Kutuuka 13
13
Kukundika va ntwatwa
1Shukulu Kalunga wendekele kuli Mosesa ngwendi, 2#Kul 3:13; Luk 2:23 “Kundika va ntwatwa voshe va vanalume kuli yange, omwo ntwatwa na ntwatwa wa munalume wa vaIsalele na ava va tusitu vakulivanga kusemuka vakundama kuli yange.”
Ciwano ca Makende Akujeneka Musima
3Asinoni Mosesa wendekele kuli vanu ngwendi, “Anukeni litangwa eli, omwo a litangwa eli likelyo mwatundile mu Ingito kuje mwakele mu vunzinda. Eli likelyo litangwa lije Shukulu Kalunga wamituwisile na livoko lyendi lya nzili. Co kesi mulye makende akwaka musima. 4A litangwa lya lelo, likelyo limunatundu mu Ingito, ku ngonde yakulivanga ya Avive.#13:4 AVIVE: Avive nambe Nisane, ngonde yakulivanga ya vaHevelu kutunda akati ka Kuwana kweta akati ka Kuhu. 5Omwo Shukulu Kalunga akamitwala mu lifuti lya vaKanana, na vaHiti, na vaAmoli, na vaHivi, na vaNjevushi, lifuti lije lyalisingile na vakukulwila veni kumyanalyo, lifuti lije lyalivwa, nevi vyakujenekamo vyai, co mukanyunga ciwano eci a mwaka na mwaka ku ngonde yakulivanga. 6Ngecivene, munapande kulya makende akujeneka musima a matangwa atanu na avali, co a litangwa lyamucitanu na avali lingileni Shukulu Kalunga ciwano cakumulemesa. 7Omwo a matangwa atanu na avali kumwapandele kulya makende akwaka musima, kesi kukakale musima nameme makende a musima mu lifuti lyeni lyoshe. 8Omo ciwano cishangumuka, lekeni vana veni va vanalume ngweni mukalinga eci omwo a vyuma vije vyalingile Shukulu Kalunga kuli yeni akumitundisa mu Ingito. 9Ngecivene, kunyunga eci ciwano cikapwa canukiso, ngwe cuma cakukutiiya ku livoko lyeni nambe a luholo lweni. Cikamyanukisa ngeci mukatwaleo mukwambulula Lishiko lya Shukulu Kalunga na vilongesa vyendi, omwo Shukulu Kalunga wamitundisile mu Ingito na livoko lyendi lya nzili. 10Co nyungeni vilongesa vya ciwano eci a mwaka na mwaka a simbu ije ivanacimika.
Va ntwatwa
11“Shukulu Kalunga akamitwala mu lifuti lya vaKanana, lije lyalisingile nakumikulaesalyo, yeni na vakukulwila veni. Omo akamyanalyo, 12#Kut 34:19-20; Luk 2:23 co munapande kulambula mwana woshe wa munalume wa ntwatwa kuli Shukulu Kalunga. Vimuna veni va nkomba vakulivanga kusemuka vanakundama kuli Shukulu Kalunga, 13oloni munapande kukula cimulu woshe wa nkomba wakulivanga kusemuka nakulambula muna manga mu mwela wendi. Nga kuushaka kukula uje cimulu, co mupokole mukoshi. Co lalo munapande kukula vana veni voshe va vanalume va va ntwatwa. 14Kulutwe, omo munove wa munalume akakwihula a lishiko eli ngwendi linanunguluka vatijo, co ukamukumbulula ngwove, ‘Shukulu Kalunga watutundisile mu Ingito na livoko lyendi lya nzili, muje twakele mu lifuti lya vunzinda. 15Omo mwene wa Ingito wakaluwisile mbunge yendi wavyanene kutwecela ngeci tuye, co Shukulu Kalunga watsiile va ntwatwa voshe va vanalume mu lifuti lya Ingito, amo na vimuna va nkomba vakulivanga kusemuka. Omu mukemwo mutukakombelelela Shukulu Kalunga cimuna woshe wa nkomba wakulivanga kusemuka, oloni tukakula vana vetu va ntwatwa va vanalume. 16Lishiko eli likapwa canukiso, ngwe cuma cakukutiiya a mavoko eni nambe ku maholo lweni, likatwanukisa ngeci Shukulu Kalunga watutundisile mu Ingito na livoko lyendi lya nzili.’ ”
Manda ya lishelwa na manda ya tuhya
17Omo mwene wa Ingito wecelele vanu va Isalele vaye, Njambi kavetisile mu tapalo yakuya ku cikuma ca ku Filisitiya, nameme ikeyo yapwile ngila yaihi. Njambi wayongwele ngwendi, “Kunjishaka ngwange vanu vatengulule viyongola vyavo veluke ku Ingito omo vakamona ngeci valinakuya nakulwa.” 18Ngecivene, Njambi wavendesele mu ngila yakulizenga yakwita mu mambo ku Lishali lyakuvenga.#13:18 LISHALI LYAKUVENGA: Mu ciHevelu ngwavo, Lishali lya Mahongo, kwesekesa na lizina eli (1) mutambela wa mashali na mandova mukati ka cava ca Linema lya Suwezi na Lishali lya Menditelenyani, mutambela uje vayongola ngwavo, kukekwo kwakele vyuma vije vyasholokele mu Kutuuka 13, (2) Linema lya Suwezi, (3) Linema lya Akava, (4) Lishali Lyakuvenga. Co vaIsalele voshe vambatele vitwa vya nzita.
19 #
Kus 50:25; Yos 24:32 Mosesa wambatele muvila wa Yosefa, ngwe Yosefa wavasingisile cisingo ca cikulaeso ngeci vakacilinge, omwo ikeye wendekele ngwendi, “Omo Njambi akamipatula, mwapande kwambata muvila wange nakuutundisa ku mutambela uno.”
20Co vaIsalele vatundile ku Sukote, vakatungile cilombo cavo ku Etame kumukulo wa mambo. 21A simbu ya mutanya Shukulu Kalunga watwamene kulutwe lwavo mu manda ya lishelwa nakuvamwesa ngila, co a simbu ya vutsiki watwamene mu manda ya tuhya nakuvatwila ceke, ngeci vase kwenda vutsiki na mutanya. 22Co manda ya lishelwa yavatwamenene ku mutanya, na manda ya tuhya yavatwamenene ku vutsiki, simbu yoshe kuvyavasezele.
Currently Selected:
Kutuuka 13: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kutuuka 13
13
Kukundika va ntwatwa
1Shukulu Kalunga wendekele kuli Mosesa ngwendi, 2#Kul 3:13; Luk 2:23 “Kundika va ntwatwa voshe va vanalume kuli yange, omwo ntwatwa na ntwatwa wa munalume wa vaIsalele na ava va tusitu vakulivanga kusemuka vakundama kuli yange.”
Ciwano ca Makende Akujeneka Musima
3Asinoni Mosesa wendekele kuli vanu ngwendi, “Anukeni litangwa eli, omwo a litangwa eli likelyo mwatundile mu Ingito kuje mwakele mu vunzinda. Eli likelyo litangwa lije Shukulu Kalunga wamituwisile na livoko lyendi lya nzili. Co kesi mulye makende akwaka musima. 4A litangwa lya lelo, likelyo limunatundu mu Ingito, ku ngonde yakulivanga ya Avive.#13:4 AVIVE: Avive nambe Nisane, ngonde yakulivanga ya vaHevelu kutunda akati ka Kuwana kweta akati ka Kuhu. 5Omwo Shukulu Kalunga akamitwala mu lifuti lya vaKanana, na vaHiti, na vaAmoli, na vaHivi, na vaNjevushi, lifuti lije lyalisingile na vakukulwila veni kumyanalyo, lifuti lije lyalivwa, nevi vyakujenekamo vyai, co mukanyunga ciwano eci a mwaka na mwaka ku ngonde yakulivanga. 6Ngecivene, munapande kulya makende akujeneka musima a matangwa atanu na avali, co a litangwa lyamucitanu na avali lingileni Shukulu Kalunga ciwano cakumulemesa. 7Omwo a matangwa atanu na avali kumwapandele kulya makende akwaka musima, kesi kukakale musima nameme makende a musima mu lifuti lyeni lyoshe. 8Omo ciwano cishangumuka, lekeni vana veni va vanalume ngweni mukalinga eci omwo a vyuma vije vyalingile Shukulu Kalunga kuli yeni akumitundisa mu Ingito. 9Ngecivene, kunyunga eci ciwano cikapwa canukiso, ngwe cuma cakukutiiya ku livoko lyeni nambe a luholo lweni. Cikamyanukisa ngeci mukatwaleo mukwambulula Lishiko lya Shukulu Kalunga na vilongesa vyendi, omwo Shukulu Kalunga wamitundisile mu Ingito na livoko lyendi lya nzili. 10Co nyungeni vilongesa vya ciwano eci a mwaka na mwaka a simbu ije ivanacimika.
Va ntwatwa
11“Shukulu Kalunga akamitwala mu lifuti lya vaKanana, lije lyalisingile nakumikulaesalyo, yeni na vakukulwila veni. Omo akamyanalyo, 12#Kut 34:19-20; Luk 2:23 co munapande kulambula mwana woshe wa munalume wa ntwatwa kuli Shukulu Kalunga. Vimuna veni va nkomba vakulivanga kusemuka vanakundama kuli Shukulu Kalunga, 13oloni munapande kukula cimulu woshe wa nkomba wakulivanga kusemuka nakulambula muna manga mu mwela wendi. Nga kuushaka kukula uje cimulu, co mupokole mukoshi. Co lalo munapande kukula vana veni voshe va vanalume va va ntwatwa. 14Kulutwe, omo munove wa munalume akakwihula a lishiko eli ngwendi linanunguluka vatijo, co ukamukumbulula ngwove, ‘Shukulu Kalunga watutundisile mu Ingito na livoko lyendi lya nzili, muje twakele mu lifuti lya vunzinda. 15Omo mwene wa Ingito wakaluwisile mbunge yendi wavyanene kutwecela ngeci tuye, co Shukulu Kalunga watsiile va ntwatwa voshe va vanalume mu lifuti lya Ingito, amo na vimuna va nkomba vakulivanga kusemuka. Omu mukemwo mutukakombelelela Shukulu Kalunga cimuna woshe wa nkomba wakulivanga kusemuka, oloni tukakula vana vetu va ntwatwa va vanalume. 16Lishiko eli likapwa canukiso, ngwe cuma cakukutiiya a mavoko eni nambe ku maholo lweni, likatwanukisa ngeci Shukulu Kalunga watutundisile mu Ingito na livoko lyendi lya nzili.’ ”
Manda ya lishelwa na manda ya tuhya
17Omo mwene wa Ingito wecelele vanu va Isalele vaye, Njambi kavetisile mu tapalo yakuya ku cikuma ca ku Filisitiya, nameme ikeyo yapwile ngila yaihi. Njambi wayongwele ngwendi, “Kunjishaka ngwange vanu vatengulule viyongola vyavo veluke ku Ingito omo vakamona ngeci valinakuya nakulwa.” 18Ngecivene, Njambi wavendesele mu ngila yakulizenga yakwita mu mambo ku Lishali lyakuvenga.#13:18 LISHALI LYAKUVENGA: Mu ciHevelu ngwavo, Lishali lya Mahongo, kwesekesa na lizina eli (1) mutambela wa mashali na mandova mukati ka cava ca Linema lya Suwezi na Lishali lya Menditelenyani, mutambela uje vayongola ngwavo, kukekwo kwakele vyuma vije vyasholokele mu Kutuuka 13, (2) Linema lya Suwezi, (3) Linema lya Akava, (4) Lishali Lyakuvenga. Co vaIsalele voshe vambatele vitwa vya nzita.
19 #
Kus 50:25; Yos 24:32 Mosesa wambatele muvila wa Yosefa, ngwe Yosefa wavasingisile cisingo ca cikulaeso ngeci vakacilinge, omwo ikeye wendekele ngwendi, “Omo Njambi akamipatula, mwapande kwambata muvila wange nakuutundisa ku mutambela uno.”
20Co vaIsalele vatundile ku Sukote, vakatungile cilombo cavo ku Etame kumukulo wa mambo. 21A simbu ya mutanya Shukulu Kalunga watwamene kulutwe lwavo mu manda ya lishelwa nakuvamwesa ngila, co a simbu ya vutsiki watwamene mu manda ya tuhya nakuvatwila ceke, ngeci vase kwenda vutsiki na mutanya. 22Co manda ya lishelwa yavatwamenene ku mutanya, na manda ya tuhya yavatwamenene ku vutsiki, simbu yoshe kuvyavasezele.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006