Mateo 19
19
Yesu alongesa a kutsiya vulo
(Mako 10:1-12)
1Omo Yesu wamanesele kwendeka majwi oshe awa, watundile ku Ngalileya waile ku lifuti lya Yundeya musambwa ya Ndonga ya Yondau. 2Mbunga yakama ya vanu vamukavele, co kuje vene wavakangwisile.
3Co vaFaliseo vamo vezile kuli ikeye nakumweseka vamwihwile ngwavo, “Kuma Lishiko lyetu litavesa munalume kukondola munakazi wendi a mulonga nkala ndi?”
4 #
Kus 1:27; 5:2 Yesu wavakumbulwile ngwendi, “Kumwalavele mu visoneka ngeci akulivanga Ishamatanga wavatangele munalume na munakazi ndi? 5#Kus 2:24 Co Njambi wendekele ngwendi, ‘Omwo a cuma eci munalume akaseza ishe na vaina nakulikumbasana na munakazi wendi, co vakapwa muvila umolika!’ 6Ngecivene, kuvakapu lalo vavali, oloni vakapwa muvila umo. Ngecivene, vaje vaanakumbasana Njambi, munu kesi avaangunune.”
7 #
Kwi 24:1-4; Mat 5:31 VaFaliseo vamwihwile ngwavo, “Omwo vikajo Mosesa washikile lishiko ali munalume lyakwana munakazi wendi mukanda wakutsiya vulo nakumukondola?”
8Yesu wavakumbulwile ngwendi, “Mosesa wamitavele kukondola vanakazi veni omwo kukaluwa kwa vimbunge vyeni. Oloni kucapwile ngacije a simbu yakutanga. 9#Mat 5:32; 1 Koli 7:10-11 Co njimileka ngwange munalume woshe akondola munakazi wendi, nga kesi a mulonga wa vupangala, alinga vupangala nga ambata munakazi weka.”
10Vandongisi vendi vendekele kuli ikeye ngwavo, “Nga cinapu ngoco akati ka munalume na munakazi, mwamuvwa kulikela kwambata.”
11Oloni Yesu wavakumbulwile ngwendi, “Evi vilongesa kuvyakundamene kuli vanu voshe embwe, oloni kuvanga kuli vaje lika Njambi navanavyo. 12Omwo kuli vingila vyavingi vije vinajenekesa vanu kwambata, omwo kuvali vamo vazike vasemukile ngacije vene mu memo a vainavo, co kuvali vazike omwo vanu vavalingisile kupwa vazike, co lalo kuvali vamo vazike vakevo vavenya valilingisile vazike omwo Vumwene vwa mwilu. Uje woshe asa kutambula vilongesa evi, avitambule.”
Yesu avezikisa vanike vamo vavandondo
(Mako 10:13-16; Luka 18:15-17)
13Asinoni vanu vamo vamunenelele vanike vavandondo ngeci avakambeke mavoko nakuvalombelela, oloni vandongisi vendi vavavindikile. 14Oloni Yesu wendekele navo ngwendi, “Eceleni vanike vavandondo vaije kuli yange, co kesi muvavindike, omwo Vumwene vwa mwilu vunapu vwavo.”
15Co wavakambekele mavoko endi, co watundile kuje.
Mukwenje wakufuka
(Mako 10:17-31; Luka 18:18-30)
16Munu umo wezile kuli Yesu, wamwihwile ngwendi, “Mulongisi, cuma mukajo cacivwa cinjinapande kulinga ngeci njitambule mwonyo wa myaka yoshe?”
17Co Yesu wamukumbulwile ngwendi, “Vikajo unjihwila a vyuma vyavivwa? Kwali Umolika ikeye wamuvwa. Nga ushaka kukovela mu mwonyo wa myaka yoshe, co nyunga mashiko.”
18 #
Kut 20:13-16; Kwi 5:17-20 Wamwihwile ngwendi, “Mashiko akajo?”
Co Yesu wamukumbulwile ngwendi, “Kesi utsiye, kesi ukalinge vupangala, kesi ukaive, kesi ukavangele mukweni vukaleo vwa makuli, 19#Kut 20:12; Kwi 5:16; VaLe 19:18 singimika isho na vanyoko, co zema mukweni ngwe muwalizema yove vavenya.”
20Uje mukwenje wendekele ngwendi, “Mashiko oshe awa njawononoka laja, cuma mukajo lalo cinasalako?”
21Yesu wamulekele ngwendi, “Nga ushaka kupwa wakulamba, ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”
22Omo uje mukwenje wazivile lijwi eli, waile na vusiwa, omwo ikeye wakele na vufuko vwavungi.
23Co Yesu wendekele kuli vandongisi vendi ngwendi, “Mwa vushunga njimileka ngwange, cikapwa cacikalu kuli vaka-kufuka kukovela mu Vumwene vwa mwilu. 24Njiilukilao lalo ngwange, cacasi kuli kamelo kwita mu lisho lya nguya, kutuvakana muka-kufuka kukovela mu Vumwene vwa mwilu.”
25Omo vandongisi vendi vazivile vyuma evi, valikomokelele manene, vendekele ngwavo, “Iyajo asa kwovoka?”
26Oloni Yesu wavakengele shwii, co wavakumbulwile ngwendi, “Eci cinakaluwa lika kuli vanu, oloni kuli Njambi vyuma vyoshe vyavyasi.”
27Petulu wendekele ngwendi, “Kenga, yetu tunaseza vyuma vyoshe, tunakukava, cooni cikandelela cikajo tukatambula?”
28 #
Mat 25:31; Luk 22:30 Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele. 29Co woshe uje naseza vinjuvo vyendi, nambe vandolome vendi, nambe vandokazi vendi, nambe ishe, nambe vaina, nambe vana vendi, nambe mahya endi, omwo yange, akatambula vyuma 100 ku cuma cimo na cimo cije casezele, co Njambi akamwana mwonyo wa myaka yoshe. 30#Mat 20:16; Luk 13:30 Oloni vaka-kulivanga vavangi vakapwa vaka-kukotokela, co vaka-kukotokela vavangi vakapwa vaka-kulivanga.
Currently Selected:
Mateo 19: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Mateo 19
19
Yesu alongesa a kutsiya vulo
(Mako 10:1-12)
1Omo Yesu wamanesele kwendeka majwi oshe awa, watundile ku Ngalileya waile ku lifuti lya Yundeya musambwa ya Ndonga ya Yondau. 2Mbunga yakama ya vanu vamukavele, co kuje vene wavakangwisile.
3Co vaFaliseo vamo vezile kuli ikeye nakumweseka vamwihwile ngwavo, “Kuma Lishiko lyetu litavesa munalume kukondola munakazi wendi a mulonga nkala ndi?”
4 #
Kus 1:27; 5:2 Yesu wavakumbulwile ngwendi, “Kumwalavele mu visoneka ngeci akulivanga Ishamatanga wavatangele munalume na munakazi ndi? 5#Kus 2:24 Co Njambi wendekele ngwendi, ‘Omwo a cuma eci munalume akaseza ishe na vaina nakulikumbasana na munakazi wendi, co vakapwa muvila umolika!’ 6Ngecivene, kuvakapu lalo vavali, oloni vakapwa muvila umo. Ngecivene, vaje vaanakumbasana Njambi, munu kesi avaangunune.”
7 #
Kwi 24:1-4; Mat 5:31 VaFaliseo vamwihwile ngwavo, “Omwo vikajo Mosesa washikile lishiko ali munalume lyakwana munakazi wendi mukanda wakutsiya vulo nakumukondola?”
8Yesu wavakumbulwile ngwendi, “Mosesa wamitavele kukondola vanakazi veni omwo kukaluwa kwa vimbunge vyeni. Oloni kucapwile ngacije a simbu yakutanga. 9#Mat 5:32; 1 Koli 7:10-11 Co njimileka ngwange munalume woshe akondola munakazi wendi, nga kesi a mulonga wa vupangala, alinga vupangala nga ambata munakazi weka.”
10Vandongisi vendi vendekele kuli ikeye ngwavo, “Nga cinapu ngoco akati ka munalume na munakazi, mwamuvwa kulikela kwambata.”
11Oloni Yesu wavakumbulwile ngwendi, “Evi vilongesa kuvyakundamene kuli vanu voshe embwe, oloni kuvanga kuli vaje lika Njambi navanavyo. 12Omwo kuli vingila vyavingi vije vinajenekesa vanu kwambata, omwo kuvali vamo vazike vasemukile ngacije vene mu memo a vainavo, co kuvali vazike omwo vanu vavalingisile kupwa vazike, co lalo kuvali vamo vazike vakevo vavenya valilingisile vazike omwo Vumwene vwa mwilu. Uje woshe asa kutambula vilongesa evi, avitambule.”
Yesu avezikisa vanike vamo vavandondo
(Mako 10:13-16; Luka 18:15-17)
13Asinoni vanu vamo vamunenelele vanike vavandondo ngeci avakambeke mavoko nakuvalombelela, oloni vandongisi vendi vavavindikile. 14Oloni Yesu wendekele navo ngwendi, “Eceleni vanike vavandondo vaije kuli yange, co kesi muvavindike, omwo Vumwene vwa mwilu vunapu vwavo.”
15Co wavakambekele mavoko endi, co watundile kuje.
Mukwenje wakufuka
(Mako 10:17-31; Luka 18:18-30)
16Munu umo wezile kuli Yesu, wamwihwile ngwendi, “Mulongisi, cuma mukajo cacivwa cinjinapande kulinga ngeci njitambule mwonyo wa myaka yoshe?”
17Co Yesu wamukumbulwile ngwendi, “Vikajo unjihwila a vyuma vyavivwa? Kwali Umolika ikeye wamuvwa. Nga ushaka kukovela mu mwonyo wa myaka yoshe, co nyunga mashiko.”
18 #
Kut 20:13-16; Kwi 5:17-20 Wamwihwile ngwendi, “Mashiko akajo?”
Co Yesu wamukumbulwile ngwendi, “Kesi utsiye, kesi ukalinge vupangala, kesi ukaive, kesi ukavangele mukweni vukaleo vwa makuli, 19#Kut 20:12; Kwi 5:16; VaLe 19:18 singimika isho na vanyoko, co zema mukweni ngwe muwalizema yove vavenya.”
20Uje mukwenje wendekele ngwendi, “Mashiko oshe awa njawononoka laja, cuma mukajo lalo cinasalako?”
21Yesu wamulekele ngwendi, “Nga ushaka kupwa wakulamba, ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”
22Omo uje mukwenje wazivile lijwi eli, waile na vusiwa, omwo ikeye wakele na vufuko vwavungi.
23Co Yesu wendekele kuli vandongisi vendi ngwendi, “Mwa vushunga njimileka ngwange, cikapwa cacikalu kuli vaka-kufuka kukovela mu Vumwene vwa mwilu. 24Njiilukilao lalo ngwange, cacasi kuli kamelo kwita mu lisho lya nguya, kutuvakana muka-kufuka kukovela mu Vumwene vwa mwilu.”
25Omo vandongisi vendi vazivile vyuma evi, valikomokelele manene, vendekele ngwavo, “Iyajo asa kwovoka?”
26Oloni Yesu wavakengele shwii, co wavakumbulwile ngwendi, “Eci cinakaluwa lika kuli vanu, oloni kuli Njambi vyuma vyoshe vyavyasi.”
27Petulu wendekele ngwendi, “Kenga, yetu tunaseza vyuma vyoshe, tunakukava, cooni cikandelela cikajo tukatambula?”
28 #
Mat 25:31; Luk 22:30 Yesu wavakumbulwile ngwendi, “Mwa vushunga njimileka ngwange, omo Muna Munu akatumbama a litanda lyendi lya vumpau mu lifuti lyaliha kulutwe, asinoni neni lalo vaka-kunjikava likumi na vavali mukatumbama a matanda aje likumi na avali, mukushwana miyati ije likumi na ivali ya vanu va Isalele. 29Co woshe uje naseza vinjuvo vyendi, nambe vandolome vendi, nambe vandokazi vendi, nambe ishe, nambe vaina, nambe vana vendi, nambe mahya endi, omwo yange, akatambula vyuma 100 ku cuma cimo na cimo cije casezele, co Njambi akamwana mwonyo wa myaka yoshe. 30#Mat 20:16; Luk 13:30 Oloni vaka-kulivanga vavangi vakapwa vaka-kukotokela, co vaka-kukotokela vavangi vakapwa vaka-kulivanga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006