Kwituluka mu Mashiko 5
5
Mashiko Likumi
(Kut 20:1-17)
1Mosesa wasanene vanu va Isalele voshe, co wendekele kuli vakevo ngwendi, “Tolilileni, yeni vanu va Isalele, ku vilongesa na mashiko oshe awa njilinakumileka ku litangwa lya lelo. Lilongesenivyo mwamuvwa nakuvyononoka. 2Ku Munkinda wa Sinai Shukulu Kalunga Njambi yetu walingile netu cikumiiyo. 3Kesi na vakukulwila vetu walikumiiye cikumiiyo eci embwe, oloni wakulikumiiye netu yetu voshe tulinakuyoya ku litangwa lya lelo. 4Co kuje ku munkinda Shukulu Kalunga wendekele neni mesho na mesho oku ali mukati ka tuhya. 5Co yange njemanene akati keni na Shukulu Kalunga a simbu ije kumileka vije vyendekele, omwo yeni mwakele na lyova lya tuhya, co kumwasele kulamata a munkinda.
“Asinoni Shukulu Kalunga wendekele ngwendi, 6‘Yange njapwa Kalunga Njambi yeni, uje wamitundisile mu Ingito, kuje mwakele mu vinzinda.
7“ ‘Kesi mukalemese njambi weka kuvanga yange lika.
8“ ‘Kesi mukalishongele cifwa ca cuma cimo cili mwilu nambe cili ano asi, nambe cili mu mema mwisi ya asi. 9#VaLe 26:1; Kwi 4:15-18; 27:15 Kesi mukatsikamene tumponya, nambe kuvalemesa, omwo yange njapwa Kalunga Njambi yeni, Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana. 10#Kut 34:6-7; Kul 14:18; Kwi 7:9-10 Oloni njikamwesa cizemo cange cije kucesi kutenguluka ku visemwa 1,000 vya vaje vanjizema nakunyunga mashiko ange.
11 #
VaLe 19:12
“ ‘Kesi mukapangese lizina lyange mwamuvi, omwo yange Kalunga Njambi yeni njikahisa voshe vaje vakapangesa lizina lyange mwamuvi.
12 #
Kut 16:23-30; 31:12-14 “ ‘Nyungeni Litangwa Lyakuhwima nakulijelesa. Omwo yange Kalunga Njambi yeni njinamishikimo. 13Mukapanga nakulinga vipangi vyeni vyoshe matangwa atanu na limo, 14#Kut 23:12; 31:15; 34:21; 35:2; VaLe 23:3 oloni a litangwa lyamucitanu na avali likelyo likapwa Litangwa Lyakuhwima lije lyakundama kuli yange Kalunga Njambi yeni. A litangwa lije kumukapanga cuma nacimo cai, nambe yeni, nambe vana veni va vanalume, nambe vana veni va vanakazi, nambe vindungo veni, nambe vimuna veni, nambe vaka-kwija vaje vali mu lifuti lyeni. 15Omwo a matangwa atanu na limo, yange Kalunga Njambi yeni njatangele lilu, na asi, na mema a kalunga, na vyoshe vije vilimo, oloni a litangwa lyamucitanu na avali a likelyo njahwimine. Mukemwo vene yange Kalunga njavezikisile Litangwa Lyakuhwima nakulijelesa.
16 #
Kwi 27:16; Mat 15:4; 19:19; Mak 7:10; 10:19; Luk 18:20; Efe 6:2,3 “ ‘Singimikeni vaishweni na vanyokweni, ngeci mukayoye simbu yakama mu lifuti lije linjikamyana yange Kalunga Njambi yeni.
17 #
Kus 9:6; VaLe 24:17; Mat 5:21; 19:18; Mak 10:19; Luk 18:20; Lom 13:9; Yak 2:11 “ ‘Kesi mukatsiye.
18 #
VaLe 20:10; Mat 5:27; 19:18; Mak 10:19; Luk 18:20; Lom 13:9; Yak 2:11 “ ‘Kesi mukalinge vupangala.
19 #
VaLe 19:11; Mat 19:18; Mak 10:19; Luk 18:20; Lom 13:9 “ ‘Kesi mukaive.
20 #
Kut 23:1; Mat 19:18; Mak 10:19; Luk 18:20 “ ‘Kesi mukavangele vakweni vukaleo vwa makuli.
21 #
Lom 7:7; 13:9 “ ‘Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.’
22“Awa akewo mashiko aje Shukulu Kalunga waanene kuli yeni voshe omo mwalikungulwile kuje ku munkinda, omo ikeye wendekele na lijwi lya nzili oku ali mukati ka tuhya mu lishelwa lije lyakuzivala. Co Shukulu Kalunga wamyanene mashiko awa. Kukwesi eka lalo awezeleleleko ayi. Co waasonekele a vitale vivali vya mamanya nakuvyana kuli yange.
Vanu vaziva lyova
(Kut 20:18-21)
23“Omo mwazivile lijwi lilinakwendeka mu lisusulungu a simbu ije munkinda washwamene nakwenya na tuhya, co vantwama va miyati yeni na vakulunu veni vashwenyele kuli yange 24vendekele ngwavo, ‘Shukulu Kalunga Njambi yetu natumwesa vukama vwendi na vumpau vwendi omo tunazivi lijwi lyendi alinakwendeka mukati ka tuhya! Co lelo oni twamono ngeci ngwetu kuma munu asa kuyoya nameme Njambi endeka kuli ikeye. 25Oloni omwo vikajo tutsila? Otu tuhya twakama tutunyongesa. Mwa vushunga nga tukaziva lalo lijwi lya Shukulu Kalunga Njambi yetu, co tukatsa. 26Omwo munu iyajo nazivi laja lijwi lya Njambi wakuyoya endeka oku ali mukati ka tuhya, ngwe mutunazivi yetu, ngeci uje munu ayoye? 27#VaHe 12:18-19 Ngecivene, Mosesa, mwane, shwenya kuyehi ngeci uzive vyoshe vije vyendeka Shukulu Kalunga Njambi yetu. Asinoni utuleke vyoshe vije akuleka Shukulu Kalunga Njambi yetu. Co tukavitolilila nakuvyononoka.’
28“Co Shukulu Kalunga wamizivile omwo mwendekele kuli yange, co ikeye wendekele kuli yange ngwendi, ‘Njaziviko evi vanendeka vanu ava kuli yove. Vyuma vyoshe vanendeka vinapu vyavivwa. 29Nga vakala na mbunge yangacije simbu yoshe yakunjizivila lyova nakunyunga mashiko ange, nga vakakala mwamuvwa myaka yoshe na vatekulwila vavo. 30Ya ukavaleke veluke ku vimbalaka vyavo. 31Oloni yove Mosesa, kala nange kuno ngeci njikwane mashiko ange oshe nakushika kwange kwoshe, co vilongese ku vanu ngeci vakavyononoke mu lifuti lije linjikavana ngeci valishwane.’
32“Ngecivene, nyanyameni kuvilinga ngwe omo mwanamishiki Shukulu Kalunga Njambi yeni. Kesi mukavyane kwononoka lishiko limo lyendi. 33Ngecivene, ononokeni vije namishiki Shukulu Kalunga Njambi yeni ngeci mukayoye mwamuvwa nakuvezika nakutumisa matangwa eni mu lifuti lije mukashwana.
Currently Selected:
Kwituluka mu Mashiko 5: MBB
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006
Kwituluka mu Mashiko 5
5
Mashiko Likumi
(Kut 20:1-17)
1Mosesa wasanene vanu va Isalele voshe, co wendekele kuli vakevo ngwendi, “Tolilileni, yeni vanu va Isalele, ku vilongesa na mashiko oshe awa njilinakumileka ku litangwa lya lelo. Lilongesenivyo mwamuvwa nakuvyononoka. 2Ku Munkinda wa Sinai Shukulu Kalunga Njambi yetu walingile netu cikumiiyo. 3Kesi na vakukulwila vetu walikumiiye cikumiiyo eci embwe, oloni wakulikumiiye netu yetu voshe tulinakuyoya ku litangwa lya lelo. 4Co kuje ku munkinda Shukulu Kalunga wendekele neni mesho na mesho oku ali mukati ka tuhya. 5Co yange njemanene akati keni na Shukulu Kalunga a simbu ije kumileka vije vyendekele, omwo yeni mwakele na lyova lya tuhya, co kumwasele kulamata a munkinda.
“Asinoni Shukulu Kalunga wendekele ngwendi, 6‘Yange njapwa Kalunga Njambi yeni, uje wamitundisile mu Ingito, kuje mwakele mu vinzinda.
7“ ‘Kesi mukalemese njambi weka kuvanga yange lika.
8“ ‘Kesi mukalishongele cifwa ca cuma cimo cili mwilu nambe cili ano asi, nambe cili mu mema mwisi ya asi. 9#VaLe 26:1; Kwi 4:15-18; 27:15 Kesi mukatsikamene tumponya, nambe kuvalemesa, omwo yange njapwa Kalunga Njambi yeni, Njambi wa lifuwa. Co njikahisa vaje vanjizinda na vatekulwila vavo kutwala ku cisemwa camucitatu neci camuciwana. 10#Kut 34:6-7; Kul 14:18; Kwi 7:9-10 Oloni njikamwesa cizemo cange cije kucesi kutenguluka ku visemwa 1,000 vya vaje vanjizema nakunyunga mashiko ange.
11 #
VaLe 19:12
“ ‘Kesi mukapangese lizina lyange mwamuvi, omwo yange Kalunga Njambi yeni njikahisa voshe vaje vakapangesa lizina lyange mwamuvi.
12 #
Kut 16:23-30; 31:12-14 “ ‘Nyungeni Litangwa Lyakuhwima nakulijelesa. Omwo yange Kalunga Njambi yeni njinamishikimo. 13Mukapanga nakulinga vipangi vyeni vyoshe matangwa atanu na limo, 14#Kut 23:12; 31:15; 34:21; 35:2; VaLe 23:3 oloni a litangwa lyamucitanu na avali likelyo likapwa Litangwa Lyakuhwima lije lyakundama kuli yange Kalunga Njambi yeni. A litangwa lije kumukapanga cuma nacimo cai, nambe yeni, nambe vana veni va vanalume, nambe vana veni va vanakazi, nambe vindungo veni, nambe vimuna veni, nambe vaka-kwija vaje vali mu lifuti lyeni. 15Omwo a matangwa atanu na limo, yange Kalunga Njambi yeni njatangele lilu, na asi, na mema a kalunga, na vyoshe vije vilimo, oloni a litangwa lyamucitanu na avali a likelyo njahwimine. Mukemwo vene yange Kalunga njavezikisile Litangwa Lyakuhwima nakulijelesa.
16 #
Kwi 27:16; Mat 15:4; 19:19; Mak 7:10; 10:19; Luk 18:20; Efe 6:2,3 “ ‘Singimikeni vaishweni na vanyokweni, ngeci mukayoye simbu yakama mu lifuti lije linjikamyana yange Kalunga Njambi yeni.
17 #
Kus 9:6; VaLe 24:17; Mat 5:21; 19:18; Mak 10:19; Luk 18:20; Lom 13:9; Yak 2:11 “ ‘Kesi mukatsiye.
18 #
VaLe 20:10; Mat 5:27; 19:18; Mak 10:19; Luk 18:20; Lom 13:9; Yak 2:11 “ ‘Kesi mukalinge vupangala.
19 #
VaLe 19:11; Mat 19:18; Mak 10:19; Luk 18:20; Lom 13:9 “ ‘Kesi mukaive.
20 #
Kut 23:1; Mat 19:18; Mak 10:19; Luk 18:20 “ ‘Kesi mukavangele vakweni vukaleo vwa makuli.
21 #
Lom 7:7; 13:9 “ ‘Kesi mukaliveyele njuvo ya mukweni, kesi mukaliveyele munakazi wa mukweni, nambe ndungo yendi wa munalume, nambe ndungo yendi wa munakazi, nambe ngombe yendi, nambe cimulu cendi, nambe cuma cimo ceka calinaco.’
22“Awa akewo mashiko aje Shukulu Kalunga waanene kuli yeni voshe omo mwalikungulwile kuje ku munkinda, omo ikeye wendekele na lijwi lya nzili oku ali mukati ka tuhya mu lishelwa lije lyakuzivala. Co Shukulu Kalunga wamyanene mashiko awa. Kukwesi eka lalo awezeleleleko ayi. Co waasonekele a vitale vivali vya mamanya nakuvyana kuli yange.
Vanu vaziva lyova
(Kut 20:18-21)
23“Omo mwazivile lijwi lilinakwendeka mu lisusulungu a simbu ije munkinda washwamene nakwenya na tuhya, co vantwama va miyati yeni na vakulunu veni vashwenyele kuli yange 24vendekele ngwavo, ‘Shukulu Kalunga Njambi yetu natumwesa vukama vwendi na vumpau vwendi omo tunazivi lijwi lyendi alinakwendeka mukati ka tuhya! Co lelo oni twamono ngeci ngwetu kuma munu asa kuyoya nameme Njambi endeka kuli ikeye. 25Oloni omwo vikajo tutsila? Otu tuhya twakama tutunyongesa. Mwa vushunga nga tukaziva lalo lijwi lya Shukulu Kalunga Njambi yetu, co tukatsa. 26Omwo munu iyajo nazivi laja lijwi lya Njambi wakuyoya endeka oku ali mukati ka tuhya, ngwe mutunazivi yetu, ngeci uje munu ayoye? 27#VaHe 12:18-19 Ngecivene, Mosesa, mwane, shwenya kuyehi ngeci uzive vyoshe vije vyendeka Shukulu Kalunga Njambi yetu. Asinoni utuleke vyoshe vije akuleka Shukulu Kalunga Njambi yetu. Co tukavitolilila nakuvyononoka.’
28“Co Shukulu Kalunga wamizivile omwo mwendekele kuli yange, co ikeye wendekele kuli yange ngwendi, ‘Njaziviko evi vanendeka vanu ava kuli yove. Vyuma vyoshe vanendeka vinapu vyavivwa. 29Nga vakala na mbunge yangacije simbu yoshe yakunjizivila lyova nakunyunga mashiko ange, nga vakakala mwamuvwa myaka yoshe na vatekulwila vavo. 30Ya ukavaleke veluke ku vimbalaka vyavo. 31Oloni yove Mosesa, kala nange kuno ngeci njikwane mashiko ange oshe nakushika kwange kwoshe, co vilongese ku vanu ngeci vakavyononoke mu lifuti lije linjikavana ngeci valishwane.’
32“Ngecivene, nyanyameni kuvilinga ngwe omo mwanamishiki Shukulu Kalunga Njambi yeni. Kesi mukavyane kwononoka lishiko limo lyendi. 33Ngecivene, ononokeni vije namishiki Shukulu Kalunga Njambi yeni ngeci mukayoye mwamuvwa nakuvezika nakutumisa matangwa eni mu lifuti lije mukashwana.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Bible in Mbunda ©The Bible Society of Zambia, 2006