VaLevi 13
13
Mashiko a mishongo ya a cikonde yakulitambwisa
1Co Shukulu Kalunga wendekele kuli Mosesa na Alone ngwendi, 2“Nga munu woshe-iwoshe ali na mbandu a cikonde cendi, nambe lizimbo, nambe vimbulu, evi vyasa kwimuka mushongo wa cikonde wakulitambwisa, co ikeye vakamunene kuli muka-kukombelela wa ku naanga ya Alone, nambe kuli munendi umo wa munalume. 3Co muka-kukombelela akelula ije mbandu, nga maka aho anatenguluka akutoka, na mbandu inalovo kutuvakana cikonde cije ca kumukulo, co ukewo unapu mushongo wa a cikonde wakulitambwisa, co muka-kukombelela akamutumbula ngwendi ou munu kajelele. 4Oloni nga mbandu inapu yakutoka, co kuyalovele kutuvakana cikonde cije ca kumukulo, co aje maka kuwatengulukile kupwa akutoka, co muka-kukombelela akamushondolwese matangwa atanu na avali. 5Co uje muka-kukombelela akamwilula lalo a litangwa lyamucitanu na avali, mu viyongola vyendi ije mbandu nga anga muyafwa kuyesi nakutotoloka, co ikeye akamushondolwese a matangwa akwavo atanu na avali. 6Co uje muka-kukombelela acikamwilula lalo a litangwa lyamucitanu na avali, nga ije mbandu inolo, kuyatotolokele, ikeye akamutumbule kupwa wakujela, co inapu mbandu lika. Co uje munu akakushe vuzalo vwendi nakupwa wakujela. 7Oloni nga ije mbandu itotoloka omo muka-kukombelela namwilula laja, nakumutumbula ngeci najele, co ikeye napande kusholoka ku mesho a muka-kukombelela lalo. 8Co muka-kukombelela akamwilule lalo, nga mbandu inatotoloka, co akatumbule ngwendi kajelele, kuma unapu mushongo wa a cikonde wakulitambwisa.
9“Nga munu woshe-iwoshe ali na mushongo wa a cikonde wakulitambwisa, vamunene kuli muka-kukombelela, 10uje akamwilula. Co nga ali na mbandu yakutoka a cikonde cendi ije inatengulula maka endi kupwa akutoka, co ili na masina amangi, 11inapu mbandu ya mukongo ya a cikonde. Co muka-kukombelela akamutumbule ngwendi kajelele, kukwesi lalo vyakumushondolwesela, omwo ikeye nasholoka laja kupwa wakujeneka kujela. 12Nga uje mushongo wa a cikonde wakulitambwisa wajauka laja kuli uje munu kutunda ku mutwe nakweta ku mendi, 13co muka-kukombelela akamwilula lalo. Nga ikeye akawana ngeci cili najauka laja muvila woshe, co akamutumbule ngwendi najele, omwo cikonde cendi coshe cinapu cakutoka, co napu wakujela. 14Oloni a simbu ije vene mbandu itotoloka, co ikeye kajelele. 15Co muka-kukombelela akamwilule lalo, nga akamona mbandu inatotoloka, co akamutumbule ngwendi kajelele. Co ije mbandu yakutotoloka inapu mushongo wa a cikonde wakulitambwisa, co uje munu anga kajelele. 16Oloni omo mbandu inolo, co cikonde cipwa lalo cakutoka, co uje munu akaye kuli muka-kukombelela, 17co ikeye akamwilula lalo. Co nga ije mbandu inapu lalo yakutoka, co akapwe wakujela, co muka-kukombelela akamutumbule ngwendi najele.
18“Nga munu woshe-iwoshe ali na lizimbo lije linakanguka, 19oloni munima yeli, aje anakele lizimbo asholoka cipenga cakutoka, nambe cakuvenga nakutokoloka, co akaye kuli muka-kukombelela. 20Co muka-kukombelela akamwilule, nga ije mbandu inalovo kutuvakana cikonde ca kumukulo, co na maka ayo aje ali kumukulo anapu akutoka, co uje muka-kukombelela akamutumbule ngwendi kajelele. Co unapu mushongo wa a cikonde wakulitambwisa, uje unashangumukila a lizimbo. 21Oloni nga muka-kukombelela akailula, co awana ngeci maka aho kuwemukile akutoka, co mbandu kuyalovele katuvakana cikonde ca kumukulo, oloni cifwa cayo cisholoka ngwe kutokoloka ngoco, co muka-kukombelela akamushondolwese matangwa atanu na avali. 22Nga cije cipesa cili na kutotoloka, co muka-kukombelela akamutumbule ngwendi kajelele, acili na mushongo. 23Oloni nga cije cipesa cikala ngacije vene, kucatotolokele, cinapu civeve lika ca lizimbo, co muka-kukombelela akamutumbule ngwendi najele.
24“Co ali munu uje wakwenya ku tuhya, nga situ ya a cikonde imuka yakutoka nambe kuvenguluka nakutokoloka, 25co muka-kukombelela akamwilule. Nga maka a aje a civeve anapu akutoka, co lalo mbandu inalovo kutuvakana cikonde ca kumukulo wa mbandu, co unapu mushongo wa a cikonde wakulitambwisa uje unashangumukila aje a mbandu ya tuhya. Co muka-kukombelela akamutumbule ngwendi kajelele. 26Oloni nga maka a aje a mbandu kuwapwile akutoka, co lalo mbandu kuyalovele kutuvakana cikonde ca kumukulo wa mbandu, oloni cinatokoloka lika, co muka-kukombelela akamushondolwese matangwa atanu na avali. 27Co muka-kukombelela akamwilule lalo a litangwa lyamucitanu na avali, nga ije mbandu ilinakutotoloka simbu yoshe, co unapu mushongo wa a cikonde wakulitambwisa, co muka-kukombelela akamutumbule ngwendi kajelele. 28Oloni nga cije civeve kucatengulukile mweka lalo, co cikeco kucatotolokele manene, co cinapu ngwe kutoka lika, kesi mushongo wa a cikonde wakulitambwisa, co muka-kukombelela akamutumbule ngwendi najele omwo eci cinapu civeve lika ca tuhya.
29“Omo munalume nambe munakazi ali na mbandu mu mutwe nameme ku mupundu, 30co muka-kukombelela akailule. Nga ikeyo inalovo kutuvakana cikonde ca kumukulo wa mbandu, na maka aje aliho avushungwa nakukeha, co unapu mushongo wa a cikonde wakulitambwisa, cooni akamutumbule ngwendi kajelele. 31Nga muka-kukombelela akamwilula, co awana ngeci mbandu kuyalovele kutuvakana cikonde ca kumukulo wa mbandu, oloni kuhesi maka amavwa, co muka-kukombelela akamushondolwese matangwa atanu na avali. 32Co muka-kukombelela akelule lalo a mbandu yendi a litangwa lyamucitanu na avali, nga kuyatotolokele, co kuhesi maka avushungwa, co ikeyo kuyalovele kutuvakana cikonde ca kumukulo wa mbandu, 33asinoni uje munu akateule ku mutwe wendi, oloni kesi akateule ku mutambela wa kumukulo wa mbandu. Asinoni muka-kukombelela akamushondolwese lalo matangwa atanu na avali. 34Co a litangwa lyamucitanu na avali, muka-kukombelela akelule lalo a mbandu, nga ikeyo kuyatotolokele, co ikeyo kuyalovele kutuvakana cikonde ca kumukulo wa mbandu, co muka-kukombelela akamutumbula ngwendi najele. Co uje munu akakushe vuzalo vwendi, co akajela. 35Oloni nga mbandu itotoloka omo namutumbula laja ngwendi najele, 36co muka-kukombelela akamwilule lalo. Co nga ije mbandu inatotoloka, co ikeye kakakenge lalo ku maka avushungwa, co cili vene uje munu kajelele. 37Oloni nga mu viyongola vya muka-kukombelela awana ngeci ije mbandu kuyatotolokele, alinakumena maka amavwa a ikeyo, co ije mbandu inolo, co muka-kukombelela akamutumbule ngwendi najele.
38“Omo munalume nambe munakazi nga ali na vipesa vyakutoka a muvila, 39co muka-kukombelela akelule uje munu. Nga vije vipesa vili a muvila kesi vyakutoka manene, vinapu vipesa vyangoco vyakulizila a cikonde, co uje munu najele.
40“Nga munalume najena vin̄ambu ku likosi nambe ku luholo lwendi, 41eci kucimwesa ngeci kajelele embwe. 42Oloni nga kuli nakusholoka mbandu ya cipupa cakuvenguluka nakutokoloka muje mu lyandya, cinapu vushangumukilo vwa mushongo wa a cikonde wakulitambwisa. 43Co muka-kukombelela akamwilule, nga muli mbandu yakuvenguluka nakutokoloka, 44co muka-kukombelela akamutumbule ngwendi kajelele, omwo a mushongo wa a cikonde wakulitambwisa uli a mutwe wendi.
45“Munu uje ali na mushongo wa a cikonde wakulitambwisa, napande kuzala vuzalo vwakutavozoka, co kapandele kusakula vin̄ambu vyendi lalo, co afwike a kanwa kendi. Co napande kutambeka ngwendi, ‘Njaviya! Njaviya!’ 46Co ikeye akakale ngacije vene wakujeneka kujela ngwe muje vene mwali na mushongo, co napande kukala anja ya cilombo, nakulitenga ku vakwavo.
Mashiko aa mbundu-mbundu
47“Omo a vuzalo ali mbundu-mbundu,#13:47 MBUNDU-MBUNDU: Mu ciHevelu lijwi lya mushongo wa a cikonde wakulitambwisa na mbundu-mbundu linapu lijwi limolika. nambe vwa ulu, nambe vwa linyu, 48nambe a nanga imo ya linyu, nambe a nanga ya ulu, nambe a cilambu, nambe a cuma cakutunga na cilambu, 49nga ikeyo yavushompo, nambe yakuvenguluka, inapu mbundu-mbundu vene. Co vanapande kusholola vuje vuzalo kuli muka-kukombelela. 50Co muka-kukombelela akavwilule, co akavwake kwavwo lika a matangwa atanu na avali. 51Co akavwilule lalo a litangwa lyamucitanu na avali, nga ije mbundu-mbundu aicili, co vuje vuzalo kuvwajelele. 52Nga uje muka-kukombelela akavwenyeka omwo mbundu-mbundu yatumu, cooni vanapande kuvwenyeka vwoshe.
53“Oloni omo akavwilula, co muka-kukombelela akawana ngeci ije mbundu-mbundu kuyaamene aje a vyuma, 54co akashike ngeci vavukushe nakuvwaka kwavwo lika a matangwa atanu na avali. 55Asinoni akavwilule, co nga ije mbundu-mbundu yao kuyafwile mweka, nambe ngoco ikeyo kuyaamene, anga vene vukevwo kuvwajelele. Vije vyuma vanapande kuvyenyeka, cipwe ku mutambela uje unaviya wa kulutwe nambe wa kunima.
56“Oloni, omo muka-kukombelela avwilula lalo, co awanao ije mbundu-mbundu inakushungukwa, co akatavuleko vuje vuli na mbundu-mbundu, nambe nanga, nambe cilambu. 57Asinoni nga ije mbundu-mbundu icili nakusholokao lalo, co icili nakutuma, cooni uje vavenya cije cuma akacenyeke. 58Nga akusha cije cuma, co lije livala lya mbundu-mbundu linatundu, akacikushe lalo, co cikapwa cakujela.
59“Ngecivene, eli likelyo lishiko lya mbundu-mbundu ije ili a vuzalo, nameme vwa ulu, nambe vwa linyu, nambe ya a nanga ya ulu, nambe ya a nanga ya linyu, nameme a cuma muka indi muka cakutunga na cilambu. Omu mukemwo mwakumanesela kulinga, nameme cinapu cakujela, nambe cakujeneka kujela.”
Currently Selected:
VaLevi 13: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
VaLevi 13
13
Mashiko a mishongo ya a cikonde yakulitambwisa
1Co Shukulu Kalunga wendekele kuli Mosesa na Alone ngwendi, 2“Nga munu woshe-iwoshe ali na mbandu a cikonde cendi, nambe lizimbo, nambe vimbulu, evi vyasa kwimuka mushongo wa cikonde wakulitambwisa, co ikeye vakamunene kuli muka-kukombelela wa ku naanga ya Alone, nambe kuli munendi umo wa munalume. 3Co muka-kukombelela akelula ije mbandu, nga maka aho anatenguluka akutoka, na mbandu inalovo kutuvakana cikonde cije ca kumukulo, co ukewo unapu mushongo wa a cikonde wakulitambwisa, co muka-kukombelela akamutumbula ngwendi ou munu kajelele. 4Oloni nga mbandu inapu yakutoka, co kuyalovele kutuvakana cikonde cije ca kumukulo, co aje maka kuwatengulukile kupwa akutoka, co muka-kukombelela akamushondolwese matangwa atanu na avali. 5Co uje muka-kukombelela akamwilula lalo a litangwa lyamucitanu na avali, mu viyongola vyendi ije mbandu nga anga muyafwa kuyesi nakutotoloka, co ikeye akamushondolwese a matangwa akwavo atanu na avali. 6Co uje muka-kukombelela acikamwilula lalo a litangwa lyamucitanu na avali, nga ije mbandu inolo, kuyatotolokele, ikeye akamutumbule kupwa wakujela, co inapu mbandu lika. Co uje munu akakushe vuzalo vwendi nakupwa wakujela. 7Oloni nga ije mbandu itotoloka omo muka-kukombelela namwilula laja, nakumutumbula ngeci najele, co ikeye napande kusholoka ku mesho a muka-kukombelela lalo. 8Co muka-kukombelela akamwilule lalo, nga mbandu inatotoloka, co akatumbule ngwendi kajelele, kuma unapu mushongo wa a cikonde wakulitambwisa.
9“Nga munu woshe-iwoshe ali na mushongo wa a cikonde wakulitambwisa, vamunene kuli muka-kukombelela, 10uje akamwilula. Co nga ali na mbandu yakutoka a cikonde cendi ije inatengulula maka endi kupwa akutoka, co ili na masina amangi, 11inapu mbandu ya mukongo ya a cikonde. Co muka-kukombelela akamutumbule ngwendi kajelele, kukwesi lalo vyakumushondolwesela, omwo ikeye nasholoka laja kupwa wakujeneka kujela. 12Nga uje mushongo wa a cikonde wakulitambwisa wajauka laja kuli uje munu kutunda ku mutwe nakweta ku mendi, 13co muka-kukombelela akamwilula lalo. Nga ikeye akawana ngeci cili najauka laja muvila woshe, co akamutumbule ngwendi najele, omwo cikonde cendi coshe cinapu cakutoka, co napu wakujela. 14Oloni a simbu ije vene mbandu itotoloka, co ikeye kajelele. 15Co muka-kukombelela akamwilule lalo, nga akamona mbandu inatotoloka, co akamutumbule ngwendi kajelele. Co ije mbandu yakutotoloka inapu mushongo wa a cikonde wakulitambwisa, co uje munu anga kajelele. 16Oloni omo mbandu inolo, co cikonde cipwa lalo cakutoka, co uje munu akaye kuli muka-kukombelela, 17co ikeye akamwilula lalo. Co nga ije mbandu inapu lalo yakutoka, co akapwe wakujela, co muka-kukombelela akamutumbule ngwendi najele.
18“Nga munu woshe-iwoshe ali na lizimbo lije linakanguka, 19oloni munima yeli, aje anakele lizimbo asholoka cipenga cakutoka, nambe cakuvenga nakutokoloka, co akaye kuli muka-kukombelela. 20Co muka-kukombelela akamwilule, nga ije mbandu inalovo kutuvakana cikonde ca kumukulo, co na maka ayo aje ali kumukulo anapu akutoka, co uje muka-kukombelela akamutumbule ngwendi kajelele. Co unapu mushongo wa a cikonde wakulitambwisa, uje unashangumukila a lizimbo. 21Oloni nga muka-kukombelela akailula, co awana ngeci maka aho kuwemukile akutoka, co mbandu kuyalovele katuvakana cikonde ca kumukulo, oloni cifwa cayo cisholoka ngwe kutokoloka ngoco, co muka-kukombelela akamushondolwese matangwa atanu na avali. 22Nga cije cipesa cili na kutotoloka, co muka-kukombelela akamutumbule ngwendi kajelele, acili na mushongo. 23Oloni nga cije cipesa cikala ngacije vene, kucatotolokele, cinapu civeve lika ca lizimbo, co muka-kukombelela akamutumbule ngwendi najele.
24“Co ali munu uje wakwenya ku tuhya, nga situ ya a cikonde imuka yakutoka nambe kuvenguluka nakutokoloka, 25co muka-kukombelela akamwilule. Nga maka a aje a civeve anapu akutoka, co lalo mbandu inalovo kutuvakana cikonde ca kumukulo wa mbandu, co unapu mushongo wa a cikonde wakulitambwisa uje unashangumukila aje a mbandu ya tuhya. Co muka-kukombelela akamutumbule ngwendi kajelele. 26Oloni nga maka a aje a mbandu kuwapwile akutoka, co lalo mbandu kuyalovele kutuvakana cikonde ca kumukulo wa mbandu, oloni cinatokoloka lika, co muka-kukombelela akamushondolwese matangwa atanu na avali. 27Co muka-kukombelela akamwilule lalo a litangwa lyamucitanu na avali, nga ije mbandu ilinakutotoloka simbu yoshe, co unapu mushongo wa a cikonde wakulitambwisa, co muka-kukombelela akamutumbule ngwendi kajelele. 28Oloni nga cije civeve kucatengulukile mweka lalo, co cikeco kucatotolokele manene, co cinapu ngwe kutoka lika, kesi mushongo wa a cikonde wakulitambwisa, co muka-kukombelela akamutumbule ngwendi najele omwo eci cinapu civeve lika ca tuhya.
29“Omo munalume nambe munakazi ali na mbandu mu mutwe nameme ku mupundu, 30co muka-kukombelela akailule. Nga ikeyo inalovo kutuvakana cikonde ca kumukulo wa mbandu, na maka aje aliho avushungwa nakukeha, co unapu mushongo wa a cikonde wakulitambwisa, cooni akamutumbule ngwendi kajelele. 31Nga muka-kukombelela akamwilula, co awana ngeci mbandu kuyalovele kutuvakana cikonde ca kumukulo wa mbandu, oloni kuhesi maka amavwa, co muka-kukombelela akamushondolwese matangwa atanu na avali. 32Co muka-kukombelela akelule lalo a mbandu yendi a litangwa lyamucitanu na avali, nga kuyatotolokele, co kuhesi maka avushungwa, co ikeyo kuyalovele kutuvakana cikonde ca kumukulo wa mbandu, 33asinoni uje munu akateule ku mutwe wendi, oloni kesi akateule ku mutambela wa kumukulo wa mbandu. Asinoni muka-kukombelela akamushondolwese lalo matangwa atanu na avali. 34Co a litangwa lyamucitanu na avali, muka-kukombelela akelule lalo a mbandu, nga ikeyo kuyatotolokele, co ikeyo kuyalovele kutuvakana cikonde ca kumukulo wa mbandu, co muka-kukombelela akamutumbula ngwendi najele. Co uje munu akakushe vuzalo vwendi, co akajela. 35Oloni nga mbandu itotoloka omo namutumbula laja ngwendi najele, 36co muka-kukombelela akamwilule lalo. Co nga ije mbandu inatotoloka, co ikeye kakakenge lalo ku maka avushungwa, co cili vene uje munu kajelele. 37Oloni nga mu viyongola vya muka-kukombelela awana ngeci ije mbandu kuyatotolokele, alinakumena maka amavwa a ikeyo, co ije mbandu inolo, co muka-kukombelela akamutumbule ngwendi najele.
38“Omo munalume nambe munakazi nga ali na vipesa vyakutoka a muvila, 39co muka-kukombelela akelule uje munu. Nga vije vipesa vili a muvila kesi vyakutoka manene, vinapu vipesa vyangoco vyakulizila a cikonde, co uje munu najele.
40“Nga munalume najena vin̄ambu ku likosi nambe ku luholo lwendi, 41eci kucimwesa ngeci kajelele embwe. 42Oloni nga kuli nakusholoka mbandu ya cipupa cakuvenguluka nakutokoloka muje mu lyandya, cinapu vushangumukilo vwa mushongo wa a cikonde wakulitambwisa. 43Co muka-kukombelela akamwilule, nga muli mbandu yakuvenguluka nakutokoloka, 44co muka-kukombelela akamutumbule ngwendi kajelele, omwo a mushongo wa a cikonde wakulitambwisa uli a mutwe wendi.
45“Munu uje ali na mushongo wa a cikonde wakulitambwisa, napande kuzala vuzalo vwakutavozoka, co kapandele kusakula vin̄ambu vyendi lalo, co afwike a kanwa kendi. Co napande kutambeka ngwendi, ‘Njaviya! Njaviya!’ 46Co ikeye akakale ngacije vene wakujeneka kujela ngwe muje vene mwali na mushongo, co napande kukala anja ya cilombo, nakulitenga ku vakwavo.
Mashiko aa mbundu-mbundu
47“Omo a vuzalo ali mbundu-mbundu,#13:47 MBUNDU-MBUNDU: Mu ciHevelu lijwi lya mushongo wa a cikonde wakulitambwisa na mbundu-mbundu linapu lijwi limolika. nambe vwa ulu, nambe vwa linyu, 48nambe a nanga imo ya linyu, nambe a nanga ya ulu, nambe a cilambu, nambe a cuma cakutunga na cilambu, 49nga ikeyo yavushompo, nambe yakuvenguluka, inapu mbundu-mbundu vene. Co vanapande kusholola vuje vuzalo kuli muka-kukombelela. 50Co muka-kukombelela akavwilule, co akavwake kwavwo lika a matangwa atanu na avali. 51Co akavwilule lalo a litangwa lyamucitanu na avali, nga ije mbundu-mbundu aicili, co vuje vuzalo kuvwajelele. 52Nga uje muka-kukombelela akavwenyeka omwo mbundu-mbundu yatumu, cooni vanapande kuvwenyeka vwoshe.
53“Oloni omo akavwilula, co muka-kukombelela akawana ngeci ije mbundu-mbundu kuyaamene aje a vyuma, 54co akashike ngeci vavukushe nakuvwaka kwavwo lika a matangwa atanu na avali. 55Asinoni akavwilule, co nga ije mbundu-mbundu yao kuyafwile mweka, nambe ngoco ikeyo kuyaamene, anga vene vukevwo kuvwajelele. Vije vyuma vanapande kuvyenyeka, cipwe ku mutambela uje unaviya wa kulutwe nambe wa kunima.
56“Oloni, omo muka-kukombelela avwilula lalo, co awanao ije mbundu-mbundu inakushungukwa, co akatavuleko vuje vuli na mbundu-mbundu, nambe nanga, nambe cilambu. 57Asinoni nga ije mbundu-mbundu icili nakusholokao lalo, co icili nakutuma, cooni uje vavenya cije cuma akacenyeke. 58Nga akusha cije cuma, co lije livala lya mbundu-mbundu linatundu, akacikushe lalo, co cikapwa cakujela.
59“Ngecivene, eli likelyo lishiko lya mbundu-mbundu ije ili a vuzalo, nameme vwa ulu, nambe vwa linyu, nambe ya a nanga ya ulu, nambe ya a nanga ya linyu, nameme a cuma muka indi muka cakutunga na cilambu. Omu mukemwo mwakumanesela kulinga, nameme cinapu cakujela, nambe cakujeneka kujela.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006