Yona 3
3
Yona ononoka Shukulu Kalunga
1Lijwi lya Shukulu Kalunga lyezile lalo kuli Yona ngwalyo, 2“Ya ku Nenevayi, nganda ije yakama, ukambulule kuli vanu lijwi eli linjikuleka.”
3Ngecivene, Yona wononokele lijwi lya Shukulu Kalunga, co wakatukile waile ku Nenevayi.
Nenevayi yapwile nganda yakama manene,#3:3 NGANDA YAKAMA MANENE: Nambe, nganda yakama ku mesho a Njambi. kuvanga kuyenda matangwa atatu kutunda ku shongo imo nakweta ku shongo ikwavo asinoni uyimanese. 4#Mat 12:41; Luk 11:32 Ngecivene, Yona washangumukile kwita mu nganda, co omo wendele litangwa lyoshe, waile nakwimana-imana nakwambulula ngwendi, “Kunasala matangwa makumi awana lika Nenevayi vakayinyongesa!”
5Co vanu vaka-Nenevayi vakulaelele lijwi lya Njambi, co vayongwele ngeci munu na munu napande kulikela kulya. Ngecivene, vanu voshe kushangumukila ku wakama nakweta ku wamundondo, vazalele vikeleya mukumwesa ngeci kuma vanatenguluka.
6Omo mwene wa Nenevayi wazivile muzimbu ou, wakatukile a litanda lyendi, washulwile vuzalo vwendi vwa vumwene, wazalele cikeleya, co watumbamene mu lito. 7Asinoni wambulwile kuli vanu voshe va mu Nenevayi ngwendi, “Eli likelyo lishiko linatundu kuli mwene na vamyata vendi ngwavo, ‘Naumo wai alya cuma. Vanu voshe na vingombe na vimanga, vavavindike kulya nameme kunwa. 8Vanu voshe vanapande kuzala vikeleya, co vimuna navo lalo vavafwike vikeleya. Munu woshe napande kulombela na kulongwa kuli Njambi, nakwecela vingila vyendi vyavivi na kupenga-penga kwendi. 9Amo Njambi akatengululako viyongola vyendi, amo ikeye akalikela kuluvala, cooni kutukanyongo!’ ”
10Omo Njambi wamwene vije vivalingile vaka-Nenevayi, na muje lalo muvecelele vingila vyavo vyavivi, co wavazivilile mema ku mbunge, co kavanyanyamesele ngwe muje mwashakele kulinga.
Currently Selected:
Yona 3: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Yona 3
3
Yona ononoka Shukulu Kalunga
1Lijwi lya Shukulu Kalunga lyezile lalo kuli Yona ngwalyo, 2“Ya ku Nenevayi, nganda ije yakama, ukambulule kuli vanu lijwi eli linjikuleka.”
3Ngecivene, Yona wononokele lijwi lya Shukulu Kalunga, co wakatukile waile ku Nenevayi.
Nenevayi yapwile nganda yakama manene,#3:3 NGANDA YAKAMA MANENE: Nambe, nganda yakama ku mesho a Njambi. kuvanga kuyenda matangwa atatu kutunda ku shongo imo nakweta ku shongo ikwavo asinoni uyimanese. 4#Mat 12:41; Luk 11:32 Ngecivene, Yona washangumukile kwita mu nganda, co omo wendele litangwa lyoshe, waile nakwimana-imana nakwambulula ngwendi, “Kunasala matangwa makumi awana lika Nenevayi vakayinyongesa!”
5Co vanu vaka-Nenevayi vakulaelele lijwi lya Njambi, co vayongwele ngeci munu na munu napande kulikela kulya. Ngecivene, vanu voshe kushangumukila ku wakama nakweta ku wamundondo, vazalele vikeleya mukumwesa ngeci kuma vanatenguluka.
6Omo mwene wa Nenevayi wazivile muzimbu ou, wakatukile a litanda lyendi, washulwile vuzalo vwendi vwa vumwene, wazalele cikeleya, co watumbamene mu lito. 7Asinoni wambulwile kuli vanu voshe va mu Nenevayi ngwendi, “Eli likelyo lishiko linatundu kuli mwene na vamyata vendi ngwavo, ‘Naumo wai alya cuma. Vanu voshe na vingombe na vimanga, vavavindike kulya nameme kunwa. 8Vanu voshe vanapande kuzala vikeleya, co vimuna navo lalo vavafwike vikeleya. Munu woshe napande kulombela na kulongwa kuli Njambi, nakwecela vingila vyendi vyavivi na kupenga-penga kwendi. 9Amo Njambi akatengululako viyongola vyendi, amo ikeye akalikela kuluvala, cooni kutukanyongo!’ ”
10Omo Njambi wamwene vije vivalingile vaka-Nenevayi, na muje lalo muvecelele vingila vyavo vyavivi, co wavazivilile mema ku mbunge, co kavanyanyamesele ngwe muje mwashakele kulinga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006