Kutuuka 31
31
Kusana kwa Mbezalele na Oholyave
(Kut 35:30-36:1)
1Asinoni Shukulu Kalunga wendekele kuli Mosesa ngwendi, 2“Kenga, njinaangula Mbezalele muna Uli mutekulu wa Hule wa ku muyati wa Yunda, 3co njinamushulisa na Munzinzime wange.#31:3 MUNZINZIME WANGE: Nambe, nzili yange. Co njinamwana kuzivisisa na vutongwe, na kunanguka a cipangi coshe ca vutongwe, 4na mukuyongola vutumbe vwa vutongwe vwakushova nakushovasana nakuvipangesa na ngolinde, na siliva, na vunengu, 5nakulamozola tumamanya twa seo yakama nakutwaka mu tukwatelo, nakushonga mavaya, amo na cipangi ceka coshe ca vutongwe. 6Co lalo njinaangula Oholyave muna Ahisamake, wa ku muyati wa Ndani, mukupanga amo nendi. Co lalo njinaana kunanguka kuli voshe vakwavo vaka-kupanga na vutongwe, ngeci vakevo vase kulinga vyuma vyoshe vije njinashiki ngeci vavilinge, 7Mbalaka Mwakuliwanena, na Cikasa ca Cikumiiyo na cifwiko ca mema ku mbunge na vivala vyoshe vya mu Mbalaka, 8na mesa na vivala vyayo, na citumbikilo ca vindeya ca ngolinde yakujela na vivala vyayo vyoshe, na mutula wakwenyekela insense, 9na mutula wa milambu ya kwenyeka na vivala vyawo vyoshe, na mbashiya yakujwelela na lisanda lyayo, 10na vuzalo vwavuvwa vwa vuka-kukombelela vwa Alone na vuzalo vwa vana vendi vwakupangesa omo vapanga vipangi vyakukombelela, 11na mazi akuvwavesa, na insense yakunika lwengo lwaluvwa ya mu Mwela Wakujela. Akupanga vyuma vyoshe evi, munapande kuvipanga mwamuvwa ngwe munjinamishiki.”
Litangwa Lyakuhwima
12Co Shukulu Kalunga washikile Mosesa 13kuleka vanu va Isalele ngwendi, “Nyungeni Litangwa Lyakuhwima, omwo likelyo lyapwa cimweso akati keni nange ku visemwa vyeni vyoshe vya kulutwe, mukumimwesa ngeci yange Kalunga njinamipwisa vanu vange. 14Ngecivene, munapande kunyunga Litangwa Lyakuhwima, omwo likelyo linapu lyakujela. Co woshe uje kalinyungu, oloni apanga a litangwa lije, napande kutsa. 15#Kut 20:8-11; 23:12; 35:2; VaLe 23:3; Kwi 5:12-14 Matangwa atanu na limo mukapanga vipangi vyeni, oloni a litangwa lyamucitanu na avali likapwa litangwa lyakujela lyakuhwima omo lyakundama kuli yange Kalunga. Co woshe uje akapanga a litangwa lije napande kutsa. 16Ngecivene, vanu va Isalele vanapande kunyunga litangwa eli kupwa cimweso ca cikumiiyo ku visemwa vyavo vyoshe vya kulutwe. 17#Kut 20:11 Litangwa eli linapu cimweso ca ku myaka yoshe akati ka vanu va Isalele nange, omwo yange Kalunga, njatangele lilu na asi mu matangwa atanu na limo, co a litangwa lyamucitanu na avali njalikelele kupanga vipangi, co njahwimine.”
18Omo Njambi wamanesele kushika Mosesa a Munkinda wa Sinai, co wamwanene vitale vivali vya vukaleo vya mamanya aje Njambi vavenya wasonekeleo mashiko na livoko lyendi.
Currently Selected:
Kutuuka 31: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kutuuka 31
31
Kusana kwa Mbezalele na Oholyave
(Kut 35:30-36:1)
1Asinoni Shukulu Kalunga wendekele kuli Mosesa ngwendi, 2“Kenga, njinaangula Mbezalele muna Uli mutekulu wa Hule wa ku muyati wa Yunda, 3co njinamushulisa na Munzinzime wange.#31:3 MUNZINZIME WANGE: Nambe, nzili yange. Co njinamwana kuzivisisa na vutongwe, na kunanguka a cipangi coshe ca vutongwe, 4na mukuyongola vutumbe vwa vutongwe vwakushova nakushovasana nakuvipangesa na ngolinde, na siliva, na vunengu, 5nakulamozola tumamanya twa seo yakama nakutwaka mu tukwatelo, nakushonga mavaya, amo na cipangi ceka coshe ca vutongwe. 6Co lalo njinaangula Oholyave muna Ahisamake, wa ku muyati wa Ndani, mukupanga amo nendi. Co lalo njinaana kunanguka kuli voshe vakwavo vaka-kupanga na vutongwe, ngeci vakevo vase kulinga vyuma vyoshe vije njinashiki ngeci vavilinge, 7Mbalaka Mwakuliwanena, na Cikasa ca Cikumiiyo na cifwiko ca mema ku mbunge na vivala vyoshe vya mu Mbalaka, 8na mesa na vivala vyayo, na citumbikilo ca vindeya ca ngolinde yakujela na vivala vyayo vyoshe, na mutula wakwenyekela insense, 9na mutula wa milambu ya kwenyeka na vivala vyawo vyoshe, na mbashiya yakujwelela na lisanda lyayo, 10na vuzalo vwavuvwa vwa vuka-kukombelela vwa Alone na vuzalo vwa vana vendi vwakupangesa omo vapanga vipangi vyakukombelela, 11na mazi akuvwavesa, na insense yakunika lwengo lwaluvwa ya mu Mwela Wakujela. Akupanga vyuma vyoshe evi, munapande kuvipanga mwamuvwa ngwe munjinamishiki.”
Litangwa Lyakuhwima
12Co Shukulu Kalunga washikile Mosesa 13kuleka vanu va Isalele ngwendi, “Nyungeni Litangwa Lyakuhwima, omwo likelyo lyapwa cimweso akati keni nange ku visemwa vyeni vyoshe vya kulutwe, mukumimwesa ngeci yange Kalunga njinamipwisa vanu vange. 14Ngecivene, munapande kunyunga Litangwa Lyakuhwima, omwo likelyo linapu lyakujela. Co woshe uje kalinyungu, oloni apanga a litangwa lije, napande kutsa. 15#Kut 20:8-11; 23:12; 35:2; VaLe 23:3; Kwi 5:12-14 Matangwa atanu na limo mukapanga vipangi vyeni, oloni a litangwa lyamucitanu na avali likapwa litangwa lyakujela lyakuhwima omo lyakundama kuli yange Kalunga. Co woshe uje akapanga a litangwa lije napande kutsa. 16Ngecivene, vanu va Isalele vanapande kunyunga litangwa eli kupwa cimweso ca cikumiiyo ku visemwa vyavo vyoshe vya kulutwe. 17#Kut 20:11 Litangwa eli linapu cimweso ca ku myaka yoshe akati ka vanu va Isalele nange, omwo yange Kalunga, njatangele lilu na asi mu matangwa atanu na limo, co a litangwa lyamucitanu na avali njalikelele kupanga vipangi, co njahwimine.”
18Omo Njambi wamanesele kushika Mosesa a Munkinda wa Sinai, co wamwanene vitale vivali vya vukaleo vya mamanya aje Njambi vavenya wasonekeleo mashiko na livoko lyendi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006