Kulava 16
16
Kola na Ndatane na Avilame vatengulukila Mosesa
1 #
Yun 11
Kola muna Izehale wa ku naanga ya Kohate ku cikota ca Levi. Ikeye walipandakanene na vanalume vatatu va ku muyati wa Luvena, Ndatane, na Avilame vana va Elyave, na Oni muna Pelete. 2Watengulukilile vuntwama vwa Mosesa amo na vakwavo vaIsalele 250 vantwama vakwanguka mu mbunga va lutsimo lwaluvwa. 3Co vakungulukile kulwisa Mosesa na Alone, vendekele kuli vakevo ngwavo, “Yeni vantwama muli na kulyalesa manene! Mbunga yoshe eyi yapwa yakujela, co Shukulu Kalunga lalo ali netu voshe. Ngecivene, omwo vikajo munalyana yeni vavenya vuntwama akamwa ya mbunga ya Shukulu Kalunga?”
4Omo Mosesa wavizivile, walyumbilile asi, co walombelele. 5Asinoni wendekele kuli Kola na ku mbunga yendi ngwendi, “Imene mutondo Shukulu Kalunga akatumwesa vaje vanapu vendi na vaje vanajele, co akavashwenyesa kuyehi nendi, ngeci vaje vakaangula akavashwenyesa kuyehi nendi. 6Imene mutondo yove na mbunga yove yoshe mukambata vikango, 7co mukakeo tuhya, na insense, co mukavitwale ku mutula, co uje munu yakaangula Shukulu Kalunga ikeye akapwa wakujela. Yeni vana va Levi, yeni vene, mwapwa vaka-kulyalesa manene.”
8Co Mosesa wendekele lalo kuli Kola ngwendi, “Ololo tolilileni yeni vaka-cikota ca Levi! 9Kuma munayongola ngweni cinapu cuma cacindondo, omo Njambi ya Isalele namyangununa mu mbunga ya Isalele, ngeci yeni mwase kushwenya kuli ikeye nakupanga vipangi mu Mbalaka Mwakuliwanena nakwimana ku mesho a mbunga nakuvapangela ndi? 10Ikeye namishwenyesa kuyehi nendi, yove na vandolome vove voshe vaka-cikota ca Levi, oloni yeni mulinakushaka kwambata vipangi vya vuka-kukombelela lalo. 11Ngecivene, yove na mbunga yove yoshe mwalikungulwile nakutengulukila Shukulu Kalunga, cooni Alone ikeye iyajo ngeci mulinyenyetele kuli ikeye?”
12Asinoni Mosesa wasanene Ndatane na Avilame vana va Elyave, oloni vakevo vendekele ngwavo, “Yetu shetu kutwijako! 13Kuma kucapwilemo omo watutundisile mu lifuti lyalivwa lya vwilo, nevi vyakujenekamo vyai nakututsiila muno mu mambo ndi? Co ucishaka lalo kulipwisa yove vavenya mwene yetu ndi? 14Co lalo kuwatunenele mu lifuti lyalivwa lya vwilo nevi vyakujenekamo vyai, nambe kutwana mahya na vitungu vya mikolovozi ya vushuka vwa vinyu ngeci vipwe vushwana vwetu. Yove wayongola ngwove wasa kufwika mesho a vanu ava ndi? Yetu shetu kutwijako!” 15Co Mosesa waluvalele manene ngeci wendekele kuli Shukulu Kalunga ngwendi, “Shukulu Kalunga kesi utambule n̄ombelo yavo. Nacimo cai yange njaviisile kuli vakevo, kunjambatele nambe cimulu cavo umo.”
16Mosesa wendekele kuli Kola ngwendi, “Imene yove na mbunga ya vanu vove 250 munapande kwija ku Mbalaka Mwakuliwanena, na Alone lalo nendi akakaleko. 17Co munu na munu akambate cikango cendi ca tuhya, nakwakao insense, co akavitwale ku mutula.” 18Ngecivene, munu na munu wambatele cikango cendi, co waakeleo manungu a tuhya na insense, co vemanene ku cikolo ca Mbalaka Mwakuliwanena amo na Mosesa na Alone. 19Asinoni Kola wakungulwile mbunga yoshe, nakuvyana Mosesa na Alone kuje ku cikolo ca Mbalaka Mwakuliwanena. Co vwasi-vwasi vumpau vwa Shukulu Kalunga vwasholokele ku mbunga yoshe, 20co Shukulu Kalunga wendekele kuli Mosesa na Alone ngwendi, 21“Lyangunukeni na mbunga oyo ngeci njivanyongese ano vene.” 22Oloni Mosesa na Alone valyumbilile asi, co vendekele ngwavo, “Yove Njambi, yove wapwa nsina ya vanu voshe. Nga munu umo alinga vuvi, co yove uluvala na mbunga yoshe ndi?”
23Co Shukulu Kalunga wendekele kuli Mosesa ngwendi, 24“Leka mbunga ya vanu vashondoloke ku vimbalaka vya Kola, na Ndatane, na Avilame.”
25Co Mosesa wakatukile waile kuli Ndatane na Avilame, co vantwama va Isalele vamukavele. 26Co wendekele ku mbunga ya vanu ngwendi, “Shondolokeni ku vimbalaka vya vanu ava vavavi kesi mukwate ku cuma cimo cakundama kuli vakevo kutewa neni mukanyonga omwo ya vuvi vwavo.” 27Ngecivene, vashondolokele ku vimbalaka vya Kola, na Ndatane, na Avilame.
Co Ndatane na Avilame vatuukile vemanene ku vikolo vya vimbalaka vyavo, amo na vanakazi vavo na vana vavo. 28Co Mosesa wendekele ku mbunga ya vanu ngwendi, “Eci cikamizivukisa ngeci kuma Shukulu Kalunga ikeye nanjitumu kulinga vyuma evi vyoshe, kesi yange vavenya njalilingilavyo embwe. 29Nga ava vanu vatsa ngwe muvakatsi vanu voshe kunyanyamesa kumo kwakutunda kuli Njambi, co zivukeni ngweni Shukulu Kalunga kanjitumine. 30Oloni nga Shukulu Kalunga alinga cuma cimo caciha, co nga livu lyashama nakuvaleula amo na vufuko vwavo vwoshe, ngeci vakevo vaye mu vukalo vwa vatsi oku vacili nakuyoya, co yeni mukazivuka ngeci kuma vanu ava vakevo vanashaula Shukulu Kalunga.”
31Omo wamanesele vene kwendeka majwi awa oshe, co livu lije emanene Ndatane na Avilame lyatavukile nakwishama, 32livu lyeshamene nakuvaleula na naanga yavo yoshe, amolika na vavushoko va Kola na vufuko vwavo vwoshe. 33Ngecivene, vaile vutona ku vukalo vwa vatsi, amo na vufuko vwavo vwoshe. Asinoni livu lyavafwikile, vanyongele voshe. 34Vanu voshe va Isalele vaje vakele kuje vatewele omo vazivile kuteta kwavo. Co vatambekele ngwavo, “Teweniko! Kutewa netu lalo livu likatuleula!”
35Asinoni Shukulu Kalunga watumine tuhya, co twenyekele vaje vanalume 250 vaje vakombelelele insense.
Vikango vya tuhya
36Shukulu Kalunga wendekele kuli Mosesa ngwendi, 37“Leka Elyazale muna Alone muka-kukombelela atundise vikango vya vunengu a tuhya, co ashandanganene tuhya kulyala, omwo vije vikango vya tuhya vyapwa vyakujela. 38Co vikango vya vanu vaje vavanatsiile omwo vuvi vwavo vakavifule nakuvipasha ngeci vipwe vyakufwika a mutula omwo vavikombelele kuli Shukulu Kalunga, co vikapwa canukiso kuli vanu va Isalele.” 39Ngecivene, Elyazale muka-kukombelela wambatele vije vikango vya vunengu vije vakombelelele vaje vanu venyele ku tuhya, co vavipashele nakuvipwisa vyakufwika a mutula. 40Eci capwile canukiso kuli vanu va Isalele ngeci kukwesi munu weka uje kesi muka-kukombelela akashwenya ku mutula mukwenyeka insense kuli Shukulu Kalunga kuvanga wa ku vatekulwila va Alone, kutewa vakamunyongesa ngwe Kola na vanu vendi. Vyoshe evi vyalingiwile ngwe muje mwashikile Shukulu Kalunga Elyazale kwitila muli Mosesa.
Alone amena vanu
41Alikaki mbunga yoshe ya vanu va Isalele valinyenyetelele kuli Mosesa na Alone vendekele ngwavo, “Yeni munatsii vanu va Shukulu Kalunga.” 42Co omo mbunga vakungulukile nakulwisa Mosesa na Alone, vakengele kulutwe ku Mbalaka Mwakuliwanena, co lishelwa lyaifwikile, na vumpau vwa nzili ya Shukulu Kalunga vwasholokele. 43Co Mosesa na Alone vaileko, vemanene kulutwe lwa Mbalaka Mwakuliwanena, 44co Shukulu Kalunga wendekele kuli Mosesa ngwendi, 45“Lyangunukeni na mbunga ya vanu ava ngeci njivanyongese ano vene!”
Co muvuvali vwavo valyumbilile asi, 46Mosesa wendekele kuli Alone ngwendi, “Ambata cikango cove, wakeo manungu a tuhya a ku mutula, co lalo wakeo insense. Zambwila ku mbunga ya vanu ukavajelese. Zambulako! Omwo vukalu vwa Shukulu Kalunga vunete, co na mushongo wakulitambwisa unashangumuka.” 47Alone walingile ngwe muje mwendekele Mosesa, wanonele cikango cendi ca tuhya, washatukilile akati ka mbunga ya vanu. Omo wamwene mushongo wakulitambwisa unashangumuka laja, ngecivene, waakele insense a tuhya, co wajelesele ije mbunga ya vanu. 48Ngecivene, ikeye wamenene vakuyoya na vatsi, co uje mushongo walikelele. 49Oloni vanu vaje vatsile ku mushongo wakulitambwisa vapwile 14,000, kupandakana kuli vaje vatsile a mulonga wa Kola. 50Omo mushongo wakulitambwisa walikelele, co Alone welukile kuli Mosesa ku cikolo ca Mbalaka Mwakuliwanena.
Currently Selected:
Kulava 16: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kulava 16
16
Kola na Ndatane na Avilame vatengulukila Mosesa
1 #
Yun 11
Kola muna Izehale wa ku naanga ya Kohate ku cikota ca Levi. Ikeye walipandakanene na vanalume vatatu va ku muyati wa Luvena, Ndatane, na Avilame vana va Elyave, na Oni muna Pelete. 2Watengulukilile vuntwama vwa Mosesa amo na vakwavo vaIsalele 250 vantwama vakwanguka mu mbunga va lutsimo lwaluvwa. 3Co vakungulukile kulwisa Mosesa na Alone, vendekele kuli vakevo ngwavo, “Yeni vantwama muli na kulyalesa manene! Mbunga yoshe eyi yapwa yakujela, co Shukulu Kalunga lalo ali netu voshe. Ngecivene, omwo vikajo munalyana yeni vavenya vuntwama akamwa ya mbunga ya Shukulu Kalunga?”
4Omo Mosesa wavizivile, walyumbilile asi, co walombelele. 5Asinoni wendekele kuli Kola na ku mbunga yendi ngwendi, “Imene mutondo Shukulu Kalunga akatumwesa vaje vanapu vendi na vaje vanajele, co akavashwenyesa kuyehi nendi, ngeci vaje vakaangula akavashwenyesa kuyehi nendi. 6Imene mutondo yove na mbunga yove yoshe mukambata vikango, 7co mukakeo tuhya, na insense, co mukavitwale ku mutula, co uje munu yakaangula Shukulu Kalunga ikeye akapwa wakujela. Yeni vana va Levi, yeni vene, mwapwa vaka-kulyalesa manene.”
8Co Mosesa wendekele lalo kuli Kola ngwendi, “Ololo tolilileni yeni vaka-cikota ca Levi! 9Kuma munayongola ngweni cinapu cuma cacindondo, omo Njambi ya Isalele namyangununa mu mbunga ya Isalele, ngeci yeni mwase kushwenya kuli ikeye nakupanga vipangi mu Mbalaka Mwakuliwanena nakwimana ku mesho a mbunga nakuvapangela ndi? 10Ikeye namishwenyesa kuyehi nendi, yove na vandolome vove voshe vaka-cikota ca Levi, oloni yeni mulinakushaka kwambata vipangi vya vuka-kukombelela lalo. 11Ngecivene, yove na mbunga yove yoshe mwalikungulwile nakutengulukila Shukulu Kalunga, cooni Alone ikeye iyajo ngeci mulinyenyetele kuli ikeye?”
12Asinoni Mosesa wasanene Ndatane na Avilame vana va Elyave, oloni vakevo vendekele ngwavo, “Yetu shetu kutwijako! 13Kuma kucapwilemo omo watutundisile mu lifuti lyalivwa lya vwilo, nevi vyakujenekamo vyai nakututsiila muno mu mambo ndi? Co ucishaka lalo kulipwisa yove vavenya mwene yetu ndi? 14Co lalo kuwatunenele mu lifuti lyalivwa lya vwilo nevi vyakujenekamo vyai, nambe kutwana mahya na vitungu vya mikolovozi ya vushuka vwa vinyu ngeci vipwe vushwana vwetu. Yove wayongola ngwove wasa kufwika mesho a vanu ava ndi? Yetu shetu kutwijako!” 15Co Mosesa waluvalele manene ngeci wendekele kuli Shukulu Kalunga ngwendi, “Shukulu Kalunga kesi utambule n̄ombelo yavo. Nacimo cai yange njaviisile kuli vakevo, kunjambatele nambe cimulu cavo umo.”
16Mosesa wendekele kuli Kola ngwendi, “Imene yove na mbunga ya vanu vove 250 munapande kwija ku Mbalaka Mwakuliwanena, na Alone lalo nendi akakaleko. 17Co munu na munu akambate cikango cendi ca tuhya, nakwakao insense, co akavitwale ku mutula.” 18Ngecivene, munu na munu wambatele cikango cendi, co waakeleo manungu a tuhya na insense, co vemanene ku cikolo ca Mbalaka Mwakuliwanena amo na Mosesa na Alone. 19Asinoni Kola wakungulwile mbunga yoshe, nakuvyana Mosesa na Alone kuje ku cikolo ca Mbalaka Mwakuliwanena. Co vwasi-vwasi vumpau vwa Shukulu Kalunga vwasholokele ku mbunga yoshe, 20co Shukulu Kalunga wendekele kuli Mosesa na Alone ngwendi, 21“Lyangunukeni na mbunga oyo ngeci njivanyongese ano vene.” 22Oloni Mosesa na Alone valyumbilile asi, co vendekele ngwavo, “Yove Njambi, yove wapwa nsina ya vanu voshe. Nga munu umo alinga vuvi, co yove uluvala na mbunga yoshe ndi?”
23Co Shukulu Kalunga wendekele kuli Mosesa ngwendi, 24“Leka mbunga ya vanu vashondoloke ku vimbalaka vya Kola, na Ndatane, na Avilame.”
25Co Mosesa wakatukile waile kuli Ndatane na Avilame, co vantwama va Isalele vamukavele. 26Co wendekele ku mbunga ya vanu ngwendi, “Shondolokeni ku vimbalaka vya vanu ava vavavi kesi mukwate ku cuma cimo cakundama kuli vakevo kutewa neni mukanyonga omwo ya vuvi vwavo.” 27Ngecivene, vashondolokele ku vimbalaka vya Kola, na Ndatane, na Avilame.
Co Ndatane na Avilame vatuukile vemanene ku vikolo vya vimbalaka vyavo, amo na vanakazi vavo na vana vavo. 28Co Mosesa wendekele ku mbunga ya vanu ngwendi, “Eci cikamizivukisa ngeci kuma Shukulu Kalunga ikeye nanjitumu kulinga vyuma evi vyoshe, kesi yange vavenya njalilingilavyo embwe. 29Nga ava vanu vatsa ngwe muvakatsi vanu voshe kunyanyamesa kumo kwakutunda kuli Njambi, co zivukeni ngweni Shukulu Kalunga kanjitumine. 30Oloni nga Shukulu Kalunga alinga cuma cimo caciha, co nga livu lyashama nakuvaleula amo na vufuko vwavo vwoshe, ngeci vakevo vaye mu vukalo vwa vatsi oku vacili nakuyoya, co yeni mukazivuka ngeci kuma vanu ava vakevo vanashaula Shukulu Kalunga.”
31Omo wamanesele vene kwendeka majwi awa oshe, co livu lije emanene Ndatane na Avilame lyatavukile nakwishama, 32livu lyeshamene nakuvaleula na naanga yavo yoshe, amolika na vavushoko va Kola na vufuko vwavo vwoshe. 33Ngecivene, vaile vutona ku vukalo vwa vatsi, amo na vufuko vwavo vwoshe. Asinoni livu lyavafwikile, vanyongele voshe. 34Vanu voshe va Isalele vaje vakele kuje vatewele omo vazivile kuteta kwavo. Co vatambekele ngwavo, “Teweniko! Kutewa netu lalo livu likatuleula!”
35Asinoni Shukulu Kalunga watumine tuhya, co twenyekele vaje vanalume 250 vaje vakombelelele insense.
Vikango vya tuhya
36Shukulu Kalunga wendekele kuli Mosesa ngwendi, 37“Leka Elyazale muna Alone muka-kukombelela atundise vikango vya vunengu a tuhya, co ashandanganene tuhya kulyala, omwo vije vikango vya tuhya vyapwa vyakujela. 38Co vikango vya vanu vaje vavanatsiile omwo vuvi vwavo vakavifule nakuvipasha ngeci vipwe vyakufwika a mutula omwo vavikombelele kuli Shukulu Kalunga, co vikapwa canukiso kuli vanu va Isalele.” 39Ngecivene, Elyazale muka-kukombelela wambatele vije vikango vya vunengu vije vakombelelele vaje vanu venyele ku tuhya, co vavipashele nakuvipwisa vyakufwika a mutula. 40Eci capwile canukiso kuli vanu va Isalele ngeci kukwesi munu weka uje kesi muka-kukombelela akashwenya ku mutula mukwenyeka insense kuli Shukulu Kalunga kuvanga wa ku vatekulwila va Alone, kutewa vakamunyongesa ngwe Kola na vanu vendi. Vyoshe evi vyalingiwile ngwe muje mwashikile Shukulu Kalunga Elyazale kwitila muli Mosesa.
Alone amena vanu
41Alikaki mbunga yoshe ya vanu va Isalele valinyenyetelele kuli Mosesa na Alone vendekele ngwavo, “Yeni munatsii vanu va Shukulu Kalunga.” 42Co omo mbunga vakungulukile nakulwisa Mosesa na Alone, vakengele kulutwe ku Mbalaka Mwakuliwanena, co lishelwa lyaifwikile, na vumpau vwa nzili ya Shukulu Kalunga vwasholokele. 43Co Mosesa na Alone vaileko, vemanene kulutwe lwa Mbalaka Mwakuliwanena, 44co Shukulu Kalunga wendekele kuli Mosesa ngwendi, 45“Lyangunukeni na mbunga ya vanu ava ngeci njivanyongese ano vene!”
Co muvuvali vwavo valyumbilile asi, 46Mosesa wendekele kuli Alone ngwendi, “Ambata cikango cove, wakeo manungu a tuhya a ku mutula, co lalo wakeo insense. Zambwila ku mbunga ya vanu ukavajelese. Zambulako! Omwo vukalu vwa Shukulu Kalunga vunete, co na mushongo wakulitambwisa unashangumuka.” 47Alone walingile ngwe muje mwendekele Mosesa, wanonele cikango cendi ca tuhya, washatukilile akati ka mbunga ya vanu. Omo wamwene mushongo wakulitambwisa unashangumuka laja, ngecivene, waakele insense a tuhya, co wajelesele ije mbunga ya vanu. 48Ngecivene, ikeye wamenene vakuyoya na vatsi, co uje mushongo walikelele. 49Oloni vanu vaje vatsile ku mushongo wakulitambwisa vapwile 14,000, kupandakana kuli vaje vatsile a mulonga wa Kola. 50Omo mushongo wakulitambwisa walikelele, co Alone welukile kuli Mosesa ku cikolo ca Mbalaka Mwakuliwanena.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006