Kutuuka 15
15
Mwaso wa Mosesa
1 #
Kuj 15:3
Asinoni Mosesa na vaIsalele vembile mwaso ou kuli Shukulu Kalunga ngwavo,
“Njikembila kuli Shukulu Kalunga,
omwo ikeye nahyana na nzili.
Nombila tuvalu na vaka-kulondao
mu mema a kalunga.
2 #
Mya 118:14; Isa 12:2 Shukulu Kalunga ikeye nzili yange
omu mukemwo njilinakumwimbila,
omwo nanjamena.
Ikeye Njambi yange,
co njikamushangazala,
ikeye Njambi ya tate,
co njikamwimbila a vukama vwendi.
3Shukulu Kalunga ikeye nanjilwilako nzita,
lizina lyendi lyapwa Shukulu Kalunga.
4“Ikeye wombilile mbunga ya vaka-Ingito
na makalu avo mu mema a kalunga,
vamyata vavo vavavwa vakupukile
mu Mema a kalunga Akuvenga.
5Co mema a kalunga akulova avakupwile,
co vakaselyamene kwisi ngwe limanya.
6“Yove Shukulu Kalunga,
livoko lyove lya nzili lya cilyo
linapu lyakukomokesa na nzili,
linashandangana vitozi voshe njwa!
7Mu vukama vwa nzili yove
unombila vaka-n̄ole vove,
vukalu vwove vushukuma,
co vulinakuvenyeka ngwe vishati.
8Wahwiminine a mema a kalunga,
co mema a kalunga alikungwiiye
amo kupwa mutumbo waulaja,
wemanene lwii ngwe civumbe,
co nzinga ya mema a kalunga
yemukile ngwe mavele akukonda.
9Citozi wendekele ngwendi,
‘Njikavakava, co njikavakwata,
njikaangununa vufuko vwavo,
co njikambata vyoshe vinjishaka,
njikashomona mukwale wange,
co njikavanyongesa na livoko lyange.’
10Yove Shukulu Kalunga wahuwisile lihunzi lyove,
co mema a kalunga avafwikile,
vaselyamene ngwe shumbu
mu mema akukomokesa.
11“Yove Shukulu Kalunga,
iyajo nalifu nove akati ka vinjambi?
Iyajo nalifu nove, wakukomokesa kukujela?
Iyajo asa kupanga vikomokeso
na vilinga vya nzili ngwe yove?
12Wemikile livoko lyove lya cilyo,
co livu lyalewile vitozi vetu.
13“Omwo cizemo cove cije kucesi kutenguluka,
unatwamenena vanu vaje vawakulile,
a nzili yove wavatwamenenene
ku mutambela wove wakujela.
14Miyati ya vanu vaje vazivileko
vajajele omwo lyova,
vaFilisitiya vavupukile na lyova
lyakukomokesa.
15Vantwama va ku Endome valikomokelele,
vanalume va nzili va ku Mowavi valijajelele,
vanu va mu Kanana vezokele vimbunge.
16Lyova lyakama na munjunju
vyawililile ali vakevo
omwo vanamono nzili yove,
Yove Shukulu Kalunga,
co vakevo vemanene na lyova
noo vanu vove vetile,
vanu vove vaje vaunafuku.
17Ukavanena nakuvatungisa a munkinda wove,
mwela uje waangwile kupwa vukalo vwove,
yove Shukulu Kalunga,
mwela uje wakujela uunatungu
na mavoko ove vavenya.
18Yove Shukulu Kalunga,
ukashwana ku myaka yoshe.”
Mwaso wa Milyamu
19VaIsalele vendele mu mema a kalunga a livu lyakuma cau. Oloni omo makalu a vaka-Ingito na tuvalu twavo na vaka-kulondao vakovelele mu mema a kalunga, co Shukulu Kalunga welwisile mema, ngeci avakupwile.
20Asinoni muka-kwimanena wa munakazi Milyamu, ndokazi ya Alone, wambatele kambulumbumba kendi, co vanakazi voshe vamukavele, nakwimba tumbulumbumba twavo nakukina. 21Milyamu wavembilile mwaso ngwendi,
“Mwimbileni Shukulu Kalunga,
omwo ikeye nahyana na nzili,
ikeye nombila tuvalu na vaka-kulondao
mu mema a kalunga.”
Mema akulula
22Asinoni Mosesa watwamenenene vanu va Isalele kutunda ku Lishali Lyakuvenga nakweta mu mambo ya Shule. A matangwa atatu vendele mu mambo, oloni kuvawanene mema. 23Asinoni vetele ku mutambela uje uvatumbwile Mala, oloni mema akele kuje apwile akulula kuvasele kuwanwa. Mukemwo vatumbwile mwela uje ngwavo Mala.#15:23 MALA: Lizina eli mu ciHevelu lyanunguluka ngwalyo, kulula. 24Co vanu valinyengelele kuli Mosesa vamwihwile ngwavo, “Vikajo tunwa?” 25Co Mosesa walombelele manene kuli Shukulu Kalunga, co Shukulu Kalunga wamumwesele cipunzu ca citi ngeci wacumbilile mu mema, co mema emukile amavwa kuwanwa.
Co kuje Shukulu Kalunga wavanene mashiko akuyoya nawo, co kuje lalo wavesekele 26wendekele ngwendi, “Nga munjononoka nakulinga mwamuvwa ku mesho ange, nakunyunga mashiko na vizilika vyange, co kunjikamihisa na mishongo ngwe ije njahisile nayo vaka-Ingito, omwo yange njapwa Kalunga, uje muka-kumikangwisa.”
27Asinoni vetele ku Elime, kuje kwakele masima a tuvwelu-vwelu likumi na avali na mashakavale makumi atanu na avali, co vatungile cilombo cavo kuyehi na mema.
Currently Selected:
Kutuuka 15: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kutuuka 15
15
Mwaso wa Mosesa
1 #
Kuj 15:3
Asinoni Mosesa na vaIsalele vembile mwaso ou kuli Shukulu Kalunga ngwavo,
“Njikembila kuli Shukulu Kalunga,
omwo ikeye nahyana na nzili.
Nombila tuvalu na vaka-kulondao
mu mema a kalunga.
2 #
Mya 118:14; Isa 12:2 Shukulu Kalunga ikeye nzili yange
omu mukemwo njilinakumwimbila,
omwo nanjamena.
Ikeye Njambi yange,
co njikamushangazala,
ikeye Njambi ya tate,
co njikamwimbila a vukama vwendi.
3Shukulu Kalunga ikeye nanjilwilako nzita,
lizina lyendi lyapwa Shukulu Kalunga.
4“Ikeye wombilile mbunga ya vaka-Ingito
na makalu avo mu mema a kalunga,
vamyata vavo vavavwa vakupukile
mu Mema a kalunga Akuvenga.
5Co mema a kalunga akulova avakupwile,
co vakaselyamene kwisi ngwe limanya.
6“Yove Shukulu Kalunga,
livoko lyove lya nzili lya cilyo
linapu lyakukomokesa na nzili,
linashandangana vitozi voshe njwa!
7Mu vukama vwa nzili yove
unombila vaka-n̄ole vove,
vukalu vwove vushukuma,
co vulinakuvenyeka ngwe vishati.
8Wahwiminine a mema a kalunga,
co mema a kalunga alikungwiiye
amo kupwa mutumbo waulaja,
wemanene lwii ngwe civumbe,
co nzinga ya mema a kalunga
yemukile ngwe mavele akukonda.
9Citozi wendekele ngwendi,
‘Njikavakava, co njikavakwata,
njikaangununa vufuko vwavo,
co njikambata vyoshe vinjishaka,
njikashomona mukwale wange,
co njikavanyongesa na livoko lyange.’
10Yove Shukulu Kalunga wahuwisile lihunzi lyove,
co mema a kalunga avafwikile,
vaselyamene ngwe shumbu
mu mema akukomokesa.
11“Yove Shukulu Kalunga,
iyajo nalifu nove akati ka vinjambi?
Iyajo nalifu nove, wakukomokesa kukujela?
Iyajo asa kupanga vikomokeso
na vilinga vya nzili ngwe yove?
12Wemikile livoko lyove lya cilyo,
co livu lyalewile vitozi vetu.
13“Omwo cizemo cove cije kucesi kutenguluka,
unatwamenena vanu vaje vawakulile,
a nzili yove wavatwamenenene
ku mutambela wove wakujela.
14Miyati ya vanu vaje vazivileko
vajajele omwo lyova,
vaFilisitiya vavupukile na lyova
lyakukomokesa.
15Vantwama va ku Endome valikomokelele,
vanalume va nzili va ku Mowavi valijajelele,
vanu va mu Kanana vezokele vimbunge.
16Lyova lyakama na munjunju
vyawililile ali vakevo
omwo vanamono nzili yove,
Yove Shukulu Kalunga,
co vakevo vemanene na lyova
noo vanu vove vetile,
vanu vove vaje vaunafuku.
17Ukavanena nakuvatungisa a munkinda wove,
mwela uje waangwile kupwa vukalo vwove,
yove Shukulu Kalunga,
mwela uje wakujela uunatungu
na mavoko ove vavenya.
18Yove Shukulu Kalunga,
ukashwana ku myaka yoshe.”
Mwaso wa Milyamu
19VaIsalele vendele mu mema a kalunga a livu lyakuma cau. Oloni omo makalu a vaka-Ingito na tuvalu twavo na vaka-kulondao vakovelele mu mema a kalunga, co Shukulu Kalunga welwisile mema, ngeci avakupwile.
20Asinoni muka-kwimanena wa munakazi Milyamu, ndokazi ya Alone, wambatele kambulumbumba kendi, co vanakazi voshe vamukavele, nakwimba tumbulumbumba twavo nakukina. 21Milyamu wavembilile mwaso ngwendi,
“Mwimbileni Shukulu Kalunga,
omwo ikeye nahyana na nzili,
ikeye nombila tuvalu na vaka-kulondao
mu mema a kalunga.”
Mema akulula
22Asinoni Mosesa watwamenenene vanu va Isalele kutunda ku Lishali Lyakuvenga nakweta mu mambo ya Shule. A matangwa atatu vendele mu mambo, oloni kuvawanene mema. 23Asinoni vetele ku mutambela uje uvatumbwile Mala, oloni mema akele kuje apwile akulula kuvasele kuwanwa. Mukemwo vatumbwile mwela uje ngwavo Mala.#15:23 MALA: Lizina eli mu ciHevelu lyanunguluka ngwalyo, kulula. 24Co vanu valinyengelele kuli Mosesa vamwihwile ngwavo, “Vikajo tunwa?” 25Co Mosesa walombelele manene kuli Shukulu Kalunga, co Shukulu Kalunga wamumwesele cipunzu ca citi ngeci wacumbilile mu mema, co mema emukile amavwa kuwanwa.
Co kuje Shukulu Kalunga wavanene mashiko akuyoya nawo, co kuje lalo wavesekele 26wendekele ngwendi, “Nga munjononoka nakulinga mwamuvwa ku mesho ange, nakunyunga mashiko na vizilika vyange, co kunjikamihisa na mishongo ngwe ije njahisile nayo vaka-Ingito, omwo yange njapwa Kalunga, uje muka-kumikangwisa.”
27Asinoni vetele ku Elime, kuje kwakele masima a tuvwelu-vwelu likumi na avali na mashakavale makumi atanu na avali, co vatungile cilombo cavo kuyehi na mema.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006