Mateo 13
13
Cisimo ca muka-kukuva
(Mako 4:1-9; Luka 8:4-8)
1A litangwa lije vene, Yesu watuukile mu njuvo, co wakatumbamene ku kenge ya lishali nakulongesa. 2#Luk 5:1-3 Co mbunga yakama vakungulukile kuli ikeye nakumuzengeleka, ngecivene, wakovelele mu vwato nakutumbamamo, co vimbunga vyoshe vemanene a nunda. 3Co wavalongesele vyuma vyavingi na visimo ngwendi,
“Kwakele munalume umo waile nakukuva vimbuto. 4Co omo wakele nakukuva vimbuto mu lihya, vimo vyawililile kumukulo wa ngila, co tuzila vezile nakuvilya. 5Vimbuto vikwavo vyawililile a mamanya aje kwaakele livu lyalingi. Co vwasi-vwasi vije vimbuto vyashangumukile kumena, omwo kwaakele livu lyalingi. 6Oloni omo litangwa lyatuukile nakutwa litanya, co vije vimbuto vyajujwamene, omwo mizi yavyo kuyakovelele manene mu livu, co vije vimbuto vyomine vwasi cau. 7Vimbuto vikwavo vyawililile akati ka mambimbo, co aje mambimbo akulile avitivile. 8Oloni vimbuto vikwavo vyawililile ku livu lya vwilo, co vyemine, vimo vyemine vimbuto 100, vimo vyemine vimbuto makumi atanu na limo, co vikwavo lalo vyemine vimbuto makumi atatu.”
9Co Yesu wamanesele kwendeka ngwendi, “Uje woshe ali na matwi, azive!”
Vutumbe vwa visimo
(Mako 4:10-12; Luka 8:9-10)
10Co vandongisi vezile kuli Yesu vamwihwile ngwavo, “Omwo vikajo ukendeka kuli vakevo na visimo?”
11Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco. 12#Mat 25:29; Mak 4:25; Luk 8:18; 19:26 Omwo munu woshe alinavyo vakamuwezelela vikwavo lalo, co akakala na vyavingi, oloni uje kesi navyo, nameme cije alinaco vakamunyekaco. 13Evi vikevyo vinjikendekela navo mu visimo omwo vakevo vamona, oloni kuvamonesesa, co vaziva, oloni kuvazivi nambe kuzivisisa. 14#Isa 6:9-10 Ngecivene, majwi a Isaya muka-kwimanena anapu a vushunga kuli vakevo,
‘Vanu ava kuziva vakaziva,
oloni kuvakazivisisa,
vakevo kumona vakamona, oloni kuvakamonesesa,
15omwo mana avo akuzeya,
co vanaziki mu matwi avo
nakulalameka mesho avo,
ngeci mesho avo kesi amone,
matwi avo kesi azive,
mana avo kesi azivisise,
co vakatengulukila kuli yange mukuvakangwisa.’
16 #
Luk 10:23-24
“Ngeci mweni, mwavezika manene! Omwo mesho eni alinakumona, co matwi eni alinakuziva. 17Mwa vushunga njimileka ngwange vaka-kwimanena vavangi na vanu va Njambi vavangi vashakele manene kumona vije vimulinakumona, oloni kuvavimwene, co nakuziva vije vimulinakuziva, oloni kuvavizivile.
Yesu alumbununa cisimo ca muka-kukuva
(Mako 4:13-20; Luka 8:11-15)
18“Tolilileni, nakulilongesa mucinalumbunukila cisimo ca muka-kukuva. 19Voshe vanu vaje vaziva majwi awa a Vumwene vwa Njambi oloni kuvawazivisisa, vanapu ngwe vimbuto vije vyawililile kumukulo wa ngila. Uje Muka-vuvi aija nakunyangulamo vije vivakuvile muli vakevo. 20Vimbuto vije vyawililile a livu lya mamanya vinapu ngwe vaje vanazivi lijwi nakulitambula vwasi-vwasi nakuvwaelela. 21Oloni kulyesi na mizi muli vakevo yai, co likala kasimbu kakandondo lika. Co omo tuyando twija nambe mapakeso omwo lijwi, co aje vene valikela. 22Vimbuto vije vyawililile akati ka mambimbo vinapu ngwe vaje vaziva lijwi, oloni lipakeso lya mwonyo na cizemo ca vufuko vitundisisa lijwi, co kuvemi vushuka. 23Co vimbuto vije vyawililile ku livu lya vwilo, vinapu ngwe vaje vaziva lijwi nakulizivisisa, vaima vushuka, vamo vaima vushuka 100, vakwavo makumi atanu na limo, co vakwavo makumi atatu.”
Cisimo ca shaku
24Yesu wavatelele cisimo cikwavo lalo ngwendi, “Vumwene vwa mwilu vunalifu ngwe munu umo wakuvile vimbuto vyavivwa mu lihya lyendi. 25Vutsiki vumo, omo vanu voshe valalele tulo, citozi cendi wezile nakukuvululamo shaku muje mukati ka tiliku, co waile. 26Omo vimbuto vyamenene nakukola, co vyashangumukile kwima vimbuto, asinoni shaku yamenene. 27Co vangamba va uje munu vezile nakumwihula ngwavo, ‘Shukulu kuma kumwakunine vimbuto vyavivwa mu lihya lyeni ndi? Inatundu kulijo eyi shaku?’ 28Wavalekele ngwendi, ‘Citozi ikeye nacilingi.’ Vangamba vamwihwile ngwavo, ‘Mushaka ngeci tuye tukatukulemo shaku ndi?’ 29Oloni wavakumbulwile ngwendi, ‘Embwe, omwo mukatukula shaku amo mukatukwila kumo na tiliku. 30Vyeceni vyoshe vivali vikule amo noo simbu yakuteja inete. Asinoni njikaleka vaka-kuteja ngeci vatukule shaku akulivanga nakuyikuta mikuta, co vayenyeka, co vakungulwile tiliku mu cishete cange.’ ”
Cisimo ca mbuto ya musalata
(Mako 4:30-32; Luka 13:18-19)
31Yesu wavatelelele cisimo cikwavo lalo ngwendi, “Vumwene vwa mwilu vunalifu ngwe munu anona kanona kamo ka mbuto ya musalata nakukakuna mu lihya lyendi. 32Kakeko kapwa kakandondo manene akati ka vimbuto vyoshe vikwavo, oloni omo kakola kapwa muti wakama kutuvakana miti yoshe. Ngecivene, tuzila vaija nakutungila mashwa avo ku minango yawo.”
Cisimo ca musima
(Luka 13:20-21)
33Yesu wavatelelele cisimo cikwavo lalo ngwendi, “Vumwene vwa mwilu vunalifu ngwe musima uje wanonele munakazi nakuutsingasana na malita makumi awana a vunga vwa tiliku mu lilonga, noo mukasha woshe wafutunukile.”
Yesu apangesa visimo
(Mako 4:33-34)
34Yesu wendekele ku vimbunga vya vanu vyuma vyoshe evi na visimo, ikeye kendekele cuma kuli vakevo kujeneka kutao cisimo embwe. 35#Mya 78:2 Walingile evi mukushulisa vyendekele muka-kwimanena ngwendi,
“Njikapangesa visimo omo njendeka kuli vakevo,
njikavaleka vyuma vyakushwekesa
tunde akutanga kwa kaye.”
Yesu alumbununa cisimo ca shaku
36Asinoni Yesu wasezele vimbunga vije, co wakovelele mu njuvo. Co vandongisi vendi vezile kuli ikeye, vamwihwile ngwavo, “Tulumbunwine mwamuvwa cisimo ca shaku ya mu lihya.”
37Yesu wavakumbulwile ngwendi, “Muka-kukuva vije vimbuto vyavivwa, ikeye Muna Munu. 38Lihya linapu kaye, co vije vimbuto vyavivwa vinapu vanu va Vumwene vwa Njambi, shaku inapu vanu va Muka-vuvi, 39co citozi uje waikuvile ikeye Liyavola. Co kuteja kunapu kuhwa kwa kaye, vaka-kuteja vakevo tungelo. 40Ngwe omo muvakungulwile shaku nakuyenyeka, ngecivene, mukemwo muvakalinga akuhwa kwa kaye. 41Muna Munu akatuma tungelo twendi, co vakakungulula vyuma vyoshe vije vikanene vuvi na vaje voshe vaka-kulinga vuvi nakuvatundisa mu Vumwene vwendi. 42Co vakavombila mu litende lya tuhya, muje mukakala kulila nakulingenjenga ku mayo. 43Asinoni vaka-kujela va Njambi vakatwa ceke ngwe litangwa mu Vumwene vwa Ishavo. Uje woshe ali na matwi, azive!
Cisimo ca vufuko vwakushweka
44“Vumwene vwa mwilu vunalifu ngwe vufuko vwakushweka mu lihya, vuje munu awana, co avushweka. Asinoni akuvwaelela kwendi aya nakulandesa vyuma vyoshe vije alinavyo, co alanda lije lihya.
Cisimo ca makwalale
45“Vumwene wa mwilu lalo vunalifu ngwe munu muka-kulandulula ashakezeka makwalale. 46Co omo awana likwalale limo lya seo yakama manene, aya nakulandesa vyuma vyendi vyoshe vije alinavyo, co alanda lije likwalale.
Cisimo ca linimbwa
47“Vumwene vwa mwilu lalo vunalifu ngwe linimbwa lije livata mu lishali, co vakwatao visi va miyati yoshe. 48Omo lyashulu, valikokela a nunda, vatumbama, co vaangula visi vavavwa nakuvaka mu vimbangu vyavo, oloni vaje vavavi vavombila kuti. 49Ngecivene, mucikafwa akukotoka kwa kaye, tungelo vakaija nakwangula vaka-vuvi kuvatundisa ku vaka-vushunga. 50Co vaka-vuvi vakavombila mu litende lya tuhya, muje mukakala kulila nakulingenjenga ku mayo.”
Vushunga vwavuha novu vwalaja
51Yesu wavehwile ngwendi, “Vyuma vyoshe evi munavizivuka ndi?” Vakumbulwile ngwavo, “Eyo.”
52Co wavakumbulwile ngwendi, “Ngecivene, mulongisi woshe wa majwi a Lishiko, uje ivanalongesa vya Vumwene vwa mwilu nalifu ngwe vavenya njuvo atuwisa vyuma vyendi vyaviha nevi vyalaja mu mulili wendi wakutulikila.”
Yesu vamuvyana ku Nazaleta
(Mako 6:1-6; Luka 4:16-30)
53Omo Yesu wamanesele kwendeka visimo evi, watundile ku mutambela uje, 54co welukile kwimbo lyendi. Walongesele mu sinangonge, co voshe vaje vamuzivile valikomokelele. Valihozwele ngwavo, “Kulijo kwanawana mana awa na vizivukiso vyakufwa ngacije? 55Ou kesi ikeye uje muna muka-kushonga ndi? Ou kesi muna Maliya ndi? Na vandolome vendi kesi Yakomba na Yosefa na Simoni na Yundasa ndi? 56Kuma vandokazi vendi voshe kutwesi navo kuno ndi? Kulijo kwanawana vyuma vyoshe evi?” 57#Yow 4:44 Co vakevo vamuvyanene.
Oloni Yesu wendekele kuli vakevo ngwendi, “Muka-kwimanena kesi na kasingimiko hembo lyendi na ku vavushoko vwendi na ku naanga yendi kuvanga kweka.” 58Co kalingile vizivukiso vyavingi kuje omwo kuvakulaelele.
Currently Selected:
Mateo 13: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Mateo 13
13
Cisimo ca muka-kukuva
(Mako 4:1-9; Luka 8:4-8)
1A litangwa lije vene, Yesu watuukile mu njuvo, co wakatumbamene ku kenge ya lishali nakulongesa. 2#Luk 5:1-3 Co mbunga yakama vakungulukile kuli ikeye nakumuzengeleka, ngecivene, wakovelele mu vwato nakutumbamamo, co vimbunga vyoshe vemanene a nunda. 3Co wavalongesele vyuma vyavingi na visimo ngwendi,
“Kwakele munalume umo waile nakukuva vimbuto. 4Co omo wakele nakukuva vimbuto mu lihya, vimo vyawililile kumukulo wa ngila, co tuzila vezile nakuvilya. 5Vimbuto vikwavo vyawililile a mamanya aje kwaakele livu lyalingi. Co vwasi-vwasi vije vimbuto vyashangumukile kumena, omwo kwaakele livu lyalingi. 6Oloni omo litangwa lyatuukile nakutwa litanya, co vije vimbuto vyajujwamene, omwo mizi yavyo kuyakovelele manene mu livu, co vije vimbuto vyomine vwasi cau. 7Vimbuto vikwavo vyawililile akati ka mambimbo, co aje mambimbo akulile avitivile. 8Oloni vimbuto vikwavo vyawililile ku livu lya vwilo, co vyemine, vimo vyemine vimbuto 100, vimo vyemine vimbuto makumi atanu na limo, co vikwavo lalo vyemine vimbuto makumi atatu.”
9Co Yesu wamanesele kwendeka ngwendi, “Uje woshe ali na matwi, azive!”
Vutumbe vwa visimo
(Mako 4:10-12; Luka 8:9-10)
10Co vandongisi vezile kuli Yesu vamwihwile ngwavo, “Omwo vikajo ukendeka kuli vakevo na visimo?”
11Asinoni Yesu wavakumbulwile ngwendi, “Kuli yeni vanamyana kuzivuka vyuma vya Vumwene vwa mwilu, oloni vakevo kuvavaneneco. 12#Mat 25:29; Mak 4:25; Luk 8:18; 19:26 Omwo munu woshe alinavyo vakamuwezelela vikwavo lalo, co akakala na vyavingi, oloni uje kesi navyo, nameme cije alinaco vakamunyekaco. 13Evi vikevyo vinjikendekela navo mu visimo omwo vakevo vamona, oloni kuvamonesesa, co vaziva, oloni kuvazivi nambe kuzivisisa. 14#Isa 6:9-10 Ngecivene, majwi a Isaya muka-kwimanena anapu a vushunga kuli vakevo,
‘Vanu ava kuziva vakaziva,
oloni kuvakazivisisa,
vakevo kumona vakamona, oloni kuvakamonesesa,
15omwo mana avo akuzeya,
co vanaziki mu matwi avo
nakulalameka mesho avo,
ngeci mesho avo kesi amone,
matwi avo kesi azive,
mana avo kesi azivisise,
co vakatengulukila kuli yange mukuvakangwisa.’
16 #
Luk 10:23-24
“Ngeci mweni, mwavezika manene! Omwo mesho eni alinakumona, co matwi eni alinakuziva. 17Mwa vushunga njimileka ngwange vaka-kwimanena vavangi na vanu va Njambi vavangi vashakele manene kumona vije vimulinakumona, oloni kuvavimwene, co nakuziva vije vimulinakuziva, oloni kuvavizivile.
Yesu alumbununa cisimo ca muka-kukuva
(Mako 4:13-20; Luka 8:11-15)
18“Tolilileni, nakulilongesa mucinalumbunukila cisimo ca muka-kukuva. 19Voshe vanu vaje vaziva majwi awa a Vumwene vwa Njambi oloni kuvawazivisisa, vanapu ngwe vimbuto vije vyawililile kumukulo wa ngila. Uje Muka-vuvi aija nakunyangulamo vije vivakuvile muli vakevo. 20Vimbuto vije vyawililile a livu lya mamanya vinapu ngwe vaje vanazivi lijwi nakulitambula vwasi-vwasi nakuvwaelela. 21Oloni kulyesi na mizi muli vakevo yai, co likala kasimbu kakandondo lika. Co omo tuyando twija nambe mapakeso omwo lijwi, co aje vene valikela. 22Vimbuto vije vyawililile akati ka mambimbo vinapu ngwe vaje vaziva lijwi, oloni lipakeso lya mwonyo na cizemo ca vufuko vitundisisa lijwi, co kuvemi vushuka. 23Co vimbuto vije vyawililile ku livu lya vwilo, vinapu ngwe vaje vaziva lijwi nakulizivisisa, vaima vushuka, vamo vaima vushuka 100, vakwavo makumi atanu na limo, co vakwavo makumi atatu.”
Cisimo ca shaku
24Yesu wavatelele cisimo cikwavo lalo ngwendi, “Vumwene vwa mwilu vunalifu ngwe munu umo wakuvile vimbuto vyavivwa mu lihya lyendi. 25Vutsiki vumo, omo vanu voshe valalele tulo, citozi cendi wezile nakukuvululamo shaku muje mukati ka tiliku, co waile. 26Omo vimbuto vyamenene nakukola, co vyashangumukile kwima vimbuto, asinoni shaku yamenene. 27Co vangamba va uje munu vezile nakumwihula ngwavo, ‘Shukulu kuma kumwakunine vimbuto vyavivwa mu lihya lyeni ndi? Inatundu kulijo eyi shaku?’ 28Wavalekele ngwendi, ‘Citozi ikeye nacilingi.’ Vangamba vamwihwile ngwavo, ‘Mushaka ngeci tuye tukatukulemo shaku ndi?’ 29Oloni wavakumbulwile ngwendi, ‘Embwe, omwo mukatukula shaku amo mukatukwila kumo na tiliku. 30Vyeceni vyoshe vivali vikule amo noo simbu yakuteja inete. Asinoni njikaleka vaka-kuteja ngeci vatukule shaku akulivanga nakuyikuta mikuta, co vayenyeka, co vakungulwile tiliku mu cishete cange.’ ”
Cisimo ca mbuto ya musalata
(Mako 4:30-32; Luka 13:18-19)
31Yesu wavatelelele cisimo cikwavo lalo ngwendi, “Vumwene vwa mwilu vunalifu ngwe munu anona kanona kamo ka mbuto ya musalata nakukakuna mu lihya lyendi. 32Kakeko kapwa kakandondo manene akati ka vimbuto vyoshe vikwavo, oloni omo kakola kapwa muti wakama kutuvakana miti yoshe. Ngecivene, tuzila vaija nakutungila mashwa avo ku minango yawo.”
Cisimo ca musima
(Luka 13:20-21)
33Yesu wavatelelele cisimo cikwavo lalo ngwendi, “Vumwene vwa mwilu vunalifu ngwe musima uje wanonele munakazi nakuutsingasana na malita makumi awana a vunga vwa tiliku mu lilonga, noo mukasha woshe wafutunukile.”
Yesu apangesa visimo
(Mako 4:33-34)
34Yesu wendekele ku vimbunga vya vanu vyuma vyoshe evi na visimo, ikeye kendekele cuma kuli vakevo kujeneka kutao cisimo embwe. 35#Mya 78:2 Walingile evi mukushulisa vyendekele muka-kwimanena ngwendi,
“Njikapangesa visimo omo njendeka kuli vakevo,
njikavaleka vyuma vyakushwekesa
tunde akutanga kwa kaye.”
Yesu alumbununa cisimo ca shaku
36Asinoni Yesu wasezele vimbunga vije, co wakovelele mu njuvo. Co vandongisi vendi vezile kuli ikeye, vamwihwile ngwavo, “Tulumbunwine mwamuvwa cisimo ca shaku ya mu lihya.”
37Yesu wavakumbulwile ngwendi, “Muka-kukuva vije vimbuto vyavivwa, ikeye Muna Munu. 38Lihya linapu kaye, co vije vimbuto vyavivwa vinapu vanu va Vumwene vwa Njambi, shaku inapu vanu va Muka-vuvi, 39co citozi uje waikuvile ikeye Liyavola. Co kuteja kunapu kuhwa kwa kaye, vaka-kuteja vakevo tungelo. 40Ngwe omo muvakungulwile shaku nakuyenyeka, ngecivene, mukemwo muvakalinga akuhwa kwa kaye. 41Muna Munu akatuma tungelo twendi, co vakakungulula vyuma vyoshe vije vikanene vuvi na vaje voshe vaka-kulinga vuvi nakuvatundisa mu Vumwene vwendi. 42Co vakavombila mu litende lya tuhya, muje mukakala kulila nakulingenjenga ku mayo. 43Asinoni vaka-kujela va Njambi vakatwa ceke ngwe litangwa mu Vumwene vwa Ishavo. Uje woshe ali na matwi, azive!
Cisimo ca vufuko vwakushweka
44“Vumwene vwa mwilu vunalifu ngwe vufuko vwakushweka mu lihya, vuje munu awana, co avushweka. Asinoni akuvwaelela kwendi aya nakulandesa vyuma vyoshe vije alinavyo, co alanda lije lihya.
Cisimo ca makwalale
45“Vumwene wa mwilu lalo vunalifu ngwe munu muka-kulandulula ashakezeka makwalale. 46Co omo awana likwalale limo lya seo yakama manene, aya nakulandesa vyuma vyendi vyoshe vije alinavyo, co alanda lije likwalale.
Cisimo ca linimbwa
47“Vumwene vwa mwilu lalo vunalifu ngwe linimbwa lije livata mu lishali, co vakwatao visi va miyati yoshe. 48Omo lyashulu, valikokela a nunda, vatumbama, co vaangula visi vavavwa nakuvaka mu vimbangu vyavo, oloni vaje vavavi vavombila kuti. 49Ngecivene, mucikafwa akukotoka kwa kaye, tungelo vakaija nakwangula vaka-vuvi kuvatundisa ku vaka-vushunga. 50Co vaka-vuvi vakavombila mu litende lya tuhya, muje mukakala kulila nakulingenjenga ku mayo.”
Vushunga vwavuha novu vwalaja
51Yesu wavehwile ngwendi, “Vyuma vyoshe evi munavizivuka ndi?” Vakumbulwile ngwavo, “Eyo.”
52Co wavakumbulwile ngwendi, “Ngecivene, mulongisi woshe wa majwi a Lishiko, uje ivanalongesa vya Vumwene vwa mwilu nalifu ngwe vavenya njuvo atuwisa vyuma vyendi vyaviha nevi vyalaja mu mulili wendi wakutulikila.”
Yesu vamuvyana ku Nazaleta
(Mako 6:1-6; Luka 4:16-30)
53Omo Yesu wamanesele kwendeka visimo evi, watundile ku mutambela uje, 54co welukile kwimbo lyendi. Walongesele mu sinangonge, co voshe vaje vamuzivile valikomokelele. Valihozwele ngwavo, “Kulijo kwanawana mana awa na vizivukiso vyakufwa ngacije? 55Ou kesi ikeye uje muna muka-kushonga ndi? Ou kesi muna Maliya ndi? Na vandolome vendi kesi Yakomba na Yosefa na Simoni na Yundasa ndi? 56Kuma vandokazi vendi voshe kutwesi navo kuno ndi? Kulijo kwanawana vyuma vyoshe evi?” 57#Yow 4:44 Co vakevo vamuvyanene.
Oloni Yesu wendekele kuli vakevo ngwendi, “Muka-kwimanena kesi na kasingimiko hembo lyendi na ku vavushoko vwendi na ku naanga yendi kuvanga kweka.” 58Co kalingile vizivukiso vyavingi kuje omwo kuvakulaelele.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006