Mika 6
6
N̄anda ya Shukulu Kalunga na Isalele
1Tolilileni ku vije vyendeka Shukulu Kalunga ngwendi, “Katuka, endeka n̄anda yove ku munkinda, co malundu azive vije viwendeka. Tavesa minkinda na malundu vazive vije viwendeka.
2“Yeni minkinda, yeni luvula lwa ku myaka yoshe lwa asi, tolilileni ku n̄anda ya Shukulu Kalunga! Shukulu Kalunga ali na n̄anda na vanu vendi. Akasompesa Isalele.”
3Co Shukulu Kalunga wehwile ngwendi, “Vanu vange, vikajo njinalingi kuli yeni? Mu cifwa mukajo njinapu citele kuli yeni? Njikumbululeni. 4#Kut 4:10-16; 12:50-51; 15:20 Njamitundisile mu Ingito, nakumipatula mu vundungo. Njatumine Mosesa, na Alone, na Milyamu mukumitwamenena. 5#Kul 22:2—24:25; Yos 3:1—4:19 Vanu vange, anukeni vije vyayongwele kulinga Mwene Mbalake wa Mowavi kuli yeni, na muje mwamukumbulwile Mbalame muna Mbeole. Anukeni vyuma vije vyalingiwile a ngila mukutunda ku cilombo ca Shitime nakweta ku Ngilingale. Anukeni vyuma vije, co mukananguka vije vinjalingile mukumyamena.”
Vije vyashaka Shukulu Kalunga
6Vikajo vinjikatwala kuli Shukulu Kalunga Njambi wa mwilu, omo njiya nakumulemesa? Kuma njasa kutwala vana va vingombe vavavwa manene mukwenyeka kupwa vin̄ombelo kuli ikeye ndi? 7Kuma Shukulu Kalunga akavwaelela nga njimutwalela vimanga vavangi-vangi nameme mazi amangi a olive a kuhwa? Kuma njasa kumwana munange wa ntwatwa kupwa n̄ombelo yakufweta vuvi vwange ndi? 8Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.
9Cinapu cuma ca mangana kukomoka Shukulu Kalunga. Alinakutambeka ku nganda ngwendi, “Tolilileni yeni vanu vaje vanalikungulwila mu nganda! 10Mu vinjuvo vya vaka-vuvi muli vufuko vuje vawanene akujeneka kulongwa. Veseka seteko ya makuli, cuma cije cinjazinda. 11Vatijo njasa kusambesa vanu vaje vapeselesa vipeseleso vya makuli na vulemu vwa makuli? 12Vaka-kufuka veni va mu nganda valinakukwisa tuutu, co muvavoshe munapu vaka-makuli. 13Ngecivene, njinashangumuka kumilwisa na vin̄ome nakuminyongesa omwo ya vuvi vweni. 14Mukalya, oloni kumukakuta. Co simbu yoshe mukakala na njala. Mukatulika vyuma, oloni kumukasa kuvinyunga, coshe cimukatulika njikacinyongesa mu nzita. 15Mukakuna vimbuto, oloni kumukaviteje. Mukakamuna mazi ku olive, oloni kumukaavwava. Mukalinga vinyu, oloni kumukavinu. 16#1 Vim 16:23-34; 21:25-26 Eci cikalingiwa omwo munakavangeya vilinga vyavivi vya Mwene Omeli, na munendi Mwene Ahave. Munakavangeya mashiko avo, ngecivene, njikaminyongesa. Co vanu voshe vakamishaula. Vanu vange vakamishaula kwoshe-ikwoshe.”
Currently Selected:
Mika 6: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Mika 6
6
N̄anda ya Shukulu Kalunga na Isalele
1Tolilileni ku vije vyendeka Shukulu Kalunga ngwendi, “Katuka, endeka n̄anda yove ku munkinda, co malundu azive vije viwendeka. Tavesa minkinda na malundu vazive vije viwendeka.
2“Yeni minkinda, yeni luvula lwa ku myaka yoshe lwa asi, tolilileni ku n̄anda ya Shukulu Kalunga! Shukulu Kalunga ali na n̄anda na vanu vendi. Akasompesa Isalele.”
3Co Shukulu Kalunga wehwile ngwendi, “Vanu vange, vikajo njinalingi kuli yeni? Mu cifwa mukajo njinapu citele kuli yeni? Njikumbululeni. 4#Kut 4:10-16; 12:50-51; 15:20 Njamitundisile mu Ingito, nakumipatula mu vundungo. Njatumine Mosesa, na Alone, na Milyamu mukumitwamenena. 5#Kul 22:2—24:25; Yos 3:1—4:19 Vanu vange, anukeni vije vyayongwele kulinga Mwene Mbalake wa Mowavi kuli yeni, na muje mwamukumbulwile Mbalame muna Mbeole. Anukeni vyuma vije vyalingiwile a ngila mukutunda ku cilombo ca Shitime nakweta ku Ngilingale. Anukeni vyuma vije, co mukananguka vije vinjalingile mukumyamena.”
Vije vyashaka Shukulu Kalunga
6Vikajo vinjikatwala kuli Shukulu Kalunga Njambi wa mwilu, omo njiya nakumulemesa? Kuma njasa kutwala vana va vingombe vavavwa manene mukwenyeka kupwa vin̄ombelo kuli ikeye ndi? 7Kuma Shukulu Kalunga akavwaelela nga njimutwalela vimanga vavangi-vangi nameme mazi amangi a olive a kuhwa? Kuma njasa kumwana munange wa ntwatwa kupwa n̄ombelo yakufweta vuvi vwange ndi? 8Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.
9Cinapu cuma ca mangana kukomoka Shukulu Kalunga. Alinakutambeka ku nganda ngwendi, “Tolilileni yeni vanu vaje vanalikungulwila mu nganda! 10Mu vinjuvo vya vaka-vuvi muli vufuko vuje vawanene akujeneka kulongwa. Veseka seteko ya makuli, cuma cije cinjazinda. 11Vatijo njasa kusambesa vanu vaje vapeselesa vipeseleso vya makuli na vulemu vwa makuli? 12Vaka-kufuka veni va mu nganda valinakukwisa tuutu, co muvavoshe munapu vaka-makuli. 13Ngecivene, njinashangumuka kumilwisa na vin̄ome nakuminyongesa omwo ya vuvi vweni. 14Mukalya, oloni kumukakuta. Co simbu yoshe mukakala na njala. Mukatulika vyuma, oloni kumukasa kuvinyunga, coshe cimukatulika njikacinyongesa mu nzita. 15Mukakuna vimbuto, oloni kumukaviteje. Mukakamuna mazi ku olive, oloni kumukaavwava. Mukalinga vinyu, oloni kumukavinu. 16#1 Vim 16:23-34; 21:25-26 Eci cikalingiwa omwo munakavangeya vilinga vyavivi vya Mwene Omeli, na munendi Mwene Ahave. Munakavangeya mashiko avo, ngecivene, njikaminyongesa. Co vanu voshe vakamishaula. Vanu vange vakamishaula kwoshe-ikwoshe.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006