Isaya Cizivukiso
Cizivukiso
Livulu lya Isaya lyapwa lya muka-kwimanena wakama uje wakele mu Yelusalema ku mamaneselelo a myaka itanu na itatu Omo Simbu kanda Yesu Asemuke. Twasa kwangununa livulu eli mu mitambela yakama itatu.
1. Maangununo 1–39 atunda a simbu ije omo Yunda, vumwene vwa mu mbwela vavazivisile lyova kuli mundambo wa nzili, Asilya. Isaya wamwene ngeci kuzivisa lyova lyalivwa mukuyoya kwa Yunda kukwapwile kwa nzili ya Asilya, oloni vuvi vwa vanu vavenya, akujeneka kwononoka kuli Njambi nakujeneka kukulaela kuli ikeye. Mu majwi na mu vilinga, muka-kwimanena wasanene vanu na vantwama vavo kuyoya mu vushunga na mu kulongwa, co wavanangwile ngeci kujeneka kutolilila kuli Njambi kukanena kayando nakunyonga. Isaya wendekele vya simbu ya kwoloka mu kaye mwoshe nakwija kwa kavushoko ka Ndaviti uje akapwa mwene ya vimyene wakujela.
2. Maangununo 40–55 atunda a simbu ije omo vanu vavangi va mu Yunda vakele mu vunzinda mu Mbambilone, vavasindakanene kujeneka cinyangavili. Muka-kwimanena watambekele ngeci Njambi akatundisa vanu vendi mu vunzinda nakuvatwala kwimbo ku Yelusalema, nakukashangumuka kuyoya kwakuha. Mutwe wakama uli mu livulu eli unapu ngeci, Njambi ikeye Shukulu wa vin̄anda, co vutumbe vwendi ali vanu vendi vunakumbasana vungenzi vwavo ku mafuti oshe a vanu vaje vakavezika ali Isalele. Mikanda ya “Ngamba ya Shukulu Kalunga” ili mukati ka ije ivazivuka mu Lizivasano Lyalaja.
3. Maangununo 56–66 apwa a mutambela wakama uvambulwile kuli vanu vaje velukile mu Yelusalema, na vaje vashakele kuvakulaesa ngeci Njambi akashulisa vikulaeso vyendi kuli vanu. Kushota mbunge vacilingilile vaka-vushunga na vaka-kulongwa, co lalo na Litangwa Lyakuhwima valyononoke na n̄ombelo na malombelo. Mutwe wa mukanda wapwa 61:1-2, majwi aje apangesele Yesu akushangumuka vipangi vyendi mukulumbununa kusana kwendi.
Kulumbununa vyuma vili mu livulu
Kunangula na vikulaeso 1:1–12:6
Kunyanyamesa kwa miyati 13:1–23:18
Kusompa kwa Njambi ali vaka-kaye 24:1–27:13
Kunangula na vikulaeso vikwavo 28:1–35:10
Mwene Hezekiya wa mu Yunda na va Asilya 36:1–39:8
Majwi a cikulaeso na cinyangavili 40:1–55:13
Kunangula na vikulaeso 56:1–66:24
Currently Selected:
Isaya Cizivukiso: MBB
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Isaya Cizivukiso
Cizivukiso
Livulu lya Isaya lyapwa lya muka-kwimanena wakama uje wakele mu Yelusalema ku mamaneselelo a myaka itanu na itatu Omo Simbu kanda Yesu Asemuke. Twasa kwangununa livulu eli mu mitambela yakama itatu.
1. Maangununo 1–39 atunda a simbu ije omo Yunda, vumwene vwa mu mbwela vavazivisile lyova kuli mundambo wa nzili, Asilya. Isaya wamwene ngeci kuzivisa lyova lyalivwa mukuyoya kwa Yunda kukwapwile kwa nzili ya Asilya, oloni vuvi vwa vanu vavenya, akujeneka kwononoka kuli Njambi nakujeneka kukulaela kuli ikeye. Mu majwi na mu vilinga, muka-kwimanena wasanene vanu na vantwama vavo kuyoya mu vushunga na mu kulongwa, co wavanangwile ngeci kujeneka kutolilila kuli Njambi kukanena kayando nakunyonga. Isaya wendekele vya simbu ya kwoloka mu kaye mwoshe nakwija kwa kavushoko ka Ndaviti uje akapwa mwene ya vimyene wakujela.
2. Maangununo 40–55 atunda a simbu ije omo vanu vavangi va mu Yunda vakele mu vunzinda mu Mbambilone, vavasindakanene kujeneka cinyangavili. Muka-kwimanena watambekele ngeci Njambi akatundisa vanu vendi mu vunzinda nakuvatwala kwimbo ku Yelusalema, nakukashangumuka kuyoya kwakuha. Mutwe wakama uli mu livulu eli unapu ngeci, Njambi ikeye Shukulu wa vin̄anda, co vutumbe vwendi ali vanu vendi vunakumbasana vungenzi vwavo ku mafuti oshe a vanu vaje vakavezika ali Isalele. Mikanda ya “Ngamba ya Shukulu Kalunga” ili mukati ka ije ivazivuka mu Lizivasano Lyalaja.
3. Maangununo 56–66 apwa a mutambela wakama uvambulwile kuli vanu vaje velukile mu Yelusalema, na vaje vashakele kuvakulaesa ngeci Njambi akashulisa vikulaeso vyendi kuli vanu. Kushota mbunge vacilingilile vaka-vushunga na vaka-kulongwa, co lalo na Litangwa Lyakuhwima valyononoke na n̄ombelo na malombelo. Mutwe wa mukanda wapwa 61:1-2, majwi aje apangesele Yesu akushangumuka vipangi vyendi mukulumbununa kusana kwendi.
Kulumbununa vyuma vili mu livulu
Kunangula na vikulaeso 1:1–12:6
Kunyanyamesa kwa miyati 13:1–23:18
Kusompa kwa Njambi ali vaka-kaye 24:1–27:13
Kunangula na vikulaeso vikwavo 28:1–35:10
Mwene Hezekiya wa mu Yunda na va Asilya 36:1–39:8
Majwi a cikulaeso na cinyangavili 40:1–55:13
Kunangula na vikulaeso 56:1–66:24
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006