalaka ya Shukulu Kalunga, omwo mema akulijelesa kuvamwitazelelewo. Co munu wangacije kuvakamulava lalo kupwa munu wa Njambi. 21Munapande kunyunga mashiko awa simbu yoshe ya kulutwe. Co woshe uje ashamwina mema akulijelesa napande kukusha vuzalo vwendi, na woshe uje akwata a mema akujelesa akapwa wakujeneka kujela noo ku cingwezi. 22Cuma coshe cije akwata munu wakujeneka kujela cikapwa cakujeneka kujela vene. Munu woshe uje acikwata akapwa wakujeneka kujela noo ku cingwezi.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006