Kulava 13
13
Vaka-kunenga lifuti lya Kanana
(Kwi 1:19-33)
1Shukulu Kalunga wendekele kuli Mosesa ngwendi, 2“Ku miyati eyi likumi na ivali angula ku muyati umo na umo ntwama umolika ngeci uvatume vakanenge lifuti lya Kanana, eli njilinakulyana kuli vanu va Isalele.” 3Co Mosesa wavatumine oku vacili mu mambo ya Palane ngwe ku lishiko lya Shukulu Kalunga. Co voshe ava vapwile vantwama va Isalele.
4Ku muyati wa Luvena ntwama wapwile Shamwa muna Zakale,
5ku muyati wa Simyoni ntwama wapwile Shafete muna Holi,
6ku muyati wa Yunda ntwama wapwile Kalembi muna Njefune,
7ku muyati wa Isakale ntwama wapwile Ingale muna Yosefa,
8ku muyati wa Efalime ntwama wapwile Hosheya muna Nune,
9ku muyati wa Mbenjemani ntwama wapwile Paliti muna Lafu,
10ku muyati wa Zembuloni ntwama wapwile Ngandiyele
muna Sondi,
11ku muyati wa Manase ntwama wapwile Ngandi muna Susi,
12ku muyati wa Ndani ntwama wapwile Amiyele muna Ngemali,
13ku muyati wa Ashele ntwama wapwile Sesule muna Mikaele,
14ku muyati wa Nafetali ntwama wapwile Nambi muna Vofesi,
15ku muyati wa Ngande ntwama wapwile Ngewele muna Maki.
16Ava vakevo vantwama vaje Mosesa wavatumine nakunenga lifuti lya Kanana. Co Mosesa watengulwile lizina lya Hosheya muna Nune kupwa Yoshwa.
17Omo Mosesa wavatumine nakunenga lifuti lya Kanana, co wendekele kuli vakevo ngwendi, “Lamateni ngila ya ku kunto ije iya ku mutambela wa lifuti lya ku mbwela ya Kanana, co lamateni ku lifuti lya malundu. 18Ngecivene, mukamone lifuti lyafwa vati, na vanu vakalamo vali na nzili nambe vakuzeya, nambe vavandondo nambe vavangi. 19Co mukamone vati lifuti mulyafwa, nga lyalivwa nambe lyalivi, nambe vanu vamwo vatunga membo avo mu vilombo nambe mu vimpaka. 20Co mukamone ngeci nga livu lyamwo lyapwa lya vwilo nambe kulyesi na vwilo, nambe nga mwakala shwata nambe yaimo. Co mukambate vushuka vuje vwakalamo.” Eyi ikeyo yapwile simbu yakushangumuka kuhya kwa mikolovozi ya vushuka vwa vinyu.
21Ngecivene, vaje vanu vaile, co vakanengele lifuti kutunda mu Mambo ya Zine mu mbwela kweta na ku Lehombe, kuyehi na Cikolo ca Hamate ku kunto. 22Akulivanga vaile ku lifuti lya mu mbwela, co vetele ku Hevelone, kuje kwakele cikota ca Ahimane, na Sheshai, na Talemai, vatekulwila va makisi-kisi vaje vavatumbwile ngwavo va Anakime. Co limbo lya Hevelone likelyo lyapwile lyakulivanga kulitunga, omo kwetile myaka itanu na ivali asinoni vatungile Zoane mu Ingito. 23Co vetele mu Cana ca Eshekole vajokwele munango uje wakele na likasha-kasha limolika lya vwa mikolovozi ya vushuka vwa vinyu, co likelyo lyalemene manene ngeci valyambatele vanu vavali a muweti. Co vakevo lalo vezile na mapomingilanete,#13:23 MAPOMINGILANETE: Kenga Kutuuka 28:33. amo na mikuyu. 24Mutambela uje vautumbwile ngwavo Cana ca Eshekole omwo yalije likasha-kasha lya mukolovozi wa vushuka vya vinyu livajokwele vanu va Isalele kuje.
25Co omo matangwa makumi awana ahwile, velukile kutunda kukunenga lifuti. 26Vezile kuli Mosesa na Alone, na ku mbunga yoshe ya vanu va Isalele ku Kandeshe mu mambo ya Palane. Co vambulwile vukaleo vwoshe kuli Mosesa na Alone na ku mbunga ya vanu va Isalele nakuvasholwela vushuka vwa mu lifuti lije.
27Co valekele Mosesa ngwavo, “Tunakanengele mu lifuti muje muwatutumine, tunakawana ngeci likelyo linapu lya vufuko na vwilo nevi vyakujenekamo vyai, co ovu vukevwo vushuka vwamwo. 28Oloni vaje vanu vakalamo vapwa vaka-nzili manene, na vinganda vyavo vyakama manene, vyakala mu vimpaka vyakukola manene. Vunene, twakamwene lalo vatekulwila va Anakime vakevo makisi-kisi vakala muje. 29VaAmaleke vakala mu mbwela ya lifuti lya Kanana, co vaHiti, na vaNjevushi, na vaAmoli vakala mu lifuti lya malundu, co vaKanana vakala ku Mema a kalunga a Menditelenyani na ku ngenge ya Ndonga ya Yondau.”
30Asinoni Kalembi wolwesele vanu vakele nakulinyenyetela kuli Mosesa, co wendekele ngwendi, “Tuyeni tujaluke ano tukatambule lifuti likapwe lyetu, omwo tuli na nzili yakuvafungulula.”
31Oloni vaje vanu vaile na Kalembi vendekele ngwavo, “Embwe! Yetu kutwasa kuya nakulwa omwo vaje vanu vali muje vali na nzili manene kutuvakana yetu.” 32Ngecivene, vashandwele vukaleo vwavuvi vwa makuli akati ka vanu va Isalele a lifuti lije livakanengele. Co vakevo vendekele ngwavo, “Lifuti lije litunakanengele kulyesi na vwilo vwakumenesa vyakulya vyakuyoyesa vaje vatungamo. Vanu voshe twakawanene muje vapwa vakutunuka lika. 33#Kus 6:4 Twamwene lalo makisi-kisi kuje, vatekulwila va Anake. Co twalimwene vundondo ngwe tu vimbimba ku mesho avo.”
Currently Selected:
Kulava 13: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kulava 13
13
Vaka-kunenga lifuti lya Kanana
(Kwi 1:19-33)
1Shukulu Kalunga wendekele kuli Mosesa ngwendi, 2“Ku miyati eyi likumi na ivali angula ku muyati umo na umo ntwama umolika ngeci uvatume vakanenge lifuti lya Kanana, eli njilinakulyana kuli vanu va Isalele.” 3Co Mosesa wavatumine oku vacili mu mambo ya Palane ngwe ku lishiko lya Shukulu Kalunga. Co voshe ava vapwile vantwama va Isalele.
4Ku muyati wa Luvena ntwama wapwile Shamwa muna Zakale,
5ku muyati wa Simyoni ntwama wapwile Shafete muna Holi,
6ku muyati wa Yunda ntwama wapwile Kalembi muna Njefune,
7ku muyati wa Isakale ntwama wapwile Ingale muna Yosefa,
8ku muyati wa Efalime ntwama wapwile Hosheya muna Nune,
9ku muyati wa Mbenjemani ntwama wapwile Paliti muna Lafu,
10ku muyati wa Zembuloni ntwama wapwile Ngandiyele
muna Sondi,
11ku muyati wa Manase ntwama wapwile Ngandi muna Susi,
12ku muyati wa Ndani ntwama wapwile Amiyele muna Ngemali,
13ku muyati wa Ashele ntwama wapwile Sesule muna Mikaele,
14ku muyati wa Nafetali ntwama wapwile Nambi muna Vofesi,
15ku muyati wa Ngande ntwama wapwile Ngewele muna Maki.
16Ava vakevo vantwama vaje Mosesa wavatumine nakunenga lifuti lya Kanana. Co Mosesa watengulwile lizina lya Hosheya muna Nune kupwa Yoshwa.
17Omo Mosesa wavatumine nakunenga lifuti lya Kanana, co wendekele kuli vakevo ngwendi, “Lamateni ngila ya ku kunto ije iya ku mutambela wa lifuti lya ku mbwela ya Kanana, co lamateni ku lifuti lya malundu. 18Ngecivene, mukamone lifuti lyafwa vati, na vanu vakalamo vali na nzili nambe vakuzeya, nambe vavandondo nambe vavangi. 19Co mukamone vati lifuti mulyafwa, nga lyalivwa nambe lyalivi, nambe vanu vamwo vatunga membo avo mu vilombo nambe mu vimpaka. 20Co mukamone ngeci nga livu lyamwo lyapwa lya vwilo nambe kulyesi na vwilo, nambe nga mwakala shwata nambe yaimo. Co mukambate vushuka vuje vwakalamo.” Eyi ikeyo yapwile simbu yakushangumuka kuhya kwa mikolovozi ya vushuka vwa vinyu.
21Ngecivene, vaje vanu vaile, co vakanengele lifuti kutunda mu Mambo ya Zine mu mbwela kweta na ku Lehombe, kuyehi na Cikolo ca Hamate ku kunto. 22Akulivanga vaile ku lifuti lya mu mbwela, co vetele ku Hevelone, kuje kwakele cikota ca Ahimane, na Sheshai, na Talemai, vatekulwila va makisi-kisi vaje vavatumbwile ngwavo va Anakime. Co limbo lya Hevelone likelyo lyapwile lyakulivanga kulitunga, omo kwetile myaka itanu na ivali asinoni vatungile Zoane mu Ingito. 23Co vetele mu Cana ca Eshekole vajokwele munango uje wakele na likasha-kasha limolika lya vwa mikolovozi ya vushuka vwa vinyu, co likelyo lyalemene manene ngeci valyambatele vanu vavali a muweti. Co vakevo lalo vezile na mapomingilanete,#13:23 MAPOMINGILANETE: Kenga Kutuuka 28:33. amo na mikuyu. 24Mutambela uje vautumbwile ngwavo Cana ca Eshekole omwo yalije likasha-kasha lya mukolovozi wa vushuka vya vinyu livajokwele vanu va Isalele kuje.
25Co omo matangwa makumi awana ahwile, velukile kutunda kukunenga lifuti. 26Vezile kuli Mosesa na Alone, na ku mbunga yoshe ya vanu va Isalele ku Kandeshe mu mambo ya Palane. Co vambulwile vukaleo vwoshe kuli Mosesa na Alone na ku mbunga ya vanu va Isalele nakuvasholwela vushuka vwa mu lifuti lije.
27Co valekele Mosesa ngwavo, “Tunakanengele mu lifuti muje muwatutumine, tunakawana ngeci likelyo linapu lya vufuko na vwilo nevi vyakujenekamo vyai, co ovu vukevwo vushuka vwamwo. 28Oloni vaje vanu vakalamo vapwa vaka-nzili manene, na vinganda vyavo vyakama manene, vyakala mu vimpaka vyakukola manene. Vunene, twakamwene lalo vatekulwila va Anakime vakevo makisi-kisi vakala muje. 29VaAmaleke vakala mu mbwela ya lifuti lya Kanana, co vaHiti, na vaNjevushi, na vaAmoli vakala mu lifuti lya malundu, co vaKanana vakala ku Mema a kalunga a Menditelenyani na ku ngenge ya Ndonga ya Yondau.”
30Asinoni Kalembi wolwesele vanu vakele nakulinyenyetela kuli Mosesa, co wendekele ngwendi, “Tuyeni tujaluke ano tukatambule lifuti likapwe lyetu, omwo tuli na nzili yakuvafungulula.”
31Oloni vaje vanu vaile na Kalembi vendekele ngwavo, “Embwe! Yetu kutwasa kuya nakulwa omwo vaje vanu vali muje vali na nzili manene kutuvakana yetu.” 32Ngecivene, vashandwele vukaleo vwavuvi vwa makuli akati ka vanu va Isalele a lifuti lije livakanengele. Co vakevo vendekele ngwavo, “Lifuti lije litunakanengele kulyesi na vwilo vwakumenesa vyakulya vyakuyoyesa vaje vatungamo. Vanu voshe twakawanene muje vapwa vakutunuka lika. 33#Kus 6:4 Twamwene lalo makisi-kisi kuje, vatekulwila va Anake. Co twalimwene vundondo ngwe tu vimbimba ku mesho avo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006