Kulava 10
10
Malupembo a siliva
1Shukulu Kalunga wendekele kuli Mosesa ngwendi, 2“Fula malupembo avali akupameyeya na siliva akewo akusanesa mbunga amolika nakujalwisa cilombo. 3Omo vakaimba malupembo simbu yakama manene, co mbunga yoshe vakakungulukile kuli yove ku cikolo ca Mbalaka Mwakuliwanena. 4Oloni nga lupembo valwimba lumolika, co vantwama na vakulunu va vikota vya va Isalele vakakungulukile kuli yove. 5Oloni omo lwimba kashashutwiya, co miyati ije vatungilile mu ngangela vakakatuke mu cilombo. 6Omo lwimba kashashutwiya simbu yamucivali, co miyati ije vatungilile mu mbwela vakakatuke mu cilombo. Ngecivene, akwimba kashashutwiya cikeco cikapwa cimweso cakujaluka mu cilombo. 7Akukungulula mbunga yoshe amolika, mukaimbe malupembo, oloni kesi mukaimbe kashashutwiya. 8Malupembo vakaembe lika kuli vana va Alone, vaka-kukombelela.
“Lishiko eli likapwa lya ku myaka yoshe ku visemwa vyeni vya kulutwe. 9Omo muli mu nzita mu lifuti lyeni, mukalyamena ku vitozi veni vaje valinakumilwisa, mukaimba malupembo kashashutwiya, co vakamyanuka kuli Shukulu Kalunga Njambi yeni, ngeci akamyamene ku vitozi veni. 10Co a litangwa lyakujolela a Viwano vyeni vya Kutenama kwa Ngonde na a viwano vikwavo vya vunjambi ku simbu ije ivemika, mukaimba malupembo omo mwana milambu yeni ya kwenyeka na milambu yeni ya kulitombola, eci cikapwa canukiso ceni ku mesho a Njambi yeni. Yange Njapwa Kalunga Njambi yeni.”
VaIsalele vajaluka mu cilombo
11A litangwa lyamumakumi avali ku ngonde yamucivali mu mwaka wamucivali omo vanu va Isalele vanatundu laja mu Ingito, lishelwa lije lyafwikile akamwa ya Mbalaka Mwakuliwanena lyatundileo, 12co vanu va Isalele vashangumukile vungenzi vwavo vwakutunda mu mambo ya Sinai. Co lishelwa lyemanene mu mambo ya Palane.
13Co vashangumukile kuya omo Shukulu Kalunga washikile Mosesa. 14Vaje vakele mwisi ya pandelo ya vuntwama vwa muyati wa Yunda valivangele kukatuka, mu mbunga yavo, co Nashone muna Aminandave wapwile ntwama. 15Co mbunga ya muyati wa Isakale ntwama yavo wapwile Netanela muna Zuwale. 16Co mbunga ya muyati wa Zembuloni ntwama yavo wapwile Elyave muna Helone. 17Asinoni vasiwile Mbalaka, co vikota vya Ngeleshone na Melali, vaje vambatele Mbalaka, vakatukile nakuya.
18Co kutundoo, vaje vakele mwisi ya pandelo ya vuntwama vwa muyati wa Luvena vakatukile nakuya mu mbunga yavo, co Elizule muna Shendeule ikeye wapwile ntwama. 19Co mbunga ya muyati wa Simyoni ntwama yavo wapwile Shelumiyele muna Zulishandai. 20Co mbunga ya muyati wa Ngande ntwama yavo wapwile Elyasafe muna Ndewele.
21Asinoni cikota ca vaLevi ca Kohate vakatukile nakuya, vambatele vivala vyakujela. Co vaje vatwameneko vashimbikile Mbalaka Mwakuliwanena simbu vaKohate kanda vete.
22Kutundoo, vaje vakele mwisi ya pandelo ya vuntwama vwa muyati wa Efalime vakatukile nakuya mu mbunga yavo, co Elishama muna Amihunde wapwile ntwama. 23Co mbunga ya muyati wa Manase ntwama yavo wapwile Ngamalyele muna Pendazule. 24Co ku mbunga ya muyati wa Mbenjemani ntwama yavo wapwile Avindane muna Ngilyone.
25Akukotoka, vaje vakele mwisi ya pandelo ya vuntwama vwa muyati wa Ndani, vakevo vapwile vakumanesela ku vilombo vyoshe. Vakatukile nakuya mu mbunga yavo. Co Ahiyezele muna Amishandai wapwile ntwama yavo. 26Mbunga ya muyati wa Ashele ntwama yavo wapwile Pangiyele muna Okelane. 27Co ku mbunga ya muyati wa Nafetali ntwama yavo wapwile Ahila muna Enane. 28Omu mukemwo muwafwile mangenzi a vanu va Isalele mu vimbunga vyavo, omo vakatukile nakuya. 29Asinoni Mosesa wendekele kuli nyali yendi Hovave muna Yetolo kaMindyani ngwendi, “Ololo tulinakushangumuka kuya ku mutambela uje watumbwile Shukulu Kalunga ngwendi akatwanawo. Omwo ikeye wakulaesele vanu va Isalele ngeci vakakale mwamuvwa, ngecivene, tuye mumo nove, co yetu tukakulinga mwamuvwa.”
30Oloni Hovave wamukumbulwile ngwendi, “Embwe, yange njilinakwiluka ku lifuti lyange lya cisemwa ku vavushoko vwange.”
31Co Mosesa wamukumbulwile ngwendi, “Njakulombo kesi utuseze, omwo yove uzivuka kuje kutukatungila cilombo mu mambo, co wasa kututwamenenako ngila. 32Nga tuya nove, co tukalipangela vyuma vyoshe vyavivwa vije vyakatwana Shukulu Kalunga.”
Vanu vaIsalele vajaluka
33Omo vanu va Isalele vatundile ku Sinai, munkinda wa Shukulu Kalunga, vendele matangwa atatu, co Cikasa ca Cikumiiyo ca Shukulu Kalunga cavatwamenenene kulutwe nakuvawanena mutambela wakutungila cilombo cavo. 34Omo vatundile mu cilombo, co lishelwa lya Shukulu Kalunga lyakele akamwa yavo ku mutanya.
35 #
Mya 68:1
Oshe aje acashangumukilile Cikasa ca Cikumiiyo kukatuka, Mosesa wendekele ngwendi, “Katuka, yove Shukulu Kalunga, shandola vitozi vove nakusheka vaje vakuzinda!” 36Co oshe aje acemanene Cikasa, co Mosesa wendekele ngwendi, “Iluka, yove Shukulu Kalunga ku vinaanga 1,000 vya Isalele”
Currently Selected:
Kulava 10: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kulava 10
10
Malupembo a siliva
1Shukulu Kalunga wendekele kuli Mosesa ngwendi, 2“Fula malupembo avali akupameyeya na siliva akewo akusanesa mbunga amolika nakujalwisa cilombo. 3Omo vakaimba malupembo simbu yakama manene, co mbunga yoshe vakakungulukile kuli yove ku cikolo ca Mbalaka Mwakuliwanena. 4Oloni nga lupembo valwimba lumolika, co vantwama na vakulunu va vikota vya va Isalele vakakungulukile kuli yove. 5Oloni omo lwimba kashashutwiya, co miyati ije vatungilile mu ngangela vakakatuke mu cilombo. 6Omo lwimba kashashutwiya simbu yamucivali, co miyati ije vatungilile mu mbwela vakakatuke mu cilombo. Ngecivene, akwimba kashashutwiya cikeco cikapwa cimweso cakujaluka mu cilombo. 7Akukungulula mbunga yoshe amolika, mukaimbe malupembo, oloni kesi mukaimbe kashashutwiya. 8Malupembo vakaembe lika kuli vana va Alone, vaka-kukombelela.
“Lishiko eli likapwa lya ku myaka yoshe ku visemwa vyeni vya kulutwe. 9Omo muli mu nzita mu lifuti lyeni, mukalyamena ku vitozi veni vaje valinakumilwisa, mukaimba malupembo kashashutwiya, co vakamyanuka kuli Shukulu Kalunga Njambi yeni, ngeci akamyamene ku vitozi veni. 10Co a litangwa lyakujolela a Viwano vyeni vya Kutenama kwa Ngonde na a viwano vikwavo vya vunjambi ku simbu ije ivemika, mukaimba malupembo omo mwana milambu yeni ya kwenyeka na milambu yeni ya kulitombola, eci cikapwa canukiso ceni ku mesho a Njambi yeni. Yange Njapwa Kalunga Njambi yeni.”
VaIsalele vajaluka mu cilombo
11A litangwa lyamumakumi avali ku ngonde yamucivali mu mwaka wamucivali omo vanu va Isalele vanatundu laja mu Ingito, lishelwa lije lyafwikile akamwa ya Mbalaka Mwakuliwanena lyatundileo, 12co vanu va Isalele vashangumukile vungenzi vwavo vwakutunda mu mambo ya Sinai. Co lishelwa lyemanene mu mambo ya Palane.
13Co vashangumukile kuya omo Shukulu Kalunga washikile Mosesa. 14Vaje vakele mwisi ya pandelo ya vuntwama vwa muyati wa Yunda valivangele kukatuka, mu mbunga yavo, co Nashone muna Aminandave wapwile ntwama. 15Co mbunga ya muyati wa Isakale ntwama yavo wapwile Netanela muna Zuwale. 16Co mbunga ya muyati wa Zembuloni ntwama yavo wapwile Elyave muna Helone. 17Asinoni vasiwile Mbalaka, co vikota vya Ngeleshone na Melali, vaje vambatele Mbalaka, vakatukile nakuya.
18Co kutundoo, vaje vakele mwisi ya pandelo ya vuntwama vwa muyati wa Luvena vakatukile nakuya mu mbunga yavo, co Elizule muna Shendeule ikeye wapwile ntwama. 19Co mbunga ya muyati wa Simyoni ntwama yavo wapwile Shelumiyele muna Zulishandai. 20Co mbunga ya muyati wa Ngande ntwama yavo wapwile Elyasafe muna Ndewele.
21Asinoni cikota ca vaLevi ca Kohate vakatukile nakuya, vambatele vivala vyakujela. Co vaje vatwameneko vashimbikile Mbalaka Mwakuliwanena simbu vaKohate kanda vete.
22Kutundoo, vaje vakele mwisi ya pandelo ya vuntwama vwa muyati wa Efalime vakatukile nakuya mu mbunga yavo, co Elishama muna Amihunde wapwile ntwama. 23Co mbunga ya muyati wa Manase ntwama yavo wapwile Ngamalyele muna Pendazule. 24Co ku mbunga ya muyati wa Mbenjemani ntwama yavo wapwile Avindane muna Ngilyone.
25Akukotoka, vaje vakele mwisi ya pandelo ya vuntwama vwa muyati wa Ndani, vakevo vapwile vakumanesela ku vilombo vyoshe. Vakatukile nakuya mu mbunga yavo. Co Ahiyezele muna Amishandai wapwile ntwama yavo. 26Mbunga ya muyati wa Ashele ntwama yavo wapwile Pangiyele muna Okelane. 27Co ku mbunga ya muyati wa Nafetali ntwama yavo wapwile Ahila muna Enane. 28Omu mukemwo muwafwile mangenzi a vanu va Isalele mu vimbunga vyavo, omo vakatukile nakuya. 29Asinoni Mosesa wendekele kuli nyali yendi Hovave muna Yetolo kaMindyani ngwendi, “Ololo tulinakushangumuka kuya ku mutambela uje watumbwile Shukulu Kalunga ngwendi akatwanawo. Omwo ikeye wakulaesele vanu va Isalele ngeci vakakale mwamuvwa, ngecivene, tuye mumo nove, co yetu tukakulinga mwamuvwa.”
30Oloni Hovave wamukumbulwile ngwendi, “Embwe, yange njilinakwiluka ku lifuti lyange lya cisemwa ku vavushoko vwange.”
31Co Mosesa wamukumbulwile ngwendi, “Njakulombo kesi utuseze, omwo yove uzivuka kuje kutukatungila cilombo mu mambo, co wasa kututwamenenako ngila. 32Nga tuya nove, co tukalipangela vyuma vyoshe vyavivwa vije vyakatwana Shukulu Kalunga.”
Vanu vaIsalele vajaluka
33Omo vanu va Isalele vatundile ku Sinai, munkinda wa Shukulu Kalunga, vendele matangwa atatu, co Cikasa ca Cikumiiyo ca Shukulu Kalunga cavatwamenenene kulutwe nakuvawanena mutambela wakutungila cilombo cavo. 34Omo vatundile mu cilombo, co lishelwa lya Shukulu Kalunga lyakele akamwa yavo ku mutanya.
35 #
Mya 68:1
Oshe aje acashangumukilile Cikasa ca Cikumiiyo kukatuka, Mosesa wendekele ngwendi, “Katuka, yove Shukulu Kalunga, shandola vitozi vove nakusheka vaje vakuzinda!” 36Co oshe aje acemanene Cikasa, co Mosesa wendekele ngwendi, “Iluka, yove Shukulu Kalunga ku vinaanga 1,000 vya Isalele”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006