VaLevi 25
25
Mwaka wamucitanu na ivali
(Kus 15:1-11)
1Shukulu Kalunga wendekele kuli Mosesa a Munkinda wa Sinai ngwendi, 2“Leka vanu vaIsalele ngwove, omo mukakovela mu lifuti lije lyakamyana Shukulu Kalunga, mukasingimika Shukulu Kalunga, kesi mukalime mu mwaka wamucitanu na ivali. 3Myaka itanu na umo mukakuna mahya eni, co a myaka itanu na umo mukanonga minango ya vushuka vwa vinyu mu mahya eni, mukakungulula vimbuto vyeni a myaka itanu na umo. 4Oloni mu mwaka wamucitanu na ivali ukapwa mwaka woshe wakuhwima mu lifuti, ukewo mwaka vakundika kuli Shukulu Kalunga. Kesi mukakuve mbuto mu mahya eni nambe kunonga minango ya vushuka vwa vinyu mu mahya. 5Kesi mukateje vimbuto vya mutoto, co kesi mukakungulule vushuka vwa ku miti yeni ya vinyu ya kunonga, omwo unapu mwaka woshe wakuhwima kwakama mu lifuti. 6Nameme nga kumwalimine mu mwaka uje, oloni mukawana vyakulya vyeni, yeni na vindungo veni, na vanu vaje vakukumuna, na vaka-kwija vaje vamuli navo amo, 7#Kut 23:10-11 na vimuna veni, amo na tusitu vaje vali mu mahya eni. Vakalya vyuma vyoshe vije vya mutoto.”
Mwaka wakuliilwisila
8“Laveni visimbu vitanu na vivali a myaka itanu na ivali, co mukawana yoshe ikapwa myaka makumi awana na myaka itanu na iwana. 9Ngecivene, a litangwa lyamulikumi ku ngonde yamucitanu na vivali, likapwa Litangwa lya Kulyamba, mukatuma munu wakwimba lupembo mu lifuti lyoshe. 10Mu ngila eyi mukemwo mukajelesa mwaka wamumakumi atanu nakwambulula kupatuka kwa vanu voshe vali mu lifuti. Co a simbu ya mwaka ou, vufuko vwoshe vuje valandesele vakavwilwisile kuli vavenyavwo, nambe kuli vatekulwila vendi. Co woshe uje walandesele ndungo, co uje ndungo akeluke ku naanga yendi. 11Kesi mukakuve vimbuto mu mahya eni, nambe kuteja vimbuto vya mutoto, nambe kukungulula vushuka mu mahya eni vwa miti ya vinyu ya kunonga. 12Mwaka woshe ukapwa wakujela kuli yeni. Mukalya lika vya mutoto.
13“Co mu mwaka ou vufuko vwoshe vuje valandesele vukeluke kuli vavenyavwo. 14Ngecivene, omo ulandesa livu kuli mukweni kaIsalele nambe kulanda livu kuli ikeye, kesi mulinyanyamene umo na mukwavo. 15Munapande kwimika ndando ya livu kupwisa ku myaka yasalako omwo livu lyasa kwima vimbuto noo Mwaka Wakuliilwisila uketa. 16Nga kucili myaka yaingi, co ndando iye kwilu. Oloni nga myaka yaindondo lika, co ndando iiluke kwisi, omwo vije vivalandesa vinapu vimbuto vyavingi vije vyatuuka mu livu. 17Kesi mukalinyanyamene umo na mukwavo, oloni mukononoka nakusingimika Shukulu Kalunga Njambi yeni, omwo yange njapwa Kalunga Njambi yeni.”
Vukalu vwa mwaka wamucitanu na ivali
18“Ononokeni mashiko oshe a Shukulu Kalunga na kushika kwendi, ngeci mukayoye mwamuvwa mu lifuti. 19Livu likamenesa vimbuto, co mukakala na vyoshe vimukashaka kulya ngeci mukakale mwamuvwa.
20“Oloni nga vanu vakehula ngwavo, ‘Vikajo tukalya mwaka uno wamucitanu na ivali, omwo kutwalimine nambe kuungulula vimbuto?’ 21Shukulu Kalunga akavezikisa livu mu mwaka wamucitanu na umo, likaima vyakulya vyakupwisa mu myaka itatu. 22Omo mukalima mahya eni mu mwaka wamucitanu na itatu, anga mukalya vyakulya vije mwatejele mu mwaka wamucitanu na umo, noo munateje vimbuto vije mwalimine.”
Kwilwisa livu lyakulima na vinjuvo
23“Livu lyeni kesi mukalilandeselele embwe, omwo kesi lyeni, linapu lya Njambi, omwo yeni munapu ngwe vaka-kwija vaje vavanatavesa lika kupangesako ngoco.
24“Omo mulandesa livu, munapande kuzivuka moko ya vavenya livu ngeci mumwilwisilelyo. 25Nga kaIsalele nautwa, co vamusindiya kulandesa livu lyendi, co kavushoko kendi wa a mbunge alikule. 26Co nga uje munu kesi na kavushoko wakulikula, oloni nga ikeye vavenya livu akafuka lalo nakukala na vimbongo, co akule livu lyendi ikeye vavenya. 27Oloni napande kufwetela uje munu walilandele fweto ya myaka ije yasaleleko kutwala a Mwaka Wakuliilwisila. Co lije livu likeluka kuli vavenyalyo. 28Oloni nga ikeye kawanene vimbongo vyakulilanda lalo, co lije livu licikakala kuli uje vene nalilandele kuvanga noo mu Mwaka Wakuliilwisila. Co a mwaka uje likeluka kuli vavenyalyo.
29“Nga munu alandesa njuvo ije ili mu nganda yakuzengeleka civumbe, ikeye ali na moko yakuyikula nkala simbu mu mwaka wakulivanga tunde aje walilandesele. 30Oloni nga ikeye kayikulile mu mwaka uje vene, co kesi na moko yakuyikula lalo. Ngecivene, ije njuvo ikapwa vufuko vwa ku myaka yoshe kuli uje wailandele, na vatekulwila vendi voshe. Co kuyikeluka lalo a Mwaka Wakuliilwisila. 31Oloni vinjuvo vya mu membo vije vya vivumbe vinalifu ngwe mahya, co vavenyavyo vanaasa kuvikula lalo. Co mu Mwaka Wakuliilwisila viiluke kuli vavenyavyo. 32Nameme ngoco, vaLevi vali na moko yakukula vufuko vwavo oshe avavushakela, mu vinganda vyavo vya vaLevi. 33Nga kaLevi walandesele njuvo ya mu vinganda evi oloni kavikulile lalo, co ije njuvo inapande kwiluka mu Mwaka Wakuliilwisila, omwo vinjuvo vije vili mu vinganda vya vaLevi vinapu vufuko vwavo akati ka vanu vaIsalele simbu yoshe. 34Oloni mitambela ije yazengeleka vinganda vya vaLevi yakulila vimuna vavo kesi vakailandese, yapwa vufuko vwavo ku myaka yoshe.”
Kukumwisa vaka-kuutwa
35 #
Kwi 15:7-8
“Nga mukweni kaIsalele uje alinakukala amo neni nautwa, kasa kulikwasa ikeye vavenya, munapande kukamukwasa ngwe mumukakwasa muka-kwija nambe munu uje wakukumuna, ngeci ikeye akakale amo neni. 36Kesi mukafwetese nakwakelao kakondweso embwe, oloni ononokeni Njambi, ngeci mukweni kaIsalele akakale amo neni. 37#Kut 22:25; Kwi 23:19-20 Kesi mumukumwise nakakondweso, nambe kumulandesa vyakulya ngeci muwaneo nganyo. 38Yange njapwa Kalunga Njambi yeni, uje wamitundisile mu Ingito ngeci amyane lifuti lya Kanana, co njipwe Njambi yeni.”
Kupatula vindungo
39“Nga mukweni kaIsalele, uje alinakukala amo neni, nautwa, co alilandesa ikeye vavenya kuli yeni kupwa ndungo, kesi mukamupangese ngwe ndungo embwe. 40Ikeye akakale kuli yeni ngwe munu wakukumuna. Ikeye akamipangela noo Mwaka ukwavo Wakuliilwisila. 41Co a simbu ije, ikeye na vana vendi vakatunda kuli yeni nakwiluka ku naanga yendi na ku vufuko vwa vakukulwila vendi. 42Vanu va Isalele vanapu vindungo va Shukulu Kalunga, omwo ikeye wavatundisile mu Ingito, co kumwapandele lalo kuvalandesa ngwe vindungo. 43Kesi mukavayandese lalo, oloni ononokeni Njambi yeni. 44Nga yeni mushaka vindungo, co munasa kuvalanda ku miyati ije inamizengeleka. 45Co munasa lalo kulanda vana va vaka-kwija vaje valinakukala akati keni. Co vana va cifwa cangacije vaje vanasemukila mu lifuti lyeni vakapwa vufuko vweni, 46#Kut 21:2-6; Kwi 15:12-18 munasa kuvasezela vana veni ngeci vapwe vufuko vwavo, vakevo vakavapangela simbu yoshe yakuyoya kwavo. Oloni kumwapandele kuyandesa mukweni kaIsalele.
47“Nga muka-kwija uje alinakukala neni akafuka, oloni kaIsalele ikeyeco akautwa nakulilandesa ikeye vavenya kupwa ndungo kuli uje muka-kwija nambe kuli va ka naanga yendi, 48omo ikeye vanamulandesa laja, co umo wa vandolome vendi ali na moko yakumukula lalo, 49nambe inanu, nambe mushonyendi, nambe kavushoko kendi wa a mbunge nasa kumukula. Nambe nga ikeye vavenya nawana vyakupwamo, nasa kulipatula ikeye vavenya. 50Ikeye napande kulizivasana na uje wamulandele, co vanapande kulava mwaka kutunda ku simbu ije yalilandesele ikeye vavenya, noo Mwaka ukwavo Wakuliilwisila. Co napande kutumbula ndando yendi yakupatuka kupwisa ngwe fweto yakufweta munu wakukumuna. 51Nga kunacisala myaka yaingi napande kwilwisa vimbongo kupwisa ku myaka ije inasalako. 52Nga kunacisala myaka yaindondo kweta mu Mwaka Wakuliilwisila, napande kuyilava, co akelwisa ndando yendi yakulikula. 53Akakale nendi ngwe ngamba wakufweta a mwaka na mwaka. Oloni shukulu yendi kesi akamuyandese embwe. 54Oloni nga ikeye kuvamukulile, co ikeye na vana vendi vanapande kupatuka ku Mwaka Wakuliilwisila. 55KaIsalele kesi apwe ndungo ku myaka yoshe embwe, omwo vanu va Isalele vapwa vindungo vange. Yange njavatundisile mu Ingito, yange njapwa Kalunga Njambi yavo.”
Currently Selected:
VaLevi 25: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
VaLevi 25
25
Mwaka wamucitanu na ivali
(Kus 15:1-11)
1Shukulu Kalunga wendekele kuli Mosesa a Munkinda wa Sinai ngwendi, 2“Leka vanu vaIsalele ngwove, omo mukakovela mu lifuti lije lyakamyana Shukulu Kalunga, mukasingimika Shukulu Kalunga, kesi mukalime mu mwaka wamucitanu na ivali. 3Myaka itanu na umo mukakuna mahya eni, co a myaka itanu na umo mukanonga minango ya vushuka vwa vinyu mu mahya eni, mukakungulula vimbuto vyeni a myaka itanu na umo. 4Oloni mu mwaka wamucitanu na ivali ukapwa mwaka woshe wakuhwima mu lifuti, ukewo mwaka vakundika kuli Shukulu Kalunga. Kesi mukakuve mbuto mu mahya eni nambe kunonga minango ya vushuka vwa vinyu mu mahya. 5Kesi mukateje vimbuto vya mutoto, co kesi mukakungulule vushuka vwa ku miti yeni ya vinyu ya kunonga, omwo unapu mwaka woshe wakuhwima kwakama mu lifuti. 6Nameme nga kumwalimine mu mwaka uje, oloni mukawana vyakulya vyeni, yeni na vindungo veni, na vanu vaje vakukumuna, na vaka-kwija vaje vamuli navo amo, 7#Kut 23:10-11 na vimuna veni, amo na tusitu vaje vali mu mahya eni. Vakalya vyuma vyoshe vije vya mutoto.”
Mwaka wakuliilwisila
8“Laveni visimbu vitanu na vivali a myaka itanu na ivali, co mukawana yoshe ikapwa myaka makumi awana na myaka itanu na iwana. 9Ngecivene, a litangwa lyamulikumi ku ngonde yamucitanu na vivali, likapwa Litangwa lya Kulyamba, mukatuma munu wakwimba lupembo mu lifuti lyoshe. 10Mu ngila eyi mukemwo mukajelesa mwaka wamumakumi atanu nakwambulula kupatuka kwa vanu voshe vali mu lifuti. Co a simbu ya mwaka ou, vufuko vwoshe vuje valandesele vakavwilwisile kuli vavenyavwo, nambe kuli vatekulwila vendi. Co woshe uje walandesele ndungo, co uje ndungo akeluke ku naanga yendi. 11Kesi mukakuve vimbuto mu mahya eni, nambe kuteja vimbuto vya mutoto, nambe kukungulula vushuka mu mahya eni vwa miti ya vinyu ya kunonga. 12Mwaka woshe ukapwa wakujela kuli yeni. Mukalya lika vya mutoto.
13“Co mu mwaka ou vufuko vwoshe vuje valandesele vukeluke kuli vavenyavwo. 14Ngecivene, omo ulandesa livu kuli mukweni kaIsalele nambe kulanda livu kuli ikeye, kesi mulinyanyamene umo na mukwavo. 15Munapande kwimika ndando ya livu kupwisa ku myaka yasalako omwo livu lyasa kwima vimbuto noo Mwaka Wakuliilwisila uketa. 16Nga kucili myaka yaingi, co ndando iye kwilu. Oloni nga myaka yaindondo lika, co ndando iiluke kwisi, omwo vije vivalandesa vinapu vimbuto vyavingi vije vyatuuka mu livu. 17Kesi mukalinyanyamene umo na mukwavo, oloni mukononoka nakusingimika Shukulu Kalunga Njambi yeni, omwo yange njapwa Kalunga Njambi yeni.”
Vukalu vwa mwaka wamucitanu na ivali
18“Ononokeni mashiko oshe a Shukulu Kalunga na kushika kwendi, ngeci mukayoye mwamuvwa mu lifuti. 19Livu likamenesa vimbuto, co mukakala na vyoshe vimukashaka kulya ngeci mukakale mwamuvwa.
20“Oloni nga vanu vakehula ngwavo, ‘Vikajo tukalya mwaka uno wamucitanu na ivali, omwo kutwalimine nambe kuungulula vimbuto?’ 21Shukulu Kalunga akavezikisa livu mu mwaka wamucitanu na umo, likaima vyakulya vyakupwisa mu myaka itatu. 22Omo mukalima mahya eni mu mwaka wamucitanu na itatu, anga mukalya vyakulya vije mwatejele mu mwaka wamucitanu na umo, noo munateje vimbuto vije mwalimine.”
Kwilwisa livu lyakulima na vinjuvo
23“Livu lyeni kesi mukalilandeselele embwe, omwo kesi lyeni, linapu lya Njambi, omwo yeni munapu ngwe vaka-kwija vaje vavanatavesa lika kupangesako ngoco.
24“Omo mulandesa livu, munapande kuzivuka moko ya vavenya livu ngeci mumwilwisilelyo. 25Nga kaIsalele nautwa, co vamusindiya kulandesa livu lyendi, co kavushoko kendi wa a mbunge alikule. 26Co nga uje munu kesi na kavushoko wakulikula, oloni nga ikeye vavenya livu akafuka lalo nakukala na vimbongo, co akule livu lyendi ikeye vavenya. 27Oloni napande kufwetela uje munu walilandele fweto ya myaka ije yasaleleko kutwala a Mwaka Wakuliilwisila. Co lije livu likeluka kuli vavenyalyo. 28Oloni nga ikeye kawanene vimbongo vyakulilanda lalo, co lije livu licikakala kuli uje vene nalilandele kuvanga noo mu Mwaka Wakuliilwisila. Co a mwaka uje likeluka kuli vavenyalyo.
29“Nga munu alandesa njuvo ije ili mu nganda yakuzengeleka civumbe, ikeye ali na moko yakuyikula nkala simbu mu mwaka wakulivanga tunde aje walilandesele. 30Oloni nga ikeye kayikulile mu mwaka uje vene, co kesi na moko yakuyikula lalo. Ngecivene, ije njuvo ikapwa vufuko vwa ku myaka yoshe kuli uje wailandele, na vatekulwila vendi voshe. Co kuyikeluka lalo a Mwaka Wakuliilwisila. 31Oloni vinjuvo vya mu membo vije vya vivumbe vinalifu ngwe mahya, co vavenyavyo vanaasa kuvikula lalo. Co mu Mwaka Wakuliilwisila viiluke kuli vavenyavyo. 32Nameme ngoco, vaLevi vali na moko yakukula vufuko vwavo oshe avavushakela, mu vinganda vyavo vya vaLevi. 33Nga kaLevi walandesele njuvo ya mu vinganda evi oloni kavikulile lalo, co ije njuvo inapande kwiluka mu Mwaka Wakuliilwisila, omwo vinjuvo vije vili mu vinganda vya vaLevi vinapu vufuko vwavo akati ka vanu vaIsalele simbu yoshe. 34Oloni mitambela ije yazengeleka vinganda vya vaLevi yakulila vimuna vavo kesi vakailandese, yapwa vufuko vwavo ku myaka yoshe.”
Kukumwisa vaka-kuutwa
35 #
Kwi 15:7-8
“Nga mukweni kaIsalele uje alinakukala amo neni nautwa, kasa kulikwasa ikeye vavenya, munapande kukamukwasa ngwe mumukakwasa muka-kwija nambe munu uje wakukumuna, ngeci ikeye akakale amo neni. 36Kesi mukafwetese nakwakelao kakondweso embwe, oloni ononokeni Njambi, ngeci mukweni kaIsalele akakale amo neni. 37#Kut 22:25; Kwi 23:19-20 Kesi mumukumwise nakakondweso, nambe kumulandesa vyakulya ngeci muwaneo nganyo. 38Yange njapwa Kalunga Njambi yeni, uje wamitundisile mu Ingito ngeci amyane lifuti lya Kanana, co njipwe Njambi yeni.”
Kupatula vindungo
39“Nga mukweni kaIsalele, uje alinakukala amo neni, nautwa, co alilandesa ikeye vavenya kuli yeni kupwa ndungo, kesi mukamupangese ngwe ndungo embwe. 40Ikeye akakale kuli yeni ngwe munu wakukumuna. Ikeye akamipangela noo Mwaka ukwavo Wakuliilwisila. 41Co a simbu ije, ikeye na vana vendi vakatunda kuli yeni nakwiluka ku naanga yendi na ku vufuko vwa vakukulwila vendi. 42Vanu va Isalele vanapu vindungo va Shukulu Kalunga, omwo ikeye wavatundisile mu Ingito, co kumwapandele lalo kuvalandesa ngwe vindungo. 43Kesi mukavayandese lalo, oloni ononokeni Njambi yeni. 44Nga yeni mushaka vindungo, co munasa kuvalanda ku miyati ije inamizengeleka. 45Co munasa lalo kulanda vana va vaka-kwija vaje valinakukala akati keni. Co vana va cifwa cangacije vaje vanasemukila mu lifuti lyeni vakapwa vufuko vweni, 46#Kut 21:2-6; Kwi 15:12-18 munasa kuvasezela vana veni ngeci vapwe vufuko vwavo, vakevo vakavapangela simbu yoshe yakuyoya kwavo. Oloni kumwapandele kuyandesa mukweni kaIsalele.
47“Nga muka-kwija uje alinakukala neni akafuka, oloni kaIsalele ikeyeco akautwa nakulilandesa ikeye vavenya kupwa ndungo kuli uje muka-kwija nambe kuli va ka naanga yendi, 48omo ikeye vanamulandesa laja, co umo wa vandolome vendi ali na moko yakumukula lalo, 49nambe inanu, nambe mushonyendi, nambe kavushoko kendi wa a mbunge nasa kumukula. Nambe nga ikeye vavenya nawana vyakupwamo, nasa kulipatula ikeye vavenya. 50Ikeye napande kulizivasana na uje wamulandele, co vanapande kulava mwaka kutunda ku simbu ije yalilandesele ikeye vavenya, noo Mwaka ukwavo Wakuliilwisila. Co napande kutumbula ndando yendi yakupatuka kupwisa ngwe fweto yakufweta munu wakukumuna. 51Nga kunacisala myaka yaingi napande kwilwisa vimbongo kupwisa ku myaka ije inasalako. 52Nga kunacisala myaka yaindondo kweta mu Mwaka Wakuliilwisila, napande kuyilava, co akelwisa ndando yendi yakulikula. 53Akakale nendi ngwe ngamba wakufweta a mwaka na mwaka. Oloni shukulu yendi kesi akamuyandese embwe. 54Oloni nga ikeye kuvamukulile, co ikeye na vana vendi vanapande kupatuka ku Mwaka Wakuliilwisila. 55KaIsalele kesi apwe ndungo ku myaka yoshe embwe, omwo vanu va Isalele vapwa vindungo vange. Yange njavatundisile mu Ingito, yange njapwa Kalunga Njambi yavo.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006