VaLevi 15
15
Kususula kwa a mivila
1Shukulu Kalunga wendekele kuli Mosesa na Alone ngwendi, 2“Endekeni kuli vanu va Isalele ngweni, omo munalume asusula a muvila wendi, co kususula kwendi kukwajelele, 3nambe kususula oku kutwalao kundweka nameme kuzika. 4Co a vulili vwoshe aje anatumbama nambe analala uje munu alinakususula kuvwajelele. 5Munu woshe uje akwata a vulili vwendi 6nambe kutumbama a cuma cimo cije natumbama uje munalume, napande kukusha vuzalo vwendi, co akajwele a muvila wendi, co ikeye akapwa wakujeneka kujela noo ku cingwezi. 7Munu woshe uje akwata a muvila wa uje munalume alinakususula, napande kukusha vuzalo vwendi, co akajwele a muvila, co akapwa wakujeneka kujela noo ku cingwezi. 8Nga uje munalume alinakususula ajekwila mate ali munu woshe-iwoshe najele, co uje munu napande kukusha vuzalo vwendi, akajwele a muvila wendi, co akapwa wakujeneka kujela noo ku cingwezi. 9Co a nyangwa yoshe-iyoshe aje atumbama uje munalume alinakususula kwajelele. 10Munu woshe uje akwata a cuma cimo aje anatumbama uje munalume akapwa wakujeneka kujela noo ku cingwezi. Munu woshe akambata cuma cimo aje anatumbama uje munalume napande kukusha vuzalo vwendi, co akajwele a muvila wendi, co ikeye akapwa wakujeneka kujela noo ku cingwezi. 11Nga munalume uje alinakususula akwata a munu umo kujeneka akulivanga kujwela ku mavoko endi, uje munu napande kukusha vuzalo vwendi, co akajwele a muvila wendi, co akapwa wakujeneka kujela noo ku cingwezi. 12Ndeo ya vuma yoshe yakwata uje munalume alinakususula vanapande kuyitsiya, co na lipanda lije lyakwata vanapande kulikusha. 13Uje munu omo nakanguka kukususula kwendi, napande kuvandamena matangwa atanu na avali, asinoni akusha vuzalo vwendi, co ajwele mu mema amavwa a mu lisima lya kavwelu-vwelu, co ikeye akapwa wakujela. 14Co a litangwa lyamucitanu na atatu akatwale tutela vavali nambe mayembe vavali ku cikolo ca Mbalaka Mwakuliwanena nakuvana kuli muka-kukombelela. 15Co muka-kukombelela akakombelelao kazila umo kupwa n̄ombelo ya a vuvi, na kazila mukwavo kupwa n̄ombelo ya kwenyeka. Mu ngila eyi muka-kukombelela akajelesa uje munu ku mesho a Shukulu Kalunga.
16“Omo munalume mbuto yendi ilituukila ngoco, napande kujwela a muvila wendi woshe, co nendi akapwa wakujeneka kujela noo ku cingwezi. 17Co cuma coshe cakutunga na nanga nambe na cilambu aje anawila ije mbuto vanapande kucikusha, co cikapwa cakujeneka kujela noo ku cingwezi. 18Nga munalume akala amo na munakazi, oku mbuto yendi ilitikila ngoco, voshe vavali vanapande vakajwele a mivila yavo, co vakevo vakapwa vakujeneka kujela noo ku cingwezi.
19“Omo munakazi kakwata ku liko, co ikeye akapwa wakujeneka kujela matangwa atanu na avali, co woshe uje amukwata akapwa wakujeneka kujela noo ku cingwezi. 20Oshe aje atumbama, nameme alala, oku kakwata ku liko kwajelele. 21Co woshe uje akwata ku vulili vwendi nambe a cuma cimo canatumbamene, 22napande kukusha vuzalo vwendi, ajwele a muvila wendi, 23co akapwa wakujeneka kujela noo ku cingwezi. 24Nga munalume akala amo na munakazi omo ikeye kakwata ku liko, co akapwa wakujeneka kujela matangwa atanu na avali, na vulili vwoshe vuje vwanalalele navukevwo kuvwajelele.
25“Nga munakazi alinakwita maninga a matangwa amo oloni kesi simbu yakajeneka kukwata ku liko, nambe ikeye natuvakanesa a simbu yendi ije kakwata ku liko ngwe simbu yoshe, co akapwa wakujeneka kujela omwo alinakwitisa maninga angacije, co akapwa wakujeneka kujela ngwe omo kakwata ku liko.
26“Vulili vwoshe vuje vwalinakulala, nambe a cuma cimo cije cali nakutumbama a simbu ije kucajelele. 27Woshe avikwata nendi kajelele, napande kukusha vuzalo vwendi, ajwele a muvila wendi, co akapwa wakujeneka kujela noo ku cingwezi. 28Oloni nga uje munakazi akwata ku liko akakale matangwa atanu na avali, asinoni akapwa wakujela. 29A litangwa lyamucitanu na atatu akatwale tutela vavali nambe mayembe vavali kuli muka-kukombelela ku cikolo ca Mbalaka Mwakuliwanena. 30Co muka-kukombelela akakombelelao kazila umo kupwa n̄ombelo ya a vuvi, co kazila mukwavo kupwa n̄ombelo ya kwenyeka, co mu ngila eyi muka-kukombelela akajelesa uje munakazi ku mesho a Shukulu Kalunga.”
31Co Shukulu Kalunga walekele Mosesa kunangula vanu va Isalele akujeneka kujela kwavo, ngeci kesi vajwalese Mbalaka Mwakuliwanena nendi, ije ili akati kavo. Nga vakacilinga, co vakatsa.
32Awa akewo mashiko aali munalume uje alinakususula, na ali munalume uje mbuto yendi ilinakwitikila mwangoco, 33co lalo na ali munakazi uje kakwata ku liko, nambe ali munalume uje nakala amo na munakazi uje wakujeneka kujela.
Currently Selected:
VaLevi 15: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
VaLevi 15
15
Kususula kwa a mivila
1Shukulu Kalunga wendekele kuli Mosesa na Alone ngwendi, 2“Endekeni kuli vanu va Isalele ngweni, omo munalume asusula a muvila wendi, co kususula kwendi kukwajelele, 3nambe kususula oku kutwalao kundweka nameme kuzika. 4Co a vulili vwoshe aje anatumbama nambe analala uje munu alinakususula kuvwajelele. 5Munu woshe uje akwata a vulili vwendi 6nambe kutumbama a cuma cimo cije natumbama uje munalume, napande kukusha vuzalo vwendi, co akajwele a muvila wendi, co ikeye akapwa wakujeneka kujela noo ku cingwezi. 7Munu woshe uje akwata a muvila wa uje munalume alinakususula, napande kukusha vuzalo vwendi, co akajwele a muvila, co akapwa wakujeneka kujela noo ku cingwezi. 8Nga uje munalume alinakususula ajekwila mate ali munu woshe-iwoshe najele, co uje munu napande kukusha vuzalo vwendi, akajwele a muvila wendi, co akapwa wakujeneka kujela noo ku cingwezi. 9Co a nyangwa yoshe-iyoshe aje atumbama uje munalume alinakususula kwajelele. 10Munu woshe uje akwata a cuma cimo aje anatumbama uje munalume akapwa wakujeneka kujela noo ku cingwezi. Munu woshe akambata cuma cimo aje anatumbama uje munalume napande kukusha vuzalo vwendi, co akajwele a muvila wendi, co ikeye akapwa wakujeneka kujela noo ku cingwezi. 11Nga munalume uje alinakususula akwata a munu umo kujeneka akulivanga kujwela ku mavoko endi, uje munu napande kukusha vuzalo vwendi, co akajwele a muvila wendi, co akapwa wakujeneka kujela noo ku cingwezi. 12Ndeo ya vuma yoshe yakwata uje munalume alinakususula vanapande kuyitsiya, co na lipanda lije lyakwata vanapande kulikusha. 13Uje munu omo nakanguka kukususula kwendi, napande kuvandamena matangwa atanu na avali, asinoni akusha vuzalo vwendi, co ajwele mu mema amavwa a mu lisima lya kavwelu-vwelu, co ikeye akapwa wakujela. 14Co a litangwa lyamucitanu na atatu akatwale tutela vavali nambe mayembe vavali ku cikolo ca Mbalaka Mwakuliwanena nakuvana kuli muka-kukombelela. 15Co muka-kukombelela akakombelelao kazila umo kupwa n̄ombelo ya a vuvi, na kazila mukwavo kupwa n̄ombelo ya kwenyeka. Mu ngila eyi muka-kukombelela akajelesa uje munu ku mesho a Shukulu Kalunga.
16“Omo munalume mbuto yendi ilituukila ngoco, napande kujwela a muvila wendi woshe, co nendi akapwa wakujeneka kujela noo ku cingwezi. 17Co cuma coshe cakutunga na nanga nambe na cilambu aje anawila ije mbuto vanapande kucikusha, co cikapwa cakujeneka kujela noo ku cingwezi. 18Nga munalume akala amo na munakazi, oku mbuto yendi ilitikila ngoco, voshe vavali vanapande vakajwele a mivila yavo, co vakevo vakapwa vakujeneka kujela noo ku cingwezi.
19“Omo munakazi kakwata ku liko, co ikeye akapwa wakujeneka kujela matangwa atanu na avali, co woshe uje amukwata akapwa wakujeneka kujela noo ku cingwezi. 20Oshe aje atumbama, nameme alala, oku kakwata ku liko kwajelele. 21Co woshe uje akwata ku vulili vwendi nambe a cuma cimo canatumbamene, 22napande kukusha vuzalo vwendi, ajwele a muvila wendi, 23co akapwa wakujeneka kujela noo ku cingwezi. 24Nga munalume akala amo na munakazi omo ikeye kakwata ku liko, co akapwa wakujeneka kujela matangwa atanu na avali, na vulili vwoshe vuje vwanalalele navukevwo kuvwajelele.
25“Nga munakazi alinakwita maninga a matangwa amo oloni kesi simbu yakajeneka kukwata ku liko, nambe ikeye natuvakanesa a simbu yendi ije kakwata ku liko ngwe simbu yoshe, co akapwa wakujeneka kujela omwo alinakwitisa maninga angacije, co akapwa wakujeneka kujela ngwe omo kakwata ku liko.
26“Vulili vwoshe vuje vwalinakulala, nambe a cuma cimo cije cali nakutumbama a simbu ije kucajelele. 27Woshe avikwata nendi kajelele, napande kukusha vuzalo vwendi, ajwele a muvila wendi, co akapwa wakujeneka kujela noo ku cingwezi. 28Oloni nga uje munakazi akwata ku liko akakale matangwa atanu na avali, asinoni akapwa wakujela. 29A litangwa lyamucitanu na atatu akatwale tutela vavali nambe mayembe vavali kuli muka-kukombelela ku cikolo ca Mbalaka Mwakuliwanena. 30Co muka-kukombelela akakombelelao kazila umo kupwa n̄ombelo ya a vuvi, co kazila mukwavo kupwa n̄ombelo ya kwenyeka, co mu ngila eyi muka-kukombelela akajelesa uje munakazi ku mesho a Shukulu Kalunga.”
31Co Shukulu Kalunga walekele Mosesa kunangula vanu va Isalele akujeneka kujela kwavo, ngeci kesi vajwalese Mbalaka Mwakuliwanena nendi, ije ili akati kavo. Nga vakacilinga, co vakatsa.
32Awa akewo mashiko aali munalume uje alinakususula, na ali munalume uje mbuto yendi ilinakwitikila mwangoco, 33co lalo na ali munakazi uje kakwata ku liko, nambe ali munalume uje nakala amo na munakazi uje wakujeneka kujela.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006