Malakiya 2
2
1Shukulu Kalunga Muka-nzili yoshe alinakwendeka kuli vaka-kukombelela ngwendi, “Lishiko eli linapu lyeni. 2Munapande kunjisingimika a vije mulinga. Nga kumutolilila ku vije vinjendeka, co njikamisinga. Co njikasinga vyuma vije vyakumikwasa vivakamyana. Mwa vushunga njinavisingi laja, omwo kumwesi kumbako mbunge ku mashiko ange. 3Njikahisa vatekulwila veni nakukwita a vihanga vyeni vufwati vwa vimuna vaje mukakombelela ku viwano vyeni, co mukanyonga navwo. 4#Kul 3:11-13 Asinoni mukazivuka ngeci njinamyana lishiko eli, ngeci cikumiiyo cange na vaka-kukombelela vatekulwila va Levi, kesi cikapokoke.
5 #
Kul 25:12
“Cikumiiyo cange na Levi, cije capwile ca mwonyo na kwoloka njamwanenevyo, ngeci anjikomoka. Co wanjikomokele nakukomoka lizina lyange. 6Walongesele vya vushunga, co kendekele makuli. Co wendele nange mu kwoloka na mu vushunga, co watengulwile vavangi kutunda ku vuvi. 7Cinapu cipangi ca vaka-kukombelela kulongesa mana a Njambi. Ngeci vanu vanapande kuya kuli vakevo mukulilongesa cizango cange, omwo vakevo vapwa miluwa va Shukulu Kalunga Muka-nzili yoshe.
8“Oloni yeni vaka-kukombelela munatundu mu ngila ya vushunga. Vilongesa vyeni vinatanukisa vavangi. Munapokola cikumiiyo cije njalikumiiye neni. 9Ngecivene, nange lalo njikamishawisa kuli vanu va mu Isalele omwo kumwononokele cizango cange, omo mulongesa vanu vange, kumwesi kuvapwisa mumo embwe.”
Vanu vakujeneka kulongwa kuli Njambi
10Kuma yetu voshe tatetu kesi umolika ndi? Kuma kesi Njambi umolika watutangele ndi? Omwo vikajo tulitengulukila yetu vavenya, nakushawisa cikumiiyo ca vakukulwila vetu? 11Vanu va mu Yunda vanapokola cikulaeso cavo kuli Njambi, co vanalingi cuma cacivi mu Yelusalema na mu lifuti mwoshe. Co vanajwalesa Njuvo ya Shukulu Kalunga ije yaazema. Vanalume vanambata vanakazi va miyati ya vanu veka vaje valemesa vinjambi veka. 12Shukulu Kalunga atundise voshe vaka-kulinga ngacije mu munga ya Isalele, co kesi avatavese lalo kupangela amo mu vin̄ombelo vije vivanena vanu kuli Shukulu Kalunga Muka-nzili yoshe.
13Cuma cikwavo lalo cimukalingi eci. Mujulisa mutula wa Shukulu Kalunga na misozi, kulila nakumbolozoka omwo kesi nakutambula vin̄ombelo vije mulinakumunenela. 14Mwihula ngweni, “Omwo vikajo?” Omwo Shukulu Kalunga ikeye napu ntwama akati kove na munakazi wa vukwenje vwove. Omwo unapokola cikulaeso cove nendi, nameme ikeye wapwa musamba wove, munakazi wa cikumiiyo ca a vulo vwove ku mesho a Njambi. 15Kuma kesi Njambi watangele yove na munakazi wove kupwa muvila umolika ndi? Mu situ na mu munzinzime munapu vendi. Omwo vikajo mwapwa umo? Ngeci mukale na vana vaje vanapu vanu va Njambi mwa vushunga. Ngecivene, moneni ngeci naumo wai wa ali yeni apokole cikulaeso na munakazi wa vukwenje vwendi. 16Shukulu Kalunga Njambi ya Isalele nendeka ngwendi, “Njazinda kukondola. Njazinda cuma cangacije omo umo weni akalukila munakazi wendi. Moneni ngeci kesi mupokole cikulaeso cove ca kulongwa kuli munakazi wove.”
Litangwa lyakusompa lili muyehi
17Yeni vanu munajukisa Shukulu Kalunga navyendeka vyeni. Oloni mwihula ngweni, “Tunamujukisa vatijo?” Akwendeka ngweni, “Shukulu Kalunga Muka-nzili yoshe nayongola ngeci voshe vaka-kulinga vuvi vanapu vavavwa ku mesho endi, co navwaelela navo.” Nambe akwihula ngweni, “ali kulijo Njambi uje napande kupwa wa vushunga?”
Currently Selected:
Malakiya 2: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Malakiya 2
2
1Shukulu Kalunga Muka-nzili yoshe alinakwendeka kuli vaka-kukombelela ngwendi, “Lishiko eli linapu lyeni. 2Munapande kunjisingimika a vije mulinga. Nga kumutolilila ku vije vinjendeka, co njikamisinga. Co njikasinga vyuma vije vyakumikwasa vivakamyana. Mwa vushunga njinavisingi laja, omwo kumwesi kumbako mbunge ku mashiko ange. 3Njikahisa vatekulwila veni nakukwita a vihanga vyeni vufwati vwa vimuna vaje mukakombelela ku viwano vyeni, co mukanyonga navwo. 4#Kul 3:11-13 Asinoni mukazivuka ngeci njinamyana lishiko eli, ngeci cikumiiyo cange na vaka-kukombelela vatekulwila va Levi, kesi cikapokoke.
5 #
Kul 25:12
“Cikumiiyo cange na Levi, cije capwile ca mwonyo na kwoloka njamwanenevyo, ngeci anjikomoka. Co wanjikomokele nakukomoka lizina lyange. 6Walongesele vya vushunga, co kendekele makuli. Co wendele nange mu kwoloka na mu vushunga, co watengulwile vavangi kutunda ku vuvi. 7Cinapu cipangi ca vaka-kukombelela kulongesa mana a Njambi. Ngeci vanu vanapande kuya kuli vakevo mukulilongesa cizango cange, omwo vakevo vapwa miluwa va Shukulu Kalunga Muka-nzili yoshe.
8“Oloni yeni vaka-kukombelela munatundu mu ngila ya vushunga. Vilongesa vyeni vinatanukisa vavangi. Munapokola cikumiiyo cije njalikumiiye neni. 9Ngecivene, nange lalo njikamishawisa kuli vanu va mu Isalele omwo kumwononokele cizango cange, omo mulongesa vanu vange, kumwesi kuvapwisa mumo embwe.”
Vanu vakujeneka kulongwa kuli Njambi
10Kuma yetu voshe tatetu kesi umolika ndi? Kuma kesi Njambi umolika watutangele ndi? Omwo vikajo tulitengulukila yetu vavenya, nakushawisa cikumiiyo ca vakukulwila vetu? 11Vanu va mu Yunda vanapokola cikulaeso cavo kuli Njambi, co vanalingi cuma cacivi mu Yelusalema na mu lifuti mwoshe. Co vanajwalesa Njuvo ya Shukulu Kalunga ije yaazema. Vanalume vanambata vanakazi va miyati ya vanu veka vaje valemesa vinjambi veka. 12Shukulu Kalunga atundise voshe vaka-kulinga ngacije mu munga ya Isalele, co kesi avatavese lalo kupangela amo mu vin̄ombelo vije vivanena vanu kuli Shukulu Kalunga Muka-nzili yoshe.
13Cuma cikwavo lalo cimukalingi eci. Mujulisa mutula wa Shukulu Kalunga na misozi, kulila nakumbolozoka omwo kesi nakutambula vin̄ombelo vije mulinakumunenela. 14Mwihula ngweni, “Omwo vikajo?” Omwo Shukulu Kalunga ikeye napu ntwama akati kove na munakazi wa vukwenje vwove. Omwo unapokola cikulaeso cove nendi, nameme ikeye wapwa musamba wove, munakazi wa cikumiiyo ca a vulo vwove ku mesho a Njambi. 15Kuma kesi Njambi watangele yove na munakazi wove kupwa muvila umolika ndi? Mu situ na mu munzinzime munapu vendi. Omwo vikajo mwapwa umo? Ngeci mukale na vana vaje vanapu vanu va Njambi mwa vushunga. Ngecivene, moneni ngeci naumo wai wa ali yeni apokole cikulaeso na munakazi wa vukwenje vwendi. 16Shukulu Kalunga Njambi ya Isalele nendeka ngwendi, “Njazinda kukondola. Njazinda cuma cangacije omo umo weni akalukila munakazi wendi. Moneni ngeci kesi mupokole cikulaeso cove ca kulongwa kuli munakazi wove.”
Litangwa lyakusompa lili muyehi
17Yeni vanu munajukisa Shukulu Kalunga navyendeka vyeni. Oloni mwihula ngweni, “Tunamujukisa vatijo?” Akwendeka ngweni, “Shukulu Kalunga Muka-nzili yoshe nayongola ngeci voshe vaka-kulinga vuvi vanapu vavavwa ku mesho endi, co navwaelela navo.” Nambe akwihula ngweni, “ali kulijo Njambi uje napande kupwa wa vushunga?”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006