Kutuuka 8
8
Cikomokeso camucivali ca mambotwe
1Asinoni Shukulu Kalunga wendekele kuli Mosesa ngwendi, “Ya kuli mwene ukamuleke ngwove Shukulu Kalunga nendeka ngwendi, ‘Ecela vanu vange vaye ngeci vakanjilemese. 2Nga uvyana kuvecela, co njikahisa lifuti lyove, co likashula na mambotwe. 3Ndonga ya Nailo ikashula na mambotwe, co vakakovela na mu lipela lyove, na ku mulili wove na a vulili vwove, na ku vinjuvo vya vamyata vove na vanu vove, nambe a meko eni na mu vindeo vyeni vyakwocela makende. 4Co mambotwe vakalonda ali yove, naa vanu vove, na ali vamyata vove voshe.’ ”
5Asinoni Shukulu Kalunga wendekele kuli Mosesa ngwendi, “Leka Alone ajundule mulamu wendi akamwa ya vindonga, naa vingunja, naa mashali, ngeci vituwise mambotwe kwija nakushulisa mu lifuti lya Ingito.” 6Ngecivene, Alone wolwele mulamu akamwa ya mema oshe, co mambotwe vatuukile nakushulisa mu lifuti lya Ingito mwoshe. 7Oloni na vaka-manseno vapangesele manseno avo, co na vakevo lalo vatuwisile mambotwe mu lifuti lya Ingito.
8Co mwene wasanene Mosesa na Alone wendekele navo ngwendi, “Lombeleni kuli Shukulu Kalunga ngeci atundise ava mambotwe, co njikecela vanu vendi vaye, ngeci vakevo vakase kukombelela vin̄ombelo kuli Shukulu Kalunga.”
9Co Mosesa wamukumbulwile ngwendi, “Njinatava kukulombelela. Imika simbu injikakulombelela na vamyata vove, na vanu vove, ngeci mambotwe vakatunde kuli yeni na mu vinjuvo vyeni, co vakasale lika mu Ndonga ya Nailo.”
10Mwene wakumbulwile ngwendi, “Imene vene ukanjilombelela.”
Mosesa wendekele ngwendi, “Njikalinga ngwe omo yove unalombo, asinoni ukazivuka ngwove kuma kukwesi lalo njambi weka wakulifwa na Shukulu Kalunga Njambi yetu. 11Co mambotwe vakatunda ali yove, na mu vinjuvo vyove na ku vamyata vove, na ku vanu vove, vakasala lika mu Ndonga ya Nailo.” 12Asinoni Mosesa na Alone vatundile kuli mwene vaile, co Mosesa walombelele kuli Shukulu Kalunga ngeci atundise mambotwe vaje wanenele kuli mwene. 13Co Shukulu Kalunga walingile ngwe muje mwalombelele Mosesa, mambotwe va mu vinjuvo, na mu mitambela ya vimbanja, na mu mahya vatsile. 14Co vaka-Ingito vakungulwile amo mambotwe voshe va kutsa, vavalundikile vinumbo vyakama manene, ngeci mu lifuti mwoshe mwanikile helele. 15Oloni omo mwene wamwene ngeci mambotwe vanatsi, co wakaluwisile lalo mbunge yendi ngwe vene muje mwendekele Shukulu Kalunga, mwene katolililile kuli Mosesa na Alone embwe.
Cikomokeso camucitatu ca tuzungu-zungu
16Asinoni Shukulu Kalunga wendekele kuli Mosesa ngwendi, “Leka Alone ngeci apupe mulamu wendi asi, co likungu likemuka tuzungu-zungu mu lifuti lya Ingito mwoshe.” 17Co valingile ngeci Alone wapupile mulamu wendi asi, co likungu lyoshe lya mu Ingito lyemukile tuzungu-zungu, co twayandesele vanu na tusitu. 18Vaka-manseno vesekele kulinga manseno avo ngeci tuzungu-zungu vasholoke, oloni kuvasele. Co kwoshe-ikwoshe kwakele tuzungu-zungu ku vanu na ku tusitu. 19#Luk 11:20 Co vaje vaka-manseno vendekele kuli mwene ngwavo, “Livoko lya Njambi linalingi eci!” Oloni mwene wacikaluwisile mbunge yendi, ngwe vene muje mwendekele Shukulu Kalunga, mwene katolililile kuli Mosesa na Alone.
Cikomokeso camuciwana ca vinzinzi
20Asinoni Shukulu Kalunga wendekele kuli Mosesa ngwendi, “Imene mutondo-tondo ya ukaliwane na mwene omo aya ku ndonga, co ukamuleke ngwove Shukulu Kalunga nendeka ngwendi, ‘Ecela vanu vange vaye ngeci vakanjilemese. 21Nga uvyana kwecela vanu vange ngeci vaye, co njikatuma vinjame vya vinzinzi kuli vamyata vove, na kuli vanu vove, na mu vinjuvo vyove, na mu vinjuvo vya vaka-Ingito mukashula vinzinzi, co na asi oshe akashula vinzinzi. 22Oloni a litangwa lije njikasezao lika lifuti lya Ngoshene muje valinakukala vanu vange, co muje kumukakala vinjame vya vinzinzi embwe. Njikalinga eci ngeci yove ukazivuke ngeci yange Kalunga, njilinakupanga mu lifuti lino. 23Omu mukemwo njikaangununa mukati ka vanu vove na vanu vange. Co ku litangwa lya imene cizivukiso eci cikasholoka.’ ” 24Co Shukulu Kalunga watumine vinjame vyakama vya vinzinzi mu lipela lya mwene na mu vinjuvo vya vamyata vendi. Co lifuti lyoshe lya Ingito lyaviile na vinzinzi.
25Asinoni mwene wasanene Mosesa na Alone wavalekele ngwendi, “Yeni mukakombelele kuli Njambi yeni mu lifuti lino vene.”
26Oloni Mosesa wamukumbulwile ngwendi, “Kesi mwamuvwa kulinga ngacije embwe, omwo vin̄ombelo vitukakombelela kuli Shukulu Kalunga Njambi yetu, vikazivisa vaka-Ingito vunyengwe. Nga tukombelela n̄ombelo ya vunyengwe ku mesho a vaka-Ingito, co kuvakatwasha mamanya ndi? 27Tunapande kuya vungenzi vwa matangwa atatu mu mambo mukukombelela vin̄ombelo kuli Shukulu Kalunga Njambi yetu, ngwe muje mwatushikile.”
28Mwene wendekele ngwendi, “Njamitava muye nakukombelela vin̄ombelo kuli Shukulu Kalunga Njambi yeni mu mambo, oloni kesi muye kulyala. Nange njilombeleleniko.” 29Mosesa wamukumbulwile ngwendi, “Omo yange njiciya lika, co njikalombela kuli Shukulu Kalunga ngeci imene vinzinzi vakamitunde, na vamyata vove, na vanu vove. Oloni kuwapandele kunjikwisa lalo kuvindika vanu kuya nakukombelela vin̄ombelo kuli Shukulu Kalunga.”
30Asinoni Mosesa wasezele mwene waile nakulombela kuli Shukulu Kalunga. 31Shukulu Kalunga walingile ngwe muje mwalombelele Mosesa, co vinjame vya vinzinzi vyatundile ali mwene, na ali vamyata vyendi, na ali vanu vendi, co nzinzi naumo wai wasaleleo. 32Oloni nameme a simbu eyi vene mwene wacikaluwisile mbunge yendi manene, co lalo katavele vanu ngeci vaye.
Currently Selected:
Kutuuka 8: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kutuuka 8
8
Cikomokeso camucivali ca mambotwe
1Asinoni Shukulu Kalunga wendekele kuli Mosesa ngwendi, “Ya kuli mwene ukamuleke ngwove Shukulu Kalunga nendeka ngwendi, ‘Ecela vanu vange vaye ngeci vakanjilemese. 2Nga uvyana kuvecela, co njikahisa lifuti lyove, co likashula na mambotwe. 3Ndonga ya Nailo ikashula na mambotwe, co vakakovela na mu lipela lyove, na ku mulili wove na a vulili vwove, na ku vinjuvo vya vamyata vove na vanu vove, nambe a meko eni na mu vindeo vyeni vyakwocela makende. 4Co mambotwe vakalonda ali yove, naa vanu vove, na ali vamyata vove voshe.’ ”
5Asinoni Shukulu Kalunga wendekele kuli Mosesa ngwendi, “Leka Alone ajundule mulamu wendi akamwa ya vindonga, naa vingunja, naa mashali, ngeci vituwise mambotwe kwija nakushulisa mu lifuti lya Ingito.” 6Ngecivene, Alone wolwele mulamu akamwa ya mema oshe, co mambotwe vatuukile nakushulisa mu lifuti lya Ingito mwoshe. 7Oloni na vaka-manseno vapangesele manseno avo, co na vakevo lalo vatuwisile mambotwe mu lifuti lya Ingito.
8Co mwene wasanene Mosesa na Alone wendekele navo ngwendi, “Lombeleni kuli Shukulu Kalunga ngeci atundise ava mambotwe, co njikecela vanu vendi vaye, ngeci vakevo vakase kukombelela vin̄ombelo kuli Shukulu Kalunga.”
9Co Mosesa wamukumbulwile ngwendi, “Njinatava kukulombelela. Imika simbu injikakulombelela na vamyata vove, na vanu vove, ngeci mambotwe vakatunde kuli yeni na mu vinjuvo vyeni, co vakasale lika mu Ndonga ya Nailo.”
10Mwene wakumbulwile ngwendi, “Imene vene ukanjilombelela.”
Mosesa wendekele ngwendi, “Njikalinga ngwe omo yove unalombo, asinoni ukazivuka ngwove kuma kukwesi lalo njambi weka wakulifwa na Shukulu Kalunga Njambi yetu. 11Co mambotwe vakatunda ali yove, na mu vinjuvo vyove na ku vamyata vove, na ku vanu vove, vakasala lika mu Ndonga ya Nailo.” 12Asinoni Mosesa na Alone vatundile kuli mwene vaile, co Mosesa walombelele kuli Shukulu Kalunga ngeci atundise mambotwe vaje wanenele kuli mwene. 13Co Shukulu Kalunga walingile ngwe muje mwalombelele Mosesa, mambotwe va mu vinjuvo, na mu mitambela ya vimbanja, na mu mahya vatsile. 14Co vaka-Ingito vakungulwile amo mambotwe voshe va kutsa, vavalundikile vinumbo vyakama manene, ngeci mu lifuti mwoshe mwanikile helele. 15Oloni omo mwene wamwene ngeci mambotwe vanatsi, co wakaluwisile lalo mbunge yendi ngwe vene muje mwendekele Shukulu Kalunga, mwene katolililile kuli Mosesa na Alone embwe.
Cikomokeso camucitatu ca tuzungu-zungu
16Asinoni Shukulu Kalunga wendekele kuli Mosesa ngwendi, “Leka Alone ngeci apupe mulamu wendi asi, co likungu likemuka tuzungu-zungu mu lifuti lya Ingito mwoshe.” 17Co valingile ngeci Alone wapupile mulamu wendi asi, co likungu lyoshe lya mu Ingito lyemukile tuzungu-zungu, co twayandesele vanu na tusitu. 18Vaka-manseno vesekele kulinga manseno avo ngeci tuzungu-zungu vasholoke, oloni kuvasele. Co kwoshe-ikwoshe kwakele tuzungu-zungu ku vanu na ku tusitu. 19#Luk 11:20 Co vaje vaka-manseno vendekele kuli mwene ngwavo, “Livoko lya Njambi linalingi eci!” Oloni mwene wacikaluwisile mbunge yendi, ngwe vene muje mwendekele Shukulu Kalunga, mwene katolililile kuli Mosesa na Alone.
Cikomokeso camuciwana ca vinzinzi
20Asinoni Shukulu Kalunga wendekele kuli Mosesa ngwendi, “Imene mutondo-tondo ya ukaliwane na mwene omo aya ku ndonga, co ukamuleke ngwove Shukulu Kalunga nendeka ngwendi, ‘Ecela vanu vange vaye ngeci vakanjilemese. 21Nga uvyana kwecela vanu vange ngeci vaye, co njikatuma vinjame vya vinzinzi kuli vamyata vove, na kuli vanu vove, na mu vinjuvo vyove, na mu vinjuvo vya vaka-Ingito mukashula vinzinzi, co na asi oshe akashula vinzinzi. 22Oloni a litangwa lije njikasezao lika lifuti lya Ngoshene muje valinakukala vanu vange, co muje kumukakala vinjame vya vinzinzi embwe. Njikalinga eci ngeci yove ukazivuke ngeci yange Kalunga, njilinakupanga mu lifuti lino. 23Omu mukemwo njikaangununa mukati ka vanu vove na vanu vange. Co ku litangwa lya imene cizivukiso eci cikasholoka.’ ” 24Co Shukulu Kalunga watumine vinjame vyakama vya vinzinzi mu lipela lya mwene na mu vinjuvo vya vamyata vendi. Co lifuti lyoshe lya Ingito lyaviile na vinzinzi.
25Asinoni mwene wasanene Mosesa na Alone wavalekele ngwendi, “Yeni mukakombelele kuli Njambi yeni mu lifuti lino vene.”
26Oloni Mosesa wamukumbulwile ngwendi, “Kesi mwamuvwa kulinga ngacije embwe, omwo vin̄ombelo vitukakombelela kuli Shukulu Kalunga Njambi yetu, vikazivisa vaka-Ingito vunyengwe. Nga tukombelela n̄ombelo ya vunyengwe ku mesho a vaka-Ingito, co kuvakatwasha mamanya ndi? 27Tunapande kuya vungenzi vwa matangwa atatu mu mambo mukukombelela vin̄ombelo kuli Shukulu Kalunga Njambi yetu, ngwe muje mwatushikile.”
28Mwene wendekele ngwendi, “Njamitava muye nakukombelela vin̄ombelo kuli Shukulu Kalunga Njambi yeni mu mambo, oloni kesi muye kulyala. Nange njilombeleleniko.” 29Mosesa wamukumbulwile ngwendi, “Omo yange njiciya lika, co njikalombela kuli Shukulu Kalunga ngeci imene vinzinzi vakamitunde, na vamyata vove, na vanu vove. Oloni kuwapandele kunjikwisa lalo kuvindika vanu kuya nakukombelela vin̄ombelo kuli Shukulu Kalunga.”
30Asinoni Mosesa wasezele mwene waile nakulombela kuli Shukulu Kalunga. 31Shukulu Kalunga walingile ngwe muje mwalombelele Mosesa, co vinjame vya vinzinzi vyatundile ali mwene, na ali vamyata vyendi, na ali vanu vendi, co nzinzi naumo wai wasaleleo. 32Oloni nameme a simbu eyi vene mwene wacikaluwisile mbunge yendi manene, co lalo katavele vanu ngeci vaye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006