Kwituluka mu Mashiko 7
7
Vanu va Isalele vapwa muyati wakwangula kuli Shukulu Kalunga
1 #
Vil 13:19
“Omo Shukulu Kalunga Njambi yeni akamitwala mu lifuti lije mulinakukovela nakulishwana, ikeye akashekamo miyati yakama. Co Shukulu Kalunga akashekamo miyati itanu na ivali yakama manene ya nzili kutuvakana yeni, vaHivi, na vaNgilengashi, na vaAmoli, na vaKanana, na vaPelezi, na vaHiti, na vaNjevushi. 2Omo Shukulu Kalunga Njambi yeni akavakundika mu mavoko eni, mukavanyongesa voshe njwa. Kesi mukalikumiiye navo, nambe kuvazivila mema ku mbunge embwe. 3Kesi mukalyambatele navo, co kesi mukashombwese vana veni va vanakazi kuli vana vavo va vanalume, nambe kwambatela vana veni va vanalume vana vavo va vanakazi embwe. 4Vakevo vakatangula vana veni va vanalume kukava Shukulu Kalunga nakulemesa vinjambi veka. Eci cikashambeya vukalu vwa Shukulu Kalunga, co akaminyongesa a simbu ije vene. 5#Kwi 12:3 Omu mukemwo mumukalinga navo, mukasiwula mitula yavo, nakuvujula vimanda vya mamanya vyakulemesela, nakuvatula viti vya Ashela njambi yavo wa munakazi, nakwenyeka tumponya twavo. 6#Kut 19:5; Kwi 4:20; 14:2; 26:18; Tit 2:14; 1 Pet 2:9 Shukulu Kalunga Njambi yeni wamyangwile kupwa vushwana vwendi kutuvakana vanu voshe vali ano asi ngeci mukapwe vanu vendi vakujela.
7“Shukulu Kalunga kamizemene nakumyangula omwo kutuma kweni kutuvakana miyati yeka embwe. Yeni mwapwile muyati waundondo manene akati ka vanu voshe. 8Oloni Shukulu Kalunga wamizemene, co alinakunyunga cikumiiyo cije walikumiiye na vakukulwila veni. Ngeci wamitundisilemo mu lifuti lya vundungo na livoko lyendi lya nzili yakama nakumikula ku livoko lya mwene wa Ingito. 9Ngecivene, zivukeni ngweni Shukulu Kalunga Njambi yeni ikeye Njambi umolika, ikeye wapwa Njambi wa kulongwa. Ikeye wanyunga cikumiiyo cendi, na cizemo cendi cije kucesi kutenguluka kuli vaje vamuzema nakunyunga mashiko endi ku visemwa 1,000. 10#Kut 20:5-6; 34:6-7; Kul 14:18; Kwi 5:9-10 Oloni ikeye kesi kwishwala kuhisa vaje vamuzinda. 11Ngecivene, mukanyunga mwamuvwa mashiko, na vizilika, na vilongesa vinjinamishiki ku litangwa lya lelo.
Vivezikiso vya vaka-kwononoka
(Kwi 28:1-14)
12“Nga mutolilila ku mashiko awa nakuwanyunga nakuwononoka, asinoni Shukulu Kalunga Njambi yeni akatwalao kunyunga cikumiiyo cendi, na cizemo cendi cije kucesi kutenguluka, cije calikumiiye na vakukulwila veni. 13Co ikeye akamizema nakumivezikisa, mukatuma nakukala na vana vavangi, na vimbuto mu mahya eni, na vimbuto vya vinona, na vinyu vyaviha, na mazi a olive, nakumyana vimuna vavangi, na vimanga vavangi. Ikeye akamyana vivezikiso vyoshe evi mu lifuti lije wakulaesele vakukulwila veni kumyanalyo. 14Mukavezika kutuvakana vanu voshe. Kumukakala muumba mukati keni, nambe munalume, nambe munakazi, nambe vimuna veni embwe. 15Shukulu Kalunga akaminyunga ku mishongo yoshe, co ikeye kakamisholwela mishongo yakukomokesa ije mwamwene mu Ingito, oloni akaisholwela lika vitozi veni. 16#Kwi 11:13-17 Co mukanyongesa vanu voshe vaje vakakundika Shukulu Kalunga Njambi yeni mu mavoko eni, co kesi mukavazivile mema ku mbunge embwe, nambe kulemesa vinjambi vavo, omwo eci cikapwa nganjo kuli yeni.
17“Amo mukalishoshomwena mu vimbunge vyeni nakwendeka ngweni, ‘Miyati eyi inatumu manene, co twasa kuvasheka vatijo?’ 18Kesi mukavazivile lyova. Mukanuka vije vyalingile Shukulu Kalunga Njambi yeni kuli mwene wa Ingito, na kuli vanu vendi voshe. 19Oloni mukanuka vikomokeso vije mwamwene na mesho eni vavenya, na vizivukiso, na vikomokeso, na nzili yakama ije yamitundisile nayo Shukulu Kalunga Njambi yeni mu vundungo. Mu ngila eyi vene wanyongesele vaka-Ingito, co ikeye akanyongesa lalo vanu voshe ava mulinakutewa ololo. 20Shukulu Kalunga Njambi yeni akatuma malu, co akanyongesa vaje vakaputumuka nakukavanda akati keni. 21Ngecivene, kesi mukavazivile lyova omwo Shukulu Kalunga Njambi yeni, ou ali akati keni ikeye Njambi Muka-nzili, wakujujwisa. 22Shukulu Kalunga Njambi yeni akasheka miyati ije ili kulutwe lweni kamandondo-kamandondo. Kumukasa kuvanyongesa voshe mu simbu imolika embwe, kutewa tusitu vakasemunwina nakutuma, co vakamiyandesa. 23Oloni Shukulu Kalunga Njambi yeni akakundika vitozi veni mu mavoko eni, co akavaiya-yiisa noo voshe vananyongo njwa. 24Ikeye akakundika vimyene vavo mu mavoko eni. Voshe mukavatsiya, co vakevo vakavevala mu lifuti, naumo wai akemana ku mesho eni noo munavanyongesa voshe. 25Ngecivene, mukenyeka tumponya twa vinjambi vavo vakushonga. Kesi mukaliveyele siliva nambe ngolinde ije valinayo, co kesi mukalinoneleyo embwe kutewa mukatsa mu nganjo yavo, omwo vyapwa vya vunyengwe ku mesho a Shukulu Kalunga Njambi yeni. 26Kesi mukakovelese vyuma vya vunyengwe mu vinjuvo vyeni embwe, co cikapwa cisingo cimo cije cikakala ali yeni ngwe ali vije vinjambi vavo. Omwo vyuma evi vyapwa vyakusinga kuli Shukulu Kalunga.
Currently Selected:
Kwituluka mu Mashiko 7: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kwituluka mu Mashiko 7
7
Vanu va Isalele vapwa muyati wakwangula kuli Shukulu Kalunga
1 #
Vil 13:19
“Omo Shukulu Kalunga Njambi yeni akamitwala mu lifuti lije mulinakukovela nakulishwana, ikeye akashekamo miyati yakama. Co Shukulu Kalunga akashekamo miyati itanu na ivali yakama manene ya nzili kutuvakana yeni, vaHivi, na vaNgilengashi, na vaAmoli, na vaKanana, na vaPelezi, na vaHiti, na vaNjevushi. 2Omo Shukulu Kalunga Njambi yeni akavakundika mu mavoko eni, mukavanyongesa voshe njwa. Kesi mukalikumiiye navo, nambe kuvazivila mema ku mbunge embwe. 3Kesi mukalyambatele navo, co kesi mukashombwese vana veni va vanakazi kuli vana vavo va vanalume, nambe kwambatela vana veni va vanalume vana vavo va vanakazi embwe. 4Vakevo vakatangula vana veni va vanalume kukava Shukulu Kalunga nakulemesa vinjambi veka. Eci cikashambeya vukalu vwa Shukulu Kalunga, co akaminyongesa a simbu ije vene. 5#Kwi 12:3 Omu mukemwo mumukalinga navo, mukasiwula mitula yavo, nakuvujula vimanda vya mamanya vyakulemesela, nakuvatula viti vya Ashela njambi yavo wa munakazi, nakwenyeka tumponya twavo. 6#Kut 19:5; Kwi 4:20; 14:2; 26:18; Tit 2:14; 1 Pet 2:9 Shukulu Kalunga Njambi yeni wamyangwile kupwa vushwana vwendi kutuvakana vanu voshe vali ano asi ngeci mukapwe vanu vendi vakujela.
7“Shukulu Kalunga kamizemene nakumyangula omwo kutuma kweni kutuvakana miyati yeka embwe. Yeni mwapwile muyati waundondo manene akati ka vanu voshe. 8Oloni Shukulu Kalunga wamizemene, co alinakunyunga cikumiiyo cije walikumiiye na vakukulwila veni. Ngeci wamitundisilemo mu lifuti lya vundungo na livoko lyendi lya nzili yakama nakumikula ku livoko lya mwene wa Ingito. 9Ngecivene, zivukeni ngweni Shukulu Kalunga Njambi yeni ikeye Njambi umolika, ikeye wapwa Njambi wa kulongwa. Ikeye wanyunga cikumiiyo cendi, na cizemo cendi cije kucesi kutenguluka kuli vaje vamuzema nakunyunga mashiko endi ku visemwa 1,000. 10#Kut 20:5-6; 34:6-7; Kul 14:18; Kwi 5:9-10 Oloni ikeye kesi kwishwala kuhisa vaje vamuzinda. 11Ngecivene, mukanyunga mwamuvwa mashiko, na vizilika, na vilongesa vinjinamishiki ku litangwa lya lelo.
Vivezikiso vya vaka-kwononoka
(Kwi 28:1-14)
12“Nga mutolilila ku mashiko awa nakuwanyunga nakuwononoka, asinoni Shukulu Kalunga Njambi yeni akatwalao kunyunga cikumiiyo cendi, na cizemo cendi cije kucesi kutenguluka, cije calikumiiye na vakukulwila veni. 13Co ikeye akamizema nakumivezikisa, mukatuma nakukala na vana vavangi, na vimbuto mu mahya eni, na vimbuto vya vinona, na vinyu vyaviha, na mazi a olive, nakumyana vimuna vavangi, na vimanga vavangi. Ikeye akamyana vivezikiso vyoshe evi mu lifuti lije wakulaesele vakukulwila veni kumyanalyo. 14Mukavezika kutuvakana vanu voshe. Kumukakala muumba mukati keni, nambe munalume, nambe munakazi, nambe vimuna veni embwe. 15Shukulu Kalunga akaminyunga ku mishongo yoshe, co ikeye kakamisholwela mishongo yakukomokesa ije mwamwene mu Ingito, oloni akaisholwela lika vitozi veni. 16#Kwi 11:13-17 Co mukanyongesa vanu voshe vaje vakakundika Shukulu Kalunga Njambi yeni mu mavoko eni, co kesi mukavazivile mema ku mbunge embwe, nambe kulemesa vinjambi vavo, omwo eci cikapwa nganjo kuli yeni.
17“Amo mukalishoshomwena mu vimbunge vyeni nakwendeka ngweni, ‘Miyati eyi inatumu manene, co twasa kuvasheka vatijo?’ 18Kesi mukavazivile lyova. Mukanuka vije vyalingile Shukulu Kalunga Njambi yeni kuli mwene wa Ingito, na kuli vanu vendi voshe. 19Oloni mukanuka vikomokeso vije mwamwene na mesho eni vavenya, na vizivukiso, na vikomokeso, na nzili yakama ije yamitundisile nayo Shukulu Kalunga Njambi yeni mu vundungo. Mu ngila eyi vene wanyongesele vaka-Ingito, co ikeye akanyongesa lalo vanu voshe ava mulinakutewa ololo. 20Shukulu Kalunga Njambi yeni akatuma malu, co akanyongesa vaje vakaputumuka nakukavanda akati keni. 21Ngecivene, kesi mukavazivile lyova omwo Shukulu Kalunga Njambi yeni, ou ali akati keni ikeye Njambi Muka-nzili, wakujujwisa. 22Shukulu Kalunga Njambi yeni akasheka miyati ije ili kulutwe lweni kamandondo-kamandondo. Kumukasa kuvanyongesa voshe mu simbu imolika embwe, kutewa tusitu vakasemunwina nakutuma, co vakamiyandesa. 23Oloni Shukulu Kalunga Njambi yeni akakundika vitozi veni mu mavoko eni, co akavaiya-yiisa noo voshe vananyongo njwa. 24Ikeye akakundika vimyene vavo mu mavoko eni. Voshe mukavatsiya, co vakevo vakavevala mu lifuti, naumo wai akemana ku mesho eni noo munavanyongesa voshe. 25Ngecivene, mukenyeka tumponya twa vinjambi vavo vakushonga. Kesi mukaliveyele siliva nambe ngolinde ije valinayo, co kesi mukalinoneleyo embwe kutewa mukatsa mu nganjo yavo, omwo vyapwa vya vunyengwe ku mesho a Shukulu Kalunga Njambi yeni. 26Kesi mukakovelese vyuma vya vunyengwe mu vinjuvo vyeni embwe, co cikapwa cisingo cimo cije cikakala ali yeni ngwe ali vije vinjambi vavo. Omwo vyuma evi vyapwa vyakusinga kuli Shukulu Kalunga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006