VaLevi 21
21
Mashiko a vaka-kukombelela
1Shukulu Kalunga wendekele kuli Mosesa ngwendi, “Leka vaka-kukombelela va ku naanga ya Alone ngwove, muka-kukombelela kapandele kukala na vishako omo kavushoko kendi natsi embwe, 2kuvanga kavushoko kendi wa a mbunge ngeci mwa vaina nambe ishe, nambe munendi wa munalume, nambe munendi wa munakazi, nambe ndolome yendi, 3nambe ndokazi yendi wa muzike uje ali mu njuvo yendi. 4Kapandele kukala na vishako omo a kutsa wa vavushoko vwendi vaje vali ku vulo embwe.
5 #
VaLe 19:27-28; Kwi 14:1 “Vaka-kukombelela kuvapandele kuteula ku mitwe yavo, nambe kukamba minjezi yavo, nambe kucata vinyato a mivila yavo kumwesa ngeci vali mu vusiwa embwe. 6Vanapande kupwa vakujela, co kuvapandele kushawisa lizina lyange, omwo vakombelela vin̄ombelo vya vyakulya kuli Shukulu Kalunga Njambi yavo, ngecivene, vanapande kupwa vakujela. 7Vaka-kukombelela kuvapandele kwambata vanakazi vaje vanalijwalesa na vukwizi, nambe vanakazi vaje valimono laja na vanalume, nambe vaje vavanakondola laja, omwo vaka-kukombelela vapwa vakujela kuli Njambi. 8Vanu vanapande kunanguka ngeci vaka-kukombelela vapwa vakujela, omwo vakevo vaka-kukombelela vin̄ombelo vya vyakulya kuli Njambi yavo. Yange Kalunga njapwa wakujela, co njipwisa vanu vange lalo vakujela. 9Nga muna muka-kukombelela wa munakazi aliviisa nakupwa cikwizi, azivisa shwamwa ishe. Co vakamwenyeke mu tuhya.
10“Muka-kukombelela Wakama uje vetilile mazi a mutwe wendi nakumuvwavesa, uje ivanakundika kuzala vuzalo vwa vuka-kukombelela kapandele kwecelela vin̄ambu vyendi kujeneka kuvisakula, nambe kutavula vuzalo vwendi kumwesa ngeci ali na vusiwa embwe. 11Kesi akakovele mu njuvo muje muli civimbi, nameme ca ishe, nameme ca vaina embwe. 12Kesi akatuuke mu Mbalaka yakujela ya Njambi yendi nambe kuyijwalesa, omwo vanamukundika nakumuvwavesa na mazi a Njambi yendi. Yange njapwa Kalunga. 13Ikeye napande kwambata mumbanda uje kanda alimone na munalume, 14Kesi akambate fwile, nambe munakazi wakukondola, nambe munakazi uje walijwalesele na vukwizi embwe. Ikeye napande kwambata lika mumbanda wa ku cikota cendi uje kanda alimone na munalume. 15Co mu ngila eyi kakajwalesa vana vendi. Yange njapwa Kalunga yange njinamujelesa kumupwisa Muka-kukombelela Wakama.”
16Shukulu Kalunga wendekele kuli Mosesa ngwendi, 17“Leka Alone ngwove, naumo wai wa ku vatekulwila vove ku visemwa vyove vyoshe vya kulutwe uje ali na vulema, akakombelela vin̄ombelo vya vyakulya kuli yange. 18Naumo wai ali na vulema akakombelela vin̄ombelo kuli yange, nambe kapuputwa, nambe wakutenguka, nambe wakwilimana, nambe wa cifwa cacivi, 19nambe wakusekwa livoko, nambe lindi, 20nambe wa ndundo, nambe kamonapi, nambe wa mungali a lisho, nambe wa mushongo wa a cikonde, nambe kayunuke. 21Kukwesi mutekulwila wa Alone muka-kukombelela, uje ali na vulema, akashwenya kuyehi nakukombelela vin̄ombelo vya vyakulya kuli Shukulu Kalunga Njambi yeni. 22Munu wa cifwa cangacije asa kulya vyakulya vivanakombelela kuli yange, n̄ombelo ya vyakulya vyakujela, na n̄ombelo ya vyakulya vyakujela manene. 23Oloni omwo ali na kapenga ka vulema, co kasa kwija kuyehi na livamba lyakujela, nambe kushwenya ku mutula, ngeci kesi ashawise vyuma evi vyakujela, omwo yange Kalunga, muka-kuvajelesa.”
24Ngecivene, Mosesa walekele vyoshe evi Alone, na vana vendi va vanalume, na vanu voshe va Isalele.
Currently Selected:
VaLevi 21: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
VaLevi 21
21
Mashiko a vaka-kukombelela
1Shukulu Kalunga wendekele kuli Mosesa ngwendi, “Leka vaka-kukombelela va ku naanga ya Alone ngwove, muka-kukombelela kapandele kukala na vishako omo kavushoko kendi natsi embwe, 2kuvanga kavushoko kendi wa a mbunge ngeci mwa vaina nambe ishe, nambe munendi wa munalume, nambe munendi wa munakazi, nambe ndolome yendi, 3nambe ndokazi yendi wa muzike uje ali mu njuvo yendi. 4Kapandele kukala na vishako omo a kutsa wa vavushoko vwendi vaje vali ku vulo embwe.
5 #
VaLe 19:27-28; Kwi 14:1 “Vaka-kukombelela kuvapandele kuteula ku mitwe yavo, nambe kukamba minjezi yavo, nambe kucata vinyato a mivila yavo kumwesa ngeci vali mu vusiwa embwe. 6Vanapande kupwa vakujela, co kuvapandele kushawisa lizina lyange, omwo vakombelela vin̄ombelo vya vyakulya kuli Shukulu Kalunga Njambi yavo, ngecivene, vanapande kupwa vakujela. 7Vaka-kukombelela kuvapandele kwambata vanakazi vaje vanalijwalesa na vukwizi, nambe vanakazi vaje valimono laja na vanalume, nambe vaje vavanakondola laja, omwo vaka-kukombelela vapwa vakujela kuli Njambi. 8Vanu vanapande kunanguka ngeci vaka-kukombelela vapwa vakujela, omwo vakevo vaka-kukombelela vin̄ombelo vya vyakulya kuli Njambi yavo. Yange Kalunga njapwa wakujela, co njipwisa vanu vange lalo vakujela. 9Nga muna muka-kukombelela wa munakazi aliviisa nakupwa cikwizi, azivisa shwamwa ishe. Co vakamwenyeke mu tuhya.
10“Muka-kukombelela Wakama uje vetilile mazi a mutwe wendi nakumuvwavesa, uje ivanakundika kuzala vuzalo vwa vuka-kukombelela kapandele kwecelela vin̄ambu vyendi kujeneka kuvisakula, nambe kutavula vuzalo vwendi kumwesa ngeci ali na vusiwa embwe. 11Kesi akakovele mu njuvo muje muli civimbi, nameme ca ishe, nameme ca vaina embwe. 12Kesi akatuuke mu Mbalaka yakujela ya Njambi yendi nambe kuyijwalesa, omwo vanamukundika nakumuvwavesa na mazi a Njambi yendi. Yange njapwa Kalunga. 13Ikeye napande kwambata mumbanda uje kanda alimone na munalume, 14Kesi akambate fwile, nambe munakazi wakukondola, nambe munakazi uje walijwalesele na vukwizi embwe. Ikeye napande kwambata lika mumbanda wa ku cikota cendi uje kanda alimone na munalume. 15Co mu ngila eyi kakajwalesa vana vendi. Yange njapwa Kalunga yange njinamujelesa kumupwisa Muka-kukombelela Wakama.”
16Shukulu Kalunga wendekele kuli Mosesa ngwendi, 17“Leka Alone ngwove, naumo wai wa ku vatekulwila vove ku visemwa vyove vyoshe vya kulutwe uje ali na vulema, akakombelela vin̄ombelo vya vyakulya kuli yange. 18Naumo wai ali na vulema akakombelela vin̄ombelo kuli yange, nambe kapuputwa, nambe wakutenguka, nambe wakwilimana, nambe wa cifwa cacivi, 19nambe wakusekwa livoko, nambe lindi, 20nambe wa ndundo, nambe kamonapi, nambe wa mungali a lisho, nambe wa mushongo wa a cikonde, nambe kayunuke. 21Kukwesi mutekulwila wa Alone muka-kukombelela, uje ali na vulema, akashwenya kuyehi nakukombelela vin̄ombelo vya vyakulya kuli Shukulu Kalunga Njambi yeni. 22Munu wa cifwa cangacije asa kulya vyakulya vivanakombelela kuli yange, n̄ombelo ya vyakulya vyakujela, na n̄ombelo ya vyakulya vyakujela manene. 23Oloni omwo ali na kapenga ka vulema, co kasa kwija kuyehi na livamba lyakujela, nambe kushwenya ku mutula, ngeci kesi ashawise vyuma evi vyakujela, omwo yange Kalunga, muka-kuvajelesa.”
24Ngecivene, Mosesa walekele vyoshe evi Alone, na vana vendi va vanalume, na vanu voshe va Isalele.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006